2 Korin 7
7
1Ana agrama abarama wagle, ene na dena muduna suna meglkwa i, ene prio. God ye nono munara mogl noragledi promis di padigl norukwa pre nono ogono nagino mina ya kiano mina mabuno deglbi yogwa ta eramga i, kide kodinamga paugwa. Kide kodidre, God kuduglmo gogl, ye mabunomo ta panabere yegl keme ege ege eramga paugwa.
2Ana ene meglkwa i, ene no deno muduno noraiglkwa paugwa. I siragl pre no munga i, ene Korin yoba meglkwa i swarano ta aglau ere tedre, ere kide ere tekrumga. Te, no ene swarano ta bakagl tekrumga. 3Na yegl diga i, ene agai goraiglkwa pre ta dikrika. No siragl mere ene deno muduno tomga i, na di kodiga. Kaima nono akie kor moramga mo goramga mo i pra, no ene ege ege deno muduno te pai moramga.
4No yubun podo imnara i, na ene Korin yoba wakai eraiglkrawa we di prisre, gun yei pai moglka. Te, na pre gi diga i, ene nomane wakai idre, wakai eraiglkrawa we di prisre, dena muduna aragan eruko, na yoba pere ama di tedre, Korin yoba kaima wakai yegl eraiglkrawa we diga.
Korin yoba nomano yake teigwa pre Pol gun yogwa
5Ana no okna dumo Troas kide kodidre, ede provins Masedonia umga igne, no ta mogl, ir si pre, wakai ta moglkrumga. I siragl pre yubun kane kane no munara ugwa. Ogono nagino mina yoba no ere sinamnedi eriko, te deno muduno mina ama kudugl gunga. 6Yegl mere munga ba God moglkwa i, ye yoba ta deno muduno yubun dogwa i, deno muduno wida di padigl togwa God moglkwa pre ye no munara ama yegl erukwa. Ye erukwa i, Taitus no munara unabedi dedugo, ugwa pre no Taitus kamga igne, deno muduno aragan erukwa. 7Te, no Taitus kamga i pre swara deno muduno aragan erekrukwa ba ye ugwa igne, ye ene pre ka wakai di norukwa pre no deno muduno wida dugo, no aragan erumga. Ye ene meglmara ogwa igne ene ye siragl mere dem muduo si gigle di teigwa i no di norsre, te ene na kanamnedi prikwa ya ene okna mabuno kide erimara i kide prisre, na bogl ka kaima deno muduno swara yenamnedi prikwa i, Taitus no di norukwa pre na prisre, gun podo yeiga.
Pol pas okna ta ibun di boglkwa
8Na pepa ta ene okna bogl teimara ikra mina ene deno muduno yubun dogwa mere yegl pamedi prika ba na kide ta prikrika. Na okna kana tau kide prika ba na erme kaniga i, pepa i mina ene deno muduno ege sugunagle ta yubun dogo, 9ene okuo nomane wakai igwa pre na erme gun yeiga. Na gun yeie diga i, ene deno muduno yubun dogwa i pre ta dikrika ba ene kide prisre, nomano yake teigwa i pre na wakai prika. I siragl pre God yene ene deno muduno yubun denabedi eruko, ene nomane igwa pre na prika i, no ene ka di tomnara i, ene aglau ta ere tekrumnedi prika. 10God ye yoba deno muduno yubun denabedi erukwa i, ye nomano yake tebi, ye ake ple di tenabuka i pre erukwa. Yegl pre God yene eruko, yoba deno muduno yubun dogwa igne, yoba i nomane wakai idre, okuo kide ta prikrikwa. Ba makandigle yoba meglkwa i, deno muduno yubun dogwa igne, ye geglkwa mabuno i nogugl edigwa.
11Ana ene prio. God ene deno muduno yubun denabedi erumara i mina taragl wakai wakai ene meglmara plau dugwa. Ene nomane kor idre, mabuno kide ta ere meglkwa i sedinamnedi prikwa. Te, yoba swara ta mabuno kide erukwa ikra pre ene kide prisre, God kuduglmo geglkwa. Ene yegl ersre, te ene ama nomane sidre, yoba ta kide erukwa i ka kaima ake kun eramnedi prikwa pre ene erimara i mina na kaniga, ene nomane wakai ta idre, aglau ta erekramnedi prikwa mere yegl kaniga.
12Ana na pepa ta ene bogl teiga ikra, na yoba ta mabuno kide erukwa i ake ple di tenagledi boglkrika. Te, ye yoba ta ere kide ere togwa yobamo i ama ake ple di tenagledi boglkrika ba ene mudu nomane idre, no kano duglo boramnedi praiglkwa pre boglka. Te, pepa i mina God ene nomane tenan, ene mabuno kor ersre, gun yei, wakai erumnedi praiglkwa pre na pepa i boglka. 13Yegl pre ene pepa i kerikwa igne, nomane idre, mabuno wakai erimara i mina no deno muduno aragan erukwa.
Ana ene Korin yoba mabunono i pre Taitus dugo, no prumga igne, no deno muduno aragan erukwa ba Taitus gun siragl mere yogwa i no kamga igne, gun podo kide kaima yomga. I siragl pre ene mabuno wakai erimara i, ene mudu Taitus dem muduo aragan erabedi erikwa pre ye gun yogwa. 14Te, Taitus na moglmara ugo, ene Korin yoba siragl mere erimere i, debino siga i, Taitus prisre, ene meglmara ogwa igne, na kaima dumedi kanugo, ka diga i pre na agai ta goglkrika. Na ene ka kaima keme di teimere mere yegl, Taitus ama kuno yegl di teiga. 15Taitus ene meglmara ogwa igne, ene ye di idre, kuduglmo gogl, ye pre i mitna edidre, kamo duglo beglkwa pre ene mabunono i, Taitus erme pre moglsre, ene wakai kaima kanugwa. 16Te, na erme gun podo yeiga. I siragl pre ene mabuno wakai keme ere pai moraiglkwa mere yegl pamedi prisre, gun yeiga.
Currently Selected:
2 Korin 7: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 7
7
1Ana agrama abarama wagle, ene na dena muduna suna meglkwa i, ene prio. God ye nono munara mogl noragledi promis di padigl norukwa pre nono ogono nagino mina ya kiano mina mabuno deglbi yogwa ta eramga i, kide kodinamga paugwa. Kide kodidre, God kuduglmo gogl, ye mabunomo ta panabere yegl keme ege ege eramga paugwa.
2Ana ene meglkwa i, ene no deno muduno noraiglkwa paugwa. I siragl pre no munga i, ene Korin yoba meglkwa i swarano ta aglau ere tedre, ere kide ere tekrumga. Te, no ene swarano ta bakagl tekrumga. 3Na yegl diga i, ene agai goraiglkwa pre ta dikrika. No siragl mere ene deno muduno tomga i, na di kodiga. Kaima nono akie kor moramga mo goramga mo i pra, no ene ege ege deno muduno te pai moramga.
4No yubun podo imnara i, na ene Korin yoba wakai eraiglkrawa we di prisre, gun yei pai moglka. Te, na pre gi diga i, ene nomane wakai idre, wakai eraiglkrawa we di prisre, dena muduna aragan eruko, na yoba pere ama di tedre, Korin yoba kaima wakai yegl eraiglkrawa we diga.
Korin yoba nomano yake teigwa pre Pol gun yogwa
5Ana no okna dumo Troas kide kodidre, ede provins Masedonia umga igne, no ta mogl, ir si pre, wakai ta moglkrumga. I siragl pre yubun kane kane no munara ugwa. Ogono nagino mina yoba no ere sinamnedi eriko, te deno muduno mina ama kudugl gunga. 6Yegl mere munga ba God moglkwa i, ye yoba ta deno muduno yubun dogwa i, deno muduno wida di padigl togwa God moglkwa pre ye no munara ama yegl erukwa. Ye erukwa i, Taitus no munara unabedi dedugo, ugwa pre no Taitus kamga igne, deno muduno aragan erukwa. 7Te, no Taitus kamga i pre swara deno muduno aragan erekrukwa ba ye ugwa igne, ye ene pre ka wakai di norukwa pre no deno muduno wida dugo, no aragan erumga. Ye ene meglmara ogwa igne ene ye siragl mere dem muduo si gigle di teigwa i no di norsre, te ene na kanamnedi prikwa ya ene okna mabuno kide erimara i kide prisre, na bogl ka kaima deno muduno swara yenamnedi prikwa i, Taitus no di norukwa pre na prisre, gun podo yeiga.
Pol pas okna ta ibun di boglkwa
8Na pepa ta ene okna bogl teimara ikra mina ene deno muduno yubun dogwa mere yegl pamedi prika ba na kide ta prikrika. Na okna kana tau kide prika ba na erme kaniga i, pepa i mina ene deno muduno ege sugunagle ta yubun dogo, 9ene okuo nomane wakai igwa pre na erme gun yeiga. Na gun yeie diga i, ene deno muduno yubun dogwa i pre ta dikrika ba ene kide prisre, nomano yake teigwa i pre na wakai prika. I siragl pre God yene ene deno muduno yubun denabedi eruko, ene nomane igwa pre na prika i, no ene ka di tomnara i, ene aglau ta ere tekrumnedi prika. 10God ye yoba deno muduno yubun denabedi erukwa i, ye nomano yake tebi, ye ake ple di tenabuka i pre erukwa. Yegl pre God yene eruko, yoba deno muduno yubun dogwa igne, yoba i nomane wakai idre, okuo kide ta prikrikwa. Ba makandigle yoba meglkwa i, deno muduno yubun dogwa igne, ye geglkwa mabuno i nogugl edigwa.
11Ana ene prio. God ene deno muduno yubun denabedi erumara i mina taragl wakai wakai ene meglmara plau dugwa. Ene nomane kor idre, mabuno kide ta ere meglkwa i sedinamnedi prikwa. Te, yoba swara ta mabuno kide erukwa ikra pre ene kide prisre, God kuduglmo geglkwa. Ene yegl ersre, te ene ama nomane sidre, yoba ta kide erukwa i ka kaima ake kun eramnedi prikwa pre ene erimara i mina na kaniga, ene nomane wakai ta idre, aglau ta erekramnedi prikwa mere yegl kaniga.
12Ana na pepa ta ene bogl teiga ikra, na yoba ta mabuno kide erukwa i ake ple di tenagledi boglkrika. Te, ye yoba ta ere kide ere togwa yobamo i ama ake ple di tenagledi boglkrika ba ene mudu nomane idre, no kano duglo boramnedi praiglkwa pre boglka. Te, pepa i mina God ene nomane tenan, ene mabuno kor ersre, gun yei, wakai erumnedi praiglkwa pre na pepa i boglka. 13Yegl pre ene pepa i kerikwa igne, nomane idre, mabuno wakai erimara i mina no deno muduno aragan erukwa.
Ana ene Korin yoba mabunono i pre Taitus dugo, no prumga igne, no deno muduno aragan erukwa ba Taitus gun siragl mere yogwa i no kamga igne, gun podo kide kaima yomga. I siragl pre ene mabuno wakai erimara i, ene mudu Taitus dem muduo aragan erabedi erikwa pre ye gun yogwa. 14Te, Taitus na moglmara ugo, ene Korin yoba siragl mere erimere i, debino siga i, Taitus prisre, ene meglmara ogwa igne, na kaima dumedi kanugo, ka diga i pre na agai ta goglkrika. Na ene ka kaima keme di teimere mere yegl, Taitus ama kuno yegl di teiga. 15Taitus ene meglmara ogwa igne, ene ye di idre, kuduglmo gogl, ye pre i mitna edidre, kamo duglo beglkwa pre ene mabunono i, Taitus erme pre moglsre, ene wakai kaima kanugwa. 16Te, na erme gun podo yeiga. I siragl pre ene mabuno wakai keme ere pai moraiglkwa mere yegl pamedi prisre, gun yeiga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission