2 Korin 5
5
Nono gogl, ogono nagno kor inamga
1Ana no erme ogono nagino mina yubun mere i munga ba no prumga, ogono nagino erme makandigle paugwa i, sel yugu yoko mere yegl yomedi prumga. Sel yugu i bugl kide erabuka ba yuguno kaima heven ibo yei pai moglkwa. Yugu i, yoba ogono mina keikrikwa ba God yene kegwa.
2No erme makandigle munga igne, gign ake didre, ogono nagino kor, yugu kaima mere yegl yogwa i, inamnba di prumga. Te, ogono nagino kor inamne diga i, kugugl gagl kor idre, edinamga mere yegl paugwa. 3Nono okuo kiano mina mogl, yokoko ta moglkramga. I siragl pre nono ogono nagino kor idre, kugugl gagl mere yegl edinamga. 4Yegl pre no erme makandigle munga igne, yubun idre, gign ake di, ogono nagino kor inamnba di prumga. No ogono nagino erme paugwa i gugl kide kodidre, yokoko mere yegl moramnedi prikrumga ba kugugl gagl kor, wakai kaima yogwa i, edinamnedi prumga mere yegl paugwa pre diga. I siragl pre ogono nagino erme paugwa i, gorabuka paugwa ba ogono nagino kor inamga i, aimadi kamin panabuka.
5Ana God nono ogono nagino kor noragle dugwa i, ye Murubuglomo norumara i mina ye i nogugl ede, ogono nagino kor ikra ka kaima inaiglmiwedi, i nogugl ede kodugwa.
6Ana no taragl yegl mere okuo plau dinabedi pre gi dumga pre oglka erekre, ege ege yobuglo i munga. Te, no ama prumga i, ogono nagino erme paugwa i bogl munga pre no Yagl Kade moglmara ta moglkrumga. 7No yegl prumga i, siragl pre taragl tau, gumuglno mina kamga i, nomane sikrumga ba God kamo plau dinabedi pre gi di munga. 8Yegl pre no yobro idre, wan munga. Te, no prumga i, ogono nagino erme paugwa i kide kodidre, ede Yagl Kade moglmara pi, ye bogl akie moramga i, wakai panabedi prumga.
9Ana nono okuo ede pi Yaglno Kade moglmara enamga i pre no ege ege prumga i, mabuno tau ye wakai kanugwa i keme eramnedi prumga. Makandigle mogl pai moramga mo goglsre, ye moglmara enamga mo i pra, ege ege ye mabuno tau wakai kanugwa i keme eramnedi prumga. 10I siragl pre Krais okuo jas siamo mina ame di moran, nono mudu ye gumamugl adigl mun, nono okna makandigle ogono nagino mina moglsre, mabuno siragl mere erumga i, ye kan yubu sinabuka paugwa. Kan yubu sidre, nono swara swarade mabuno wakai erumga mo mabuno kide erumga i, nono erumnere mere ye noro ikne edenabuka.
Jisas kamo prisre, God bogl deno muduno swara yenaiglkwa
11Ana no Krais kogonmo yoba munga i, okuo nono mudu Yaglno Kade gumamugl adigl moramgra we di prisre, no ye kuduglmo gogl, ye kamo yoba pre medraiglmedi di tomga. No kogon yegl ere wan moglsre, mabuno siragl mere ta erumga i, God gumuglo mina nogugl paugwa. Te, ene ama kanigwa. 12Ka i mitna ene kinano sidre, no wakai kanaiglmedi ta prikrumga ba ene no kogono kandre, gun yenaiglmedi bunga. Ene gun yedre, yoba tau kagno ake mitna edigwa i, kano si kegl dinaiglkwa. Yoba i, ye yoba gumuglnomugl wakai kanaiglmedi ersre, deno muduno siragl mere paugwa i, pre yubun dekrikwa.
13Ana no kogon erumnara i, yoba tau no du erimedi pribi, pra, God swara no wakai kanabedi prumga. Mo, yoba tau no nomano wakai paugo, kogon erimedi pribi, i ama wakai. No kogon erumga i, ene wakai moraiglmedi kogon ere munga. 14Siragl pre Krais dem muduo podo norukwa i, no batno sugo, no ye kogonmo erumga. Te, no prumga i, ye swara nono mudu pre goglkwa pre nono mudu akie gunga mere yegl pamedi prumga. 15Krais ye yoba mudu pre goglkwa i, yoba u kor pidre, kor moraiglkwa yobamo i, ye yene primere mogl pai erekre, Krais prumere mere mogl pai eraiglkwa pre goglkwa. Ye nono pre goglsre, adigl u kor ogwa pre nono kaima yegl eramga paugwa.
16Ana mem yegl mere paugwa pre no erme yoba ogono nagino mina meda mabuno erikwa i kandre, ye kan yubu sikrumga. No okna yoba taragl meda erikwa i keme kamga igne, Krais ama yoba yoko ta moglmedi kamga ba no erme yegl mere ta kankrumga. 17No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
18-19Ana taragl mudu yegl mere God yene erukwa. God ere mogl, Krais kogon erumara i mina nono erme ye bogl deno muduno swara yomga. Na ka yegl diga i, God yoba bogl deno muduno swara yenaiglkwa i, God ere mogl, Krais kogon erabara swara i mina yoba mudu uglo koglo koglo meglkwa i, tadaglmeno kide kodo tenan, ye bogl deno muduno swara yenamnedi konbauna yauro togwa pre diga. Te, no ye kogonmo yoba munga i, God no ama kogon norsre, yoba siragl mere ye bogl deno muduno swara yenaiglkwa i, yoba di teo dugwa. 20Ana God kogon yegl mere norukwa pre no Krais dra idre, ye kamo yoba di tomga. Te, no ye kamo yoba di tomga igne i God no drano mina yoba agle dugwa mere yegl paugwa. No Krais kamo yoba di tedre, ka gigledi di tomga i, Krais kogon erumara i pre ene u God bogl deno muduno swara yeo! dumga. 21I siragl pre Krais ye tadaglme ta ere kankrukwa ba God yoba tadaglmeno mudu i pi ye moglmara edugo, Krais mudu topo erukwa. God yegl erukwa i, nono Krais kogon erumara i mina God ye du moglmere mere yegl, nono ama ye gumuglo mina yoba du moraiglmedi pre erukwa.
Currently Selected:
2 Korin 5: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 5
5
Nono gogl, ogono nagno kor inamga
1Ana no erme ogono nagino mina yubun mere i munga ba no prumga, ogono nagino erme makandigle paugwa i, sel yugu yoko mere yegl yomedi prumga. Sel yugu i bugl kide erabuka ba yuguno kaima heven ibo yei pai moglkwa. Yugu i, yoba ogono mina keikrikwa ba God yene kegwa.
2No erme makandigle munga igne, gign ake didre, ogono nagino kor, yugu kaima mere yegl yogwa i, inamnba di prumga. Te, ogono nagino kor inamne diga i, kugugl gagl kor idre, edinamga mere yegl paugwa. 3Nono okuo kiano mina mogl, yokoko ta moglkramga. I siragl pre nono ogono nagino kor idre, kugugl gagl mere yegl edinamga. 4Yegl pre no erme makandigle munga igne, yubun idre, gign ake di, ogono nagino kor inamnba di prumga. No ogono nagino erme paugwa i gugl kide kodidre, yokoko mere yegl moramnedi prikrumga ba kugugl gagl kor, wakai kaima yogwa i, edinamnedi prumga mere yegl paugwa pre diga. I siragl pre ogono nagino erme paugwa i, gorabuka paugwa ba ogono nagino kor inamga i, aimadi kamin panabuka.
5Ana God nono ogono nagino kor noragle dugwa i, ye Murubuglomo norumara i mina ye i nogugl ede, ogono nagino kor ikra ka kaima inaiglmiwedi, i nogugl ede kodugwa.
6Ana no taragl yegl mere okuo plau dinabedi pre gi dumga pre oglka erekre, ege ege yobuglo i munga. Te, no ama prumga i, ogono nagino erme paugwa i bogl munga pre no Yagl Kade moglmara ta moglkrumga. 7No yegl prumga i, siragl pre taragl tau, gumuglno mina kamga i, nomane sikrumga ba God kamo plau dinabedi pre gi di munga. 8Yegl pre no yobro idre, wan munga. Te, no prumga i, ogono nagino erme paugwa i kide kodidre, ede Yagl Kade moglmara pi, ye bogl akie moramga i, wakai panabedi prumga.
9Ana nono okuo ede pi Yaglno Kade moglmara enamga i pre no ege ege prumga i, mabuno tau ye wakai kanugwa i keme eramnedi prumga. Makandigle mogl pai moramga mo goglsre, ye moglmara enamga mo i pra, ege ege ye mabuno tau wakai kanugwa i keme eramnedi prumga. 10I siragl pre Krais okuo jas siamo mina ame di moran, nono mudu ye gumamugl adigl mun, nono okna makandigle ogono nagino mina moglsre, mabuno siragl mere erumga i, ye kan yubu sinabuka paugwa. Kan yubu sidre, nono swara swarade mabuno wakai erumga mo mabuno kide erumga i, nono erumnere mere ye noro ikne edenabuka.
Jisas kamo prisre, God bogl deno muduno swara yenaiglkwa
11Ana no Krais kogonmo yoba munga i, okuo nono mudu Yaglno Kade gumamugl adigl moramgra we di prisre, no ye kuduglmo gogl, ye kamo yoba pre medraiglmedi di tomga. No kogon yegl ere wan moglsre, mabuno siragl mere ta erumga i, God gumuglo mina nogugl paugwa. Te, ene ama kanigwa. 12Ka i mitna ene kinano sidre, no wakai kanaiglmedi ta prikrumga ba ene no kogono kandre, gun yenaiglmedi bunga. Ene gun yedre, yoba tau kagno ake mitna edigwa i, kano si kegl dinaiglkwa. Yoba i, ye yoba gumuglnomugl wakai kanaiglmedi ersre, deno muduno siragl mere paugwa i, pre yubun dekrikwa.
13Ana no kogon erumnara i, yoba tau no du erimedi pribi, pra, God swara no wakai kanabedi prumga. Mo, yoba tau no nomano wakai paugo, kogon erimedi pribi, i ama wakai. No kogon erumga i, ene wakai moraiglmedi kogon ere munga. 14Siragl pre Krais dem muduo podo norukwa i, no batno sugo, no ye kogonmo erumga. Te, no prumga i, ye swara nono mudu pre goglkwa pre nono mudu akie gunga mere yegl pamedi prumga. 15Krais ye yoba mudu pre goglkwa i, yoba u kor pidre, kor moraiglkwa yobamo i, ye yene primere mogl pai erekre, Krais prumere mere mogl pai eraiglkwa pre goglkwa. Ye nono pre goglsre, adigl u kor ogwa pre nono kaima yegl eramga paugwa.
16Ana mem yegl mere paugwa pre no erme yoba ogono nagino mina meda mabuno erikwa i kandre, ye kan yubu sikrumga. No okna yoba taragl meda erikwa i keme kamga igne, Krais ama yoba yoko ta moglmedi kamga ba no erme yegl mere ta kankrumga. 17No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
18-19Ana taragl mudu yegl mere God yene erukwa. God ere mogl, Krais kogon erumara i mina nono erme ye bogl deno muduno swara yomga. Na ka yegl diga i, God yoba bogl deno muduno swara yenaiglkwa i, God ere mogl, Krais kogon erabara swara i mina yoba mudu uglo koglo koglo meglkwa i, tadaglmeno kide kodo tenan, ye bogl deno muduno swara yenamnedi konbauna yauro togwa pre diga. Te, no ye kogonmo yoba munga i, God no ama kogon norsre, yoba siragl mere ye bogl deno muduno swara yenaiglkwa i, yoba di teo dugwa. 20Ana God kogon yegl mere norukwa pre no Krais dra idre, ye kamo yoba di tomga. Te, no ye kamo yoba di tomga igne i God no drano mina yoba agle dugwa mere yegl paugwa. No Krais kamo yoba di tedre, ka gigledi di tomga i, Krais kogon erumara i pre ene u God bogl deno muduno swara yeo! dumga. 21I siragl pre Krais ye tadaglme ta ere kankrukwa ba God yoba tadaglmeno mudu i pi ye moglmara edugo, Krais mudu topo erukwa. God yegl erukwa i, nono Krais kogon erumara i mina God ye du moglmere mere yegl, nono ama ye gumuglo mina yoba du moraiglmedi pre erukwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission