Matius 6
6
Tgali smatna nane fatutua
1Yesuse nu hawe, “Flolam famafia! Mdel pa ta bo mew fpei okosesi ta molang mali smatna rbona bo si dem taga rfamamagale mew. Gabe laisa mew fpei laina, mew osta fduk sagige mulo pa mali nimew Apa ta mali sorogaica. 2Gabe, laisa mew fpo okosesi bo fgali smat ta riri re rari pana, mati fabinga smatnana laisa smat ta rmadarawa nana. Oras ta si rpo tiwi, lali ebai sombayangna mali lalingna, si jaga duf trompet bo smatna rto si rpo okosesi gabe smatna rfamamagal si. Flonga famafia, taitail ta si rduk mali smat tina, tina to si rari sagige mulona, ga mali Jou Lahatalla I na si rduk paisa pa. 3Ga laisa mewe bo ffaoce okosesi lali smat ta riri re rari pana mewe ffaocena mati lio mewna. Tina laisa ahai ta kakamo mew welana npo, kakamo balitna mati ntona. 4Laina to smate nesana rto pa mew ffaoce okosesi lali smat ta riri re rari pana, ga paisapa nimew Apa ta mali sorogaica nto. I neme mew fpei lainana, gabe I osta nbalco mew ta mafiana.”
Yesuse nfafcule mfalaisa bo tcombayangna
(Luk. 11:2-4)
5Yesuse nu hawe, “Gabe laisa mew bo fsombayang, mati fsombayang laisa smat ta rmadarawa nana. Ningalena, si tina laisa rcombayang rlokolo dosal mali ebai sombayang agama Yahudina fare mali gagaw ta ni smatna lalna, rpei laina bo smatna dem fare rfamamagal si. Flonga famafia e, taitail ta si rduk mali smat tina, tina to si rari sagige mulona. 6Ga laisa mewe bo fsombayang, fsung namul nimew kamar i fkait bawa, taga fsombayang lali nimew Apa ta smatna demi pa cia. Gabe laisa mew fpei laina, mew nimew Apa ta smatna demi pa cia, osta nbalco re ta mafiana lali mewi. 7Gabe laisa mew bo fsombayang, mati laisa smat ta rfayala Jou Lahatalla pana biasa rpei. Si rcombayangna mlanga fare rfaloloila, si du nama, gabe laisa tcombayang laina, Jou Lahatalla bo nlonga fare npo okosesi ta si rdorna. 8Gabe mew, mati fderera sina. Biarega mew fdor paube, nimew Apaca nto to ahai ta mew bo fdorna. 9Gabe, laisa mew bo fsombayang, fsombayangna laitane,
‘Animam Apa ta Aw mali soroga i,
farumi kfamamagal Apa.
10Ame kdor Apa mlafo bo mkawasa mdadi Kolano mali nimam tub tae.
Biarega farumi ta Apa mailowna ndadi i mali dunia tae, laisa re ta ndadi i mali soroga i. 11Mpo am an mali wol pusa tae.
12Fare mampunge nimam salna,
laisa re amam kampunge smat ta rcal mali amamina.
13Ga mati mfabiar ame bo kpei okosesi ta mayaina,
ga mowe ame to mali okosesi ta mayaina.
[Ningalena Apa ta mdadi Kolano, Apa ta nim kawasa,
fare ta mafiana amame kfamamagal Aw fare ksuba Aw denabe lali. Fatutua fare molang.’]
14Gabe laisa, mew fampunge smat ta rpei sal mali mewina, nimew Apa ta mali sorogaica ma osta nampunge mew. 15Gabe laisa mew failow pa fampunge smat ta rpei sal lali mewina, nimew Apa ta mali sorogaica ma osta nampunge mew pa.”
Puasa ta molang
16Yesuse nu hawe, “Gabe laisa mew fpuasa, mati faeme uhngo mew ta gugufanana laisa smat ta rmadarawana. Si rfaem laina bo smate nesa nem si rpuasa gabe rfamamagal si. Mewe flonga famafia e! Taitail ta si rduk mali smat tinana, tina to si rari sagige mulona. 17Ga laisa mewe fpuasa, famafia nimew utana fpake egat, fare fauwase uhngo mewna bo fberesi, 18bo smate nesana rto pa mewe fpuasa, ga nimew Apa ta smatna demi pa cia ta nto. Gabe laisa mewe fpei laina, mew nimew Apa ta nem cia, osta nbalco mew ta mafia.”
Fayalo arata mali Sorogaca be
(Luk. 12:33-34)
19Yesuse nu hawe, “Mewe mati fayalo arata mali dunia ina ningalena gigoap fare kacenna bo nfamayai, fare smat ta rmaloisna faparparle ga jal arata tina. 20Ta mafiana nimew tubca fpake i bo ffpei be ta Jou Lahatalla wlo lolona. Gabe mewe fpei laina, tina laisa mewe fayalo arata mali sorogai. Gigoap fare kacenna bisa rfamayai pa arata tina fare smat ta rmaloisna bisa rfaparparle pa bo jalna arata tina. 21Ya iku laina ningalena manca me nimew aratana en, mana bena mew wlomewna en.”
22Yesuse nu hawe, “Mewe mta mewna fatailo laisa padamara ta nfaplangno wlomewna. Gabe laisa me mta mewna femana mafia, me wlomewna ma nderera ga plangan. 23Gabe laisa mta mewna femana tutiyai pa, wlomew nama dororam, tina ningale, me wlomewna dororamna gaole.
24Enpa smat isa nkarajanna bahnga be mali tuan siluna, ta molangna i osta nlonga be ni tuan isaca, taga ta isaca i nlonga i pa. Laina bena re mew, gabe laisa mew ftubna fayalo be arata mali dunia tae, mew fkarajanna fatutua pa bo Jou Lahatallana.”
Mati wlomewna ncusa re nimew tubcana
(Luk. 12:22-31)
25Yesuse nu hawe, “Gabe tina, flolam famafia ta Ya bo ikua mew tane, mati wlomewyancusana re nimew tubcana, ahai ta mew bo fan fare ahai ta bo fdomna. Mewe ma mati wlomewna ncusa re nimew badan cana, ahai ta mew bo fpakena. Mew fto nimew tub cia npentingna foloi mali ahai ta mew bo fan fare fdomna. Fare nimew badan cia npenting foloi mali pake ta mew bo fpakena. 26Co mew ftarokira mani ta dopana! Mani tina rcake gei pa, rfakati pa, re disinge rari an pa, ga hma mew ta mali sorogaica nfaseli si. Ahai ga mew! Jou Lahatalla n'gogoru mewna gaole foloi mali mani tina? 27Gabe laisa mew wlo mewyancusana re nimew tubca wol de wol, ga mew bisa falanga nimew umurna? Bisa pa, o?
28Fare mewe ma mati wlo mewyancusana re nimew kabayanana. Co mew ftarokira bungana ta rtub mali betina, mafiana gaole. Bunga tina rkarajan pa, fare rpei lawe pa bo rpei kabayana. 29Gabe flonga famafia ta Ya bo ikua mew tane, kolano Salomo ta ni re naca, i ni kabayana mafia pa, mafia be bungana. 30Bunga ta mali betina bere Jou Lahatalla neyan fare nfamafia, naga bunga tina wol pusa tae en, mdoma mang fare rtaping i to. Laina bena re mew smatna, Jou Lahatalla osta neyane mew fare famafia nimew tubca. Pesaga mewe fdela I uwatu pana?
31Gabe, mew mati famcaitna bo fu, ‘Ahai ta amame bo kanna?’ Fare, ‘Ahai ta bo kdomna?’ Fare, ‘Ahai ta amame bo kpakena?’ 32Ningalena, smat ta rdela Jou Lahatalla pana be ta wlorina ncusa farumi tina. Ga mew, mati wlo mewyancusana, ningalena nimew Apa ta mali sorogaica nto ndumi ahai ta mew fparlu tina. 33Ta mafiana, mew fiyawa Jou Lahatalla to bo I ta nkawasa ndadi kolano mali nimew tubca, fare fpei ta molang mali I nbona. Re laina, Jou Lahatalla osta npo ndumi ahai ta mew fparluna. 34Gabe, mew mati wlo mewyancusana ahai ta bo ndadi i mdomana, ningalena mdoma ni mularatna nesa bena. Nlafo ito mularat ta mew fbasam wol pusa taena, mati fikir wol ta mdoma tae ni mularat nana.”
Currently Selected:
Matius 6: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 6
6
Tgali smatna nane fatutua
1Yesuse nu hawe, “Flolam famafia! Mdel pa ta bo mew fpei okosesi ta molang mali smatna rbona bo si dem taga rfamamagale mew. Gabe laisa mew fpei laina, mew osta fduk sagige mulo pa mali nimew Apa ta mali sorogaica. 2Gabe, laisa mew fpo okosesi bo fgali smat ta riri re rari pana, mati fabinga smatnana laisa smat ta rmadarawa nana. Oras ta si rpo tiwi, lali ebai sombayangna mali lalingna, si jaga duf trompet bo smatna rto si rpo okosesi gabe smatna rfamamagal si. Flonga famafia, taitail ta si rduk mali smat tina, tina to si rari sagige mulona, ga mali Jou Lahatalla I na si rduk paisa pa. 3Ga laisa mewe bo ffaoce okosesi lali smat ta riri re rari pana mewe ffaocena mati lio mewna. Tina laisa ahai ta kakamo mew welana npo, kakamo balitna mati ntona. 4Laina to smate nesana rto pa mew ffaoce okosesi lali smat ta riri re rari pana, ga paisapa nimew Apa ta mali sorogaica nto. I neme mew fpei lainana, gabe I osta nbalco mew ta mafiana.”
Yesuse nfafcule mfalaisa bo tcombayangna
(Luk. 11:2-4)
5Yesuse nu hawe, “Gabe laisa mew bo fsombayang, mati fsombayang laisa smat ta rmadarawa nana. Ningalena, si tina laisa rcombayang rlokolo dosal mali ebai sombayang agama Yahudina fare mali gagaw ta ni smatna lalna, rpei laina bo smatna dem fare rfamamagal si. Flonga famafia e, taitail ta si rduk mali smat tina, tina to si rari sagige mulona. 6Ga laisa mewe bo fsombayang, fsung namul nimew kamar i fkait bawa, taga fsombayang lali nimew Apa ta smatna demi pa cia. Gabe laisa mew fpei laina, mew nimew Apa ta smatna demi pa cia, osta nbalco re ta mafiana lali mewi. 7Gabe laisa mew bo fsombayang, mati laisa smat ta rfayala Jou Lahatalla pana biasa rpei. Si rcombayangna mlanga fare rfaloloila, si du nama, gabe laisa tcombayang laina, Jou Lahatalla bo nlonga fare npo okosesi ta si rdorna. 8Gabe mew, mati fderera sina. Biarega mew fdor paube, nimew Apaca nto to ahai ta mew bo fdorna. 9Gabe, laisa mew bo fsombayang, fsombayangna laitane,
‘Animam Apa ta Aw mali soroga i,
farumi kfamamagal Apa.
10Ame kdor Apa mlafo bo mkawasa mdadi Kolano mali nimam tub tae.
Biarega farumi ta Apa mailowna ndadi i mali dunia tae, laisa re ta ndadi i mali soroga i. 11Mpo am an mali wol pusa tae.
12Fare mampunge nimam salna,
laisa re amam kampunge smat ta rcal mali amamina.
13Ga mati mfabiar ame bo kpei okosesi ta mayaina,
ga mowe ame to mali okosesi ta mayaina.
[Ningalena Apa ta mdadi Kolano, Apa ta nim kawasa,
fare ta mafiana amame kfamamagal Aw fare ksuba Aw denabe lali. Fatutua fare molang.’]
14Gabe laisa, mew fampunge smat ta rpei sal mali mewina, nimew Apa ta mali sorogaica ma osta nampunge mew. 15Gabe laisa mew failow pa fampunge smat ta rpei sal lali mewina, nimew Apa ta mali sorogaica ma osta nampunge mew pa.”
Puasa ta molang
16Yesuse nu hawe, “Gabe laisa mew fpuasa, mati faeme uhngo mew ta gugufanana laisa smat ta rmadarawana. Si rfaem laina bo smate nesa nem si rpuasa gabe rfamamagal si. Mewe flonga famafia e! Taitail ta si rduk mali smat tinana, tina to si rari sagige mulona. 17Ga laisa mewe fpuasa, famafia nimew utana fpake egat, fare fauwase uhngo mewna bo fberesi, 18bo smate nesana rto pa mewe fpuasa, ga nimew Apa ta smatna demi pa cia ta nto. Gabe laisa mewe fpei laina, mew nimew Apa ta nem cia, osta nbalco mew ta mafia.”
Fayalo arata mali Sorogaca be
(Luk. 12:33-34)
19Yesuse nu hawe, “Mewe mati fayalo arata mali dunia ina ningalena gigoap fare kacenna bo nfamayai, fare smat ta rmaloisna faparparle ga jal arata tina. 20Ta mafiana nimew tubca fpake i bo ffpei be ta Jou Lahatalla wlo lolona. Gabe mewe fpei laina, tina laisa mewe fayalo arata mali sorogai. Gigoap fare kacenna bisa rfamayai pa arata tina fare smat ta rmaloisna bisa rfaparparle pa bo jalna arata tina. 21Ya iku laina ningalena manca me nimew aratana en, mana bena mew wlomewna en.”
22Yesuse nu hawe, “Mewe mta mewna fatailo laisa padamara ta nfaplangno wlomewna. Gabe laisa me mta mewna femana mafia, me wlomewna ma nderera ga plangan. 23Gabe laisa mta mewna femana tutiyai pa, wlomew nama dororam, tina ningale, me wlomewna dororamna gaole.
24Enpa smat isa nkarajanna bahnga be mali tuan siluna, ta molangna i osta nlonga be ni tuan isaca, taga ta isaca i nlonga i pa. Laina bena re mew, gabe laisa mew ftubna fayalo be arata mali dunia tae, mew fkarajanna fatutua pa bo Jou Lahatallana.”
Mati wlomewna ncusa re nimew tubcana
(Luk. 12:22-31)
25Yesuse nu hawe, “Gabe tina, flolam famafia ta Ya bo ikua mew tane, mati wlomewyancusana re nimew tubcana, ahai ta mew bo fan fare ahai ta bo fdomna. Mewe ma mati wlomewna ncusa re nimew badan cana, ahai ta mew bo fpakena. Mew fto nimew tub cia npentingna foloi mali ahai ta mew bo fan fare fdomna. Fare nimew badan cia npenting foloi mali pake ta mew bo fpakena. 26Co mew ftarokira mani ta dopana! Mani tina rcake gei pa, rfakati pa, re disinge rari an pa, ga hma mew ta mali sorogaica nfaseli si. Ahai ga mew! Jou Lahatalla n'gogoru mewna gaole foloi mali mani tina? 27Gabe laisa mew wlo mewyancusana re nimew tubca wol de wol, ga mew bisa falanga nimew umurna? Bisa pa, o?
28Fare mewe ma mati wlo mewyancusana re nimew kabayanana. Co mew ftarokira bungana ta rtub mali betina, mafiana gaole. Bunga tina rkarajan pa, fare rpei lawe pa bo rpei kabayana. 29Gabe flonga famafia ta Ya bo ikua mew tane, kolano Salomo ta ni re naca, i ni kabayana mafia pa, mafia be bungana. 30Bunga ta mali betina bere Jou Lahatalla neyan fare nfamafia, naga bunga tina wol pusa tae en, mdoma mang fare rtaping i to. Laina bena re mew smatna, Jou Lahatalla osta neyane mew fare famafia nimew tubca. Pesaga mewe fdela I uwatu pana?
31Gabe, mew mati famcaitna bo fu, ‘Ahai ta amame bo kanna?’ Fare, ‘Ahai ta bo kdomna?’ Fare, ‘Ahai ta amame bo kpakena?’ 32Ningalena, smat ta rdela Jou Lahatalla pana be ta wlorina ncusa farumi tina. Ga mew, mati wlo mewyancusana, ningalena nimew Apa ta mali sorogaica nto ndumi ahai ta mew fparlu tina. 33Ta mafiana, mew fiyawa Jou Lahatalla to bo I ta nkawasa ndadi kolano mali nimew tubca, fare fpei ta molang mali I nbona. Re laina, Jou Lahatalla osta npo ndumi ahai ta mew fparluna. 34Gabe, mew mati wlo mewyancusana ahai ta bo ndadi i mdomana, ningalena mdoma ni mularatna nesa bena. Nlafo ito mularat ta mew fbasam wol pusa taena, mati fikir wol ta mdoma tae ni mularat nana.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society