Aposel 20
20
Pol ede Masedonia ya Grik kamun ogwa
1Ana Efesus yoba u makai sidre, kuda eramnedi ka di meglko, kuskus kogon erukwa yagl ikra u, mane di togo, ye ede pere pere eigwa. Eigo, Pol ye Jisas nagiglema di makai sugo, wigwa. Wigo, Pol ye ka tau di, deno muduno si gigle di tenagledi di togwa. Didre, ye kide kodo, ede provins Masedonia enagledi ogwa. 2Ye ede pi provins Masedonia suna pidre, Jisas pre mediglkwa yoba bage bage meglmara i ka di te, deno muduno si gigle di tenagledi ka mere di te wan moglkwa. Di tedre, konbauna wan ede pi kantri Grik ogwa. 3Pol ye kantri Grik pidre, ba suota moglsre, okuo sip mina ede ikne provins Siria, ye mogl, ede meda omara ikra enagledi erukwa. Ye sip mina ede enagledi erukwa ba Juda yoba igne i ka di kogl, ye si goramniwe digwa. Ka yegl di keglko, yoba ta pre, u Pol di togwa. Di togo, Pol ere mogl, sip mina ede enagledi erukwa i kide kodo, ye kina gudu pre, makandigle wan ede ikne provins Masedonia pidre, okuo ede provins Siria enagledi prukwa.
4Ana Pol ede enagledi pruko, no yagl tau bogl akie makandigle wan ede omga. Taun Beria nem ta, kagie Sopater we digwa, ye Pirus wam moglkwa i yogo, te taun Tesalonaika nem suo Aristarkus ya Sekundus yebriko, te Gaius, ye taun Derbe nem moglkwa i Timoti bogl yebriko, te provins Esia nem suo Tikikus ya Trofimus i, no mudu Pol bogl akie ede omga. 5No akie ede provins Masedonia omgo, yagl wagle i, no kide kodo, ede okna pi dumo Troas pidre, no pre sugl meglkwa. 6No kide kodo ede eigo, no Pol bogl taun Filipai pai muglko, Juda yoba bret yis edekre, gagl neigwa egemo kade ikra dudugo, no aglke kor ede Troas enabugledi sip mina ede obuglka. No ege 5-pela de mere sip mina pai mogl, wan ede pi dumo Troas plau dubuglka. Troas plau dubuglko, yagl wagle ede okna wigwa ikra, no pre sugl meglko, tegigl yedre, aglke 7-pela de dumo Troas i, pai munga.
Pol kumugl gak ta ere i kor edugwa
7-8Ana no dumo Troas pai mungo, Sande ege yogo, no Jisas pre mediglkwa yoba dumo Troas meglkwa i bogl makai sidre, Jisas goglkwa pre moramnedi bret akie buko di nenamnedi makai sumga. No pi yugu ta bogl kugl, tebe atne suo keimara ede kuglo ibo pi makai sumga. Makai sumnara i, yoba ken lam mere gagl padiglko, Pol ye yoba ka beke togwa. Ye yoba ka beke togwa i, tagna ye Troas kide kodo ede enagledi prukwa pre ka olto di ede ogo, eduer suna yogwa. 9Ana Pol eduer suna ka beke te pai moglko, kumugl gak ta kagie Yutikus we digwa i ye windo mina ame di mogl, ugl guk sidre, ugl paugwa. Ugl pai du pidre, ye wai kugl, mina ibo yei, yage makandigle sugwa. Yage sugo, yoba ede makandigle pidre, ye ogo nagie ake ple di, kanigwa i, kumugl i goglko, kanigwa. 10Yegl kanigo, Pol ye yugu kuglo mitna ibo moglmara i kide kodo, ede atne u kumugl i pai moglmara ye bolamugl pai ime di, kugrukwa. Kugrisre, ye yoba meglkwa i di te, yegl dugwa, Ene kide prikrio! Ye kor moglmiwe di, yegl dugwa. 11Yegl dugo, kumugl gak i aduglkwa. Aduglko, yoba mudu aglke ede ikne bogl mitna ibo eigwa. Eigo, no yoba i mudu Jisas goglkwa pre moramnedi bret buko didre, akie nomga. Nomgo, Pol yoba ka beke te ede ogo, kamun tagugwa. Kamun tagugo, no Pol bogl dumo Troas kide kodo, ede omga. 12Ede omgo, yoba i gun yei, kumugl i agre i ede kipamara eigwa. Siragl pre kumugl i kor moglkwa pre ye deno muduno aragan eruko, ye gun podo yeigwa.
Pol dumo Troas kide kodo, ede Miletus ogwa
13Ana no dumo Troas kide kodinamnedi erumgo, Pol ye swara makandigle enagledi prisre, no di noro, yegl dugwa, Ene sip mina ede okna pi dumo Asos ebi, na makandigle wibo, nono Asos tegigl yenamniwe di, yegl dugwa. Yegl dugwa pre no ye dumere ere, sip mina ede okna pi taun Asos omgo, 14Pol makandigle u Asos plau dugo, no tegigl yomga. Tegigl yedre, no akie sip mina ede pi taun ta Mitilini we dimara omga.
15Ana no taun ta Mitilini we dimara i pidre, aglke kor dumo i kide kodo, sip mina ede omga. No pidre, ege ta dumo kebra ta mudi nigl suna yogwa, kagie Kios we digwa yomara i, magigl omga. Pidre, tagna ta ede pi dumo kebra pere ta mudi nigl suna yogwa, kagie Samos we dimara i, omga. Dumo Samos pidre, tagna ta aglke kor no dumo Efesus yadidre, taun ta Miletus we dimara pi plau dumga. 16No dumo Troas mogl, sip mina ede enamnedi erumga igne, Pol okna kana konbauna ta sugwa i, no dumo Efesus pikre, ake dudi ede enamnedi prukwa. Yegl prukwa pre no sip ta dumo Efesus pikre, ake dudi ede enamga sip i mina ede omga. Siragl pre Pol prukwa i, ye ede pi Efesus pidre, provins Esia suna i moglbo, ege kade Pentikos we digwa i, u dinabedi prukwa pre ye kuno eran, tabre ede pi Jerusalem moglbo, ege kade Pentikos yenabedi prukwa pre no ede Efesus pikre, ake dudi ede omga.
Pol ye Efesus suglno yoba ka di tedre, ye kodo, ede ogwa
17Ana no ede dumo Miletus omgo, Pol yoba ta dedugo, ye ede pi dumo Efesus pidre, Jisas yugobunomo dumo Efesus meglkwa i, suglno meglkwa yoba mudu agre yunabedi dedugwa. Yoba i ede pi dumo Efesus pidre, pre mediglkwa yoba suglno yoba dumo Efesus meglkwa i di togo, ye mudu Pol moglmara Miletus wigwa.
18Ana Jisas pre mediglkwa yoba dumo Efesus meglkwa i suglno yoba wigo, Pol ye yoba mudu i di tedre, yegl dugwa, Na agrama wagle, na kere mogo ede u provins Esia u mogl, aglke ede ikne eiga igne ikra ya te, wan mogl, okuo aglke kor wigo, nono akie mogl umga i, na siragl mere mogl pai erika i, ene pre kan erime dugwa. 19Juda yoba ege mere ka di koglsre, na si goramnedi erikwa. Yegl erikwa pre na yubun tau mere idre, ama ege sike ta na kai erika. Na yegl erika ba ene na kanigwa i, na nana ake atne edidre, na Yagl Kade kogonmo ere pai moluwe dugwa.
20Ana na okna ene ka beke teiga igne, na ka swara ta ene di tenaglka, wakai paugwa i, na teke ta padiglkre, na ene di pogl te keme erika. Na ene makai si meglmara ya ene pere pere kipai meglmara i ama ka beke teiga. 21Te, na ama Juda yoba ya yoba yugobuno pere meda meglkwa i, ama ka giglede di tedre, ye nomane kor idre, ede God moglkwa u Yaglno Kade Jisas pre medraiglmedi di teiwe di, Pol yegl dugwa.
22Pol ka yegl didre, ama yegl dugwa, Na erme ede Jerusalem ena pre wiga. I siragl pre na dena muduna mina ka kaima ede Jerusalem enagledi priwe dugwa. Na ede ebo, siragl taragl na moglmara plau dinabuka i, na ta pre kan erekrika 23ba na taun pere pere wan moglka igne i God Murubuglo komono kana ka giglede di narukwa i, yoba na si kane sibi, yubun podo inaglka mere yegl na di narukwa. 24Yubun podo yegl inaglka mere di narukwa ba yoba na si kane sidre, na si goraiglkwa i, na pre mitna edekrie dugwa. Pre mitna edekrika ba Yagl Kade Jisas na kogon eratnedi narukwa i swara ere kodinagledi pre mitna edie dugwa. Na prika i, God ye yoko kaima yoba ere yugwa ka wakai i, yoba di te kodinagledi prika pre diwe di, Pol yegl dugwa.
25Ana Pol ka yegl didre, ka tau ama di, yegl dugwa, Na agrama wagle, ene prio. God yoba kingno mogl, ye suglno morabuka i, na okna ene meglmara suna wan mogl, ene mudu di te kodiga. Na erme prika i, ene okuo na gumana kankraiglmiwe di, yegl dugwa. 26-27Yegl pre na ene erme di nogugl ede teiga, na God kamo mudu ene di teiwe dugwa. God taragl swara ta eragle dugwa mo ene eraiglmedi prukwa i, na ka swara ta teke padiglkre, ene mudu di pogl te kodiga. Di pogl te kodiga pre okuo yoba swara ta wau borabuka i, na mabuno ta moglkraluwe di, Pol yegl dugwa.
28Ana Pol ka yegl didre, ka tau ama yegl di pai moglkwa, Pre mediglkwa yoba meglkwa i, ene sugl meglkwa yoba, na ene ka yegl di tenaluwe dugwa. Ene enene suglno wakai moglsre, te God yugobunomo mudu ama suglno wakai molo dugwa. Siragl pre yoba God yugobunomo mina meglkwa, yene Wam bormaimo mina topo si yugwa i, Mudu Murubuglo ye ene sipsip sugl meglkwa yoba mere yegl suglno wakai moraiglmedi dedugo, meglmiwe dugwa. 29Na pre kan erika i, na ede ebo, yoba tau okuo unaiglkwa i, agl are taragl si paglka neimere mere yegl u God sipsipmo meglkwa i, mudu ere kide ere tenamnedi eraiglkwa. 30Te, enene meglmara yagl tau suna moraiglkwa i, ama pre mediglkwa yoba ye no duglo boraiglmedi God kamo pamere dikre, yoba ka kibi beke tenaiglmiwe dugwa. 31Yegl pre ene kan kun ere molo! dugwa. Na okna bugla yugu suota ene bogl mungo, na etne ya eduer ene ka beke tedre, ege sike tau kai erika i, ene poglo di pre, na erimere yegl ene ama erio di, Pol yegl dugwa.
32Ana Pol ka yegl didre, ama yegl dugwa, Erme God yene ene suglno morabedi ene God ogo mina yei kodiwe dugwa. Te, God ye yoba yoko kaima ere yugwa kamo i mina ene mogl atne ede molo di, yegl dugwa. Ka swara i, ene si gigle di tenabuka, kuno erukwa. Te, ene pre molo, God ye yene yobama taragl wakai wakai okuo inaiglme dugwa, ene ama inaiglkwa i, ye kamo swara i ene pre mediglkwa pre ene inaiglmiwe di, yegl dugwa.
33Ana na yoba silva mo gol mo kugugl gagl ta kan neigwa i pre bubuno goglkrika. 34Na nana ogona mina kogon ere, taragl ta i nenaglka mo yoba na bogl akie God kogonmo erumga i, i nenamga pre na nana kogon erika i, enene pre kan erime dugwa. 35Na yegl ere ene obuno di teiga i, ene kogon yegl ersre, yoba tau yobuglno paikrukwa ake ple di tenaiglkwa pre obuno di teiga. Yegl obuno di tedre, te Jisas ka ta yene dra mina dugwa i, ene pre moraiglmedi na ene obuno di teiwe dugwa. Jisas yegl dugwa, Ene enene taragl tau idre, gun yenatnga i, gun kebra yenatnga ba ene taragl tau yoba tedre, gun yenatnga i, gun podo kaima yenatniwe di, Jisas ka yegl dumiwe di, Pol yegl dugwa.
36Ana Pol ka yegl di kodidre, ye goglko boduglko, no Efesus suglno yoba mudu i bogl akie kamage erumga. 37Kamage ere kodumgo, yagl wagle i kai podo ere, Pol nugo kugro, pauna si neigwa. 38I siragl pre Pol ye okuo na ta kankraiglmiwe dugwa pre ye deno muduno yubun podo dogo, ye kai ere, Pol kugro, pauna si neigwa. Yegl ersre, ye no Pol bogl auro i pi sip mina edigo, munga.
Currently Selected:
Aposel 20: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 20
20
Pol ede Masedonia ya Grik kamun ogwa
1Ana Efesus yoba u makai sidre, kuda eramnedi ka di meglko, kuskus kogon erukwa yagl ikra u, mane di togo, ye ede pere pere eigwa. Eigo, Pol ye Jisas nagiglema di makai sugo, wigwa. Wigo, Pol ye ka tau di, deno muduno si gigle di tenagledi di togwa. Didre, ye kide kodo, ede provins Masedonia enagledi ogwa. 2Ye ede pi provins Masedonia suna pidre, Jisas pre mediglkwa yoba bage bage meglmara i ka di te, deno muduno si gigle di tenagledi ka mere di te wan moglkwa. Di tedre, konbauna wan ede pi kantri Grik ogwa. 3Pol ye kantri Grik pidre, ba suota moglsre, okuo sip mina ede ikne provins Siria, ye mogl, ede meda omara ikra enagledi erukwa. Ye sip mina ede enagledi erukwa ba Juda yoba igne i ka di kogl, ye si goramniwe digwa. Ka yegl di keglko, yoba ta pre, u Pol di togwa. Di togo, Pol ere mogl, sip mina ede enagledi erukwa i kide kodo, ye kina gudu pre, makandigle wan ede ikne provins Masedonia pidre, okuo ede provins Siria enagledi prukwa.
4Ana Pol ede enagledi pruko, no yagl tau bogl akie makandigle wan ede omga. Taun Beria nem ta, kagie Sopater we digwa, ye Pirus wam moglkwa i yogo, te taun Tesalonaika nem suo Aristarkus ya Sekundus yebriko, te Gaius, ye taun Derbe nem moglkwa i Timoti bogl yebriko, te provins Esia nem suo Tikikus ya Trofimus i, no mudu Pol bogl akie ede omga. 5No akie ede provins Masedonia omgo, yagl wagle i, no kide kodo, ede okna pi dumo Troas pidre, no pre sugl meglkwa. 6No kide kodo ede eigo, no Pol bogl taun Filipai pai muglko, Juda yoba bret yis edekre, gagl neigwa egemo kade ikra dudugo, no aglke kor ede Troas enabugledi sip mina ede obuglka. No ege 5-pela de mere sip mina pai mogl, wan ede pi dumo Troas plau dubuglka. Troas plau dubuglko, yagl wagle ede okna wigwa ikra, no pre sugl meglko, tegigl yedre, aglke 7-pela de dumo Troas i, pai munga.
Pol kumugl gak ta ere i kor edugwa
7-8Ana no dumo Troas pai mungo, Sande ege yogo, no Jisas pre mediglkwa yoba dumo Troas meglkwa i bogl makai sidre, Jisas goglkwa pre moramnedi bret akie buko di nenamnedi makai sumga. No pi yugu ta bogl kugl, tebe atne suo keimara ede kuglo ibo pi makai sumga. Makai sumnara i, yoba ken lam mere gagl padiglko, Pol ye yoba ka beke togwa. Ye yoba ka beke togwa i, tagna ye Troas kide kodo ede enagledi prukwa pre ka olto di ede ogo, eduer suna yogwa. 9Ana Pol eduer suna ka beke te pai moglko, kumugl gak ta kagie Yutikus we digwa i ye windo mina ame di mogl, ugl guk sidre, ugl paugwa. Ugl pai du pidre, ye wai kugl, mina ibo yei, yage makandigle sugwa. Yage sugo, yoba ede makandigle pidre, ye ogo nagie ake ple di, kanigwa i, kumugl i goglko, kanigwa. 10Yegl kanigo, Pol ye yugu kuglo mitna ibo moglmara i kide kodo, ede atne u kumugl i pai moglmara ye bolamugl pai ime di, kugrukwa. Kugrisre, ye yoba meglkwa i di te, yegl dugwa, Ene kide prikrio! Ye kor moglmiwe di, yegl dugwa. 11Yegl dugo, kumugl gak i aduglkwa. Aduglko, yoba mudu aglke ede ikne bogl mitna ibo eigwa. Eigo, no yoba i mudu Jisas goglkwa pre moramnedi bret buko didre, akie nomga. Nomgo, Pol yoba ka beke te ede ogo, kamun tagugwa. Kamun tagugo, no Pol bogl dumo Troas kide kodo, ede omga. 12Ede omgo, yoba i gun yei, kumugl i agre i ede kipamara eigwa. Siragl pre kumugl i kor moglkwa pre ye deno muduno aragan eruko, ye gun podo yeigwa.
Pol dumo Troas kide kodo, ede Miletus ogwa
13Ana no dumo Troas kide kodinamnedi erumgo, Pol ye swara makandigle enagledi prisre, no di noro, yegl dugwa, Ene sip mina ede okna pi dumo Asos ebi, na makandigle wibo, nono Asos tegigl yenamniwe di, yegl dugwa. Yegl dugwa pre no ye dumere ere, sip mina ede okna pi taun Asos omgo, 14Pol makandigle u Asos plau dugo, no tegigl yomga. Tegigl yedre, no akie sip mina ede pi taun ta Mitilini we dimara omga.
15Ana no taun ta Mitilini we dimara i pidre, aglke kor dumo i kide kodo, sip mina ede omga. No pidre, ege ta dumo kebra ta mudi nigl suna yogwa, kagie Kios we digwa yomara i, magigl omga. Pidre, tagna ta ede pi dumo kebra pere ta mudi nigl suna yogwa, kagie Samos we dimara i, omga. Dumo Samos pidre, tagna ta aglke kor no dumo Efesus yadidre, taun ta Miletus we dimara pi plau dumga. 16No dumo Troas mogl, sip mina ede enamnedi erumga igne, Pol okna kana konbauna ta sugwa i, no dumo Efesus pikre, ake dudi ede enamnedi prukwa. Yegl prukwa pre no sip ta dumo Efesus pikre, ake dudi ede enamga sip i mina ede omga. Siragl pre Pol prukwa i, ye ede pi Efesus pidre, provins Esia suna i moglbo, ege kade Pentikos we digwa i, u dinabedi prukwa pre ye kuno eran, tabre ede pi Jerusalem moglbo, ege kade Pentikos yenabedi prukwa pre no ede Efesus pikre, ake dudi ede omga.
Pol ye Efesus suglno yoba ka di tedre, ye kodo, ede ogwa
17Ana no ede dumo Miletus omgo, Pol yoba ta dedugo, ye ede pi dumo Efesus pidre, Jisas yugobunomo dumo Efesus meglkwa i, suglno meglkwa yoba mudu agre yunabedi dedugwa. Yoba i ede pi dumo Efesus pidre, pre mediglkwa yoba suglno yoba dumo Efesus meglkwa i di togo, ye mudu Pol moglmara Miletus wigwa.
18Ana Jisas pre mediglkwa yoba dumo Efesus meglkwa i suglno yoba wigo, Pol ye yoba mudu i di tedre, yegl dugwa, Na agrama wagle, na kere mogo ede u provins Esia u mogl, aglke ede ikne eiga igne ikra ya te, wan mogl, okuo aglke kor wigo, nono akie mogl umga i, na siragl mere mogl pai erika i, ene pre kan erime dugwa. 19Juda yoba ege mere ka di koglsre, na si goramnedi erikwa. Yegl erikwa pre na yubun tau mere idre, ama ege sike ta na kai erika. Na yegl erika ba ene na kanigwa i, na nana ake atne edidre, na Yagl Kade kogonmo ere pai moluwe dugwa.
20Ana na okna ene ka beke teiga igne, na ka swara ta ene di tenaglka, wakai paugwa i, na teke ta padiglkre, na ene di pogl te keme erika. Na ene makai si meglmara ya ene pere pere kipai meglmara i ama ka beke teiga. 21Te, na ama Juda yoba ya yoba yugobuno pere meda meglkwa i, ama ka giglede di tedre, ye nomane kor idre, ede God moglkwa u Yaglno Kade Jisas pre medraiglmedi di teiwe di, Pol yegl dugwa.
22Pol ka yegl didre, ama yegl dugwa, Na erme ede Jerusalem ena pre wiga. I siragl pre na dena muduna mina ka kaima ede Jerusalem enagledi priwe dugwa. Na ede ebo, siragl taragl na moglmara plau dinabuka i, na ta pre kan erekrika 23ba na taun pere pere wan moglka igne i God Murubuglo komono kana ka giglede di narukwa i, yoba na si kane sibi, yubun podo inaglka mere yegl na di narukwa. 24Yubun podo yegl inaglka mere di narukwa ba yoba na si kane sidre, na si goraiglkwa i, na pre mitna edekrie dugwa. Pre mitna edekrika ba Yagl Kade Jisas na kogon eratnedi narukwa i swara ere kodinagledi pre mitna edie dugwa. Na prika i, God ye yoko kaima yoba ere yugwa ka wakai i, yoba di te kodinagledi prika pre diwe di, Pol yegl dugwa.
25Ana Pol ka yegl didre, ka tau ama di, yegl dugwa, Na agrama wagle, ene prio. God yoba kingno mogl, ye suglno morabuka i, na okna ene meglmara suna wan mogl, ene mudu di te kodiga. Na erme prika i, ene okuo na gumana kankraiglmiwe di, yegl dugwa. 26-27Yegl pre na ene erme di nogugl ede teiga, na God kamo mudu ene di teiwe dugwa. God taragl swara ta eragle dugwa mo ene eraiglmedi prukwa i, na ka swara ta teke padiglkre, ene mudu di pogl te kodiga. Di pogl te kodiga pre okuo yoba swara ta wau borabuka i, na mabuno ta moglkraluwe di, Pol yegl dugwa.
28Ana Pol ka yegl didre, ka tau ama yegl di pai moglkwa, Pre mediglkwa yoba meglkwa i, ene sugl meglkwa yoba, na ene ka yegl di tenaluwe dugwa. Ene enene suglno wakai moglsre, te God yugobunomo mudu ama suglno wakai molo dugwa. Siragl pre yoba God yugobunomo mina meglkwa, yene Wam bormaimo mina topo si yugwa i, Mudu Murubuglo ye ene sipsip sugl meglkwa yoba mere yegl suglno wakai moraiglmedi dedugo, meglmiwe dugwa. 29Na pre kan erika i, na ede ebo, yoba tau okuo unaiglkwa i, agl are taragl si paglka neimere mere yegl u God sipsipmo meglkwa i, mudu ere kide ere tenamnedi eraiglkwa. 30Te, enene meglmara yagl tau suna moraiglkwa i, ama pre mediglkwa yoba ye no duglo boraiglmedi God kamo pamere dikre, yoba ka kibi beke tenaiglmiwe dugwa. 31Yegl pre ene kan kun ere molo! dugwa. Na okna bugla yugu suota ene bogl mungo, na etne ya eduer ene ka beke tedre, ege sike tau kai erika i, ene poglo di pre, na erimere yegl ene ama erio di, Pol yegl dugwa.
32Ana Pol ka yegl didre, ama yegl dugwa, Erme God yene ene suglno morabedi ene God ogo mina yei kodiwe dugwa. Te, God ye yoba yoko kaima ere yugwa kamo i mina ene mogl atne ede molo di, yegl dugwa. Ka swara i, ene si gigle di tenabuka, kuno erukwa. Te, ene pre molo, God ye yene yobama taragl wakai wakai okuo inaiglme dugwa, ene ama inaiglkwa i, ye kamo swara i ene pre mediglkwa pre ene inaiglmiwe di, yegl dugwa.
33Ana na yoba silva mo gol mo kugugl gagl ta kan neigwa i pre bubuno goglkrika. 34Na nana ogona mina kogon ere, taragl ta i nenaglka mo yoba na bogl akie God kogonmo erumga i, i nenamga pre na nana kogon erika i, enene pre kan erime dugwa. 35Na yegl ere ene obuno di teiga i, ene kogon yegl ersre, yoba tau yobuglno paikrukwa ake ple di tenaiglkwa pre obuno di teiga. Yegl obuno di tedre, te Jisas ka ta yene dra mina dugwa i, ene pre moraiglmedi na ene obuno di teiwe dugwa. Jisas yegl dugwa, Ene enene taragl tau idre, gun yenatnga i, gun kebra yenatnga ba ene taragl tau yoba tedre, gun yenatnga i, gun podo kaima yenatniwe di, Jisas ka yegl dumiwe di, Pol yegl dugwa.
36Ana Pol ka yegl di kodidre, ye goglko boduglko, no Efesus suglno yoba mudu i bogl akie kamage erumga. 37Kamage ere kodumgo, yagl wagle i kai podo ere, Pol nugo kugro, pauna si neigwa. 38I siragl pre Pol ye okuo na ta kankraiglmiwe dugwa pre ye deno muduno yubun podo dogo, ye kai ere, Pol kugro, pauna si neigwa. Yegl ersre, ye no Pol bogl auro i pi sip mina edigo, munga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission