Matius 7
7
Mati fasala smat nana
(Luk. 6:37-38, 41-42)
1Yesuse nu hawe, “Mdel pa ta bo fasala smate nesanana, bo Jou Lahatalla mati nfasale mewna. 2Ningalena laisa mew fasala smate nesa, Jou Lahatalla ma osta nfasala mew. Gabe laisa mew fngise smate na sal, Jou Lahatalla ma nngise namew salna. 3Mew flokolo ftarokira be smate nesa na sal ta nenena, taga menamew sal ta mamagalna fatengtengna! Tina fatailo laisa ai mumuno ta nenena mali smate nesa mtana, mew bisa femi, taga balak ungo ta ntibane mta mew naca, femi pa. 4Mfalaisa mew bisa fua smate nesana, ‘Mali bo isalawe ai mumuno ta mali mtamnaca’, taga balak ungo ta mali mtamew naca, mew fatengtengna i. 5Ee, smat ta mew tane fmadarawa. Mew nane fsapnga isu balak ungo ta mali mtamew naca, taga mew bisa femna mafia, bo mew bisa fsapnga ai mumuno ta mali smate nesa mtarina.
6Jouca ni mautingna mati falafo lali smat ta dailow panana. Ningalena, tina fatailo laisa re mew ftopa okosesi ta mafia lali funna, gabe fun tina rlolai donge mew, laisa re mew ftopa mutiara ta mulona mamagal lali bowna, fare bow tina rfafil-fila mutiara tina.”
Fdor lali Jou Lahatalla i ahai ta mewe fparluna
(Luk. 11:9-13)
7Yesuse nu hawe, “Fdore to lali Jou Lahatalla i ahai ta mewe fparluna, lomanta I osta npo ahai ta mew fdor tina. Fiyawa to lali Jou Lahatalla I ahai ta mewe fparluna, lomanta mew osta fduk tina mali I. Ftoki to Jou Lahatalla ni bawaca, I osta ncalawe bawaca bo n'gali mew. 8Ningalena ise ta ndor lali Jou Lahatalla I, i osta nduk. Ise ta niyawa i ni parluna lali Jou Lahatalla I, i osta nduk. Fare ise ta ntok Jou Lahatalla ni bawaca, Jou Lahatalla osta ncupat bawaca bo n'gali i.
9Osta bisa pa, gabe laisa ntu mewca ndor an ga mew fpo i patna. 10Fare bisa pa, gabe laisa ntumewca ndor iyan, ga fpo i guna. 11Gabe makse wlomewna mayai, ga mew fto mfalaisa fpo okosesi ta mafia lali ntumewnana. Laina bena nimew Apa ta mali sorogaica! I wlona mafiana gaole, I osta npo ta mafiana lali smat ta rdoro I na.
12Gabe laisa mew flokolo smatna rmasie mew, mewe ma nane fmasie si bena. Gabe fmasie smatna laina, mew fpei ndumi to ta rlefo mali Musa ni kitab silim tasa fare mali nabi nesana riri kitabna.”
Tderera laling ta nkangelaca bo tduk tub re Jou Lahatalla denabe lali
(Luk. 13:24)
13Yesuse nu hawe, “Fsunge to fdelo bawa ta nkosca! Gabe laisa fsungna fdelo bawa ta namsaica, tina bo fan lali narakaca, ga ni lalingna kangela pa, fare smatna lal ta rdel manana. 14Gabe laisa mew fsung fdelo bawa ta nkosca, mewe bo fduk tub re Jou Lahatalla denabe lali, ga ni lalingna kangela, fare lal pa smat ta rdel manana.”
Famafia re nabi ta damolang pana
(Luk. 6:43-44)
15Yesuse nu hawe, “Mewe nane fpei famafia re nabi ta damolang pana ta rlafo mali mewi! Ga si du, si tina smat ta jaga rfalafo Jou Lahatalla ni fatnaw lali smatna, naga enpa. Tem sina laisa dombana, ga ta molangna si rmayai laisa fun ailolona. 16Mewe bisa fto si tina nabi ta damolang pana mali ahai ta si rpeina. Tina laisa mom ta ni sogana, bisa pa bo piyona anggur penepa ara. 17Farumi ai ta mafia, osta piyona ma mafia, ga ai ta mayaina osta piyona ma mayai. 18Osta bisa pa aica nmafia ga piyona mayaina, fare bisa pa bena aica nmayai ga piyona mafiana. 19Ga ai ta piyona mayaina, osta smatna rcelap taga rtaping. 20Gabe ite bisa tto smat cia fatutua nabi i, gabe laisa ta i npei tina mafia.”
Smatna farumi pa bo rdai Jou Lahatalla ni smatna
(Luk. 13:25-27)
21Yesuse nu hawe, “Farumi smat pa ta dololaw Ya, ‘Jou, Jou’ bo rdai Ya nike smatna ga Jou Lahatalla bo nkawasa ndadi Kolano mali riri tubca, ga smat ta jaga rpei Ya nik Apa ta mali sorogaica nimauna be. 22Lomanta mali wol kiamatca, smatna lal ta bo dua Ya laitane, ‘Jou! Jou! Amam tane ta kfalafo Jou Lahatalla ni fatnaw lali smatna kpake Jou Lahatalla ngahnyo. Amame ma kfaungo setan mali smatna, kpake Jou ni kawasa. Fare amam bena kpei mujizatna lal kpake Jou ni kawasa.’
23Ga oras cia to, Ya bo ikua si laitane, ‘Ya ifayala mew bahnga paube. Fpiya to mantane, mew ta jaga fpei be okosesi ta mayai!’ ”
Smat ta rdelana nane tderera ta Yesuse nuna
(Luk. 6:47-49)
24Yesuse nu hawe, “Gabe smatna isa nlonga ta Ya ku tane ga nderera, i cia fatailo laisa smat ta rpandena ta nfaosal ebai mali fandasi ta ni patna cicoal. 25Gabe biarega ulan mamagalca nlafo denabe ipis, latanca ncicoal fare ncipang ebai cia, ebai cia namop pa ningalena i nosal puis fandasi ta ni patna cicoalca.
26Ga smat ta rlonga ta Ya iku tane ga rderera pa, ifatailo laisa smat ta rto paisapana ta rfaosal ebai mali nyinyenca popo. 27Oras ulan mamagalca nlafo ipis, fare latanca ncicoal ncipang ebai cia, ebai cia namope ga abis i.”
Smatna lal rdadi rherang oras ta rlonga Yesuse ni nfafculena
28Oras ta Yesuse nmautinge fola, smat ta lal tina rdadi rherang re ni fafcule tina. 29Ningalena isa pa ta nto fafcule ga laisa Yesusnana, nfaiteta ipa re laisa si riri guru agama Yahudi ta rto Musa ni kitab silim tasa.
Currently Selected:
Matius 7: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 7
7
Mati fasala smat nana
(Luk. 6:37-38, 41-42)
1Yesuse nu hawe, “Mdel pa ta bo fasala smate nesanana, bo Jou Lahatalla mati nfasale mewna. 2Ningalena laisa mew fasala smate nesa, Jou Lahatalla ma osta nfasala mew. Gabe laisa mew fngise smate na sal, Jou Lahatalla ma nngise namew salna. 3Mew flokolo ftarokira be smate nesa na sal ta nenena, taga menamew sal ta mamagalna fatengtengna! Tina fatailo laisa ai mumuno ta nenena mali smate nesa mtana, mew bisa femi, taga balak ungo ta ntibane mta mew naca, femi pa. 4Mfalaisa mew bisa fua smate nesana, ‘Mali bo isalawe ai mumuno ta mali mtamnaca’, taga balak ungo ta mali mtamew naca, mew fatengtengna i. 5Ee, smat ta mew tane fmadarawa. Mew nane fsapnga isu balak ungo ta mali mtamew naca, taga mew bisa femna mafia, bo mew bisa fsapnga ai mumuno ta mali smate nesa mtarina.
6Jouca ni mautingna mati falafo lali smat ta dailow panana. Ningalena, tina fatailo laisa re mew ftopa okosesi ta mafia lali funna, gabe fun tina rlolai donge mew, laisa re mew ftopa mutiara ta mulona mamagal lali bowna, fare bow tina rfafil-fila mutiara tina.”
Fdor lali Jou Lahatalla i ahai ta mewe fparluna
(Luk. 11:9-13)
7Yesuse nu hawe, “Fdore to lali Jou Lahatalla i ahai ta mewe fparluna, lomanta I osta npo ahai ta mew fdor tina. Fiyawa to lali Jou Lahatalla I ahai ta mewe fparluna, lomanta mew osta fduk tina mali I. Ftoki to Jou Lahatalla ni bawaca, I osta ncalawe bawaca bo n'gali mew. 8Ningalena ise ta ndor lali Jou Lahatalla I, i osta nduk. Ise ta niyawa i ni parluna lali Jou Lahatalla I, i osta nduk. Fare ise ta ntok Jou Lahatalla ni bawaca, Jou Lahatalla osta ncupat bawaca bo n'gali i.
9Osta bisa pa, gabe laisa ntu mewca ndor an ga mew fpo i patna. 10Fare bisa pa, gabe laisa ntumewca ndor iyan, ga fpo i guna. 11Gabe makse wlomewna mayai, ga mew fto mfalaisa fpo okosesi ta mafia lali ntumewnana. Laina bena nimew Apa ta mali sorogaica! I wlona mafiana gaole, I osta npo ta mafiana lali smat ta rdoro I na.
12Gabe laisa mew flokolo smatna rmasie mew, mewe ma nane fmasie si bena. Gabe fmasie smatna laina, mew fpei ndumi to ta rlefo mali Musa ni kitab silim tasa fare mali nabi nesana riri kitabna.”
Tderera laling ta nkangelaca bo tduk tub re Jou Lahatalla denabe lali
(Luk. 13:24)
13Yesuse nu hawe, “Fsunge to fdelo bawa ta nkosca! Gabe laisa fsungna fdelo bawa ta namsaica, tina bo fan lali narakaca, ga ni lalingna kangela pa, fare smatna lal ta rdel manana. 14Gabe laisa mew fsung fdelo bawa ta nkosca, mewe bo fduk tub re Jou Lahatalla denabe lali, ga ni lalingna kangela, fare lal pa smat ta rdel manana.”
Famafia re nabi ta damolang pana
(Luk. 6:43-44)
15Yesuse nu hawe, “Mewe nane fpei famafia re nabi ta damolang pana ta rlafo mali mewi! Ga si du, si tina smat ta jaga rfalafo Jou Lahatalla ni fatnaw lali smatna, naga enpa. Tem sina laisa dombana, ga ta molangna si rmayai laisa fun ailolona. 16Mewe bisa fto si tina nabi ta damolang pana mali ahai ta si rpeina. Tina laisa mom ta ni sogana, bisa pa bo piyona anggur penepa ara. 17Farumi ai ta mafia, osta piyona ma mafia, ga ai ta mayaina osta piyona ma mayai. 18Osta bisa pa aica nmafia ga piyona mayaina, fare bisa pa bena aica nmayai ga piyona mafiana. 19Ga ai ta piyona mayaina, osta smatna rcelap taga rtaping. 20Gabe ite bisa tto smat cia fatutua nabi i, gabe laisa ta i npei tina mafia.”
Smatna farumi pa bo rdai Jou Lahatalla ni smatna
(Luk. 13:25-27)
21Yesuse nu hawe, “Farumi smat pa ta dololaw Ya, ‘Jou, Jou’ bo rdai Ya nike smatna ga Jou Lahatalla bo nkawasa ndadi Kolano mali riri tubca, ga smat ta jaga rpei Ya nik Apa ta mali sorogaica nimauna be. 22Lomanta mali wol kiamatca, smatna lal ta bo dua Ya laitane, ‘Jou! Jou! Amam tane ta kfalafo Jou Lahatalla ni fatnaw lali smatna kpake Jou Lahatalla ngahnyo. Amame ma kfaungo setan mali smatna, kpake Jou ni kawasa. Fare amam bena kpei mujizatna lal kpake Jou ni kawasa.’
23Ga oras cia to, Ya bo ikua si laitane, ‘Ya ifayala mew bahnga paube. Fpiya to mantane, mew ta jaga fpei be okosesi ta mayai!’ ”
Smat ta rdelana nane tderera ta Yesuse nuna
(Luk. 6:47-49)
24Yesuse nu hawe, “Gabe smatna isa nlonga ta Ya ku tane ga nderera, i cia fatailo laisa smat ta rpandena ta nfaosal ebai mali fandasi ta ni patna cicoal. 25Gabe biarega ulan mamagalca nlafo denabe ipis, latanca ncicoal fare ncipang ebai cia, ebai cia namop pa ningalena i nosal puis fandasi ta ni patna cicoalca.
26Ga smat ta rlonga ta Ya iku tane ga rderera pa, ifatailo laisa smat ta rto paisapana ta rfaosal ebai mali nyinyenca popo. 27Oras ulan mamagalca nlafo ipis, fare latanca ncicoal ncipang ebai cia, ebai cia namope ga abis i.”
Smatna lal rdadi rherang oras ta rlonga Yesuse ni nfafculena
28Oras ta Yesuse nmautinge fola, smat ta lal tina rdadi rherang re ni fafcule tina. 29Ningalena isa pa ta nto fafcule ga laisa Yesusnana, nfaiteta ipa re laisa si riri guru agama Yahudi ta rto Musa ni kitab silim tasa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society