2 Korin 4
4
Jisas dedugwa yoba yubun tau mere idre, kogon erikwa
1Ana no Jisas dedugwa yoba munga i, God yene mitno goglsre, no kogon yegl eraiglmedi norukwa pre no oglka ta erekrumga. 2Te, yoba atne teke moglsre, agai geglkwa mabuno ere meglkwa i, no mabuno yegl kide kodidre, yoba ama bakagl tekrumga. Te, God kamo i, no di ta edekre, pamere yegl, kuno ere yoba di te wan munga. Yegl pre yoba no mabuno kaima erumga i kandre, nomano mina pre pogl sinaiglkwa i, no God gumuglo mina kogon wakai erimiwe di, pre pogl sinaiglkwa paugwa.
3Ana no Jisas kamo wakai yoba di te wan munga i, yoba tau prikwa, ka i nogugl paikre, teke pamedi prikwa ba i ta manugwa. Yoba ka teke pame digwa i, doga denaiglkwa meglkwa i keme Jisas kamo pre pogl sikre, digwa. 4I siragl pre Satan moglkwa i, ye makandigle yoba godno mere yegl moglkwa pre yoba pre mediglkrikwa i, pre medigl dinaiglmedi nomano si gigle di togo, gumuglno kin yogwa mere yegl paugwa. Krais kamo wakai i, ye meglmara abuglage mere yegl sinan, Krais siragl mere wakai yene mogl, God moglmere kuno kaima moglkwa i, ye kan dinaiglmedi gumuglno si kegl di togwa. Gumuglno si kegl di tomara swara i pre ye Krais kamo pre pogl sikrikwa.
5No yoba ka di tomga i, no nono kano ta dikrumga. Nono Yaglno Kade Krais Jisas kamo swara i, yoba di tomga. Te, no nono pre ka swara ta dumga i, no Jisas kogonmo erumga i pre no ene yoba niglno kogono yoba keme muniwe di, yegl dumga. 6God ye yene okna ibo mim erumara Abuglage sinabiwe#4.6 Oknayene Ibo 1.3 dugo, sugwa. Te, erme we, no deno muduno mina ama abuglage si norukwa. Abuglage i, God abuglagemo Jisas mina kau sugwa i, pre pogl sinaiglmedi deno muduno mina abuglage si norukwa.
7Krais wakai yene mogl, God abuglagemo i nogugl edugwa pre kan erumga i, taragl podo kaima ta paugwa. Paugwa ba God ere mogl, makan koglwa sin mina atne edugwa mere yegl paugwa. I siragl pre ye abuglagemo taragl podo paugo, nono makadigle yoba munga i, no taragl yoko munga. Ba God ye abuglagemo munara atne edugwa i, mem ta paugwa. Jisas kamo dumga igne, ye yobuglomo podo kide pamedi kanaiglkwa i, yoba yobro mina ukrumedi kandre, God yene yobuglomo mina umedi kanaiglkwa pre erukwa.
8No yubun kane kane yumga ba yubun kane kane i, no si atne edekrikwa. Te, ege tau mere nomano mina kinano gudu prumga ba no nomano u kide pikrukwa. 9Yoba ege mere no ere kide ere norikwa ba God moko norokrukwa. Te, taragl kane kane no si atne edinamnedi erikwa ba no u kide pikrumga. 10Jisas yubun idre, goglmere mere yegl, no ogono nagino mina yubun idre, goramnedi ere munga mere yegl paugwa. Ba taragl kane kane yegl plau dugwa i, Jisas yene no ogono nagino mina atne kor moluwedi, i nogugl edenan, yoba kanaiglkwa pre plau dugwa.
11No kor moglsre, Jisas kogonmo ere wan munga i pre yoba ege ege no si goramnedi eriko, no ege mere gunga baka dugwa. Ba God taragl yegl mere plau dinabedi kanige erukwa i, Jisas no munara atne kor moglkwa i, i nogugl edenan, yoba kanaiglmedi prukwa. Kaima no ogono nagino i, gorabuka yogwa ba Jisas yene ogono nagino mina atne moglkwa i, yoba kanaiglkwa paugwa. 12Yegl pre no yubun yumnara i, no gunga mere yegl paugwa ba ene no kanigwa igne, no adigl gigledi meglmedi kandre, nomane idre, yobuglo kor kor i meglkwa.
13Yegl mere paugwa ba Jisas kamo di pai munga i, God kamo pre medunga gi dugwa pre no di pai munga. Yoba ta God kamo mina okna ibo boglkwa i, yegl boglkwa, Na God kamo pre mediglka pre na diwe di,#4.13 Giglage 116.10 yegl boglmere mere yegl, no ama God kamo pre mediglsre, di pai munga. 14Te, no ama prumga i, God, ye Yaglno Kade Jisas ere i kor edugwa God i, ye no ama Jisas bogl akie kor moraiglmedi no ere i kor edenan, no ene bogl akie God gumuglo mina adigl moramga pamedi prumga.
15Ana taragl kane kane no munara plau dugwa pre diga i, siragl pre na prika, taragl kane kane i mina no ene ake ple di tomnedi prika. Te, no kogon erumnara i mina God yoba yoko kaima ere yugwa kamo i, ede eglke eglke enan, yoba mere ye mabunomo i, kan pogl sidre, God di wakai yei tebi, God kagie kade inabuka.
16No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa. 17No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka. 18Yegl pre no taragl erme gumuglno mina kan munga i, pre i mitna edekrumga ba no taragl tau gumuglno mina kankrumga i, pre i mitna edumga. I siragl pre taragl tau erme gumuglno mina kanumga i, ege sugunagle keme yenabuka ba taragl tau gumuglno mina kankrumga i, aimadi kamin yenabuka.
Currently Selected:
2 Korin 4: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 4
4
Jisas dedugwa yoba yubun tau mere idre, kogon erikwa
1Ana no Jisas dedugwa yoba munga i, God yene mitno goglsre, no kogon yegl eraiglmedi norukwa pre no oglka ta erekrumga. 2Te, yoba atne teke moglsre, agai geglkwa mabuno ere meglkwa i, no mabuno yegl kide kodidre, yoba ama bakagl tekrumga. Te, God kamo i, no di ta edekre, pamere yegl, kuno ere yoba di te wan munga. Yegl pre yoba no mabuno kaima erumga i kandre, nomano mina pre pogl sinaiglkwa i, no God gumuglo mina kogon wakai erimiwe di, pre pogl sinaiglkwa paugwa.
3Ana no Jisas kamo wakai yoba di te wan munga i, yoba tau prikwa, ka i nogugl paikre, teke pamedi prikwa ba i ta manugwa. Yoba ka teke pame digwa i, doga denaiglkwa meglkwa i keme Jisas kamo pre pogl sikre, digwa. 4I siragl pre Satan moglkwa i, ye makandigle yoba godno mere yegl moglkwa pre yoba pre mediglkrikwa i, pre medigl dinaiglmedi nomano si gigle di togo, gumuglno kin yogwa mere yegl paugwa. Krais kamo wakai i, ye meglmara abuglage mere yegl sinan, Krais siragl mere wakai yene mogl, God moglmere kuno kaima moglkwa i, ye kan dinaiglmedi gumuglno si kegl di togwa. Gumuglno si kegl di tomara swara i pre ye Krais kamo pre pogl sikrikwa.
5No yoba ka di tomga i, no nono kano ta dikrumga. Nono Yaglno Kade Krais Jisas kamo swara i, yoba di tomga. Te, no nono pre ka swara ta dumga i, no Jisas kogonmo erumga i pre no ene yoba niglno kogono yoba keme muniwe di, yegl dumga. 6God ye yene okna ibo mim erumara Abuglage sinabiwe#4.6 Oknayene Ibo 1.3 dugo, sugwa. Te, erme we, no deno muduno mina ama abuglage si norukwa. Abuglage i, God abuglagemo Jisas mina kau sugwa i, pre pogl sinaiglmedi deno muduno mina abuglage si norukwa.
7Krais wakai yene mogl, God abuglagemo i nogugl edugwa pre kan erumga i, taragl podo kaima ta paugwa. Paugwa ba God ere mogl, makan koglwa sin mina atne edugwa mere yegl paugwa. I siragl pre ye abuglagemo taragl podo paugo, nono makadigle yoba munga i, no taragl yoko munga. Ba God ye abuglagemo munara atne edugwa i, mem ta paugwa. Jisas kamo dumga igne, ye yobuglomo podo kide pamedi kanaiglkwa i, yoba yobro mina ukrumedi kandre, God yene yobuglomo mina umedi kanaiglkwa pre erukwa.
8No yubun kane kane yumga ba yubun kane kane i, no si atne edekrikwa. Te, ege tau mere nomano mina kinano gudu prumga ba no nomano u kide pikrukwa. 9Yoba ege mere no ere kide ere norikwa ba God moko norokrukwa. Te, taragl kane kane no si atne edinamnedi erikwa ba no u kide pikrumga. 10Jisas yubun idre, goglmere mere yegl, no ogono nagino mina yubun idre, goramnedi ere munga mere yegl paugwa. Ba taragl kane kane yegl plau dugwa i, Jisas yene no ogono nagino mina atne kor moluwedi, i nogugl edenan, yoba kanaiglkwa pre plau dugwa.
11No kor moglsre, Jisas kogonmo ere wan munga i pre yoba ege ege no si goramnedi eriko, no ege mere gunga baka dugwa. Ba God taragl yegl mere plau dinabedi kanige erukwa i, Jisas no munara atne kor moglkwa i, i nogugl edenan, yoba kanaiglmedi prukwa. Kaima no ogono nagino i, gorabuka yogwa ba Jisas yene ogono nagino mina atne moglkwa i, yoba kanaiglkwa paugwa. 12Yegl pre no yubun yumnara i, no gunga mere yegl paugwa ba ene no kanigwa igne, no adigl gigledi meglmedi kandre, nomane idre, yobuglo kor kor i meglkwa.
13Yegl mere paugwa ba Jisas kamo di pai munga i, God kamo pre medunga gi dugwa pre no di pai munga. Yoba ta God kamo mina okna ibo boglkwa i, yegl boglkwa, Na God kamo pre mediglka pre na diwe di,#4.13 Giglage 116.10 yegl boglmere mere yegl, no ama God kamo pre mediglsre, di pai munga. 14Te, no ama prumga i, God, ye Yaglno Kade Jisas ere i kor edugwa God i, ye no ama Jisas bogl akie kor moraiglmedi no ere i kor edenan, no ene bogl akie God gumuglo mina adigl moramga pamedi prumga.
15Ana taragl kane kane no munara plau dugwa pre diga i, siragl pre na prika, taragl kane kane i mina no ene ake ple di tomnedi prika. Te, no kogon erumnara i mina God yoba yoko kaima ere yugwa kamo i, ede eglke eglke enan, yoba mere ye mabunomo i, kan pogl sidre, God di wakai yei tebi, God kagie kade inabuka.
16No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa. 17No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka. 18Yegl pre no taragl erme gumuglno mina kan munga i, pre i mitna edekrumga ba no taragl tau gumuglno mina kankrumga i, pre i mitna edumga. I siragl pre taragl tau erme gumuglno mina kanumga i, ege sugunagle keme yenabuka ba taragl tau gumuglno mina kankrumga i, aimadi kamin yenabuka.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission