2 Korin 13
13
Ka dudumara
1Ana erme na ege namba 3 ene meglmara unaglka. God kamo bage ta dugwa i, Yoba suo mo suota mo i ta u ka ta dibi, yoba ye kaima dimedi praiglmiwe#13.1 Lo 19.15 dugwa. Dumere yegl na ege suota u dibo, ene na kaima dumedi praiglkwa paugwa.
2Okna, na ege suo mere ene meglmara udre, ene ka di teimere yegl, erme ama eglke mogl, aglke kor dinaglka, Yoba okna tadaglme ere mogl wigwa mo erme ere meglkwa mo i pra, na ene meglmara unaglka igne, ye ka konade ta di tekraglka. 3I siragl pre enene digwa i, Pol ye Krais dra idre, ka di norumo mo yene prumere dumo mo i, ye ta eran, kanamniwe digwa. Ana Krais ye ene meglmara konande moglkre, kogon yobuglo bogl erukwa pre na ama ene meglmara konande moglkre, ka gigledi di tedre, yobuglo eraglka paugwa. 4Okna, Krais ede prak mina goglkwa igne, yoba kanigwa, ye yobuglomo paikrumedi kanigwa ba God yobuglomo mina ye ere i kor edugo, erme kor moglkwa. Kuno yegl mere no ye kogonmo yoba munga i, yobuglno paikrukwa ba God yobuglomo mina no Krais bogl akie kor moglsre, ene ake ple di tenamnedi kogon eramga.
5Ana enene doko kanio! God kamo, nono pre medunga i, dumere ene ere meglmo mo ere moglkrime? Enene doko kanibi, ene kanaiglkwa i, Jisas Krais ene meglmara suna kogon ere moglmedi kanaiglkwa paugwa. Mo, ta manan, ene kanaiglkwa i, ene mabuno erikwa i, God wakai ta kankrukwa pamedi kanaiglkwa. 6Te, na pre gi diga i, no kogon yoba mabunono i, ene ta doko kanibi, no mabunono i, God kide ta kankrumedi kanaiglkwa paugwa.
7Ana no ene pre kamage erumga i, ene aglau swara ta ere dinaiglmedi kamage erumga. Ba yoba ene mabunono kandre, no kogon wakai erimedi kanaiglkwa pre kogon erekrumga. Yoba no kogon wakai erimedi kanimo mo kide erimedi kanimo mo i, no ta pre yubun dekrumga ba ene mabuno du eraiglkwa swara i pre kamage erumga. 8I siragl pre ka kaima paugwa i, yoba duglo boraiglmedi eramga keme paugwa. No ka kaima i ta si kegl dinamnedi taragl swara ta erekramga.
9Ana ege tau no yobuglno paikrukwa ba ene yobuglno paugwa igne i no gun yomga. Te, no ene pre kamage erumga i, ene yake ede pi yoba mere yegl moglsre, adigl gigledi moraiglmedi kamage erumga. 10Te, na erme eglke moglsre, ka tau bogl teiga i, siragl pre ene erme nomane ibi, na unaglka igne, ka gigledi ta dikragledi prika. Ba ene nomane ta ikribi, na kaima ka gigledi dinaglka. I siragl pre Yagl Kade ye namba narsre, na kogon dedugwa i, na ene si atne edenaglka pre narekrukwa ba ene ake ple di tenaglka pre narukwa.
Pol Korin yoba wakai we di togwa
11Ana na ka okuo dinagledi prika i, yegl paugwa, Ene gun yedre, yake ede kade pi molo. Te, na ka tau ene nomane inaiglmedi pre diga i, duglo bolo. Te, ene ama ikne ikne nomano swara yedre, deno muduno ama swara yeo! Ene yegl eribi, God ene meglmara mogl tedre, ene deno muduno ikne ikne tenaiglmedi ere, ene deno muduno wida di padigl tenabuka.
12Ene ikne ikne God yobama munedi kandre, nuguno kugro, ikne ikne wakai we di teo. 13-14Te, God yobama na moglmara magigl meglkwa i, ye mudu ene wakai we di teigwa. Na prika, nono Yaglno Kade Jisas Krais ene yoko kaima ere wakai ere te moran, God dem muduo ene te pai moran, Mudu Murubuglo ama ene mudu deno muduno swara yenaiglmedi erabuka.
Currently Selected:
2 Korin 13: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 13
13
Ka dudumara
1Ana erme na ege namba 3 ene meglmara unaglka. God kamo bage ta dugwa i, Yoba suo mo suota mo i ta u ka ta dibi, yoba ye kaima dimedi praiglmiwe#13.1 Lo 19.15 dugwa. Dumere yegl na ege suota u dibo, ene na kaima dumedi praiglkwa paugwa.
2Okna, na ege suo mere ene meglmara udre, ene ka di teimere yegl, erme ama eglke mogl, aglke kor dinaglka, Yoba okna tadaglme ere mogl wigwa mo erme ere meglkwa mo i pra, na ene meglmara unaglka igne, ye ka konade ta di tekraglka. 3I siragl pre enene digwa i, Pol ye Krais dra idre, ka di norumo mo yene prumere dumo mo i, ye ta eran, kanamniwe digwa. Ana Krais ye ene meglmara konande moglkre, kogon yobuglo bogl erukwa pre na ama ene meglmara konande moglkre, ka gigledi di tedre, yobuglo eraglka paugwa. 4Okna, Krais ede prak mina goglkwa igne, yoba kanigwa, ye yobuglomo paikrumedi kanigwa ba God yobuglomo mina ye ere i kor edugo, erme kor moglkwa. Kuno yegl mere no ye kogonmo yoba munga i, yobuglno paikrukwa ba God yobuglomo mina no Krais bogl akie kor moglsre, ene ake ple di tenamnedi kogon eramga.
5Ana enene doko kanio! God kamo, nono pre medunga i, dumere ene ere meglmo mo ere moglkrime? Enene doko kanibi, ene kanaiglkwa i, Jisas Krais ene meglmara suna kogon ere moglmedi kanaiglkwa paugwa. Mo, ta manan, ene kanaiglkwa i, ene mabuno erikwa i, God wakai ta kankrukwa pamedi kanaiglkwa. 6Te, na pre gi diga i, no kogon yoba mabunono i, ene ta doko kanibi, no mabunono i, God kide ta kankrumedi kanaiglkwa paugwa.
7Ana no ene pre kamage erumga i, ene aglau swara ta ere dinaiglmedi kamage erumga. Ba yoba ene mabunono kandre, no kogon wakai erimedi kanaiglkwa pre kogon erekrumga. Yoba no kogon wakai erimedi kanimo mo kide erimedi kanimo mo i, no ta pre yubun dekrumga ba ene mabuno du eraiglkwa swara i pre kamage erumga. 8I siragl pre ka kaima paugwa i, yoba duglo boraiglmedi eramga keme paugwa. No ka kaima i ta si kegl dinamnedi taragl swara ta erekramga.
9Ana ege tau no yobuglno paikrukwa ba ene yobuglno paugwa igne i no gun yomga. Te, no ene pre kamage erumga i, ene yake ede pi yoba mere yegl moglsre, adigl gigledi moraiglmedi kamage erumga. 10Te, na erme eglke moglsre, ka tau bogl teiga i, siragl pre ene erme nomane ibi, na unaglka igne, ka gigledi ta dikragledi prika. Ba ene nomane ta ikribi, na kaima ka gigledi dinaglka. I siragl pre Yagl Kade ye namba narsre, na kogon dedugwa i, na ene si atne edenaglka pre narekrukwa ba ene ake ple di tenaglka pre narukwa.
Pol Korin yoba wakai we di togwa
11Ana na ka okuo dinagledi prika i, yegl paugwa, Ene gun yedre, yake ede kade pi molo. Te, na ka tau ene nomane inaiglmedi pre diga i, duglo bolo. Te, ene ama ikne ikne nomano swara yedre, deno muduno ama swara yeo! Ene yegl eribi, God ene meglmara mogl tedre, ene deno muduno ikne ikne tenaiglmedi ere, ene deno muduno wida di padigl tenabuka.
12Ene ikne ikne God yobama munedi kandre, nuguno kugro, ikne ikne wakai we di teo. 13-14Te, God yobama na moglmara magigl meglkwa i, ye mudu ene wakai we di teigwa. Na prika, nono Yaglno Kade Jisas Krais ene yoko kaima ere wakai ere te moran, God dem muduo ene te pai moran, Mudu Murubuglo ama ene mudu deno muduno swara yenaiglmedi erabuka.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission