1 Pita 2
2
God kobuglo yugu ta keigwa mere yegl paugwa
1Ene u kor pi kodigwa pre ene yoba ere kide ere tenamnedi prekrio. Te, yoba gumuglno mina no wakai munedi yoba bakagl tedre, ka kibi dikrio. Te, yoba jelas ere tedre, mokono ka digwa mabuno gugl ede, kide kodio. 2Kide kodidre, gak kuglabu am ege ege nenamnedi primere yegl, God kamo i, am mere yegl ege ege nenamnedi prio. Am i, taragl kide swara ta atne paikrukwa pre ene nebi, God ene ere yumara i mina ene yakidre, yoba mere yegl moraiglkwa. 3I siragl pre am dogon erumere mere yegl Yagl Kade mabunomo wakai paugwa kan kodigwa.
4Yoba kobuglo yugu keigwa igne, kobuglo ta mabunomugl bogl padiglkwa kobuglo i, Jisas u kor ogwa ikra moglkwa. Kobuglo i, yoba kide yomedi kandre, kide kodigwa ba God kobuglo wakai kaima ta yomedi kandre, yugu ta kenagledi kobuglo i kere i pere edugwa. Te, ene Jisas moglmara wigwa igne, 5ene ama u kor pidre, kobuglo mere yegl meglkwa. Meglko, God ene ake idre, ye kogonmo eraiglmedi yugu kei, ede mitna ogwa. God yugu kei ede mitna enan, ene yoba pere mogl, ye tawa teigwa yobamo moglsre, ene kiano mina tawa te moraiglkwa. Krais Jisas kogon erumara mina God ene tawano kan inabuka.
6Ana mabuno i pre God kamo yegl dugwa,
Ene kanio! Na yugu ta kenaglka i, kobuglo ta mabunomugl boragledi kere idre,
Muglo Saion ibo bogl padiglka.
Na kobuglo i, wakai kaima kaniga. Te, yoba ta ye pre medraiglkwa i,
Ye agai ta goglkraiglmiwe#2.6 Aisaia 28.16
di, yegl dugwa.
7Ana ene pre mediglkwa yoba ta meglkwa i, ene kobuglo i wakai kaima yomedi kanigwa ba yoba pre mediglkrikwa ta meglkwa i, ye kide yomedi kanigwa. God kamo mina ama mabuno i pre yegl dugwa,
Kobuglo yugu keigwa yoba i,
ye kobuglo gade imara i kobuglo swara ta kide yomedi kandre, kide kodigwa.
Ba God yugu ta kenagledi kobuglo swara ta kide kodigwa i, idre,
Yugu kei ede mitna enabara i,
Mabunomugl mabuno bogl paduglmiwe#2.7 Giglage 118.22
dugwa. 8Te, God kamo ama yegl dugwa, Kobuglo i panabara yoba kaglno sidre, yage sinaiglmiwe#2.8 Aisaia 8.14 dugwa. Yoba ta yage sigwa i, ye God kamo sedigwa pre yage sigwa. Te, God ka ta okna di paduglkwa i, yoba ta ye kamo sedinaiglkwa i, yegl mere yage sinaiglmiwe dugwa.
9Ana yoba tau yegl mere yage sigwa ba ene meglkwa i, God ene ye yobanama moraiglmedi kere i pere edugo, ene ye yobama kaima meglkwa. Te, God ene kingno moglko, ene mogl pere edidre, ye tawa teigwa yoba mere yegl meglkwa. God ene yegl mere kere i pere edugwa i, ye siragl mere wakai moglkwa i, ene di nogugl edinaiglmedi pre ene kere i pere edugwa. I siragl pre God yene ere mogl, ene mim erumara kide kodidre, ede u ye abuglagemo, wakai kaima sumara i mina ede suna unaiglmedi agle dugwa. 10Ene okna God yobama ta moglkrikwa ba erme ye yobama meglkwa. Te, God ene mitno goglkwa i, ene okna ta pre kan erekrikwa ba erme ene pre kan ere kodigwa.
11Ana agrama abarama wagle, na dena muduna suna meglkwa i, ene erme makandigle meglkwa igne, dumo bage ta nem mam mere yegl meglkwa. Yegl pre na ene di teiga i, taragl kane kane deno muduno goglo mina pogglau borabuka i, ene kide kodinaiglkwa paugwa. I siragl pre mabuno kide yegl pogglau boglkwa igne i nono kiano mina kuda bogl norukwa mere yegl paugwa. 12Yoba God kamo prikrikwa meglmara i, ene suna meglkwa pre ene mabuno wakai duglo bogl wan moraiglkwa paugwa. Yegl eribi, ye ene yoba kide moglsre, kide erime dibi, dinaiglkwa ba okuo God jasno moragledi unabuka igne, ene mabunono wakai i mina ye God kagie kade tenaiglkwa .
Gavman ya kogon bitno yoba kano pramga paugwa
13Ene Yagl Kade we di prisre, gavman mudu ene bitno mere yegl ta moraiglkwa i, kano praiglkwa paugwa. King moglkwa i, ye gavman mudu akugwa pre ene ye kamo praiglkwa paugwa. 14Te, gavna meglkwa i, king ye dede, yoba kide eraiglkwa i ka tage tedre, wakai eraiglkwa i ka wakai di tedre, eraiglmedi dedugwa pre ene ye kano ama praiglkwa paugwa. 15I siragl pre God prukwa i, ene mabuno wakai yegl eribi, yoba tau nomano wakai paikruko, ene ka kide di teigwa i kandre, nomane inaiglmedi prukwa. Ye nomane idre, ene ka kide di teigwa i, okuo ta dikraiglmedi prukwa.
16Ene kane yoba ta moglkrumnedi prisre, kane yoba erimere erekrio. Te, ene nomane kide idre, No kane ta paikrumga pre gua gua wan moramga i, ama kuno erumiwe di, yegl ta prikrio! Ene wan meglmara i, Na God niglmo kogonmo yoba moragliwe di, nomane yegl io! 17Yoba pere ta moraiglkwa i, ene ye mudu pre i mitna edidre, agroma abaroma moraiglkwa i, deno muduno teo. Te, ene God kuduglmo goglsre, makandigle i, yoba ta ene kingno mogl, bitno morabuka i, ene ama ye pre i mitna edio.
18Ana ene tau yoba pere boino pai meglkwa i, ene bitno yoba kuduglno goglsre, ye dinaiglmere ere molo. Te, na diga i, ene bitno yoba tau kiede moglsre, ene ere wakai ere tenaiglkwa i keme kano praiglkwa pre dikrika ba bitno yoba tau kide moraiglkwa i ama akie kano praiglkwa pre diga. 19I siragl pre yoba ta God moglkrawa we di prisre, mabuno wakai ere morabuka ba mabuno wakai ta paikrabara ye giugl tebi, idre, adigl gigledi moran, God wakai kanabuka. 20Ene tadaglme ta etn, yoba tadaglmenen i pre ene ere sibi, ene adigl gigledi motn, God topo ta tenabo? Ta tekrabuka. Ba ene mabuno wakai ta etn, ene mabunonen wakai i pre yoba ene ere kide ere tenaigkwa ba ene ta adigl gigledi motn, God wakai kanabuka.
21God ene agle dugwa i, giugl yegl praiglmedi agle dugwa. I siragl pre Krais ama yegl ersre, ene pre giugl prukwa. Ye mabuno wakai ersre, ene pre giugl prukwa i mina ye ene siragl mere eraiglmere obuno di togwa. Yegl pre ye obuno di tomere yegl erio. 22Krais moglkwa i, ye ege swara ta ka kibi dikrukwa. Te, ye ege swara ta tadaglme erekrukwa.#2.22 Aisaia 53.9 23Yoba ye ka kide di teigwa igne i ye ka kide ta di ikne ede tekrukwa. Te, yoba ye yubun teigwa igne i ye yoba i ere kide ere tenagle dikrukwa. Ye prukwa i, God jas du moglkwa pre ya na kana prisre, mabuno wakai ere narabedi prisre, ye yene pia si God ogo mina edugwa.
24Nono tadaglmeno i, Krais ogo nagie mina idre, ede prak mina goglkwa. Ye nono tadaglmeno idre, goglkwa i, nono ama ye goglmere yegl goglsre, tadaglme kide kodo, mabuno du eraiglmedi pre erukwa. Te, yoba ye sigwa, boglmara i, ene u kor eigwa. 25Ana ene okna sipsip tau wau beglkwa mere yegl wan meglkwa#2.25 Aisaia 53.4-6 ba ene sipsip sugl wakai moglkwa yagle moglmara ede ikne wigo, Krais erme ene kiano sugl wakai moglkwa.
Currently Selected:
1 Pita 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
1 Pita 2
2
God kobuglo yugu ta keigwa mere yegl paugwa
1Ene u kor pi kodigwa pre ene yoba ere kide ere tenamnedi prekrio. Te, yoba gumuglno mina no wakai munedi yoba bakagl tedre, ka kibi dikrio. Te, yoba jelas ere tedre, mokono ka digwa mabuno gugl ede, kide kodio. 2Kide kodidre, gak kuglabu am ege ege nenamnedi primere yegl, God kamo i, am mere yegl ege ege nenamnedi prio. Am i, taragl kide swara ta atne paikrukwa pre ene nebi, God ene ere yumara i mina ene yakidre, yoba mere yegl moraiglkwa. 3I siragl pre am dogon erumere mere yegl Yagl Kade mabunomo wakai paugwa kan kodigwa.
4Yoba kobuglo yugu keigwa igne, kobuglo ta mabunomugl bogl padiglkwa kobuglo i, Jisas u kor ogwa ikra moglkwa. Kobuglo i, yoba kide yomedi kandre, kide kodigwa ba God kobuglo wakai kaima ta yomedi kandre, yugu ta kenagledi kobuglo i kere i pere edugwa. Te, ene Jisas moglmara wigwa igne, 5ene ama u kor pidre, kobuglo mere yegl meglkwa. Meglko, God ene ake idre, ye kogonmo eraiglmedi yugu kei, ede mitna ogwa. God yugu kei ede mitna enan, ene yoba pere mogl, ye tawa teigwa yobamo moglsre, ene kiano mina tawa te moraiglkwa. Krais Jisas kogon erumara mina God ene tawano kan inabuka.
6Ana mabuno i pre God kamo yegl dugwa,
Ene kanio! Na yugu ta kenaglka i, kobuglo ta mabunomugl boragledi kere idre,
Muglo Saion ibo bogl padiglka.
Na kobuglo i, wakai kaima kaniga. Te, yoba ta ye pre medraiglkwa i,
Ye agai ta goglkraiglmiwe#2.6 Aisaia 28.16
di, yegl dugwa.
7Ana ene pre mediglkwa yoba ta meglkwa i, ene kobuglo i wakai kaima yomedi kanigwa ba yoba pre mediglkrikwa ta meglkwa i, ye kide yomedi kanigwa. God kamo mina ama mabuno i pre yegl dugwa,
Kobuglo yugu keigwa yoba i,
ye kobuglo gade imara i kobuglo swara ta kide yomedi kandre, kide kodigwa.
Ba God yugu ta kenagledi kobuglo swara ta kide kodigwa i, idre,
Yugu kei ede mitna enabara i,
Mabunomugl mabuno bogl paduglmiwe#2.7 Giglage 118.22
dugwa. 8Te, God kamo ama yegl dugwa, Kobuglo i panabara yoba kaglno sidre, yage sinaiglmiwe#2.8 Aisaia 8.14 dugwa. Yoba ta yage sigwa i, ye God kamo sedigwa pre yage sigwa. Te, God ka ta okna di paduglkwa i, yoba ta ye kamo sedinaiglkwa i, yegl mere yage sinaiglmiwe dugwa.
9Ana yoba tau yegl mere yage sigwa ba ene meglkwa i, God ene ye yobanama moraiglmedi kere i pere edugo, ene ye yobama kaima meglkwa. Te, God ene kingno moglko, ene mogl pere edidre, ye tawa teigwa yoba mere yegl meglkwa. God ene yegl mere kere i pere edugwa i, ye siragl mere wakai moglkwa i, ene di nogugl edinaiglmedi pre ene kere i pere edugwa. I siragl pre God yene ere mogl, ene mim erumara kide kodidre, ede u ye abuglagemo, wakai kaima sumara i mina ede suna unaiglmedi agle dugwa. 10Ene okna God yobama ta moglkrikwa ba erme ye yobama meglkwa. Te, God ene mitno goglkwa i, ene okna ta pre kan erekrikwa ba erme ene pre kan ere kodigwa.
11Ana agrama abarama wagle, na dena muduna suna meglkwa i, ene erme makandigle meglkwa igne, dumo bage ta nem mam mere yegl meglkwa. Yegl pre na ene di teiga i, taragl kane kane deno muduno goglo mina pogglau borabuka i, ene kide kodinaiglkwa paugwa. I siragl pre mabuno kide yegl pogglau boglkwa igne i nono kiano mina kuda bogl norukwa mere yegl paugwa. 12Yoba God kamo prikrikwa meglmara i, ene suna meglkwa pre ene mabuno wakai duglo bogl wan moraiglkwa paugwa. Yegl eribi, ye ene yoba kide moglsre, kide erime dibi, dinaiglkwa ba okuo God jasno moragledi unabuka igne, ene mabunono wakai i mina ye God kagie kade tenaiglkwa .
Gavman ya kogon bitno yoba kano pramga paugwa
13Ene Yagl Kade we di prisre, gavman mudu ene bitno mere yegl ta moraiglkwa i, kano praiglkwa paugwa. King moglkwa i, ye gavman mudu akugwa pre ene ye kamo praiglkwa paugwa. 14Te, gavna meglkwa i, king ye dede, yoba kide eraiglkwa i ka tage tedre, wakai eraiglkwa i ka wakai di tedre, eraiglmedi dedugwa pre ene ye kano ama praiglkwa paugwa. 15I siragl pre God prukwa i, ene mabuno wakai yegl eribi, yoba tau nomano wakai paikruko, ene ka kide di teigwa i kandre, nomane inaiglmedi prukwa. Ye nomane idre, ene ka kide di teigwa i, okuo ta dikraiglmedi prukwa.
16Ene kane yoba ta moglkrumnedi prisre, kane yoba erimere erekrio. Te, ene nomane kide idre, No kane ta paikrumga pre gua gua wan moramga i, ama kuno erumiwe di, yegl ta prikrio! Ene wan meglmara i, Na God niglmo kogonmo yoba moragliwe di, nomane yegl io! 17Yoba pere ta moraiglkwa i, ene ye mudu pre i mitna edidre, agroma abaroma moraiglkwa i, deno muduno teo. Te, ene God kuduglmo goglsre, makandigle i, yoba ta ene kingno mogl, bitno morabuka i, ene ama ye pre i mitna edio.
18Ana ene tau yoba pere boino pai meglkwa i, ene bitno yoba kuduglno goglsre, ye dinaiglmere ere molo. Te, na diga i, ene bitno yoba tau kiede moglsre, ene ere wakai ere tenaiglkwa i keme kano praiglkwa pre dikrika ba bitno yoba tau kide moraiglkwa i ama akie kano praiglkwa pre diga. 19I siragl pre yoba ta God moglkrawa we di prisre, mabuno wakai ere morabuka ba mabuno wakai ta paikrabara ye giugl tebi, idre, adigl gigledi moran, God wakai kanabuka. 20Ene tadaglme ta etn, yoba tadaglmenen i pre ene ere sibi, ene adigl gigledi motn, God topo ta tenabo? Ta tekrabuka. Ba ene mabuno wakai ta etn, ene mabunonen wakai i pre yoba ene ere kide ere tenaigkwa ba ene ta adigl gigledi motn, God wakai kanabuka.
21God ene agle dugwa i, giugl yegl praiglmedi agle dugwa. I siragl pre Krais ama yegl ersre, ene pre giugl prukwa. Ye mabuno wakai ersre, ene pre giugl prukwa i mina ye ene siragl mere eraiglmere obuno di togwa. Yegl pre ye obuno di tomere yegl erio. 22Krais moglkwa i, ye ege swara ta ka kibi dikrukwa. Te, ye ege swara ta tadaglme erekrukwa.#2.22 Aisaia 53.9 23Yoba ye ka kide di teigwa igne i ye ka kide ta di ikne ede tekrukwa. Te, yoba ye yubun teigwa igne i ye yoba i ere kide ere tenagle dikrukwa. Ye prukwa i, God jas du moglkwa pre ya na kana prisre, mabuno wakai ere narabedi prisre, ye yene pia si God ogo mina edugwa.
24Nono tadaglmeno i, Krais ogo nagie mina idre, ede prak mina goglkwa. Ye nono tadaglmeno idre, goglkwa i, nono ama ye goglmere yegl goglsre, tadaglme kide kodo, mabuno du eraiglmedi pre erukwa. Te, yoba ye sigwa, boglmara i, ene u kor eigwa. 25Ana ene okna sipsip tau wau beglkwa mere yegl wan meglkwa#2.25 Aisaia 53.4-6 ba ene sipsip sugl wakai moglkwa yagle moglmara ede ikne wigo, Krais erme ene kiano sugl wakai moglkwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission