2 Pita 2
2
Ka mabuno kibi didre, bakagl te dinaiglkwa
1Ba okna ibo Israel yoba meglmara suna i, ka kep yoba kibi tau ama u digwa. Te, ene meglmara ama yoba u ene ka mabuno kibi beke tenaiglkwa paugwa. Ye teke konbo ede suna udre, ka mabuno kibi tau ene ere kide ere tenabuka paugwa i, ene di tenaiglkwa. Te, Yagl Kade ye tadaglmeno topo togwa i, ama mokono tenaiglkwa. Ye yene mabuno yegl eraiglmara i, God ye tabre ere kide ere tenabuka.
2Te, ka mabuno kibi dinaiglkwa yobamo i, mabuno deglbi yogwa ama eraiglkwa. Eribi, yoba tau mere ye mabuno eraiglmara i, duglo boraiglkwa. Yegl eribi, yoba bina meglkwa i kandre, God konbaunamo kaima yogwa i, kenaglmo sinaiglkwa. 3Te, yoba ka mabuno kibi dinaiglkwa i, ye ama ene taraglno bubuno goraiglkwa pre ene ka kibi di tedre, ene taraglno inamnedi ene bakagl tenaiglkwa. Yoba i kamun kuade God kot ere tedre, ere kide ere tenagledi di paduglkwa. Te, God erme ugl paikre, ye kan moglkwa pre ye dumere kaima yoba i ere tenabuka.
4Te, enene ama prikwa, angelo tau okna tadaglme erikwa i, God ye kanige erekrukwa ba ye okuo kot mina adraiglmedi si kane si i pi dumo kidile, mim podo erumara edugwa. 5Te, Noa moglkwa igne, yoba uglo koglo koglo mogl, God mokono teigwa i, God ye kanige erekre, nigl kamin podo dedugo, sugwa. Ba mabuno du pre ka beke te moglkwa yagl Noa i yogo, ye yobama 7-pela yeigo, God ye suglno moglsre, ere yugwa. 6Te, dumo Sodom ya Gomora i, God ye ka tage tenagle dugwa. Didre, kaima gagl tege erukwa. Ye yegl erukwa i, God mokono tenaiglkwa yoba ta okuo moraiglkwa i kandre, nomane inaiglmedi prukwa. 7Ba God dumo suo i ere kide ersre, Lot ere yugwa. Ana Lot Sodom moglkwa igne, ye yagl du moglkwa pre yoba kide i, mabuno kide ere ede podo eigo, Lot dem muduo yubun dogwa. 8Lot ye yagl du moglko, dem muduo pe sugwa ba Sodom yoba, God lomo kide kodigwa i, meglmara suna kipaugwa pre ye ege ege mabuno kide erikwa i kandre, ka kide digwa i prisre, erukwa. Yegl pre ye dem muduo mina giugl pre moglkwa.
9Ana God yoba tau ka tage tedre, tau ere idre, erumara i mina nono pre pogl sinamga i, God ye yoba siragl mere ere inabuka ya ka tage tenabuka i, yene pre kan ere kodumedi pre pogl sinamga. Yoba ta God mabunomo duglo beglkwa i, ye yubun i dinaiglmedi ere yugwa ba yoba du ta moglkrikwa i, ye okuo kot mina adraiglmedi ka tage te moglkwa. 10Te, God ka podo kaima tage tenabuka i, yoba deno muduno goglo paugwa i duglo boglsre, bitno yoba kano sedidre, ama mabuno kide deglbi yogwa ere wan meglkwa i, ka tage tenabuka.
Yoba kide i, ye bitno yoba kano kuduglno gogl tekre, yene nomano duglo bogl meglkwa. Te, ye angelo kide gigledi meglkwa i, kuduglno goglkre, di kide yei teigwa. 11Ana angelo meglkwa i, ene prio. Ye yobuglno podo paugo, ye mogl mitna ede edigwa ba angelo ere mogl, Yagl Kade gumuglo mina angelo kide ka tage tenamnedi erekrikwa.
12Ana yoba ka mabuno kibi digwa i, ye nomano wakai paikruko, taragl ta deno muduno mina pogglau boglkwa i keme, duglo bogl meglkwa pre ye agl bugla are mere yegl meglkwa. Te, ye taragl tau pre kan pogl sikrikwa i, kenaglno keme sigwa. Agl bugla are yoba kitn kogl, ere sinaiglkwa pre meglmere yegl, yoba i ama yegl meglkwa pre okuo ye u kide enaiglkwa paugwa.
13Yoba i, ye mabunono kide yegl paugwa pre God topo kide te ikne edenan, inaiglkwa. Ye mabuno gua gua ermine nogugl erikwa i, agai goglkre, gun yeigwa. Te, ye ene bogl akie kaya mokna podo neigwa igne, ye ene bakagl tedre, wakai erumnedi prikwa. Ye mabuno erimara i, ene si deglbi yedre, ere kide ere teigwa. 14Yoba i, ye ege ege abu kandre, bubuno gogl, ye bogl mabuno kide eramnedi prikwa. Te, ye tadaglme kide kodokre, ege ege ere pai moramnedi prikwa. Yoba tau kiano mina yobro paikrukwa i, ye yage sinaiglmedi kinano sigwa. Te, ye yoba pere taraglno bubuno goraiglkwa mabuno i mina sule didre, pre kan ere kodigwa mere yegl paugwa. Yegl pre yoba i, God ye ere kide ere tenabuka meglkwa.
15Ana yoba ka mabuno kibi digwa i, ye konbo du yogwa i kide kodidre, ede eglke eigwa. Ye erikwa i, yagl Beor wam, Balam we digwa okna ibo ta erumere yegl erikwa. Yagl Balam i, mige moni wakai kanugwa pre ye mige moni inagledi mabuno kide erukwa. 16Ba Balam mabuno kide yegl erukwa pre donki ta ye ka togwa. Donki meglkwa i, ka ta dikrikwa ba ege i, donki ta ere mogl, yoba ka dumnere yegl didre, ka kep yagl Balam, ye du mere yegl erukwa i, si kegl di tenagledi erukwa.
17Ana yoba ka mabuno kibi digwa i, maugl nigl ta kugla di kodugwa mere yegl meglkwa. Te, ade dogwa igne, kamun nubun moglko, sinabedi gun yomga ba ir mage i ede bage ta ogo, sikrumere yegl ama meglkwa. Ye mim podo erumara ime moraiglmedi God di padigl kodugwa. 18Yoba i, ye mogl mitna edidre, ka kane kane, mem wakai ta paikrukwa i digwa. Te, yoba tau mabuno kide mina suna mogl dinamnedi erme ga teke ede meda wigwa i, ye kinano sidre, mabuno gua gua ya te mabuno tau ogono nagino mina pogglau borabuka i eraiglmedi erikwa. 19Ye ama kinano sidre, Ene no duglo beglbi, ene kane ta paikraiglmiwe digwa ba ye yene ama mabuno kide, kubuno erukwa i mina atne kane paigwa. I siragl pre yoba ta taragl swara ta na bitna morabedi kanige eran, ye taragl i boimo padre, niglmo kogonmo yoba morabuka mere yegl paugwa.
20Yagl Kade Jisas Krais, nono Ere Yugwa Yagl siragl mere ta ere norumere i, yoba ta pre kan ersre, mabuno deglbi yogwa erikwa i kide kodinaiglkwa. Kide kodinaiglkwa ba okuo mabuno kide ta kigln mere yegl panan, ye pi si paibi, ye igne i u kide kaima enaiglkwa. Ye okna meglkwa i tau wakai dagl paugwa ba, ye kigln mina yage sinaiglkwa igne, ye u kide kaima enaiglkwa. 21Ye mabuno du duglo boraiglkwa konbo i ta pre kan erekrima, tau wakai dagl paugo, ba ye pre kan ere kodigwa pre kide kodibi, i kide kaima panabuka. I siragl pre God yene ye mabuno siragl mere eraiglkwa pamiwe dugwa i, ye prikwa ba kide kodigwa. 22Ka ebrie ta mabunomo kaima paugwa i, yoba i meglmara plau dugwa. Ka ebrie i, yegl dugwa, Agl ta mebigl si meda edidre, aglke kor pi nogwa.#2.22 Ame Wakai Dinaiglkwa 26.11 Te, ka ebrie ta ama yegl paugwa, Ene bugla ta nigl pai tenatnga ba bugla i aglke ede ikne pidre, gaba buglkwa mina ugl uglo panabuka. Yoba i, mabunono yegl mere paugwa.
Currently Selected:
2 Pita 2: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
2 Pita 2
2
Ka mabuno kibi didre, bakagl te dinaiglkwa
1Ba okna ibo Israel yoba meglmara suna i, ka kep yoba kibi tau ama u digwa. Te, ene meglmara ama yoba u ene ka mabuno kibi beke tenaiglkwa paugwa. Ye teke konbo ede suna udre, ka mabuno kibi tau ene ere kide ere tenabuka paugwa i, ene di tenaiglkwa. Te, Yagl Kade ye tadaglmeno topo togwa i, ama mokono tenaiglkwa. Ye yene mabuno yegl eraiglmara i, God ye tabre ere kide ere tenabuka.
2Te, ka mabuno kibi dinaiglkwa yobamo i, mabuno deglbi yogwa ama eraiglkwa. Eribi, yoba tau mere ye mabuno eraiglmara i, duglo boraiglkwa. Yegl eribi, yoba bina meglkwa i kandre, God konbaunamo kaima yogwa i, kenaglmo sinaiglkwa. 3Te, yoba ka mabuno kibi dinaiglkwa i, ye ama ene taraglno bubuno goraiglkwa pre ene ka kibi di tedre, ene taraglno inamnedi ene bakagl tenaiglkwa. Yoba i kamun kuade God kot ere tedre, ere kide ere tenagledi di paduglkwa. Te, God erme ugl paikre, ye kan moglkwa pre ye dumere kaima yoba i ere tenabuka.
4Te, enene ama prikwa, angelo tau okna tadaglme erikwa i, God ye kanige erekrukwa ba ye okuo kot mina adraiglmedi si kane si i pi dumo kidile, mim podo erumara edugwa. 5Te, Noa moglkwa igne, yoba uglo koglo koglo mogl, God mokono teigwa i, God ye kanige erekre, nigl kamin podo dedugo, sugwa. Ba mabuno du pre ka beke te moglkwa yagl Noa i yogo, ye yobama 7-pela yeigo, God ye suglno moglsre, ere yugwa. 6Te, dumo Sodom ya Gomora i, God ye ka tage tenagle dugwa. Didre, kaima gagl tege erukwa. Ye yegl erukwa i, God mokono tenaiglkwa yoba ta okuo moraiglkwa i kandre, nomane inaiglmedi prukwa. 7Ba God dumo suo i ere kide ersre, Lot ere yugwa. Ana Lot Sodom moglkwa igne, ye yagl du moglkwa pre yoba kide i, mabuno kide ere ede podo eigo, Lot dem muduo yubun dogwa. 8Lot ye yagl du moglko, dem muduo pe sugwa ba Sodom yoba, God lomo kide kodigwa i, meglmara suna kipaugwa pre ye ege ege mabuno kide erikwa i kandre, ka kide digwa i prisre, erukwa. Yegl pre ye dem muduo mina giugl pre moglkwa.
9Ana God yoba tau ka tage tedre, tau ere idre, erumara i mina nono pre pogl sinamga i, God ye yoba siragl mere ere inabuka ya ka tage tenabuka i, yene pre kan ere kodumedi pre pogl sinamga. Yoba ta God mabunomo duglo beglkwa i, ye yubun i dinaiglmedi ere yugwa ba yoba du ta moglkrikwa i, ye okuo kot mina adraiglmedi ka tage te moglkwa. 10Te, God ka podo kaima tage tenabuka i, yoba deno muduno goglo paugwa i duglo boglsre, bitno yoba kano sedidre, ama mabuno kide deglbi yogwa ere wan meglkwa i, ka tage tenabuka.
Yoba kide i, ye bitno yoba kano kuduglno gogl tekre, yene nomano duglo bogl meglkwa. Te, ye angelo kide gigledi meglkwa i, kuduglno goglkre, di kide yei teigwa. 11Ana angelo meglkwa i, ene prio. Ye yobuglno podo paugo, ye mogl mitna ede edigwa ba angelo ere mogl, Yagl Kade gumuglo mina angelo kide ka tage tenamnedi erekrikwa.
12Ana yoba ka mabuno kibi digwa i, ye nomano wakai paikruko, taragl ta deno muduno mina pogglau boglkwa i keme, duglo bogl meglkwa pre ye agl bugla are mere yegl meglkwa. Te, ye taragl tau pre kan pogl sikrikwa i, kenaglno keme sigwa. Agl bugla are yoba kitn kogl, ere sinaiglkwa pre meglmere yegl, yoba i ama yegl meglkwa pre okuo ye u kide enaiglkwa paugwa.
13Yoba i, ye mabunono kide yegl paugwa pre God topo kide te ikne edenan, inaiglkwa. Ye mabuno gua gua ermine nogugl erikwa i, agai goglkre, gun yeigwa. Te, ye ene bogl akie kaya mokna podo neigwa igne, ye ene bakagl tedre, wakai erumnedi prikwa. Ye mabuno erimara i, ene si deglbi yedre, ere kide ere teigwa. 14Yoba i, ye ege ege abu kandre, bubuno gogl, ye bogl mabuno kide eramnedi prikwa. Te, ye tadaglme kide kodokre, ege ege ere pai moramnedi prikwa. Yoba tau kiano mina yobro paikrukwa i, ye yage sinaiglmedi kinano sigwa. Te, ye yoba pere taraglno bubuno goraiglkwa mabuno i mina sule didre, pre kan ere kodigwa mere yegl paugwa. Yegl pre yoba i, God ye ere kide ere tenabuka meglkwa.
15Ana yoba ka mabuno kibi digwa i, ye konbo du yogwa i kide kodidre, ede eglke eigwa. Ye erikwa i, yagl Beor wam, Balam we digwa okna ibo ta erumere yegl erikwa. Yagl Balam i, mige moni wakai kanugwa pre ye mige moni inagledi mabuno kide erukwa. 16Ba Balam mabuno kide yegl erukwa pre donki ta ye ka togwa. Donki meglkwa i, ka ta dikrikwa ba ege i, donki ta ere mogl, yoba ka dumnere yegl didre, ka kep yagl Balam, ye du mere yegl erukwa i, si kegl di tenagledi erukwa.
17Ana yoba ka mabuno kibi digwa i, maugl nigl ta kugla di kodugwa mere yegl meglkwa. Te, ade dogwa igne, kamun nubun moglko, sinabedi gun yomga ba ir mage i ede bage ta ogo, sikrumere yegl ama meglkwa. Ye mim podo erumara ime moraiglmedi God di padigl kodugwa. 18Yoba i, ye mogl mitna edidre, ka kane kane, mem wakai ta paikrukwa i digwa. Te, yoba tau mabuno kide mina suna mogl dinamnedi erme ga teke ede meda wigwa i, ye kinano sidre, mabuno gua gua ya te mabuno tau ogono nagino mina pogglau borabuka i eraiglmedi erikwa. 19Ye ama kinano sidre, Ene no duglo beglbi, ene kane ta paikraiglmiwe digwa ba ye yene ama mabuno kide, kubuno erukwa i mina atne kane paigwa. I siragl pre yoba ta taragl swara ta na bitna morabedi kanige eran, ye taragl i boimo padre, niglmo kogonmo yoba morabuka mere yegl paugwa.
20Yagl Kade Jisas Krais, nono Ere Yugwa Yagl siragl mere ta ere norumere i, yoba ta pre kan ersre, mabuno deglbi yogwa erikwa i kide kodinaiglkwa. Kide kodinaiglkwa ba okuo mabuno kide ta kigln mere yegl panan, ye pi si paibi, ye igne i u kide kaima enaiglkwa. Ye okna meglkwa i tau wakai dagl paugwa ba, ye kigln mina yage sinaiglkwa igne, ye u kide kaima enaiglkwa. 21Ye mabuno du duglo boraiglkwa konbo i ta pre kan erekrima, tau wakai dagl paugo, ba ye pre kan ere kodigwa pre kide kodibi, i kide kaima panabuka. I siragl pre God yene ye mabuno siragl mere eraiglkwa pamiwe dugwa i, ye prikwa ba kide kodigwa. 22Ka ebrie ta mabunomo kaima paugwa i, yoba i meglmara plau dugwa. Ka ebrie i, yegl dugwa, Agl ta mebigl si meda edidre, aglke kor pi nogwa.#2.22 Ame Wakai Dinaiglkwa 26.11 Te, ka ebrie ta ama yegl paugwa, Ene bugla ta nigl pai tenatnga ba bugla i aglke ede ikne pidre, gaba buglkwa mina ugl uglo panabuka. Yoba i, mabunono yegl mere paugwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission