2 Korin 12
12
Pol gumuglomugl erumara i, God ye taragl tau mere obuno di togwa
1No nono kagno ake mitna edumga mabuno i, ta ake ple di norekrukwa ba tau dibo, praiglkwa. Na erme siragl mere gumuglnamugl eruko, Yagl Kade na taragl tau obuno di naruko, kaniga i pre dinaglka. 2-3Bugla yugu 14-pela ede ogwa igne, Krais ere mogl, ye yobamo swara ta auro i pi heven ibo, God yene moglmara edugwa. Ye ogo nagie bogl auro i ede omo mo kia swara auro i ede omo mo i, na ta prikrika. God yene prukwa. 4Ba Krais ye yagl i auro i pi dumo wakaile edugo, yagl i ka tau wakai kaima paugwa i, prukwa. Ye ka prukwa i, na dinaglka kuno erekrukwa. I siragl pre ka i, yoba di nogugl ede te dinatnedi, God mane di narukwa.
5-6Ana taragl yegl mere na moglmara plau dugwa pre na kagna ake mitna edenagledi pribo, kuno erabuka. I siragl pre na kagna ake i mitna edenaglka i, na du ka mere yegl ta dikrika. Na ka kaima diga. Na i mina kagna kade inaglka ba na mabuno siragl mere ersre, ka siragl mere dimara i mina yoba kandre, Jisas kogonmo yoba kaima ta moglmedi praiglmedi prika. Yegl pre na kagna ake i mitna edekraglka ba na yobra kogl paikruko, siragl mere pamere i keme dinaglka.
Pol ogo nagie mina kide ta sugwa
7Ana God taragl kane kane na moglmara i nogugl ede narukwa i mina na mogl mitna ede dinatnedi God kanige eruko, Satan ye na ogona nagna mina kide ta na sinabedi eruko, kide i na sugwa.
8Kide na sugwa i pre na ege suota Yagl Kade di prisre, kide i, i eglke ede narabedi di prika. 9Ye di prika ba ye kide i eglke ede narekre, yegl di narukwa, Na ene yoko kaima ere wakai ere teiga mabuno i, ene si gigle di tenabuka kuno erukwa. I siragl pre na yobuglna podo paugwa i, yoba ta yobuglo kogl paikrukwa igne, na yobuglna ye moglmara si kau si tomiwe dugwa. Ye yegl di narukwa pre na ege ege yobuglna kogl paikrume dinagledi prika. I siragl pre na yegl moraglka igne, Krais yobuglomo na bi di narabedi prika. 10Yegl prika pre na yobuglna paikruko, yoba na kagna ere kide ersre, na ere kide ere naramnedi erikwa mo na Krais kogonmo erimara i pre yubun kane kane plau dugo, giugl primara i pre na gun yeiga. I siragl pre na yobuglna paikrukwa igne, God yobuglomo idre, adigl gigledi moglka.
Pol ye Korin yoba pre mediglkwa i, si gigle di tenagledi prukwa
11Na nana kagna ake mitna ede moglka i, na du ere diga mere yegl paugwa ba ene mabuno erimara i na ake nu sigo, na ka yegl di moglka. Yoba tau ye Krais kogonmo yoba wakai kaima mune digwa ikra, ye kogon mina na egre atne edekrikwa pre na kogon erimara i ene kandre, Pol kogon wakai etne dima, kuno eruko. Na yoba yoko kaima ta moglka ba na kogon erimara i, ye kaima na egre atne edekrikwa. 12Na okna ene bogl akie munga igne, na oglka erekre, adigl gigledi mogl, Jisas dedugwa yoba kaima moledi, i nogugl ediga. I siragl pre na ene meglmara kimagl ya diu mere kide eriko, ene kanigwa. 13Na taragl swara ta Jisas yugobunomo dumo tau meglmara erika i, ene mina ama ta kodokrika. Na taragl ta dumo tau ere ene meglmara ta erekrika i, na ene yubun tedre, ene mige moni nario ta dikrika. Yegl pre aglau podo i, kide kodo nario!
14Ana erme na ege namba 3 ene meglmara unaglka magigl erukwa ba na okna ene migeno ikre, ene yubun tekrimere mere yegl, erme unaglka i, ama yegl eraglka. I siragl pre na ene taraglno ta inagledi prikrika ba ene ake ple di tenagledi prika. Ene prio. Gak ere mogl, mige moni bona sidre, i pi neno manoma tekrikwa ba ye neno manoma ere mogl, mige bona sidre, gagroma ake ple di teigwa. 15Kuno yegl mere na ene ake ple di tenagledi migena ene tedre, na nana moglmere i ama ene tedre, eraglka. Ba na kaniga i, na ene dena muduna podo teiga igne, ene deno muduno narekrikwa mere yegl kaniga.
16Ana na ene migeno ikre, yubun tekre, erika i, enene pre kan erikwa. Ba yoba tau digwa i, yegl digwa, Kaima, Pol no taragl ta nario dikrukwa ba ye no taraglno inagledi bakagl norume digwa. 17Ye yegl digwa i, siragl pre dime? Na yoba tau dedigo, ene meglmara kogon erimara i mina ene bakagl teigwa pre dimo? I kuno ta erekrumedi prika. 18Na Taitus ye agro swara ta bogl akie ene meglmara enabredi dediga ba Taitus ene bakagl tekrumedi prika. Na nomana pamere i, ye nomanemo paugo, te na mabuno erimere yegl, ye ama erumedi prika.
19Na ka di moglka i, ene tau praiglkwa, Pol ye yobama bogl yene kano dimiwedi praiglkwa ba yegl ta manugwa. No Krais kogonmo yoba munga pre ene si gigle di tenamnedi dumga. Na God gumuglo mina ka kaima diga. 20Ana na ka gigledi tau diga i, siragl pre na tau kudugl goglka i, ene nomane ikribi, na udre, ene mabunono kandre, kide pre dinagledi prika. Te, na kandre, ene siragl mere ere tenaglka i, ene ama kide pre dinaiglkwa pre diga. Na ene meglmara unaglka igne, ene enene kide kandre, jelas ere, deno kubraiglkwa mo nonga didre, yoba kenaglno sidre, mogl mitna edidre, mabuno gua gua eribi, na u kandre, kide pre dinaglka pre diga. 21Te, na ama prika i, na u ene kanaglka igne, ene mabunono kide pai moran, God na ene againo goratnedi eran, ene pre agai gogl dinagledi prika. Te, yoba okna tadaglme kane kane erikwa i, nomano yake tekre, ere meglbi, na u kandre, kaino ere dinagledi prika. Ye tau mabuno deglbi yogwa i ersre, yagl abu ta bogl kunogl nedre, mabuno gua gua erikwa i pre diga.
Currently Selected:
2 Korin 12: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 12
12
Pol gumuglomugl erumara i, God ye taragl tau mere obuno di togwa
1No nono kagno ake mitna edumga mabuno i, ta ake ple di norekrukwa ba tau dibo, praiglkwa. Na erme siragl mere gumuglnamugl eruko, Yagl Kade na taragl tau obuno di naruko, kaniga i pre dinaglka. 2-3Bugla yugu 14-pela ede ogwa igne, Krais ere mogl, ye yobamo swara ta auro i pi heven ibo, God yene moglmara edugwa. Ye ogo nagie bogl auro i ede omo mo kia swara auro i ede omo mo i, na ta prikrika. God yene prukwa. 4Ba Krais ye yagl i auro i pi dumo wakaile edugo, yagl i ka tau wakai kaima paugwa i, prukwa. Ye ka prukwa i, na dinaglka kuno erekrukwa. I siragl pre ka i, yoba di nogugl ede te dinatnedi, God mane di narukwa.
5-6Ana taragl yegl mere na moglmara plau dugwa pre na kagna ake mitna edenagledi pribo, kuno erabuka. I siragl pre na kagna ake i mitna edenaglka i, na du ka mere yegl ta dikrika. Na ka kaima diga. Na i mina kagna kade inaglka ba na mabuno siragl mere ersre, ka siragl mere dimara i mina yoba kandre, Jisas kogonmo yoba kaima ta moglmedi praiglmedi prika. Yegl pre na kagna ake i mitna edekraglka ba na yobra kogl paikruko, siragl mere pamere i keme dinaglka.
Pol ogo nagie mina kide ta sugwa
7Ana God taragl kane kane na moglmara i nogugl ede narukwa i mina na mogl mitna ede dinatnedi God kanige eruko, Satan ye na ogona nagna mina kide ta na sinabedi eruko, kide i na sugwa.
8Kide na sugwa i pre na ege suota Yagl Kade di prisre, kide i, i eglke ede narabedi di prika. 9Ye di prika ba ye kide i eglke ede narekre, yegl di narukwa, Na ene yoko kaima ere wakai ere teiga mabuno i, ene si gigle di tenabuka kuno erukwa. I siragl pre na yobuglna podo paugwa i, yoba ta yobuglo kogl paikrukwa igne, na yobuglna ye moglmara si kau si tomiwe dugwa. Ye yegl di narukwa pre na ege ege yobuglna kogl paikrume dinagledi prika. I siragl pre na yegl moraglka igne, Krais yobuglomo na bi di narabedi prika. 10Yegl prika pre na yobuglna paikruko, yoba na kagna ere kide ersre, na ere kide ere naramnedi erikwa mo na Krais kogonmo erimara i pre yubun kane kane plau dugo, giugl primara i pre na gun yeiga. I siragl pre na yobuglna paikrukwa igne, God yobuglomo idre, adigl gigledi moglka.
Pol ye Korin yoba pre mediglkwa i, si gigle di tenagledi prukwa
11Na nana kagna ake mitna ede moglka i, na du ere diga mere yegl paugwa ba ene mabuno erimara i na ake nu sigo, na ka yegl di moglka. Yoba tau ye Krais kogonmo yoba wakai kaima mune digwa ikra, ye kogon mina na egre atne edekrikwa pre na kogon erimara i ene kandre, Pol kogon wakai etne dima, kuno eruko. Na yoba yoko kaima ta moglka ba na kogon erimara i, ye kaima na egre atne edekrikwa. 12Na okna ene bogl akie munga igne, na oglka erekre, adigl gigledi mogl, Jisas dedugwa yoba kaima moledi, i nogugl ediga. I siragl pre na ene meglmara kimagl ya diu mere kide eriko, ene kanigwa. 13Na taragl swara ta Jisas yugobunomo dumo tau meglmara erika i, ene mina ama ta kodokrika. Na taragl ta dumo tau ere ene meglmara ta erekrika i, na ene yubun tedre, ene mige moni nario ta dikrika. Yegl pre aglau podo i, kide kodo nario!
14Ana erme na ege namba 3 ene meglmara unaglka magigl erukwa ba na okna ene migeno ikre, ene yubun tekrimere mere yegl, erme unaglka i, ama yegl eraglka. I siragl pre na ene taraglno ta inagledi prikrika ba ene ake ple di tenagledi prika. Ene prio. Gak ere mogl, mige moni bona sidre, i pi neno manoma tekrikwa ba ye neno manoma ere mogl, mige bona sidre, gagroma ake ple di teigwa. 15Kuno yegl mere na ene ake ple di tenagledi migena ene tedre, na nana moglmere i ama ene tedre, eraglka. Ba na kaniga i, na ene dena muduna podo teiga igne, ene deno muduno narekrikwa mere yegl kaniga.
16Ana na ene migeno ikre, yubun tekre, erika i, enene pre kan erikwa. Ba yoba tau digwa i, yegl digwa, Kaima, Pol no taragl ta nario dikrukwa ba ye no taraglno inagledi bakagl norume digwa. 17Ye yegl digwa i, siragl pre dime? Na yoba tau dedigo, ene meglmara kogon erimara i mina ene bakagl teigwa pre dimo? I kuno ta erekrumedi prika. 18Na Taitus ye agro swara ta bogl akie ene meglmara enabredi dediga ba Taitus ene bakagl tekrumedi prika. Na nomana pamere i, ye nomanemo paugo, te na mabuno erimere yegl, ye ama erumedi prika.
19Na ka di moglka i, ene tau praiglkwa, Pol ye yobama bogl yene kano dimiwedi praiglkwa ba yegl ta manugwa. No Krais kogonmo yoba munga pre ene si gigle di tenamnedi dumga. Na God gumuglo mina ka kaima diga. 20Ana na ka gigledi tau diga i, siragl pre na tau kudugl goglka i, ene nomane ikribi, na udre, ene mabunono kandre, kide pre dinagledi prika. Te, na kandre, ene siragl mere ere tenaglka i, ene ama kide pre dinaiglkwa pre diga. Na ene meglmara unaglka igne, ene enene kide kandre, jelas ere, deno kubraiglkwa mo nonga didre, yoba kenaglno sidre, mogl mitna edidre, mabuno gua gua eribi, na u kandre, kide pre dinaglka pre diga. 21Te, na ama prika i, na u ene kanaglka igne, ene mabunono kide pai moran, God na ene againo goratnedi eran, ene pre agai gogl dinagledi prika. Te, yoba okna tadaglme kane kane erikwa i, nomano yake tekre, ere meglbi, na u kandre, kaino ere dinagledi prika. Ye tau mabuno deglbi yogwa i ersre, yagl abu ta bogl kunogl nedre, mabuno gua gua erikwa i pre diga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission