2 Pita 3
3
Yagl Kade aglke ikne unabuka
1Ana agrama abarama wagle, na dena muduna suna meglkwa i, na erme ege suo ene pepa bogl teiga. Na pepa suo bogl teimara i mina ene ka tau okna prikwa i kor poglo di prisre, ka pamere mere nomane inaiglmedi pre boglka. 2Na ene ka tau kor poglo di praiglmedi prika i, God kamo kep yoba ka okna ibo digwa i ene poglo di praiglmedi prika. Te, nono Yaglno Kade nono Ere Yugwa yagl moglkwa i, ye nono mabuno siragl mere ta erio dugo, no aposelma ene di tomga i, ene ama poglo di praiglmedi prisre, pepa boglka.
3Ana ene ka swara ta praiglkwa podo paugwa i, yegl paugwa, ege okuo kaima ta unan, God kamo gaugl ere teigwa yoba tau unaiglkwa. Ye mabuno kide ta deno muduno mina pogglau borabuka i ere wan moglsre, 4ka boglo ere yegl dinaiglkwa, Yagl Kade ede ikne unagledi ka kaima di paduglme digwa ba ye aglo moglme? Makan gaba koragle paugwa igne, taragl kane kane siragl mere paimere i, erme ama kuno yegl pai meglkwa. Nono kowano awano mogl, geglkwa igne, ede u erme pra, taragl mudu okna ibo paimere mere kuno paigwa. U pere ta pikrimiwe di, yegl dinaiglkwa.
5Ana yoba tau yegl dinaiglkwa ba God siragl mere okna erukwa i, yene pre dinamnedi erikwa pre ye ta pre pogl sikrikwa. God okna ibo ye ka dumara mina kamun mitna ibo ya dumo makan ere yogwa. Dumo makan ere yogwa i, nigl ake wai dugo, God ere mogl, nigl moglmara i, makan gaba plau dinabedi eruko, plau di ede nogugl ugwa. 6Te, okuo, nigl swara i mina dumo makan okna yogwa i, ede u kide ogwa. I siragl pre nigl podo sidre, dumo makan ere kide ere kodugwa. 7Te, God ye ka dumara mina dumo makan ya kamun mitna erme paigwa i sugl moglsre, okuo doga mina ere kide eragledi di paduglkwa. God ye okuo yoba kotno prisre, yoba ta ye mokono teigwa i ere kide ere tenabuka igne i ye dumo makan ya kamun mitna doga mina ere kide erabuka.
8Ana agrama abarama wagle, dena muduna suna meglkwa i, God okuo yoba kotno prisre, dumo makan ere kide erabuka ba ene ka swara ta pre moraiglkwa paugwa. Ka i yegl mere paugwa, Yagl Kade gumuglo mina ege swara ta yogwa i, bugla yugu 1,000 bogl kuno yogwa. Te, bugla yugu 1,000 i, ama ege swara bogl kuno yogwa. 9Yagl Kade ye ede ikne unagledi ka kaima di te paduglkwa i, ye tau kanana moglsre, ede ikne ukrumedi yegl ta prikramga. Yoba tau yegl mere praiglkwa ba nono pre pogl sinamga i, Yagl Kade tabre ede ikne ukrukwa i, siragl pre ye yoba goraiglmedi prikrukwa. Ye yoba mudu nomano yake tenaiglmedi prisre, sugl moglkwa.
God ye kamun mitna ya dumo makan kor ere yenabuka
10 Ana Yagl Kade unabuka igne i tabre plau dinabuka. Yoba ugl paigwa igne, kunogl gogl yoba ede yugugl wimere yegl, yoba kankre meglbi, tabre plau dinabuka. Ege i plau dinan, ade ba ya kugl kuri bla didre, doga de, dudinaiglkwa. Te, dumo makan ya yoba taragl kane kane dumo makan mina erikwa i, doga de kodinabuka.
11Ana taragl kane kane yegl mere u kide pi kodidre, dudunabuka pre ene siragl mere mogl pai eribi, kuno erabedi prime? Ene God we di pre wan moglsre, ye mabunomo duglo bogl moraiglkwa paugwa. 12Te, God ege ta Yagl Kade unabedi di paduglkwa i, ene ege i tabre unabu ba di prisre, kie ere molo. Ege i unan, kamun mitna ibo ya taragl kane kane mitna ibo paigwa i, doga dedre, de kurdi ede u kide pi kodinaiglkwa. 13Ba God ka kaima di noro paduglkwa i, ye kamun mitna ya dumo makan kor ere yenagle dugwa. Te, dumo makan kor i mina mabuno du keme panabuka. Yegl pre nono kamun mitna ya dumo makan kor i, unabedi kie ere munga.
14Ana agrama abarama wagle, na dena muduna suna meglkwa i, ene taragl yegl mere plau dinabedi sugl meglkwa pre God no mabunono wakai kanabedi ene erme kogon podo erio. Ene ye bogl deno muduno swara yebi, ene ye gumuglo mina ene aglauno ta paikran, wakai erikwa pamedi kanabuka pre diga.
15Te, Yagl Kade tabre ukrukwa i, ene ama praiglkwa, ye sugl kan mogl, yoba ere inagledi prukwa pamedi praiglkwa. Na ka yegl diga i, agro Pol, ye nono deno muduno suna moglkwa i, ama ka kuno yegl mere ene bogl togwa. God ye Pol nomane wakai togo, 16ye pepa mudu boglmara i mina mabuno tau yegl mere pre dugwa. Ye pepa boglmara suna i, mem tau atne paugwa pre yoba pre pogl sinaiglkwa i, ege tau waragne dagl paugwa. Pol ka boglkwa i, yoba tau God kamo beke ikre, nomano gigle dikrukwa i, ye ake yake tedre, di ta edigwa. Te, ye God kamo mudu idre, ama yegl keme erikwa pre ye yene u kide enaiglkwa paugwa.
17Ana agrama abarama wagle, na dena muduna suna meglkwa i, taragl kane kane yegl plau dinabuka i, ene pre kodigwa pre ene kan kun erio. Yoba kide meglkwa i, ene ta bakagl tebi, ene adigl gigledi moglkre, yage si dinaiglmedi prika. 18Jisas Krais ye nono Yaglno Kade moglsre, nono Ere Yugwa yagl moglkwa i, yoko kaima ere wakai ere norukwa. Norumara i mina nomane wakai wakai idre, yakinaiglkwa paugwa. Te, ene Jisas siragl mere moglkwa i, pre pogl si pai meglbi, ene yakenaiglkwa. Jisas Krais moglkwa i, nono ye kagie kade erme tedre, aimadi kamin te pai moramga paugwa. Kaima.
Currently Selected:
2 Pita 3: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
2 Pita 3
3
Yagl Kade aglke ikne unabuka
1Ana agrama abarama wagle, na dena muduna suna meglkwa i, na erme ege suo ene pepa bogl teiga. Na pepa suo bogl teimara i mina ene ka tau okna prikwa i kor poglo di prisre, ka pamere mere nomane inaiglmedi pre boglka. 2Na ene ka tau kor poglo di praiglmedi prika i, God kamo kep yoba ka okna ibo digwa i ene poglo di praiglmedi prika. Te, nono Yaglno Kade nono Ere Yugwa yagl moglkwa i, ye nono mabuno siragl mere ta erio dugo, no aposelma ene di tomga i, ene ama poglo di praiglmedi prisre, pepa boglka.
3Ana ene ka swara ta praiglkwa podo paugwa i, yegl paugwa, ege okuo kaima ta unan, God kamo gaugl ere teigwa yoba tau unaiglkwa. Ye mabuno kide ta deno muduno mina pogglau borabuka i ere wan moglsre, 4ka boglo ere yegl dinaiglkwa, Yagl Kade ede ikne unagledi ka kaima di paduglme digwa ba ye aglo moglme? Makan gaba koragle paugwa igne, taragl kane kane siragl mere paimere i, erme ama kuno yegl pai meglkwa. Nono kowano awano mogl, geglkwa igne, ede u erme pra, taragl mudu okna ibo paimere mere kuno paigwa. U pere ta pikrimiwe di, yegl dinaiglkwa.
5Ana yoba tau yegl dinaiglkwa ba God siragl mere okna erukwa i, yene pre dinamnedi erikwa pre ye ta pre pogl sikrikwa. God okna ibo ye ka dumara mina kamun mitna ibo ya dumo makan ere yogwa. Dumo makan ere yogwa i, nigl ake wai dugo, God ere mogl, nigl moglmara i, makan gaba plau dinabedi eruko, plau di ede nogugl ugwa. 6Te, okuo, nigl swara i mina dumo makan okna yogwa i, ede u kide ogwa. I siragl pre nigl podo sidre, dumo makan ere kide ere kodugwa. 7Te, God ye ka dumara mina dumo makan ya kamun mitna erme paigwa i sugl moglsre, okuo doga mina ere kide eragledi di paduglkwa. God ye okuo yoba kotno prisre, yoba ta ye mokono teigwa i ere kide ere tenabuka igne i ye dumo makan ya kamun mitna doga mina ere kide erabuka.
8Ana agrama abarama wagle, dena muduna suna meglkwa i, God okuo yoba kotno prisre, dumo makan ere kide erabuka ba ene ka swara ta pre moraiglkwa paugwa. Ka i yegl mere paugwa, Yagl Kade gumuglo mina ege swara ta yogwa i, bugla yugu 1,000 bogl kuno yogwa. Te, bugla yugu 1,000 i, ama ege swara bogl kuno yogwa. 9Yagl Kade ye ede ikne unagledi ka kaima di te paduglkwa i, ye tau kanana moglsre, ede ikne ukrumedi yegl ta prikramga. Yoba tau yegl mere praiglkwa ba nono pre pogl sinamga i, Yagl Kade tabre ede ikne ukrukwa i, siragl pre ye yoba goraiglmedi prikrukwa. Ye yoba mudu nomano yake tenaiglmedi prisre, sugl moglkwa.
God ye kamun mitna ya dumo makan kor ere yenabuka
10 Ana Yagl Kade unabuka igne i tabre plau dinabuka. Yoba ugl paigwa igne, kunogl gogl yoba ede yugugl wimere yegl, yoba kankre meglbi, tabre plau dinabuka. Ege i plau dinan, ade ba ya kugl kuri bla didre, doga de, dudinaiglkwa. Te, dumo makan ya yoba taragl kane kane dumo makan mina erikwa i, doga de kodinabuka.
11Ana taragl kane kane yegl mere u kide pi kodidre, dudunabuka pre ene siragl mere mogl pai eribi, kuno erabedi prime? Ene God we di pre wan moglsre, ye mabunomo duglo bogl moraiglkwa paugwa. 12Te, God ege ta Yagl Kade unabedi di paduglkwa i, ene ege i tabre unabu ba di prisre, kie ere molo. Ege i unan, kamun mitna ibo ya taragl kane kane mitna ibo paigwa i, doga dedre, de kurdi ede u kide pi kodinaiglkwa. 13Ba God ka kaima di noro paduglkwa i, ye kamun mitna ya dumo makan kor ere yenagle dugwa. Te, dumo makan kor i mina mabuno du keme panabuka. Yegl pre nono kamun mitna ya dumo makan kor i, unabedi kie ere munga.
14Ana agrama abarama wagle, na dena muduna suna meglkwa i, ene taragl yegl mere plau dinabedi sugl meglkwa pre God no mabunono wakai kanabedi ene erme kogon podo erio. Ene ye bogl deno muduno swara yebi, ene ye gumuglo mina ene aglauno ta paikran, wakai erikwa pamedi kanabuka pre diga.
15Te, Yagl Kade tabre ukrukwa i, ene ama praiglkwa, ye sugl kan mogl, yoba ere inagledi prukwa pamedi praiglkwa. Na ka yegl diga i, agro Pol, ye nono deno muduno suna moglkwa i, ama ka kuno yegl mere ene bogl togwa. God ye Pol nomane wakai togo, 16ye pepa mudu boglmara i mina mabuno tau yegl mere pre dugwa. Ye pepa boglmara suna i, mem tau atne paugwa pre yoba pre pogl sinaiglkwa i, ege tau waragne dagl paugwa. Pol ka boglkwa i, yoba tau God kamo beke ikre, nomano gigle dikrukwa i, ye ake yake tedre, di ta edigwa. Te, ye God kamo mudu idre, ama yegl keme erikwa pre ye yene u kide enaiglkwa paugwa.
17Ana agrama abarama wagle, na dena muduna suna meglkwa i, taragl kane kane yegl plau dinabuka i, ene pre kodigwa pre ene kan kun erio. Yoba kide meglkwa i, ene ta bakagl tebi, ene adigl gigledi moglkre, yage si dinaiglmedi prika. 18Jisas Krais ye nono Yaglno Kade moglsre, nono Ere Yugwa yagl moglkwa i, yoko kaima ere wakai ere norukwa. Norumara i mina nomane wakai wakai idre, yakinaiglkwa paugwa. Te, ene Jisas siragl mere moglkwa i, pre pogl si pai meglbi, ene yakenaiglkwa. Jisas Krais moglkwa i, nono ye kagie kade erme tedre, aimadi kamin te pai moramga paugwa. Kaima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission