Aposel 19
19
Pol ede Efesus ogwa
1Ana Apolos ye ede pi dumo Korin moglkwa igne, Pol provins Esia suna i, wan ede pi kamin muglo kra pidre, konbauna ta yomara ede pi dumo Efesus plau dugwa. Efesus plau didre, yagl tau tegigl yogwa. Yagl i, Jon yoba okna ye nigl bugl togwa i, kamo prisre, duglo beglkwa yagl meglkwa.#19.1 Ka Grik mina yagl wagle i ye duglo beglkwa yoba meglme dugwa. Ye Jon duglo beglmo mo ira duglo beglkwa i, ka bage i mina paikrukwa ba ka yoglbo i mina nogugl paugwa. Ye Jon kamo okna duglo boglsre, erme Jisas pre mediglsre, nigl biglkwa. 2Pol yagl wagle i tegigl yedre, ye di pre, yegl dugwa, Ene pre mediglkwa igne, Mudu Murubuglo ene meglmara umo? dugwa. Yegl dugo, yagl wagle i di ikne ede te, yegl digwa, Ta ukrukwa. Ene Mudu Murubuglo pre dinga i, no ta pre kan erekrumniwe digwa. 3Yegl digo, Pol ye di pre, yegl dugwa, Ene ka siragl mere pre mediglsre, nigl biglme? dugwa. Yegl dugo, yagl wagle i di ikne ede te, yegl digwa, No Jon ka okna yoba di tedre, ye nigl bugl togwa i no pre mediglsre, nigl bune digwa. 4Yegl digo, Pol ye aglke kor Jisas pre medraiglmedi yegl di togwa, Yoba ta ye nomane kor idre, tadaglme yoba munedi prikwa i, Jon ake nigl atne ede, nigl bugl tome dugwa. Jon yegl ersre, ama yoba di te, Yagl ta na moknamugl unabuka i, pre medilo di, yegl dumiwe dugwa. Ye Yagl ta unabuka pre dugwa i, Jisas pre dumiwe di, Pol ka yegl dugwa. 5Pol yegl dugo, yagl wagle i prisre, ye Jisas erme pre meduniwe didre, ye pre mediglkwa i nogugl edinamnedi nigl biglkwa. 6Nigl biglko, Pol ye ogo i pi, ye pra pra akugo, Mudu Murubuglo ye meglmara ugwa. Ugo, yagl wagle i yoba kano tau pere pere pamere i didre, God kamo ka kep ere digwa. 7Yagl wagle i, ye 12-pela mere yegl meglkwa.
8Ana Pol ere mogl, ede pi Juda yoba ka mabuno yugu kei yeimara pidre, kudugl goglkre, yoba meglkwa i God kingno mogl, ye suglno morabuka pre ka beke tedre, ye ka dugwa i pre medraiglmedi ka giglede dugwa. Ye ege mere pi ka mabuno yugu kei yeimara pidre, ka yegl mere beke te moglko, ba suota ede ogwa. 9Yegl erukwa ba Juda yoba tau Jisas pre medrakiuro, nomano gigle dugo, ye yoba gumuglnomugl Jisas konbauna sugwa i di kide yei, ake atne edigwa. Yegl erikwa pre Pol ere mogl, Jisas nagiglema meglkwa i, i ede pere pi yagl ta kagie Tiranus we digwa i sule yugu kei yomara yoba ege ege i makai sidre, God kamo beke te moglkwa. 10Ye bugla yugu suo mere yegl pai mogl, yoba ege ege ka beke te moglkwa pre yoba mudu provins Esia suna meglkwa i, Juda yoba ya yugobuno pere meglkwa i, Yagl Kade Jisas kamo prikwa.
Agigle agigle 7-pela ye murubuglo kide ta di meda edinamnedi erikwa
11Ana Pol dumo Efesus moglkwa igne, God ye kimagl erabedi yobuglo togo, kimagl tau podo ere moglkwa. 12Ere moglko, yoba kandre, ye ere mogl, lap kebra mo kogon gagl ta Pol nagie baugwa i, i pi yoba kide sigwa mo murubuglo kide ta ye meglmara suna meglkwa i nagino mina padiglko, ye kideno aragan eruko, murubuglo kide ta meglmara suna meglkwa i ama kide kodo, ede meda wigwa.
13Ana Pol ye kimagl tau mere yegl ere wan moglko, Juda yoba tau ye dumo bage bage wan mogl, murubuglo kide yoba meglmara suna meglkwa di meda edinamnedi ere wan meglkwa i, ye Pol erumere ere, Yagl Kade Jisas kagie mina murubuglo kide di meda edinamnedi erikwa. Ye murubuglo kide di te, yegl digwa, No Jisas, yagl Pol kamo di te wan moglkwa i, kagie mina ede meda wo dumniwe di, yegl di wan meglkwa. 14Juda yoba tau yegl di wan meglko, agigle agigle 7-pela ta meglkwa i ama yegl eramnendi erikwa. Agigle agigle 7-pela i ye yagl ta kagie Skeva we digwa, ye Juda yoba tawa teigwa yoba bitno ta moglkwa i, wama meglkwa. 15Ana aglke ta, agigle agigle 7-pela i ere mogl, murubuglo kide ta Jisas kagie mina di meda edinamnedi eriko, murubuglo kide ye di ikne ede te, yegl dugwa, Yagl Jisas i na pre kan erika. Te, yagl Pol moglkwa i ama pre kan erika. Ba ene siragl yoba udre, na di meda edinamnedi erime? di, yegl dugwa. 16Yegl dugo, yagl ta murubuglo kide ye moglmara suna moglkwa i muku di pi, yagl 7-pela i kuguglno gaglno ake argla di, dimede ere sugo, ye bogl, yokoko teke ede meda eigwa.
17Ana yagl ta murubuglo kide moglmara suna moglkwa ere mogl, agigle agigle 7-pela ere sugwa ka i, di ede eigo, yoba mudu dumo Efesus meglkwa, Juda yoba ya yugobuno pere meglkwa i, prikwa. Prisre, kudugl podo gogl, Yagl Kade Jisas kagie ake mina edigwa. 18Yegl eriko, te, pre mediglkwa yoba tau mere ka i prisre, ede nogugl u ye mabuno kide tau ake meglkwa i, yoba gumuglnomugl di nogugl edigwa. 19Edigo, ye tau mere ama ka nibine didre, kumo giai erikwa i, ye ka nibine ya kumo giai erikwa buk ta yeigwa i yu makai sidre, yoba gumuglnomugl gagl tege erikwa. Ye buk gagl tege erikwa i, buk mudu i topo boglkwa kerikwa i, mige silva 50,000 borabuka mere yegl gagl tege erikwa. 20Ana taragl kane kane yegl mere dumo Efesus plau digwa pre Yagl Kade Jisas kamo pare wai dugo, yoba mere pre mediglkwa.
Efesus yoba Pol sinamnedi erikwa
21Ana taragl kane kane yegl dumo Efesus suna i plau dugo, okuo Pol kina gudu pre, ye ede provins suo Masedonia ya Akaia pidre, wan ede ikne Jerusalem enagledi prukwa. Yegl prisre, ye yoba di te, yegl dugwa, Na ede pi Jerusalem pidre, okuo ama wan ede pi Rom enaglka pamiwe di, yegl dugwa. 22Pol yegl didre, ye yagl suo ye ake ple di tebrika, kagno Timoti ya Erastus we digwa i, komono kana dedugo, ye ede okna pi provins ta Masedonia we dimara ebrika. Ebriko, Pol ye provins Esia suna moglmara i ege sugunagle ta mogl pai moglkwa.
23Ana igne i dumo Efesus, Jisas konbauna sugwa pre mediglkwa yoba meglmara yubun podo ta plau dugwa. 24Yubun ta plau dugwa i, yegl mere paugwa, yagl ta dumo Efesus silva idre, taragl kane kane beke, topo boglkwa, ye kagie Demitrius we digwa. Ye kogon yoba tau mere topo togo, ye akie silva idre, abu god ta moglmedi pre, kagie Artemis we digwa i, yugumo kebra kebra tau mere bekidre, topo beglkwa. 25Ana yagl Demitrius ere mogl, ye kogonmo yagl ya yoba tau ama silva idre, taragl kane kane bekigwa i di makai sidre, ye di te, yegl dugwa, Yagl wagle, nono silva mina taragl bekidre, mige mere i nomga i, ene pre kan erime dugwa. 26Ba ene ama pre kan erikwa i, yagl Pol ye dumo Efesus magigl i ya provins Esia suna dumo mere kide yoba di te, yoba ogono mina god bekigwa i, ye god kaima ta moglkrime di, yegl dugo, yoba mere ye ka kaima dumedi prisre, nomane kor imiwe dugwa. 27Yegl pre nono bisnis erumga i, yoba taragl yoko mere yomedi kanaiglkwa. Yegl pre na diwe dugwa. Te, abu kade god Artemis i, yoba provins Esia meglkwa i ya te uglo koglo koglo meglkwa i, ye kagie kade teigwa ba ye Pol ka dugwa i pribi, Artemis yugumo ama yugu yoko mere yomedi kanaiglkwa. Kanibi, abu i, kagie podo kide paugwa i, ede atne pi dinabuka pre diwe di, Demitrius yegl dugwa.
28Ana yagl Demitrius i ka yegl dugo, yoba kamo prikwa i deno podo kubriko, ka podo di, yegl digwa, Nono Efesus yoba godno Artemis i, kagie kade pamiwe! digwa. 29Yegl digo, ka i dumo Efesus suna i di u ikne ikne eigo, yoba mere pre, deno kubruko, ka kane kane di wan mogl, ye mudu muku di ede pi yagl suo okna Pol bogl dumo Masedonia mogl, akie wigwa, kagno Gaius ya Aristarkus we digwa i, si gudu i pi taun suna, yoba makai si meglmara suna edigwa. 30Edigo, Pol ye ama makai si meglmara ede suna pi ka tau di tenagledi prukwa ba Jisas nagiglema ye mane di teigwa. 31Te, provins Esia bitno yagl tau Pol kabaglema meglkwa i ama ka giglede dede, Pol ede suna unan, yoba ye kaima si goraiglkwa pre Pol ukrabedi, mane digwa.
32Ana yoba u makai si meglkwa ikra, ka kade di, ka kane kane digwa. Siragl pre ye u makai sigwa i, yoba tau mere mabunomo pre pogl sikrikwa pre ka kane kane digwa. Tau ka pere ta pre digo, tau ka pere ta pre digo, yegl erikwa. 33Yegl eriko, Juda yoba ye ere mogl, Juda yagl ta kagie Aleksander we digwa i, siragl pre u makai sigwa i di poran, praiglmedi ye ka do! digwa. Yegl didre, ye ake nu si, yoba gumanomugl edigwa. Edigo, yoba u makai si meglkwa i tau kandre, Mabuno siragl mere paugwa i ka do, pramniwe! digwa. Yegl digo, Aleksander ere mogl, yoba ka di meglkwa i dikraiglmedi ogo mina wermane ere, ye yoba siragl pre u makai sigwa i mabuno di nogugl edenagledi erukwa. 34Di nogugl edenagledi erukwa ba Efesus yoba kanigwa i, ye Juda yagl ta moglko, kandre, ye prikwa i, Juda yoba no godno Artemis i, kagie kade tekrikwa yoba meglmedi prisre, Efesus yoba ikra ere mogl, ye yene ka podo di, yegl di meglkwa, Nono Efesus yoba godno Artemis i, kagie kade pamiwe! di, yegl di mogl eigo, eigo, ade kwia suo mere ede ogwa.
35Ana ade kwia suo mere yoba i ka yegl di pai meglko, yagl ta ye kuskus kogon erukwa, ye dumo Efesus suna i, yoba kade, sugl meglkwa yoba ka digwa i, ye pepa mina bogl atne edidre, te di meda ede te, erukwa yagl ta moglkwa i ye adigl mogl, yoba ka di meglkwa i di te, Ka dikre, kiede molo! dugo, yoba ikra pra pra ka di meglkwa i dikre, kiede meglko, ye di te yegl dugwa, Efesus yoba, ene prio! dugwa. Nono Efesus yoba munga i, nono abu kade Artemis yugumo sugl munga, te ye kiamo okna heven ibo yei, yage makandigle sugwa ama sugl munga i, yoba mudu pre kan erime dugwa. 36Yegl pre yoba ta ere mogl, taragl yegl kibi yomiwe di, yegl ta dinabuka ta kuno erekrume dugwa. Yegl pre ene mabuno gua gua ta erekre, kiede molo! dugwa.
37Ana yagl kuskus kogon erukwa i ka yegl didre, ama yegl dugwa, Ene erme yagl suo si kane si yu edigwa magigl miurka i, ye nono godno Artemis i yugumo mina ye taragl swara ta kunogl nekribrika. Te, ye Artemis ta kenaglmo sikribrika. 38Yegl pre Demitrius ya yoba ye akie silva idre, taragl bekigwa yoba meglkwa i ye yagl suo i lo yegl ta paugwa si biglke dibredi ye kot ere tenaiglkwa i, konbo yogwa. Gavman yoba kade ye kotno praiglkwa ama meglmiwe dugwa. Yegl pre ye meglmara pi kot ere tenamnedi pribi, enaiglkwa. 39Te, nono erme ka ta dinamga panan, nono lo pamere makai sidre, dinamga. 40Ba nono erme kuda eramnedi erumga i, Rom gavman ta pribi, nono ka tage noraiglkwa pamiwe dugwa. Nono erumga i, mabuno wakai ta paikrukwa pre Rom yoba kade ta ere mogl, nono mabuno gua gua erumnara i ta no kira pogl pribi, ka wakai ta di ikne edinamga paikrumiwe di, yegl dugwa. 41Efesus kuskus kogon erukwa yagl i ye yoba yegl di tedre, di pere pere edugo, ye ede pere pere eigwa.
Currently Selected:
Aposel 19: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 19
19
Pol ede Efesus ogwa
1Ana Apolos ye ede pi dumo Korin moglkwa igne, Pol provins Esia suna i, wan ede pi kamin muglo kra pidre, konbauna ta yomara ede pi dumo Efesus plau dugwa. Efesus plau didre, yagl tau tegigl yogwa. Yagl i, Jon yoba okna ye nigl bugl togwa i, kamo prisre, duglo beglkwa yagl meglkwa.#19.1 Ka Grik mina yagl wagle i ye duglo beglkwa yoba meglme dugwa. Ye Jon duglo beglmo mo ira duglo beglkwa i, ka bage i mina paikrukwa ba ka yoglbo i mina nogugl paugwa. Ye Jon kamo okna duglo boglsre, erme Jisas pre mediglsre, nigl biglkwa. 2Pol yagl wagle i tegigl yedre, ye di pre, yegl dugwa, Ene pre mediglkwa igne, Mudu Murubuglo ene meglmara umo? dugwa. Yegl dugo, yagl wagle i di ikne ede te, yegl digwa, Ta ukrukwa. Ene Mudu Murubuglo pre dinga i, no ta pre kan erekrumniwe digwa. 3Yegl digo, Pol ye di pre, yegl dugwa, Ene ka siragl mere pre mediglsre, nigl biglme? dugwa. Yegl dugo, yagl wagle i di ikne ede te, yegl digwa, No Jon ka okna yoba di tedre, ye nigl bugl togwa i no pre mediglsre, nigl bune digwa. 4Yegl digo, Pol ye aglke kor Jisas pre medraiglmedi yegl di togwa, Yoba ta ye nomane kor idre, tadaglme yoba munedi prikwa i, Jon ake nigl atne ede, nigl bugl tome dugwa. Jon yegl ersre, ama yoba di te, Yagl ta na moknamugl unabuka i, pre medilo di, yegl dumiwe dugwa. Ye Yagl ta unabuka pre dugwa i, Jisas pre dumiwe di, Pol ka yegl dugwa. 5Pol yegl dugo, yagl wagle i prisre, ye Jisas erme pre meduniwe didre, ye pre mediglkwa i nogugl edinamnedi nigl biglkwa. 6Nigl biglko, Pol ye ogo i pi, ye pra pra akugo, Mudu Murubuglo ye meglmara ugwa. Ugo, yagl wagle i yoba kano tau pere pere pamere i didre, God kamo ka kep ere digwa. 7Yagl wagle i, ye 12-pela mere yegl meglkwa.
8Ana Pol ere mogl, ede pi Juda yoba ka mabuno yugu kei yeimara pidre, kudugl goglkre, yoba meglkwa i God kingno mogl, ye suglno morabuka pre ka beke tedre, ye ka dugwa i pre medraiglmedi ka giglede dugwa. Ye ege mere pi ka mabuno yugu kei yeimara pidre, ka yegl mere beke te moglko, ba suota ede ogwa. 9Yegl erukwa ba Juda yoba tau Jisas pre medrakiuro, nomano gigle dugo, ye yoba gumuglnomugl Jisas konbauna sugwa i di kide yei, ake atne edigwa. Yegl erikwa pre Pol ere mogl, Jisas nagiglema meglkwa i, i ede pere pi yagl ta kagie Tiranus we digwa i sule yugu kei yomara yoba ege ege i makai sidre, God kamo beke te moglkwa. 10Ye bugla yugu suo mere yegl pai mogl, yoba ege ege ka beke te moglkwa pre yoba mudu provins Esia suna meglkwa i, Juda yoba ya yugobuno pere meglkwa i, Yagl Kade Jisas kamo prikwa.
Agigle agigle 7-pela ye murubuglo kide ta di meda edinamnedi erikwa
11Ana Pol dumo Efesus moglkwa igne, God ye kimagl erabedi yobuglo togo, kimagl tau podo ere moglkwa. 12Ere moglko, yoba kandre, ye ere mogl, lap kebra mo kogon gagl ta Pol nagie baugwa i, i pi yoba kide sigwa mo murubuglo kide ta ye meglmara suna meglkwa i nagino mina padiglko, ye kideno aragan eruko, murubuglo kide ta meglmara suna meglkwa i ama kide kodo, ede meda wigwa.
13Ana Pol ye kimagl tau mere yegl ere wan moglko, Juda yoba tau ye dumo bage bage wan mogl, murubuglo kide yoba meglmara suna meglkwa di meda edinamnedi ere wan meglkwa i, ye Pol erumere ere, Yagl Kade Jisas kagie mina murubuglo kide di meda edinamnedi erikwa. Ye murubuglo kide di te, yegl digwa, No Jisas, yagl Pol kamo di te wan moglkwa i, kagie mina ede meda wo dumniwe di, yegl di wan meglkwa. 14Juda yoba tau yegl di wan meglko, agigle agigle 7-pela ta meglkwa i ama yegl eramnendi erikwa. Agigle agigle 7-pela i ye yagl ta kagie Skeva we digwa, ye Juda yoba tawa teigwa yoba bitno ta moglkwa i, wama meglkwa. 15Ana aglke ta, agigle agigle 7-pela i ere mogl, murubuglo kide ta Jisas kagie mina di meda edinamnedi eriko, murubuglo kide ye di ikne ede te, yegl dugwa, Yagl Jisas i na pre kan erika. Te, yagl Pol moglkwa i ama pre kan erika. Ba ene siragl yoba udre, na di meda edinamnedi erime? di, yegl dugwa. 16Yegl dugo, yagl ta murubuglo kide ye moglmara suna moglkwa i muku di pi, yagl 7-pela i kuguglno gaglno ake argla di, dimede ere sugo, ye bogl, yokoko teke ede meda eigwa.
17Ana yagl ta murubuglo kide moglmara suna moglkwa ere mogl, agigle agigle 7-pela ere sugwa ka i, di ede eigo, yoba mudu dumo Efesus meglkwa, Juda yoba ya yugobuno pere meglkwa i, prikwa. Prisre, kudugl podo gogl, Yagl Kade Jisas kagie ake mina edigwa. 18Yegl eriko, te, pre mediglkwa yoba tau mere ka i prisre, ede nogugl u ye mabuno kide tau ake meglkwa i, yoba gumuglnomugl di nogugl edigwa. 19Edigo, ye tau mere ama ka nibine didre, kumo giai erikwa i, ye ka nibine ya kumo giai erikwa buk ta yeigwa i yu makai sidre, yoba gumuglnomugl gagl tege erikwa. Ye buk gagl tege erikwa i, buk mudu i topo boglkwa kerikwa i, mige silva 50,000 borabuka mere yegl gagl tege erikwa. 20Ana taragl kane kane yegl mere dumo Efesus plau digwa pre Yagl Kade Jisas kamo pare wai dugo, yoba mere pre mediglkwa.
Efesus yoba Pol sinamnedi erikwa
21Ana taragl kane kane yegl dumo Efesus suna i plau dugo, okuo Pol kina gudu pre, ye ede provins suo Masedonia ya Akaia pidre, wan ede ikne Jerusalem enagledi prukwa. Yegl prisre, ye yoba di te, yegl dugwa, Na ede pi Jerusalem pidre, okuo ama wan ede pi Rom enaglka pamiwe di, yegl dugwa. 22Pol yegl didre, ye yagl suo ye ake ple di tebrika, kagno Timoti ya Erastus we digwa i, komono kana dedugo, ye ede okna pi provins ta Masedonia we dimara ebrika. Ebriko, Pol ye provins Esia suna moglmara i ege sugunagle ta mogl pai moglkwa.
23Ana igne i dumo Efesus, Jisas konbauna sugwa pre mediglkwa yoba meglmara yubun podo ta plau dugwa. 24Yubun ta plau dugwa i, yegl mere paugwa, yagl ta dumo Efesus silva idre, taragl kane kane beke, topo boglkwa, ye kagie Demitrius we digwa. Ye kogon yoba tau mere topo togo, ye akie silva idre, abu god ta moglmedi pre, kagie Artemis we digwa i, yugumo kebra kebra tau mere bekidre, topo beglkwa. 25Ana yagl Demitrius ere mogl, ye kogonmo yagl ya yoba tau ama silva idre, taragl kane kane bekigwa i di makai sidre, ye di te, yegl dugwa, Yagl wagle, nono silva mina taragl bekidre, mige mere i nomga i, ene pre kan erime dugwa. 26Ba ene ama pre kan erikwa i, yagl Pol ye dumo Efesus magigl i ya provins Esia suna dumo mere kide yoba di te, yoba ogono mina god bekigwa i, ye god kaima ta moglkrime di, yegl dugo, yoba mere ye ka kaima dumedi prisre, nomane kor imiwe dugwa. 27Yegl pre nono bisnis erumga i, yoba taragl yoko mere yomedi kanaiglkwa. Yegl pre na diwe dugwa. Te, abu kade god Artemis i, yoba provins Esia meglkwa i ya te uglo koglo koglo meglkwa i, ye kagie kade teigwa ba ye Pol ka dugwa i pribi, Artemis yugumo ama yugu yoko mere yomedi kanaiglkwa. Kanibi, abu i, kagie podo kide paugwa i, ede atne pi dinabuka pre diwe di, Demitrius yegl dugwa.
28Ana yagl Demitrius i ka yegl dugo, yoba kamo prikwa i deno podo kubriko, ka podo di, yegl digwa, Nono Efesus yoba godno Artemis i, kagie kade pamiwe! digwa. 29Yegl digo, ka i dumo Efesus suna i di u ikne ikne eigo, yoba mere pre, deno kubruko, ka kane kane di wan mogl, ye mudu muku di ede pi yagl suo okna Pol bogl dumo Masedonia mogl, akie wigwa, kagno Gaius ya Aristarkus we digwa i, si gudu i pi taun suna, yoba makai si meglmara suna edigwa. 30Edigo, Pol ye ama makai si meglmara ede suna pi ka tau di tenagledi prukwa ba Jisas nagiglema ye mane di teigwa. 31Te, provins Esia bitno yagl tau Pol kabaglema meglkwa i ama ka giglede dede, Pol ede suna unan, yoba ye kaima si goraiglkwa pre Pol ukrabedi, mane digwa.
32Ana yoba u makai si meglkwa ikra, ka kade di, ka kane kane digwa. Siragl pre ye u makai sigwa i, yoba tau mere mabunomo pre pogl sikrikwa pre ka kane kane digwa. Tau ka pere ta pre digo, tau ka pere ta pre digo, yegl erikwa. 33Yegl eriko, Juda yoba ye ere mogl, Juda yagl ta kagie Aleksander we digwa i, siragl pre u makai sigwa i di poran, praiglmedi ye ka do! digwa. Yegl didre, ye ake nu si, yoba gumanomugl edigwa. Edigo, yoba u makai si meglkwa i tau kandre, Mabuno siragl mere paugwa i ka do, pramniwe! digwa. Yegl digo, Aleksander ere mogl, yoba ka di meglkwa i dikraiglmedi ogo mina wermane ere, ye yoba siragl pre u makai sigwa i mabuno di nogugl edenagledi erukwa. 34Di nogugl edenagledi erukwa ba Efesus yoba kanigwa i, ye Juda yagl ta moglko, kandre, ye prikwa i, Juda yoba no godno Artemis i, kagie kade tekrikwa yoba meglmedi prisre, Efesus yoba ikra ere mogl, ye yene ka podo di, yegl di meglkwa, Nono Efesus yoba godno Artemis i, kagie kade pamiwe! di, yegl di mogl eigo, eigo, ade kwia suo mere ede ogwa.
35Ana ade kwia suo mere yoba i ka yegl di pai meglko, yagl ta ye kuskus kogon erukwa, ye dumo Efesus suna i, yoba kade, sugl meglkwa yoba ka digwa i, ye pepa mina bogl atne edidre, te di meda ede te, erukwa yagl ta moglkwa i ye adigl mogl, yoba ka di meglkwa i di te, Ka dikre, kiede molo! dugo, yoba ikra pra pra ka di meglkwa i dikre, kiede meglko, ye di te yegl dugwa, Efesus yoba, ene prio! dugwa. Nono Efesus yoba munga i, nono abu kade Artemis yugumo sugl munga, te ye kiamo okna heven ibo yei, yage makandigle sugwa ama sugl munga i, yoba mudu pre kan erime dugwa. 36Yegl pre yoba ta ere mogl, taragl yegl kibi yomiwe di, yegl ta dinabuka ta kuno erekrume dugwa. Yegl pre ene mabuno gua gua ta erekre, kiede molo! dugwa.
37Ana yagl kuskus kogon erukwa i ka yegl didre, ama yegl dugwa, Ene erme yagl suo si kane si yu edigwa magigl miurka i, ye nono godno Artemis i yugumo mina ye taragl swara ta kunogl nekribrika. Te, ye Artemis ta kenaglmo sikribrika. 38Yegl pre Demitrius ya yoba ye akie silva idre, taragl bekigwa yoba meglkwa i ye yagl suo i lo yegl ta paugwa si biglke dibredi ye kot ere tenaiglkwa i, konbo yogwa. Gavman yoba kade ye kotno praiglkwa ama meglmiwe dugwa. Yegl pre ye meglmara pi kot ere tenamnedi pribi, enaiglkwa. 39Te, nono erme ka ta dinamga panan, nono lo pamere makai sidre, dinamga. 40Ba nono erme kuda eramnedi erumga i, Rom gavman ta pribi, nono ka tage noraiglkwa pamiwe dugwa. Nono erumga i, mabuno wakai ta paikrukwa pre Rom yoba kade ta ere mogl, nono mabuno gua gua erumnara i ta no kira pogl pribi, ka wakai ta di ikne edinamga paikrumiwe di, yegl dugwa. 41Efesus kuskus kogon erukwa yagl i ye yoba yegl di tedre, di pere pere edugo, ye ede pere pere eigwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission