Israel Yoba Kingno, Buk 2 17
17
1Ana king Ahas dumo Juda bugla yugu 11-pela sugl mogl kodidre, bugla yugu 12-pela sugl moglkwa igne, Hosia, yagl ta kagie Ela we digwa wam moglkwa i, ye u Israel yoba kingno moglkwa. Ye king moglsre, bugla yugu 9-pela taun Samaria mogl, Israel yoba sugl moglkwa. 2Ye Israel yoba sugl moglsre, Yawe gumuglo wagle mabuno kide boglkwa. Ye mabuno kide boglkwa ba Israel yoba kingno okna meglkwa i, mabuno kide kaima beglko, Hosia mabuno kide kebra dagl boglkwa. 3Ye yegl eruko, Asiria king, kagie Salmaneser we digwa i, ere mogl, Israel kuda bogl tedre, yobuglo erukwa. Yobuglo erukwa pre Hosia ye moglmara atne kra moglsre, bugla yugu swara swarade taks togwa. 4Yegl ere ede ogwa ba bugla yugu swara ta ye mogl pere edenagledi yoba tau dedugo, ye ede pi Isip king, kagie So we digwa i moglmara pidre, Ene no ake ple di noratne digwa. Digo, Hosia bugla yugu swara swarade taks tomere yegl tekrukwa. Yegl eruko, yoba tau prisre, Asiria king di teigo, ye soldia tau dedugo, ye Hosia si kane si i pi kane yugu edigwa.
5Ana ye Hosia si kane sigwa, kane paugo, Asiria king ere mogl, amimo bogl dumo Israel mudu kuda bogl tedre, ede u taun Samaria yobugl winabo di i suna edidre, bugla yugu suota kuda bogl teigwa. 6Ye bugla yugu suota kuda bogl tedre, Hosia bugla yugu 9-pela Israel kingno moglkwa igne, ye yobuglo ersre, dumo Samaria igwa. Dumo Samaria idre, Israel yoba si kane si i pi dumo Asiria suna moraiglmedi edigwa. Tau dumo Hala we dimara edidre, tau dumo Habor, nigl Gosan bina i edidre, tau Midia yoba kipai meglmara edigwa.
7Yubun podo i Israel yoba melgmara plau dugwa i, mabuno yegl paugwa, Israel yoba kowano awano okna Isip king moglmara atne meglkwa ba Yawe ye mogl pere edidre, dumo Isip kide kodinaiglmedi agre i ede meda ugwa. Ye Israel yoba yegl ere togwa ba Israel yoba ere mogl, ye Godno Yawe gumuglo wagle tadaglme ersre, god kibi kamage ere tedre, kagno kade teigwa. 8Te, Kenan yoba okna dumo Kenan suna meglkwa i, Yawe ye Israel yoba dumo Kenan moraiglmedi Kenan yoba si i pi meda edugwa. Yegl erukwa ba Israel yoba ere mogl, Kenan yoba mabuno kide beglmere yegl beglko, Israel king ama mabuno kide kor tau Israel yoba boraiglmedi obuno di teigo, beglkwa.
Currently Selected:
Israel Yoba Kingno, Buk 2 17: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission