1 Tesalonaika 2
2
Jisas kamo siragl mere dumere pre dugwa
1Ana agrama abarama wagle, no okna ene meglmara udre, kogon erumga i, u yoko ta pikrukwa. No kogon erumgo, mogo wakai koglkwa i, enene pre kan erikwa. 2Okna no ene meglmara ta ukrumga igne, no dumo Filipai mungo, yoba no ere kide ere norsre, yubun podo norikwa. Yegl erikwa ba no ede ene meglmara, dumo Tesalonaika suna umga igne, God no kudugl gogl dinaiglmedi yobuglo bogl noruko, no God kamo wakai i, ene ama di tomga. No God kamo ene di te dinaiglmedi yoba tau taragl podo erikwa ba no kudugl goglkre, God kamo ene di tomga i, enene pre kan erikwa.
3No bage bage wan omnara i, yoba Jisas pre medigl, God kamo duglo boraiglmedi ka gigledi di tomga igne i, no yoba bakagl tekre, ka kaima keme dumga. Te, no kagno kade idre, mige moni ya kwi ta i nenamnedi pre kogon erekunga ba no God kogonmo kaima eramnedi keme erumga. 4God kan no deno muduno mina edidre, ye kamo wakai i, pamere kuno ere yoba di tenaiglmedi no okna kan kodidre, kogon i norukwa. Ana God swara kan deno muduno mina edugwa i pre no God kamo yoba beke tomga igne, yoba wakai praiglmedi pre dikrumga ba God swara wakai prabedi prisre, dumga.
5Enene pre kan erikwa i, no okna ene meglmara kogon erumga igne, no ege swara kaima ta ene no wakai kanaiglmedi kinano ta sikrumga. Te, God ama kan pogl sugwa i, no kogon erumnara mige moni mere noribi, i nenamnedi prikrumga. 6Te, no ege swara ta ene mo yoba pere ta no kagno ake mitna edinaiglmedi erekrumga.
7No Krais dedugwa yoba munga i pre no ene taragl tau kaya mokna mo mige moni mo ki ta ake ple di norio di tomna, kuno eruko, ba no ene yubun te dinamnedi prisre, taragl ta norio dikrumga. Abu ta ye gagigle am tedre, sugl wakai moglmere mere yegl, no mogl atne edidre, ene ere wakai ere tenamnedi erumga. 8No ene deno muduno podo tomga pre no ene God kamo wakai i yoko di yar ede tekrumga. No God kamo wakai i ene di tedre, te no ene deno muduno podo tomnara i pre no ama ene ake ple di tenamnedi kogon podo ersre, no mudu munere ene tomga.
9Agroma abaroma wagle, nono akie munga igne, no kogon podo ersre, yubun tau imga i, enene pre meglmedi prika. No ene yubun te dinamnedi prisre, kogon suo etne ya eduer akie erumga. No mige kogon tau ersre, God kogonmo ama erumga. No yegl erumga i, taragl tau inamga pamara i, no nono ogono mina i nomun, God kamo wakai i, ene mige moni norokre, yoko praiglmedi kogon podo erumga.
10Ana no okna, dumo Tesalonaika munga igne, ene pre mediglkwa yoba bogl ege ege akie munga pre no siragl mere mogl pai erumga i, ene kanigo, God ama kanugwa. No God mabunomo du pamere yegl ersre, yoba ta no kenaglno sikraiglkwa mere yegl mungo, ene kanigwa. 11Te, ene ama pre kan erikwa i, nenoma siragl mere ta ere gagroma tenaiglmere mere yegl no ersre, ene deno muduno si gigle di tedre, deno muduno wida di inaiglmedi erumga. Te, no okna ene God mabunomo duglo boraiglmedi ege mere ka di tomga. 12Ene God mabunomo duglo beglbi, wakai panabuka i, i siragl pre God yene ene taragl wakai wakai inaiglmedi agle dugwa yagl moglkwa. God ene kingno morabara i, ene ye abuglagemo mina suna akie moglsre, taragl wakai wakai inaiglmedi ene agle dugwa yagl moglkwa pre ene ye mabunomo duglo boraiglkwa i, wakai paugwa. Yegl pre ene God yobama moglsre, ebrie mabuno boraiglkwa kuno erabere mere yegl boraiglmedi no okna ene ka di tomga.
Tesolonaika yoba pre mediglsre, adigl gigledi meglkwa
13Ana no God kamo okna ene beke tomgo, ene siragl mere prikwa i, poglo di prumga igne, no God ege ege di wakai yei tomga. I siragl pre no God kamo ene beke tomgo, ene prisre, ka i yoba kano ta yeikrukwa ba God kamo kaima yomiwedi prikwa. Te, God kamo ene okna prikwa i, ka swara i, erme ene pre mediglkwa yoba meglmara suna i, kogon ere pai moglko, mogo wakai koglkwa.
14God kamo ene meglmara suna i kogon ersre, mogo wakai koglkwa i, nogugl paugo, no kamga. I siragl pre Tesolonaika yoba tau ere mogl, ene yubun teigwa igne, ene yage sikre, adigl gigledi meglkwa. Ene yegl erimara i mina God yugobunomo, Krais Jisas yobama ye distrik Judia suna meglkwa i, erimere mere yegl, ene ama erikwa. I siragl pre Juda yoba ye Jisas pre mediglkrikwa meglkwa i, ye Juda pre mediglkwa yoba yubun podo teigwa ba pre mediglkwa yoba i adigl gigledi meglkwa. Ye adigl gigledi meglmere mere yegl, ene ama erikwa.
15Ana na Juda yoba tau pre mediglkrikwa meglkwa i pre ama yegl dinaglka, yoba okna ibo God kamo kep yoba si geglkwa i, Juda yoba ye God kamo ta pre mediglkrikwa meglkwa i, ye si geglkwa. Te, Juda yoba ta pre mediglkrikwa i, ye ama nono Yaglno Kade Jisas si goglsre, no bage bage ta omnara i, no sika sidre, ere kide ere noramnedi keme erikwa. Ye mabuno yegl erikwa i, God kide kanugwa. Juda yoba i, ye u yoba mudu kudano ikne mere yegl pidre, 16no Jisas kamo i pi yugobuno pere pere di te dinaiglmedi ersre, God ama yoba mere ere i dinabedi ye si kegl dinamnedi erikwa. Yoba taragl bona simere mere ye ege ege tadaglme mere kide bona sigwa mere yegl paugwa pre God ka podo tage tenabuka. Juda yoba i nomane kor inaiglmedi God tau kanana sugl moglkwa ba erme ye dem kubro te kodugwa pre yoba i God ka tage tenabuka keme paugwa.
17Ana agrama abarama wagle, enene prikwa i, no dumo Tesalonaika munga igne, no ege sugunagle keme ta nono akie moglkramga pamedi kandre, ede bage ta omga. No ede bage ta omga ba no deno muduno ene meglmara yei pai moglkwa pre no ede omga igne, ene aglke kor kanamn ba di prumga i, mitna kaima erukwa. 18No kaima ede ikne unamnedi prumga. Te, na Pol ege tau mere no ede ikne unamnedi konbauna dokiga ba Satan no konbaunano si kegl dugwa.
19Ene prio! Nono Yaglno Kade Jisas ede ikne unabuka igne, no ye gumamugl adigl mun, ene ama no moramnara i akie adigl moramga. Ene bogl akie moramga i, i swara no kogon erumnara topo wakai kaima imga mere yegl panabuka. Te, mem i swara pre no kogon wakai erumiwedi prisre, gun yenamga. Te, erme no Jisas unabedi sugl moglsre, gun yomga i, i siragl pre no prumga, ene bogl akie Jisas gumamugl adigl moramga pamedi prisre, gun yomga. 20Kaima, ene pre medigl, ede suna wimara i pre no kogon wakai erumnedi prisre, gun yomga.
Currently Selected:
1 Tesalonaika 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
1 Tesalonaika 2
2
Jisas kamo siragl mere dumere pre dugwa
1Ana agrama abarama wagle, no okna ene meglmara udre, kogon erumga i, u yoko ta pikrukwa. No kogon erumgo, mogo wakai koglkwa i, enene pre kan erikwa. 2Okna no ene meglmara ta ukrumga igne, no dumo Filipai mungo, yoba no ere kide ere norsre, yubun podo norikwa. Yegl erikwa ba no ede ene meglmara, dumo Tesalonaika suna umga igne, God no kudugl gogl dinaiglmedi yobuglo bogl noruko, no God kamo wakai i, ene ama di tomga. No God kamo ene di te dinaiglmedi yoba tau taragl podo erikwa ba no kudugl goglkre, God kamo ene di tomga i, enene pre kan erikwa.
3No bage bage wan omnara i, yoba Jisas pre medigl, God kamo duglo boraiglmedi ka gigledi di tomga igne i, no yoba bakagl tekre, ka kaima keme dumga. Te, no kagno kade idre, mige moni ya kwi ta i nenamnedi pre kogon erekunga ba no God kogonmo kaima eramnedi keme erumga. 4God kan no deno muduno mina edidre, ye kamo wakai i, pamere kuno ere yoba di tenaiglmedi no okna kan kodidre, kogon i norukwa. Ana God swara kan deno muduno mina edugwa i pre no God kamo yoba beke tomga igne, yoba wakai praiglmedi pre dikrumga ba God swara wakai prabedi prisre, dumga.
5Enene pre kan erikwa i, no okna ene meglmara kogon erumga igne, no ege swara kaima ta ene no wakai kanaiglmedi kinano ta sikrumga. Te, God ama kan pogl sugwa i, no kogon erumnara mige moni mere noribi, i nenamnedi prikrumga. 6Te, no ege swara ta ene mo yoba pere ta no kagno ake mitna edinaiglmedi erekrumga.
7No Krais dedugwa yoba munga i pre no ene taragl tau kaya mokna mo mige moni mo ki ta ake ple di norio di tomna, kuno eruko, ba no ene yubun te dinamnedi prisre, taragl ta norio dikrumga. Abu ta ye gagigle am tedre, sugl wakai moglmere mere yegl, no mogl atne edidre, ene ere wakai ere tenamnedi erumga. 8No ene deno muduno podo tomga pre no ene God kamo wakai i yoko di yar ede tekrumga. No God kamo wakai i ene di tedre, te no ene deno muduno podo tomnara i pre no ama ene ake ple di tenamnedi kogon podo ersre, no mudu munere ene tomga.
9Agroma abaroma wagle, nono akie munga igne, no kogon podo ersre, yubun tau imga i, enene pre meglmedi prika. No ene yubun te dinamnedi prisre, kogon suo etne ya eduer akie erumga. No mige kogon tau ersre, God kogonmo ama erumga. No yegl erumga i, taragl tau inamga pamara i, no nono ogono mina i nomun, God kamo wakai i, ene mige moni norokre, yoko praiglmedi kogon podo erumga.
10Ana no okna, dumo Tesalonaika munga igne, ene pre mediglkwa yoba bogl ege ege akie munga pre no siragl mere mogl pai erumga i, ene kanigo, God ama kanugwa. No God mabunomo du pamere yegl ersre, yoba ta no kenaglno sikraiglkwa mere yegl mungo, ene kanigwa. 11Te, ene ama pre kan erikwa i, nenoma siragl mere ta ere gagroma tenaiglmere mere yegl no ersre, ene deno muduno si gigle di tedre, deno muduno wida di inaiglmedi erumga. Te, no okna ene God mabunomo duglo boraiglmedi ege mere ka di tomga. 12Ene God mabunomo duglo beglbi, wakai panabuka i, i siragl pre God yene ene taragl wakai wakai inaiglmedi agle dugwa yagl moglkwa. God ene kingno morabara i, ene ye abuglagemo mina suna akie moglsre, taragl wakai wakai inaiglmedi ene agle dugwa yagl moglkwa pre ene ye mabunomo duglo boraiglkwa i, wakai paugwa. Yegl pre ene God yobama moglsre, ebrie mabuno boraiglkwa kuno erabere mere yegl boraiglmedi no okna ene ka di tomga.
Tesolonaika yoba pre mediglsre, adigl gigledi meglkwa
13Ana no God kamo okna ene beke tomgo, ene siragl mere prikwa i, poglo di prumga igne, no God ege ege di wakai yei tomga. I siragl pre no God kamo ene beke tomgo, ene prisre, ka i yoba kano ta yeikrukwa ba God kamo kaima yomiwedi prikwa. Te, God kamo ene okna prikwa i, ka swara i, erme ene pre mediglkwa yoba meglmara suna i, kogon ere pai moglko, mogo wakai koglkwa.
14God kamo ene meglmara suna i kogon ersre, mogo wakai koglkwa i, nogugl paugo, no kamga. I siragl pre Tesolonaika yoba tau ere mogl, ene yubun teigwa igne, ene yage sikre, adigl gigledi meglkwa. Ene yegl erimara i mina God yugobunomo, Krais Jisas yobama ye distrik Judia suna meglkwa i, erimere mere yegl, ene ama erikwa. I siragl pre Juda yoba ye Jisas pre mediglkrikwa meglkwa i, ye Juda pre mediglkwa yoba yubun podo teigwa ba pre mediglkwa yoba i adigl gigledi meglkwa. Ye adigl gigledi meglmere mere yegl, ene ama erikwa.
15Ana na Juda yoba tau pre mediglkrikwa meglkwa i pre ama yegl dinaglka, yoba okna ibo God kamo kep yoba si geglkwa i, Juda yoba ye God kamo ta pre mediglkrikwa meglkwa i, ye si geglkwa. Te, Juda yoba ta pre mediglkrikwa i, ye ama nono Yaglno Kade Jisas si goglsre, no bage bage ta omnara i, no sika sidre, ere kide ere noramnedi keme erikwa. Ye mabuno yegl erikwa i, God kide kanugwa. Juda yoba i, ye u yoba mudu kudano ikne mere yegl pidre, 16no Jisas kamo i pi yugobuno pere pere di te dinaiglmedi ersre, God ama yoba mere ere i dinabedi ye si kegl dinamnedi erikwa. Yoba taragl bona simere mere ye ege ege tadaglme mere kide bona sigwa mere yegl paugwa pre God ka podo tage tenabuka. Juda yoba i nomane kor inaiglmedi God tau kanana sugl moglkwa ba erme ye dem kubro te kodugwa pre yoba i God ka tage tenabuka keme paugwa.
17Ana agrama abarama wagle, enene prikwa i, no dumo Tesalonaika munga igne, no ege sugunagle keme ta nono akie moglkramga pamedi kandre, ede bage ta omga. No ede bage ta omga ba no deno muduno ene meglmara yei pai moglkwa pre no ede omga igne, ene aglke kor kanamn ba di prumga i, mitna kaima erukwa. 18No kaima ede ikne unamnedi prumga. Te, na Pol ege tau mere no ede ikne unamnedi konbauna dokiga ba Satan no konbaunano si kegl dugwa.
19Ene prio! Nono Yaglno Kade Jisas ede ikne unabuka igne, no ye gumamugl adigl mun, ene ama no moramnara i akie adigl moramga. Ene bogl akie moramga i, i swara no kogon erumnara topo wakai kaima imga mere yegl panabuka. Te, mem i swara pre no kogon wakai erumiwedi prisre, gun yenamga. Te, erme no Jisas unabedi sugl moglsre, gun yomga i, i siragl pre no prumga, ene bogl akie Jisas gumamugl adigl moramga pamedi prisre, gun yomga. 20Kaima, ene pre medigl, ede suna wimara i pre no kogon wakai erumnedi prisre, gun yomga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission