Matius 3
3
Yohanes ta nfasisopca ncula smatna diwane wlorina bo rsiap rderera Jou
(Mrk. 1:1-8; Luk. 3:1-20; Yoh. 1:19-28)
1En smat isa ngahnyo Yohanes, i jaga ncisope smat. Bahngana, i nfan lali batang Yudea mali padang gurun, gagaw isa ta namliley. Mana, i jaga nfabinga Jou Lahatalla ni fatnaw lali smatna. I nu, 2“Fiwane wlomewna to bo fderera Jou Lahatalla, ningalena mnu panto Jou Lahatalla bo nkawasa ndadi Kolano mali smat ta rdela I na.”
3Yohanes cia ta ntuba mali be Jou Lahatalla nu bo nlafo, ga tina rlefo mali nabi Yesaya ni kitabca laitane,
“Osta en smat isa nmautingna nfacicoal i lali smat ta si mali padang gurunna.
I nu, ‘Famawa lalingna bo failow Jou, faolang lalingna bo ftotoman I.’ ”
4Yohanese npake juba mali unta pluna. Hnyao ni pitpitanca mali aiwani gico. I na anna kasiso fare madu ailolo. 5Oras ciana, smatna lal rlafo Yohanes. Si rlafo mali bendar Yerusalem, fare mali farumi gagawe nesa mali batang Yudea, fare mali batang ta ndahle waya Yordanna. 6Si rfatuwo riri dosana, gabe Yohanese ncisop si mali waya Yordan.
7En bena smat Yahudi ta rderera sogaro farisi fare sadukina lal rlafo Yohanes. Si rdore bo Yohanese ncisop si. Ga oras ta Yohanese nem si, i nu, “Ee mew tane smat ta fmayai. Nimew mayaina laisa gu ni bisana. Mati fu mewe flafo mali fduk sisope to, mewe fu osta Jou Lahatalla nfasale mew pa. 8Gabe laisa fatutua fiwane wlomewna to, mewe nane fpei be okosesi ta mafia, bo ndadi fafayal mew fiwane wlomewna to. Tina fatailo laisa ai ta nboka, piyona mafia. 9Mati mew fu Abrahame ntu re bbu mewe ga Jou Lahatalla osta nfasale mew pa. Ya ikuwa mew, gabe laisa Jou Lahatalla nailow, I bisa npei pat tane ndadi Abrahame ntu re bbu. 10Jou Lahatalla nciape to bo nfasal farumi smat ta rderera I pana. Tina fatailo laisa smat isa nciap re bacu bo ncelap ai ta piyona mayai, taga ntopa i lali yapca.
11Ya isisope mew re waya, ga tina ndadi fafayal mew fiwane wlomewna to fderera Jou Lahatalla. Ga fola ya tane, en Smat isa bo nlafo, I ni kawasana foloi mali ya i. Ga bo idadi I ni sulsula bo ikute ni nal tasa bere ya bisa pa. I cia ta bo ncisope mew npake Jou ni Rohca fare yap. 12I bo nfara smat ta rderera I fare smat ta rderera I pana. Tina fatailo laisa smat ta rtafa gandum bo rfara ni irna. Gandum ta mafiana dising mali gagaona, taga ni irna rtopa lali yap ta nmatmat paca.”
Yohanese ncisop Yesus
(Mrk. 1:9-11; Luk. 3:21-22)
13Oras tina, Yesuse nlafo mali batang Galilea nfan lali waya Yordan bo Yohanese ncisop I. 14Ga Yohanese nbasamna pantas pa bo ncisop Yesusna, gabe i nu, “Ya ta nane iduk sisop mali Apa i. Pesaga Apa mlafo mali ya ina?”
15Gabe Yesuse nua i, “Laina to aw ta msisop Ya. Ningalena gabe aw msisop Ya tina, ite tpei tderera ahai ta Jou Lahatalla nailowna.” Yohanes nlonga tina, ncisop Yesuse.
16Yohanese ncisop Yesuse fola, Yesuse ncapang mali wayaca. Oras cia to, langitca nmarasia gabe Yesuse nem Jou Lahatalla ni Rohca laisa mani pombona nduri nap Yesus I. 17Fare rlonga Jou Lahatalla lio mali sorogaca laitane, “Tae Ya Ntuk I, Ya i igogoru I na gaole. I ta npei wlokna sangnang.”
Currently Selected:
Matius 3: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 3
3
Yohanes ta nfasisopca ncula smatna diwane wlorina bo rsiap rderera Jou
(Mrk. 1:1-8; Luk. 3:1-20; Yoh. 1:19-28)
1En smat isa ngahnyo Yohanes, i jaga ncisope smat. Bahngana, i nfan lali batang Yudea mali padang gurun, gagaw isa ta namliley. Mana, i jaga nfabinga Jou Lahatalla ni fatnaw lali smatna. I nu, 2“Fiwane wlomewna to bo fderera Jou Lahatalla, ningalena mnu panto Jou Lahatalla bo nkawasa ndadi Kolano mali smat ta rdela I na.”
3Yohanes cia ta ntuba mali be Jou Lahatalla nu bo nlafo, ga tina rlefo mali nabi Yesaya ni kitabca laitane,
“Osta en smat isa nmautingna nfacicoal i lali smat ta si mali padang gurunna.
I nu, ‘Famawa lalingna bo failow Jou, faolang lalingna bo ftotoman I.’ ”
4Yohanese npake juba mali unta pluna. Hnyao ni pitpitanca mali aiwani gico. I na anna kasiso fare madu ailolo. 5Oras ciana, smatna lal rlafo Yohanes. Si rlafo mali bendar Yerusalem, fare mali farumi gagawe nesa mali batang Yudea, fare mali batang ta ndahle waya Yordanna. 6Si rfatuwo riri dosana, gabe Yohanese ncisop si mali waya Yordan.
7En bena smat Yahudi ta rderera sogaro farisi fare sadukina lal rlafo Yohanes. Si rdore bo Yohanese ncisop si. Ga oras ta Yohanese nem si, i nu, “Ee mew tane smat ta fmayai. Nimew mayaina laisa gu ni bisana. Mati fu mewe flafo mali fduk sisope to, mewe fu osta Jou Lahatalla nfasale mew pa. 8Gabe laisa fatutua fiwane wlomewna to, mewe nane fpei be okosesi ta mafia, bo ndadi fafayal mew fiwane wlomewna to. Tina fatailo laisa ai ta nboka, piyona mafia. 9Mati mew fu Abrahame ntu re bbu mewe ga Jou Lahatalla osta nfasale mew pa. Ya ikuwa mew, gabe laisa Jou Lahatalla nailow, I bisa npei pat tane ndadi Abrahame ntu re bbu. 10Jou Lahatalla nciape to bo nfasal farumi smat ta rderera I pana. Tina fatailo laisa smat isa nciap re bacu bo ncelap ai ta piyona mayai, taga ntopa i lali yapca.
11Ya isisope mew re waya, ga tina ndadi fafayal mew fiwane wlomewna to fderera Jou Lahatalla. Ga fola ya tane, en Smat isa bo nlafo, I ni kawasana foloi mali ya i. Ga bo idadi I ni sulsula bo ikute ni nal tasa bere ya bisa pa. I cia ta bo ncisope mew npake Jou ni Rohca fare yap. 12I bo nfara smat ta rderera I fare smat ta rderera I pana. Tina fatailo laisa smat ta rtafa gandum bo rfara ni irna. Gandum ta mafiana dising mali gagaona, taga ni irna rtopa lali yap ta nmatmat paca.”
Yohanese ncisop Yesus
(Mrk. 1:9-11; Luk. 3:21-22)
13Oras tina, Yesuse nlafo mali batang Galilea nfan lali waya Yordan bo Yohanese ncisop I. 14Ga Yohanese nbasamna pantas pa bo ncisop Yesusna, gabe i nu, “Ya ta nane iduk sisop mali Apa i. Pesaga Apa mlafo mali ya ina?”
15Gabe Yesuse nua i, “Laina to aw ta msisop Ya. Ningalena gabe aw msisop Ya tina, ite tpei tderera ahai ta Jou Lahatalla nailowna.” Yohanes nlonga tina, ncisop Yesuse.
16Yohanese ncisop Yesuse fola, Yesuse ncapang mali wayaca. Oras cia to, langitca nmarasia gabe Yesuse nem Jou Lahatalla ni Rohca laisa mani pombona nduri nap Yesus I. 17Fare rlonga Jou Lahatalla lio mali sorogaca laitane, “Tae Ya Ntuk I, Ya i igogoru I na gaole. I ta npei wlokna sangnang.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society