1 Pita 3
3
Yagl abu mogl pai eraiglmere
1Ana yoba boi paigwa i, mogl atne edenaiglkwa pamere mere yegl, ene abu meglkwa i, winoma moraiglmara mogl atne edenaiglkwa paugwa. Ene yegl eribi, ene winoma tau God kamo ta pre mediglkraiglkwa i, ene siragl mere mogl pai eraiglkwa i kandre, pre medigl, ede suna unaiglkwa. Ene ka ta di tekraiglkwa ba 2ene God kuduglmo goglsre, mabuno du eraiglmara i, ye kandre, ede suna unaiglkwa pre diga.
3Ana ene abu meglkwa i, ene nagino meda keme ekin garaiglkwa i, kuno ta erekrabuka. Ene bitno yugu ere wakai ersre, taragl gol mina bekigwa mo kugugl gagl wakai edidre, ekin gaunedi prikrio. 4Ene ekin kaima garaiglkwa i, ogono nagino mina gaglkraiglkwa ba ene deno muduno wida di idre, kiede meglbi, ene ekin kaima gaiglkwa mere yegl panabuka. Ekin yegl mere i, God wakai kaima yomedi kanugwa. Te, ekin i ama dudukrabuka, aimadi yei pai morabuka. 5-6Okna ibo abu tau God yobama meglkwa i, ye ama ekin yegl mere gaglsre, winoma meglmara mogl atne edigwa. Na diga i, Sara ya abu tau God ka dumere erabukra we di, pre gi di meglkwa abu i pre diga. Sara ye Abraham moglmara mogl atne edidre, ye wie kagie daglkrukwa ba ye yaglna kade we dugwa. Ana ene ama taragl kane kane kudugl gogl tekre, mabuno wakai bogl meglbi, ene Sara abugloma mere yegl moraiglkwa.
7Ana yagl meglkwa i, ene ebinoma yobro tau kebra dagl paugwa pre ye siragl mere meglkwa i pre kan ersre, ye bogl akie ame wakai dinamnedi erio! Te, God yene wakai prumere ene suo akie aimadi kamin kor moraiglkwa togwa pre ebinoma pre i mitna edenaiglkwa paugwa. Ene yegl ta erekribi, ene kamage eraiglkwa igne, God ene agle di praiglmere ere tekrabuka mere yegl paugwa.
Mabuno wakai ikne ikne ere tenamga paugwa
8Ana na ene siragl mere mogl pai eraiglkwa pre di wiga i, ka okuo kaima ta dinaglka i, yegl dinaglka, ene mudu nomano swara yedre, ikne ikne mitno gogl, agroma abaroma mudu deno muduno teo. Te, ene ama mogl atne edidre, enene ikne ikne ere wakai ere teo. 9Yoba ta ene ere kide ere tenan, ene mabuno kide ere te ikne edekrio. Te, yoba ta ene ka kide di tenan, ene ka kide di ikne edekre, God ye ere wakai ere tenabedi agle dio. I siragl pre God ene agle dugwa i, ene yoba pere ere wakai ere tenaiglmedi agle dugwa. Te, God ama di paduglkwa i, ene yoba pere ere wakai ere tebi, ye ama ene ere wakai ere tenagledi di paduglkwa.
10Ana God kamo okna beglmara i, ka ta yegl beglkwa,
Yoba ta kor moglsre, ame wakai dinagledi pran,
Ye ka kide kane kane dikre,
Ka kibi ama ta dikrabuka paugwa.
11Ye mabuno kide, kide kodidre, mabuno wakai erabuka paugwa.
Te, ye yoba pere bogl deno muduno swara yenamnedi erabuka paugwa.
12I siragl pre yoba mabuno du ta erikwa i, God ye kan moglsre,
Ye agle di prikwa i, God ama prukwa
Ba yoba mabuno kide ta erikwa i, ye si kegl dinagledi erumiwe#3.12 Giglage 34.12-16
di, yegl beglkwa.
Krais mabunomo duglo boglsre, yubun tau inamga paugwa
13Ana ene mabuno wakai keme eramnedi kogon podo eribi, yoba ta ene ere kide ere tenaiglmo? Ta ere tekraiglkwa. 14Ba aglau eran, ene mabuno wakai eraiglmara i pre yubun ibi, God ene ama ere wakai ere tenabuka. Yoba ta ene kudugl goraiglmedi eribi, ene kudugl goglkre, nomane sikrio.#3.14 Aisaia 8.12 15Ene nomano mina Krais no Yaglno Kade moglmedi prisre, ye pre i mitna edio. Te, yoba ta ene kira pogl prisre, Ene siragl pre taragl wakai inamnedi sugl meglme? dibi, ene ka ta di ikne edenaiglkwa panabere yegl, kuno ere di ikne edinamnedi ege ege ake kun ere molo. 16Ba ene ka di ikne edenaiglkwa i, ene God kuduglmo goglsre, mogl atne ede, ka di ikne edenaiglkwa paugwa.
Te, ene ege ege mabuno tau wakai pamedi praiglkwa i keme erio. Ene yegl eribi, yoba kenaglno sidre, ene ere kide ere teigwa i, ene Krais mabunomo duglo boglsre, mabuno wakai erimedi kandre, nomane idre, agai goraiglkwa paugwa. 17Ana God kanige ta eran, ene mabuno du yegl erikwa pre yubun ta ibi, i wakai paugwa. Ba ene mabuno kide ersre, yubun ibi, i kide panabuka pre ene mabuno wakai keme erio.
18 Ana Krais siragl mere erukwa i, ene prio! Krais ene auro yu God moglmara edenagledi ege swara kaima goglkwa. Ye yagl du kaima moglkwa ba ye yoba kide againo idre, goglkwa. Krais ogo nagie mina goglkwa ba God Murubuglomo ye ere i kor edugo, kor moglkwa.
19-20Te, ene prio. Noa egemo yoba mere kide meglko, Krais ye murubuglomo mina yoba i meglmara pidre, ka di togwa. Ka di togwa yobamo i erme gogl kodidre, kiano mina kane paigwa. Okna Noa sip beke moglkwa igne, yoba nomane inaiglmedi God kanana sugl moglkwa ba ye ka i sedigwa. Ana nigl podo sugwa igne, yoba suom ta, 8-pela keme sip yugugl meglko, God ye ere yugo, wakai meglkwa. 21Kuno ere ene nigl biglkwa igne, nigl atne pidre, ede egli wigwa i, piksa mere yegl paugwa. Piksa i, God Noa yobama ake ple di togo, sip yugugl wakai meglmere ene ama wakai moraiglmedi ake ple di togwa mere yegl paugwa pre diga. Te, ene nigl biglkwa i, ogono nagino deglbi i, nigl si kake ede enabuka pre buglkrikwa ba ene nomano mina kaima God duglo boramnedi prikwa i, i nogugl edinamnedi nigl biglkwa. Ene nigl biglko, Jisas Krais adigl u kor omara i mina God ene wakai moraiglmedi ake ple di te moglkwa. 22Jisas Krais moglkwa i, ye heven ibo pidre, God ogo wo mina ame di moglko, angelo ya taragl tau gigledi meglkwa mo yobuglno podo paugwa i, ye moglmara atne mogl kodigwa.
Currently Selected:
1 Pita 3: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
1 Pita 3
3
Yagl abu mogl pai eraiglmere
1Ana yoba boi paigwa i, mogl atne edenaiglkwa pamere mere yegl, ene abu meglkwa i, winoma moraiglmara mogl atne edenaiglkwa paugwa. Ene yegl eribi, ene winoma tau God kamo ta pre mediglkraiglkwa i, ene siragl mere mogl pai eraiglkwa i kandre, pre medigl, ede suna unaiglkwa. Ene ka ta di tekraiglkwa ba 2ene God kuduglmo goglsre, mabuno du eraiglmara i, ye kandre, ede suna unaiglkwa pre diga.
3Ana ene abu meglkwa i, ene nagino meda keme ekin garaiglkwa i, kuno ta erekrabuka. Ene bitno yugu ere wakai ersre, taragl gol mina bekigwa mo kugugl gagl wakai edidre, ekin gaunedi prikrio. 4Ene ekin kaima garaiglkwa i, ogono nagino mina gaglkraiglkwa ba ene deno muduno wida di idre, kiede meglbi, ene ekin kaima gaiglkwa mere yegl panabuka. Ekin yegl mere i, God wakai kaima yomedi kanugwa. Te, ekin i ama dudukrabuka, aimadi yei pai morabuka. 5-6Okna ibo abu tau God yobama meglkwa i, ye ama ekin yegl mere gaglsre, winoma meglmara mogl atne edigwa. Na diga i, Sara ya abu tau God ka dumere erabukra we di, pre gi di meglkwa abu i pre diga. Sara ye Abraham moglmara mogl atne edidre, ye wie kagie daglkrukwa ba ye yaglna kade we dugwa. Ana ene ama taragl kane kane kudugl gogl tekre, mabuno wakai bogl meglbi, ene Sara abugloma mere yegl moraiglkwa.
7Ana yagl meglkwa i, ene ebinoma yobro tau kebra dagl paugwa pre ye siragl mere meglkwa i pre kan ersre, ye bogl akie ame wakai dinamnedi erio! Te, God yene wakai prumere ene suo akie aimadi kamin kor moraiglkwa togwa pre ebinoma pre i mitna edenaiglkwa paugwa. Ene yegl ta erekribi, ene kamage eraiglkwa igne, God ene agle di praiglmere ere tekrabuka mere yegl paugwa.
Mabuno wakai ikne ikne ere tenamga paugwa
8Ana na ene siragl mere mogl pai eraiglkwa pre di wiga i, ka okuo kaima ta dinaglka i, yegl dinaglka, ene mudu nomano swara yedre, ikne ikne mitno gogl, agroma abaroma mudu deno muduno teo. Te, ene ama mogl atne edidre, enene ikne ikne ere wakai ere teo. 9Yoba ta ene ere kide ere tenan, ene mabuno kide ere te ikne edekrio. Te, yoba ta ene ka kide di tenan, ene ka kide di ikne edekre, God ye ere wakai ere tenabedi agle dio. I siragl pre God ene agle dugwa i, ene yoba pere ere wakai ere tenaiglmedi agle dugwa. Te, God ama di paduglkwa i, ene yoba pere ere wakai ere tebi, ye ama ene ere wakai ere tenagledi di paduglkwa.
10Ana God kamo okna beglmara i, ka ta yegl beglkwa,
Yoba ta kor moglsre, ame wakai dinagledi pran,
Ye ka kide kane kane dikre,
Ka kibi ama ta dikrabuka paugwa.
11Ye mabuno kide, kide kodidre, mabuno wakai erabuka paugwa.
Te, ye yoba pere bogl deno muduno swara yenamnedi erabuka paugwa.
12I siragl pre yoba mabuno du ta erikwa i, God ye kan moglsre,
Ye agle di prikwa i, God ama prukwa
Ba yoba mabuno kide ta erikwa i, ye si kegl dinagledi erumiwe#3.12 Giglage 34.12-16
di, yegl beglkwa.
Krais mabunomo duglo boglsre, yubun tau inamga paugwa
13Ana ene mabuno wakai keme eramnedi kogon podo eribi, yoba ta ene ere kide ere tenaiglmo? Ta ere tekraiglkwa. 14Ba aglau eran, ene mabuno wakai eraiglmara i pre yubun ibi, God ene ama ere wakai ere tenabuka. Yoba ta ene kudugl goraiglmedi eribi, ene kudugl goglkre, nomane sikrio.#3.14 Aisaia 8.12 15Ene nomano mina Krais no Yaglno Kade moglmedi prisre, ye pre i mitna edio. Te, yoba ta ene kira pogl prisre, Ene siragl pre taragl wakai inamnedi sugl meglme? dibi, ene ka ta di ikne edenaiglkwa panabere yegl, kuno ere di ikne edinamnedi ege ege ake kun ere molo. 16Ba ene ka di ikne edenaiglkwa i, ene God kuduglmo goglsre, mogl atne ede, ka di ikne edenaiglkwa paugwa.
Te, ene ege ege mabuno tau wakai pamedi praiglkwa i keme erio. Ene yegl eribi, yoba kenaglno sidre, ene ere kide ere teigwa i, ene Krais mabunomo duglo boglsre, mabuno wakai erimedi kandre, nomane idre, agai goraiglkwa paugwa. 17Ana God kanige ta eran, ene mabuno du yegl erikwa pre yubun ta ibi, i wakai paugwa. Ba ene mabuno kide ersre, yubun ibi, i kide panabuka pre ene mabuno wakai keme erio.
18 Ana Krais siragl mere erukwa i, ene prio! Krais ene auro yu God moglmara edenagledi ege swara kaima goglkwa. Ye yagl du kaima moglkwa ba ye yoba kide againo idre, goglkwa. Krais ogo nagie mina goglkwa ba God Murubuglomo ye ere i kor edugo, kor moglkwa.
19-20Te, ene prio. Noa egemo yoba mere kide meglko, Krais ye murubuglomo mina yoba i meglmara pidre, ka di togwa. Ka di togwa yobamo i erme gogl kodidre, kiano mina kane paigwa. Okna Noa sip beke moglkwa igne, yoba nomane inaiglmedi God kanana sugl moglkwa ba ye ka i sedigwa. Ana nigl podo sugwa igne, yoba suom ta, 8-pela keme sip yugugl meglko, God ye ere yugo, wakai meglkwa. 21Kuno ere ene nigl biglkwa igne, nigl atne pidre, ede egli wigwa i, piksa mere yegl paugwa. Piksa i, God Noa yobama ake ple di togo, sip yugugl wakai meglmere ene ama wakai moraiglmedi ake ple di togwa mere yegl paugwa pre diga. Te, ene nigl biglkwa i, ogono nagino deglbi i, nigl si kake ede enabuka pre buglkrikwa ba ene nomano mina kaima God duglo boramnedi prikwa i, i nogugl edinamnedi nigl biglkwa. Ene nigl biglko, Jisas Krais adigl u kor omara i mina God ene wakai moraiglmedi ake ple di te moglkwa. 22Jisas Krais moglkwa i, ye heven ibo pidre, God ogo wo mina ame di moglko, angelo ya taragl tau gigledi meglkwa mo yobuglno podo paugwa i, ye moglmara atne mogl kodigwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission