1 Tesalonaika 1
1
1Ene Tesalonaika yoba sios meglkwa i, na Pol ya Timoti ya Sailas bogl akie pepa i bogl tomga. Ene meglkwa i, Neno Kade God yobama moglsre, Yaglno Kade Jisas Krais yobama ama meglkwa. Te, no prumga i, God ene yoko kaima ere wakai ere te moglsre, deno muduno wida di padigl tenabedi prumga.
Tesalonaika yoba pre mediglmara i pre Pol gun yogwa
2No ege ege ene Tesalonaika yoba mudu pre God di wakai yei tedre, ene pre kamage ere tomga. 3No ene pre Neno Kade God di wakai yei tomga i, i siragl pre ene mabuno siragl mere ta erikwa i, no ege ege poglo di prisre, God di wakai yei tomga. Ene mabunono tau poglo di prisre, God di wakai yei tomne diga i, yegl pre diga, ene Yaglno Kade Jisas Krais pre mediglmara i mina God kogonmo ere meglkwa i no poglo di prisre, te, ene deno muduno Jisas Krais teimara i mina yoba pere ake ple di tenamnedi kogon podo erikwa i, ama poglo di prumga. No ene mabunono suo i poglo di prisre, ama yubun ene meglmara ugwa igne ene Jisas kaima ede ikne unabedi sugl moglsre, adigl gigledi meglkwa i pre no poglo di prisre, ene pre God di wakai yei tomga pre diga.
4Agrama abarama wagle, ene meglkwa i, God dem muduo ene togwa, meglkwa. No prumga i, ene God yobama moraiglmedi, God yene ene kere yugo, ene erme ye yobama kaima meglmiwedi prumga. 5No okna ene meglmara udre, Jisas kamo wakai ene di tomgo, ene pre mediglkwa i pre ene erme God yobama meglkwa. No Jisas kamo ene di tomga igne, no ka yoko ta prumnara dikrumga ba Mudu Murubuglo no ka gigledi dinaiglmedi yobuglo bogl noruko, no ene di tomga. Te, no ene ka di tomga igne, Mudu Murubuglo ama no ka dumga i, ene no kaima dimiwedi pre pogl sinaiglmedi erukwa.
Ana okna nono akie munga igne, no ene ake ple di tenamnedi prisre, siragl mere mogl pai erumga i, enene erme pre meglmedi prika. 6Te, ene okna no mabunono kandre, no mabunono i duglo beglkwa. Na diga i, ene okna God kamo pre mediglko, yoba ene pre mediglmara i pre yubun mere ene teigwa ba Mudu Murubuglo ene gun yei pai moraiglmedi eruko, ene yubun idre, gun yei pai meglkwa i pre diga. Ene yubun igwa ba gun yei pai moglsre, adigl gigledi meglkwa i, ene no mabunono pamere mere ersre, te nono Yaglno Kade Jisas mabunomo pamere ama erikwa pre diga. 7Ene no mabunono ya Jisas mabunomo duglo beglmara i mina ene ama pre mediglkwa yoba bage bage meglmara i, ye ebrie mabuno boraiglmere mere obuno wakai di teigwa. Ene provins Masedonia meglmara suna i ya te, provins Akaia i, pre mediglkwa yoba mudu ene mabunono i digo prisre, ye siragl mere eraiglkwa i nomane wakai igwa.
8Ana erme we, ene ebrie mabuno beglmara i mina yoba bage bage meglkwa i, Yaglno Kade kamo di meglkwa. Provins suo Masedonia ya Akaia suna i keme digwa pre ta dikrika ba dumo eglke eglke ama yoba ene kano digo, prisre, Yaglno Kade kamo i pre di meglkwa. No bage bage wan omnara i, no ere mogl, Tesalonaika yoba ye God pre mediglmiwe di, yoba yegl di tenamaga i ta paikrukwa. Ye pre kodigwa. Kaima no dumo aglo mere ta omnara i, yoba ene kano i, ye kuade prikwa 9pre ene kano i, no di norikwa. Ye di norikwa i, ene okna siragl mere no di idre, no kano prikwa i ye di norsre, te, ene god kibi kamage ere teigwa i kide kodo, God kaima kor aimadi moglkwa i, ene erme ye kagie kade tedre, ye kogonmo ere meglmiwedi, yoba ene kano yegl di noriko, prumga. 10Yoba bage bage ene kano yegl mere di norsre, te, God Wam Jisas heven ibo kide kodo, ede ikne unabedi ene kwie ere meglmiwe digo, prumga. God Wam Jisas i goglko, God ye ere i kor edugwa. Te, God okuo makandigle yoba ka tage tenabuka i, nono suna mogl, ka tage ta i dinaiglmedi Jisas swara nono ere yugwa yagl moglkwa. God Wam Jisas swara i, yoba ene ye unabedi kwie ere meglmiwe digo, no prumga.
Currently Selected:
1 Tesalonaika 1: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
1 Tesalonaika 1
1
1Ene Tesalonaika yoba sios meglkwa i, na Pol ya Timoti ya Sailas bogl akie pepa i bogl tomga. Ene meglkwa i, Neno Kade God yobama moglsre, Yaglno Kade Jisas Krais yobama ama meglkwa. Te, no prumga i, God ene yoko kaima ere wakai ere te moglsre, deno muduno wida di padigl tenabedi prumga.
Tesalonaika yoba pre mediglmara i pre Pol gun yogwa
2No ege ege ene Tesalonaika yoba mudu pre God di wakai yei tedre, ene pre kamage ere tomga. 3No ene pre Neno Kade God di wakai yei tomga i, i siragl pre ene mabuno siragl mere ta erikwa i, no ege ege poglo di prisre, God di wakai yei tomga. Ene mabunono tau poglo di prisre, God di wakai yei tomne diga i, yegl pre diga, ene Yaglno Kade Jisas Krais pre mediglmara i mina God kogonmo ere meglkwa i no poglo di prisre, te, ene deno muduno Jisas Krais teimara i mina yoba pere ake ple di tenamnedi kogon podo erikwa i, ama poglo di prumga. No ene mabunono suo i poglo di prisre, ama yubun ene meglmara ugwa igne ene Jisas kaima ede ikne unabedi sugl moglsre, adigl gigledi meglkwa i pre no poglo di prisre, ene pre God di wakai yei tomga pre diga.
4Agrama abarama wagle, ene meglkwa i, God dem muduo ene togwa, meglkwa. No prumga i, ene God yobama moraiglmedi, God yene ene kere yugo, ene erme ye yobama kaima meglmiwedi prumga. 5No okna ene meglmara udre, Jisas kamo wakai ene di tomgo, ene pre mediglkwa i pre ene erme God yobama meglkwa. No Jisas kamo ene di tomga igne, no ka yoko ta prumnara dikrumga ba Mudu Murubuglo no ka gigledi dinaiglmedi yobuglo bogl noruko, no ene di tomga. Te, no ene ka di tomga igne, Mudu Murubuglo ama no ka dumga i, ene no kaima dimiwedi pre pogl sinaiglmedi erukwa.
Ana okna nono akie munga igne, no ene ake ple di tenamnedi prisre, siragl mere mogl pai erumga i, enene erme pre meglmedi prika. 6Te, ene okna no mabunono kandre, no mabunono i duglo beglkwa. Na diga i, ene okna God kamo pre mediglko, yoba ene pre mediglmara i pre yubun mere ene teigwa ba Mudu Murubuglo ene gun yei pai moraiglmedi eruko, ene yubun idre, gun yei pai meglkwa i pre diga. Ene yubun igwa ba gun yei pai moglsre, adigl gigledi meglkwa i, ene no mabunono pamere mere ersre, te nono Yaglno Kade Jisas mabunomo pamere ama erikwa pre diga. 7Ene no mabunono ya Jisas mabunomo duglo beglmara i mina ene ama pre mediglkwa yoba bage bage meglmara i, ye ebrie mabuno boraiglmere mere obuno wakai di teigwa. Ene provins Masedonia meglmara suna i ya te, provins Akaia i, pre mediglkwa yoba mudu ene mabunono i digo prisre, ye siragl mere eraiglkwa i nomane wakai igwa.
8Ana erme we, ene ebrie mabuno beglmara i mina yoba bage bage meglkwa i, Yaglno Kade kamo di meglkwa. Provins suo Masedonia ya Akaia suna i keme digwa pre ta dikrika ba dumo eglke eglke ama yoba ene kano digo, prisre, Yaglno Kade kamo i pre di meglkwa. No bage bage wan omnara i, no ere mogl, Tesalonaika yoba ye God pre mediglmiwe di, yoba yegl di tenamaga i ta paikrukwa. Ye pre kodigwa. Kaima no dumo aglo mere ta omnara i, yoba ene kano i, ye kuade prikwa 9pre ene kano i, no di norikwa. Ye di norikwa i, ene okna siragl mere no di idre, no kano prikwa i ye di norsre, te, ene god kibi kamage ere teigwa i kide kodo, God kaima kor aimadi moglkwa i, ene erme ye kagie kade tedre, ye kogonmo ere meglmiwedi, yoba ene kano yegl di noriko, prumga. 10Yoba bage bage ene kano yegl mere di norsre, te, God Wam Jisas heven ibo kide kodo, ede ikne unabedi ene kwie ere meglmiwe digo, prumga. God Wam Jisas i goglko, God ye ere i kor edugwa. Te, God okuo makandigle yoba ka tage tenabuka i, nono suna mogl, ka tage ta i dinaiglmedi Jisas swara nono ere yugwa yagl moglkwa. God Wam Jisas swara i, yoba ene ye unabedi kwie ere meglmiwe digo, no prumga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission