2 Korin 8
8
Korin yoba mige tau makai sidre, i pi Judia yoba tenaiglkwa paugwa
1Agrama abarama wagle, no ene erme di tenamnedi prumga i, God ye Masedonia yoba ake ple di togo, ye kogon wakai ta erikwa i, ene di tomun, praiglmedi prumga. Jisas yugobunomo provins Masedonia suna i, bage bage ta meglkwa i, 2yubun podo ye meglmara plau dugo, ye ame wakai dikre, u goduglme yoba mere yegl eigwa ba God ye gun podo yenaiglmedi eruko, ye gun yei moglsre, agroma abaroma dumo Judia meglkwa i ake ple di tenamnedi prisre, mige moni tau mere agroma abaroma tenamnedi gade makai sigwa.
3Ana Masedonia yoba mabuno erikwa i pre na nogul dinaglka. Ye yene wakai primere mige moni i makai sigwa i, ye tebi, kuno erabere mere yegl i makai sidre, tau ama i tebe ede i makai sigwa. 4Pre mediglkwa yoba bage pere tau meglkwa i, God yobama ake ple di tenamnedi mige i makai simere mere yegl, Masedonia yoba ere mogl, No ama yegl erumun, wakai panabuka pre no ka kaima eramniwe di, yegl di norikwa. 5Te, ye yegl digwa igne, no prumga ye mige moni keme tenaiglkwa pre dimedi prumga ba ye wakai kaima ta erikwa i, God ye eraiglmedi prumere mere ye yene mudu meglmere komono kana i pi Yagl Kade tedre, okuo mige monino ama teigwa. Te, ye mudu meglmere yu no God kogonmo yoba munara ama norikwa mere yegl paugwa pre ye wakai kaima erimedi prumga.
6Ana Taitus ere mogl, mige moni makai sinamnedi kogon mabuno bogl ene meglmara erukwa pre no tabre ede ikne u kogonmo i si dudinabedi pre dedumga. 7Ene mabuno wakai tau mere erikwa i, no prumga. Ene God kamo pre medigl moglsre, ye kamo didre, wakai ere kere kandre, ye kogonmo kaima eramnedi prisre, te, ene beke tomnere mere agroma abaroma wakai kanigwa. Ene wakai kaima erimere yegl mere ene mige moni sinaiglkwa kogon wakai i, ama ere kodio.
8Ana na ene mige moni i makai sio diga i, na lo mere yegl ta padigl tekrika. Ba na Masedonia yoba meglkwa i, yoba pere ka kaima ake ple dinamnedi prisre, mige i makai sime diga i, ene ta eribi kanagledi pre diga. Agroma abaroma tau meglkwa i, ene deno muduno kaima teimo mo tekrimo mo i, ene ta eribi kanagledi prika pre diga. 9I siragl pre nono Yaglno Kade Jisas Krais ene siragl mere mitno goglsre, ere wakai ere togwa i, enene prikwa. Ye moglkwa i, taragl wakai wakai ye moglmara kau sugwa ba ye ene ake ple di tenagledi taragl i kide kodidre, u goduglme yoba mere yegl ogwa. Ye u goduglme yoba mere yegl ogwa i, ene taragl wakai wakai inaiglkwa pre erukwa. Yegl pre ene ye erumere mere yegl eraiglkwa paugwa.
10Ana ene mige i makai sinaiglkwa pre diga i, ene erme siragl mere eribi, wakai panabuka i, nana primere ene di tebo, praiglkwa. Bugla yugu swara ta ede ogwa igne, ene Korin yoba kere moknayene kogon i eramnedi prisre, mige moni i makai sinamniwe digo, yoba bage tau meglkwa i, okuo digwa. 11Ana ene komono kana yegl digwa pre ene erme kogon i, ere kodinaiglkwa paugwa. Ene okna eramnedi primere yegl, erme kogon i ere kodibi, i wakai panabuka. Ba ene swarade ta tebi, kuno erabere mere yegl kandre, tenaiglkwa pre diga. 12I siragl pre yoba ta yene ere mogl, taragl yegl mere ta tebo, kuno erabiwedi kandre, yene wakai prabere ta tenan, God wakai kanabuka. Ba yoba ta taragl ta tenan, kuno erekrabuka i, God ye tenabedi prikrukwa. Ye tenabuka kuno ta erabere mere tenabedi prukwa pre diga.
13No ene mige moni i makai sinaiglme dumga i, agro abaroma ame wakai dibi, ene yubun inaiglkwa pre dikrumga ba nono mudu siragl mere ame dumga i, u kuno enabuka pre dumga. 14Ene erme taragl mere kan neigwa pre ene agroma abaroma taragl tau inaiglkwa pamere tebi, ye idre, wakai moraiglkwa. Te, okuo, ene taragl ta kan nekraiglkwa igne, ye taragl tau mere kan nebi, ye ene ake ple di tenaiglkwa paugwa. Nono yegl erumun, ame siragl mere dumga i, u kuno enabuka. 15Te, nono yegl erumun, God kamo mina ka ta okna beglmere mere plau dinabuka. Ye yegl beglkwa, Bret ta mana we digwa i, yoba tau mana mere gade igwa i, tau mokade ta yeikrukwa. Te, yoba kuri ta gade igwa i, ama neigwa, kuno erumiwe#8.15 Isip Kide Kodigwa 16.18 di, yegl beglkwa.
Pol ye Taitus ede ikne Korin yoba meglmara enabedi dedugwa
16Ana na erme God di wakai yei teiga. I siragl pre na ene ka kaima ake ple di tenagledi primere mere yegl, Taitus ama yegl prabedi God ye dem muduo mina kogon eruko, ka kaima ene ake ple di tenagledi prukwa. 17Yegl pre no Taitus di prisre, ene ede ikne Korin enatne dumga igne, ye pra we didre, kaima ene meglmara unagledi pre, ede ugwa. 18Te, no ama agro ta ye bogl akie unabredi dedumga. Agro ta i, Jisas kamo wakai i, ede eglke enabedi kogon siragl mere erukwa i, yoba di wai digo, Jisas yugobunomo bage bage meglkwa i, mudu prisre, wakai erumedi prikwa. 19Te, Jisas yugobunomo bage tau magigl makai si meglkwa i, ye agro i kogon ta teigwa i, mige moni ye i makai sigwa i, no i pi Jerusalem yoba tenamnara i, ye no bogl akie enaiglmiwe digwa. Ana yoba yene wakai primere mige moni tau mere i makai sigwa, no i pi tenamga i, Yagl Kade yene kagie kade inabedi pre tenamga. Te, i pi tomin, agroma abaroma dumo Judia meglkwa i, no kandre, ye no ake ple di noramnedi prikwa pamiwe di no kanaiglkwa.
20Ana no yoba swara ta dede, mige moni i pi Jerusalem yoba to ta dikramga. I siragl pre agroma abaroma mige podo i makai sigo, no ake munga i, yoba swara ta idre, ede enan, aglau eran, yoba tau no i pi neimedi praiglkwa pre no kan kun erumga. 21I siragl pre no Yagl Kade gumuglo mina ya yoba gumuglno mina akie no mabuno du eramnedi prumga.
22Ana no Taitus ya agro ta ama dedumga igne i no agro ta ama akie dedumga. Agro i, kogon kane kane ege mere tomga igne, ye God kogonmo kaima eragledi prukwa mere kanumga. Te, ye erme ene meglmara udre, ka kaima kogon eragledi prukwa. I siragl pre ye ene Korin yoba mabuno wakai eraiglkrawa we di, pre gi dugwa pre ye kaima ene meglmara unagledi prukwa.
23Te, na Taitus pre yegl dinaglka, ye na bogl akie kogon yoba muglka. Ene wakai kaima moraiglmedi no kogon akie erubuglka. Te, agro suo ye bogl akie unaiglkwa i, Jisas yugobunomo bage tau magigl meglkwa i ye dedigo, ye Taitus bogl ene meglmara wigwa. Te, yagl suo i, kogon ere miurara i, Krais kagie kade yugwa. 24Yegl pre yagl suota i ene meglmara wibi, ene ye deno muduno tomnedi i nogugl edio! Ene yegl eribi, Jisas yugobunomo bage bage makai si meglkwa i prisre, Korin yoba wakai kaima erime digwa ikra, kaima digwa pamiwedi praiglkwa.
Currently Selected:
2 Korin 8: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 8
8
Korin yoba mige tau makai sidre, i pi Judia yoba tenaiglkwa paugwa
1Agrama abarama wagle, no ene erme di tenamnedi prumga i, God ye Masedonia yoba ake ple di togo, ye kogon wakai ta erikwa i, ene di tomun, praiglmedi prumga. Jisas yugobunomo provins Masedonia suna i, bage bage ta meglkwa i, 2yubun podo ye meglmara plau dugo, ye ame wakai dikre, u goduglme yoba mere yegl eigwa ba God ye gun podo yenaiglmedi eruko, ye gun yei moglsre, agroma abaroma dumo Judia meglkwa i ake ple di tenamnedi prisre, mige moni tau mere agroma abaroma tenamnedi gade makai sigwa.
3Ana Masedonia yoba mabuno erikwa i pre na nogul dinaglka. Ye yene wakai primere mige moni i makai sigwa i, ye tebi, kuno erabere mere yegl i makai sidre, tau ama i tebe ede i makai sigwa. 4Pre mediglkwa yoba bage pere tau meglkwa i, God yobama ake ple di tenamnedi mige i makai simere mere yegl, Masedonia yoba ere mogl, No ama yegl erumun, wakai panabuka pre no ka kaima eramniwe di, yegl di norikwa. 5Te, ye yegl digwa igne, no prumga ye mige moni keme tenaiglkwa pre dimedi prumga ba ye wakai kaima ta erikwa i, God ye eraiglmedi prumere mere ye yene mudu meglmere komono kana i pi Yagl Kade tedre, okuo mige monino ama teigwa. Te, ye mudu meglmere yu no God kogonmo yoba munara ama norikwa mere yegl paugwa pre ye wakai kaima erimedi prumga.
6Ana Taitus ere mogl, mige moni makai sinamnedi kogon mabuno bogl ene meglmara erukwa pre no tabre ede ikne u kogonmo i si dudinabedi pre dedumga. 7Ene mabuno wakai tau mere erikwa i, no prumga. Ene God kamo pre medigl moglsre, ye kamo didre, wakai ere kere kandre, ye kogonmo kaima eramnedi prisre, te, ene beke tomnere mere agroma abaroma wakai kanigwa. Ene wakai kaima erimere yegl mere ene mige moni sinaiglkwa kogon wakai i, ama ere kodio.
8Ana na ene mige moni i makai sio diga i, na lo mere yegl ta padigl tekrika. Ba na Masedonia yoba meglkwa i, yoba pere ka kaima ake ple dinamnedi prisre, mige i makai sime diga i, ene ta eribi kanagledi pre diga. Agroma abaroma tau meglkwa i, ene deno muduno kaima teimo mo tekrimo mo i, ene ta eribi kanagledi prika pre diga. 9I siragl pre nono Yaglno Kade Jisas Krais ene siragl mere mitno goglsre, ere wakai ere togwa i, enene prikwa. Ye moglkwa i, taragl wakai wakai ye moglmara kau sugwa ba ye ene ake ple di tenagledi taragl i kide kodidre, u goduglme yoba mere yegl ogwa. Ye u goduglme yoba mere yegl ogwa i, ene taragl wakai wakai inaiglkwa pre erukwa. Yegl pre ene ye erumere mere yegl eraiglkwa paugwa.
10Ana ene mige i makai sinaiglkwa pre diga i, ene erme siragl mere eribi, wakai panabuka i, nana primere ene di tebo, praiglkwa. Bugla yugu swara ta ede ogwa igne, ene Korin yoba kere moknayene kogon i eramnedi prisre, mige moni i makai sinamniwe digo, yoba bage tau meglkwa i, okuo digwa. 11Ana ene komono kana yegl digwa pre ene erme kogon i, ere kodinaiglkwa paugwa. Ene okna eramnedi primere yegl, erme kogon i ere kodibi, i wakai panabuka. Ba ene swarade ta tebi, kuno erabere mere yegl kandre, tenaiglkwa pre diga. 12I siragl pre yoba ta yene ere mogl, taragl yegl mere ta tebo, kuno erabiwedi kandre, yene wakai prabere ta tenan, God wakai kanabuka. Ba yoba ta taragl ta tenan, kuno erekrabuka i, God ye tenabedi prikrukwa. Ye tenabuka kuno ta erabere mere tenabedi prukwa pre diga.
13No ene mige moni i makai sinaiglme dumga i, agro abaroma ame wakai dibi, ene yubun inaiglkwa pre dikrumga ba nono mudu siragl mere ame dumga i, u kuno enabuka pre dumga. 14Ene erme taragl mere kan neigwa pre ene agroma abaroma taragl tau inaiglkwa pamere tebi, ye idre, wakai moraiglkwa. Te, okuo, ene taragl ta kan nekraiglkwa igne, ye taragl tau mere kan nebi, ye ene ake ple di tenaiglkwa paugwa. Nono yegl erumun, ame siragl mere dumga i, u kuno enabuka. 15Te, nono yegl erumun, God kamo mina ka ta okna beglmere mere plau dinabuka. Ye yegl beglkwa, Bret ta mana we digwa i, yoba tau mana mere gade igwa i, tau mokade ta yeikrukwa. Te, yoba kuri ta gade igwa i, ama neigwa, kuno erumiwe#8.15 Isip Kide Kodigwa 16.18 di, yegl beglkwa.
Pol ye Taitus ede ikne Korin yoba meglmara enabedi dedugwa
16Ana na erme God di wakai yei teiga. I siragl pre na ene ka kaima ake ple di tenagledi primere mere yegl, Taitus ama yegl prabedi God ye dem muduo mina kogon eruko, ka kaima ene ake ple di tenagledi prukwa. 17Yegl pre no Taitus di prisre, ene ede ikne Korin enatne dumga igne, ye pra we didre, kaima ene meglmara unagledi pre, ede ugwa. 18Te, no ama agro ta ye bogl akie unabredi dedumga. Agro ta i, Jisas kamo wakai i, ede eglke enabedi kogon siragl mere erukwa i, yoba di wai digo, Jisas yugobunomo bage bage meglkwa i, mudu prisre, wakai erumedi prikwa. 19Te, Jisas yugobunomo bage tau magigl makai si meglkwa i, ye agro i kogon ta teigwa i, mige moni ye i makai sigwa i, no i pi Jerusalem yoba tenamnara i, ye no bogl akie enaiglmiwe digwa. Ana yoba yene wakai primere mige moni tau mere i makai sigwa, no i pi tenamga i, Yagl Kade yene kagie kade inabedi pre tenamga. Te, i pi tomin, agroma abaroma dumo Judia meglkwa i, no kandre, ye no ake ple di noramnedi prikwa pamiwe di no kanaiglkwa.
20Ana no yoba swara ta dede, mige moni i pi Jerusalem yoba to ta dikramga. I siragl pre agroma abaroma mige podo i makai sigo, no ake munga i, yoba swara ta idre, ede enan, aglau eran, yoba tau no i pi neimedi praiglkwa pre no kan kun erumga. 21I siragl pre no Yagl Kade gumuglo mina ya yoba gumuglno mina akie no mabuno du eramnedi prumga.
22Ana no Taitus ya agro ta ama dedumga igne i no agro ta ama akie dedumga. Agro i, kogon kane kane ege mere tomga igne, ye God kogonmo kaima eragledi prukwa mere kanumga. Te, ye erme ene meglmara udre, ka kaima kogon eragledi prukwa. I siragl pre ye ene Korin yoba mabuno wakai eraiglkrawa we di, pre gi dugwa pre ye kaima ene meglmara unagledi prukwa.
23Te, na Taitus pre yegl dinaglka, ye na bogl akie kogon yoba muglka. Ene wakai kaima moraiglmedi no kogon akie erubuglka. Te, agro suo ye bogl akie unaiglkwa i, Jisas yugobunomo bage tau magigl meglkwa i ye dedigo, ye Taitus bogl ene meglmara wigwa. Te, yagl suo i, kogon ere miurara i, Krais kagie kade yugwa. 24Yegl pre yagl suota i ene meglmara wibi, ene ye deno muduno tomnedi i nogugl edio! Ene yegl eribi, Jisas yugobunomo bage bage makai si meglkwa i prisre, Korin yoba wakai kaima erime digwa ikra, kaima digwa pamiwedi praiglkwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission