Aposel 3
3
Yagl ta kagle mawa sugwa i, ede u kor ogwa
1Ana aglke ta poko dugo, ade kia 3 klok yogwa. 3 klok yogo, Pita ya Jon ede pi tawa teigwa yugu yomara togl suna enabugledi ebrika. Poko dugwa 3 klok i, Israel yoba tawa teigwa yugu yomara togl suna pi kamage ere teigwa ege yogwa. 2Ana ye ede pi tawa teigwa yugu enabugledi ebrika ege i, yoba tau ama ere mogl, yagl ta kagle mawa sugwa ede padigl, boglo ere i pi tawa teigwa yugu yomara togl dra, yoba ede suna eimara i bina edigwa. Togl dra yoba ede suna eimara i, kagie Togl Dra Wakai we digwa. Yagl i ye mam kugl yogwa ege i, kagle mawa sugwa. Yegl erukwa pre yoba ege ege ye mige yana dinabedi boglo ere i pi tawa teigwa yugu yomara yoba ede togl suna pi, pi erimara i edigo, ye mige ta naraiglmedi ogo kugl, yana di moglkwa.
3Ana yagl kagle mawa sugwa ikra togl dra yomara yoba ede suna unaiglmara ikra moglsre, kanugwa i, Pita ya Jon ede u togl suna unabugledi eribriko, kanugwa. Kandre, ye mige ta narabredi yana dugwa. 4Ye mige narabredi yana dugo, Pita ya Jon ye toro kanibrika. Ye toro kanibriko, Pita ka yegl di, yagl kagle mawa sugwa i di togwa, No kano! dugwa. 5Yegl dugo, yagl kagle mawa sugwa ikra ye mige mo ki ta nara pre dibredi prisre, kan mina ede, ye kanugwa. 6Kan mina ede, ye kanugo, Pita ye di te, yegl dugwa, Na mige gol mo silva ta panan, ene ake ple dinaglka ta paikrukwa ba na ake moglmere tebo, inatnga. Na Jisas God Kere Yugwa yagl, dumo Nasaret nem moglkwa i, ye dra idre, ene yegl di teiga, Ene adigl, konbauna ede po! dugwa.. 7Pita ka yegl didre, ye yagl ikra ogo wo kra ake aduglko, yagl i tabre kaima kagle u wakai ogwa.
8Yagl kagle mawa sugwa i kagle u wakai ogo, ye tabre puglo di adiglsre, konbauna ede ogwa. Konbauna ede ogo, ye Pita ya Jon bogl akie ede pi tawa teigwa yugu yomara togl suna eigwa. Ye togl suna i, ede eigo, yagl ikra ye konbauna pidre, puglo di, God kagie kade te, ede ogwa. 9Ana yagl i yegl eruko, yoba mudu togl suna meglkwa i, yagl i konbauna pi God kagie kade te, ede ogo, kanigwa. 10Yoba mudu yagl i kandre, kinano gudu, yegl di prikwa, Yagl i okna Togl Dra Wakai we dimara iro ege ege bina ame di moglsre, yoba mige naraiglmedi yana di moglko, kamgra we di prikwa. Yoba mudu yegl prisre, ye yagl i kagle erme u wakai ogo, kandre, wai kugl, nagino podo kide keglkwa.
Pita tawa teigwa yugu yomara yoba Jisas kamo di togwa
11Ana togl suna i, yugu teka ta si yeigwa. Yugu teka i, kagie Solomon Yugumo Teka we digwa. Ana Pita ya Jon yugu teka i mina adigl miurko, yagl kagle u wakai ogwa ikra ye gun yedre, ye kugro, di wakai yei togwa. Yegl eruko, yoba mudu nagino podo koglsre, ye muku di ede pi yagl ikra Pita ya Jon bogl meglmara eigwa.
12Yoba mudu muku di ede eigo, Pita yoba i muku di wigwa i kandre, ye yoba mudu i di te, yegl dugwa, Israel yoba, ene siragl pre nagino koglsre, no toro kan meglme? dugwa. Ene prikwa, no yagl suo i, no yobro podo paugo, no mabuno wakai keme buglka pre yagl i ere wakai ere tebredi primo? dugwa. Yegl ta manugwa, ba God kogonmo yagl Jisas ye ere wakai ere tomiwe dugwa.
13Yegl didre, ye ama yegl dugwa, God, ye Abraham ya Aisak ya Jekop Godno moglsre, te, nono kowano awano mudu Godno moglkwa i, ye kogonmo yagl Jisas i, ye kagie kade tome dugwa. Ene ere mogl, yagl Jisas i, i pi Rom yoba meglmara ye si goraiglmedi ogono mina yeigo, yagl Pailat ye Jisas kotmo prisre, Jisas kane yugu i meda edenagledi prukwa. Ye i meda edenagledi prukwa ba ene ere mogl, Jisas mokono tedre, mane dimiwe dugwa. 14God ere mogl, yagl Jisas i, ye kogonmo erabedi kere i pere edugo, yagl Jisas i mabuno wakai ya du keme erukwa ba ene ye mokono tedre, yagl Pailat ye Jisas i meda edekrabedi mane didre, yagl ta yoba si goglkwa pre si kane sigwa i, i meda ede noro digwa. 15Yegl didre, ene Jisas, ye kor munga norukwa i, si geglme dugwa. Si geglkwa ba God ye ere i kor edugo, ye adigl u kor ogwa pre no kandre, ene di tobuluwe dugwa. 16Yegl didre, ama yegl dugwa, Ene yagl magigl kagle u wakai ogo, ene kan pogl sigwa i, Jisas yene yagl i kagle ere wakai ere te kodume dugwa. Jisas ye kagle ere wakai ere togwa i, no Jisas pre meduglka pre ye ene gumanomugl kimagl podo ere, ye ere wakai ere togo, ene kanimiwe di, Pita yegl dugwa.
17Ana Pita ka yegl di kodidre, ye ka ta yegl dugwa, Na agrama wagle, ene yaglno kade bogl Jisas si geglkwa i, ene siragl erikwa pre pogl sikrikwa pre ye si geglkwa i, na priwe dugwa. 18Ene siragl erikwa pre pogl sikre, Jisas si geglkwa ba God ye Jisas gorabedi kanige erukwa. Ye siragl pre kanige erukwa i, ye okna ibo kamo kep erikwa yoba mudu di te, God Kere Yugwa Yagl giugl pre, gorabuka pre di togo, ye bogl atne edigwa, ka i pai inabuka pre God ye ene Jisas si geglkwa i kanige erumiwe dugwa.
19Yegl erukwa pre ene nomane kor idre, Jisas no Ere Yugwa Yagle moglmedi pre medilo! dugwa. Ene yegl eribi, God ye ene tadaglmeno gugl ede tenabuka. 20Gugl ede tenan, ye ene bogl akie meglbi, kamin wakai tage ene meglmara tenabiwe dugwa. Kamun wakai tage tenan, Jisas, God no ere inabedi Kere Yugwa Yagl i, dedenan, unabuka. 21Jisas heven ibo kan moran, God taragl mudu ere i kor edenabuka ege i unan, Jisas unabuka keme paugwa. God ege i pre okna kaima ibo yene kamo kep yoba di togo, bogl atne edigwa, pamiwe di, Pita yegl dugwa. 22Pita ka yegl di kodidre, ka ta ama yegl dugwa, Moses okna ibo ye God Kere Yugwa Yagl unabuka i pre ka yegl bogl atne edugwa, Yagl Kade God ere mogl, Yagl ta dedenan, ye nono yugobunono i mina u, ene moraiglmara unabuka. Ye udre, na ka kep yoba moglmere yegl mere morabuka. Ka Kep Yagl i ene moraiglmara u plau didre, ye ka siragl mere ene ta di tenabuka i, ene wakai ere pre, duglo boraiglkwa paugwa. 23Duglo boraiglkwa paugwa ba yoba ta ere mogl, Ka Kep Yagl i ye kamo ta prikran, God yobama moraiglmara suna i ta moglkrabuka. God ye ere kide kaima ere tenabiwe#3.23 Lo 18.15-19 di, Moses okna ibo Jisas pre ka yegl boglme di, Pita ka yegl dugwa.
24Pita ka yegl didre, ye ka ta ama yegl dugwa, Taragl plau dugo, nono erme mogl, kamga i, God ka kep yobamo Samuel ya te, tau Samuel mokomugl wigwa i, ege erme plau dugo, kamga i pre ye mudu ama okna ibo ka bogl atne edime dugwa. 25God kamo kep yoba ka digwa ya te, God okna ibo ka kaima ta Abraham di te paduglkwa i, ene meglmara erme magigl i plau dugwa. God okna ibo Abraham di te padigl, yegl dugwa, Yoba yugobuno pere pere moglsre, uglo koglo koglo moraiglkwa i, na ene gawan ta morabuka i, ye mina na yoba mudu ere wakai ere tenaluwe di, God yegl dume di,#3.25 Oknayene Ibo 22.18, 26.4 Pita yegl dugwa.
26Ana God ye Kogonmo Yagl Jisas dedugwa i, ye ene Israel yoba meglkwa i komono kana ere wakai ere tedre, yugobuno pere pere meglkwa i ama ere wakai ere tenabedi dedugwa. Ye ene ere wakai ere tenabuka pre diga i, God ene nomane kor tenan, ene mabuno kide erimara nomane kor inaiglkwa pre diwe di, yoba mudu makai si meglkwa i, Pita yegl di togwa.
Currently Selected:
Aposel 3: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 3
3
Yagl ta kagle mawa sugwa i, ede u kor ogwa
1Ana aglke ta poko dugo, ade kia 3 klok yogwa. 3 klok yogo, Pita ya Jon ede pi tawa teigwa yugu yomara togl suna enabugledi ebrika. Poko dugwa 3 klok i, Israel yoba tawa teigwa yugu yomara togl suna pi kamage ere teigwa ege yogwa. 2Ana ye ede pi tawa teigwa yugu enabugledi ebrika ege i, yoba tau ama ere mogl, yagl ta kagle mawa sugwa ede padigl, boglo ere i pi tawa teigwa yugu yomara togl dra, yoba ede suna eimara i bina edigwa. Togl dra yoba ede suna eimara i, kagie Togl Dra Wakai we digwa. Yagl i ye mam kugl yogwa ege i, kagle mawa sugwa. Yegl erukwa pre yoba ege ege ye mige yana dinabedi boglo ere i pi tawa teigwa yugu yomara yoba ede togl suna pi, pi erimara i edigo, ye mige ta naraiglmedi ogo kugl, yana di moglkwa.
3Ana yagl kagle mawa sugwa ikra togl dra yomara yoba ede suna unaiglmara ikra moglsre, kanugwa i, Pita ya Jon ede u togl suna unabugledi eribriko, kanugwa. Kandre, ye mige ta narabredi yana dugwa. 4Ye mige narabredi yana dugo, Pita ya Jon ye toro kanibrika. Ye toro kanibriko, Pita ka yegl di, yagl kagle mawa sugwa i di togwa, No kano! dugwa. 5Yegl dugo, yagl kagle mawa sugwa ikra ye mige mo ki ta nara pre dibredi prisre, kan mina ede, ye kanugwa. 6Kan mina ede, ye kanugo, Pita ye di te, yegl dugwa, Na mige gol mo silva ta panan, ene ake ple dinaglka ta paikrukwa ba na ake moglmere tebo, inatnga. Na Jisas God Kere Yugwa yagl, dumo Nasaret nem moglkwa i, ye dra idre, ene yegl di teiga, Ene adigl, konbauna ede po! dugwa.. 7Pita ka yegl didre, ye yagl ikra ogo wo kra ake aduglko, yagl i tabre kaima kagle u wakai ogwa.
8Yagl kagle mawa sugwa i kagle u wakai ogo, ye tabre puglo di adiglsre, konbauna ede ogwa. Konbauna ede ogo, ye Pita ya Jon bogl akie ede pi tawa teigwa yugu yomara togl suna eigwa. Ye togl suna i, ede eigo, yagl ikra ye konbauna pidre, puglo di, God kagie kade te, ede ogwa. 9Ana yagl i yegl eruko, yoba mudu togl suna meglkwa i, yagl i konbauna pi God kagie kade te, ede ogo, kanigwa. 10Yoba mudu yagl i kandre, kinano gudu, yegl di prikwa, Yagl i okna Togl Dra Wakai we dimara iro ege ege bina ame di moglsre, yoba mige naraiglmedi yana di moglko, kamgra we di prikwa. Yoba mudu yegl prisre, ye yagl i kagle erme u wakai ogo, kandre, wai kugl, nagino podo kide keglkwa.
Pita tawa teigwa yugu yomara yoba Jisas kamo di togwa
11Ana togl suna i, yugu teka ta si yeigwa. Yugu teka i, kagie Solomon Yugumo Teka we digwa. Ana Pita ya Jon yugu teka i mina adigl miurko, yagl kagle u wakai ogwa ikra ye gun yedre, ye kugro, di wakai yei togwa. Yegl eruko, yoba mudu nagino podo koglsre, ye muku di ede pi yagl ikra Pita ya Jon bogl meglmara eigwa.
12Yoba mudu muku di ede eigo, Pita yoba i muku di wigwa i kandre, ye yoba mudu i di te, yegl dugwa, Israel yoba, ene siragl pre nagino koglsre, no toro kan meglme? dugwa. Ene prikwa, no yagl suo i, no yobro podo paugo, no mabuno wakai keme buglka pre yagl i ere wakai ere tebredi primo? dugwa. Yegl ta manugwa, ba God kogonmo yagl Jisas ye ere wakai ere tomiwe dugwa.
13Yegl didre, ye ama yegl dugwa, God, ye Abraham ya Aisak ya Jekop Godno moglsre, te, nono kowano awano mudu Godno moglkwa i, ye kogonmo yagl Jisas i, ye kagie kade tome dugwa. Ene ere mogl, yagl Jisas i, i pi Rom yoba meglmara ye si goraiglmedi ogono mina yeigo, yagl Pailat ye Jisas kotmo prisre, Jisas kane yugu i meda edenagledi prukwa. Ye i meda edenagledi prukwa ba ene ere mogl, Jisas mokono tedre, mane dimiwe dugwa. 14God ere mogl, yagl Jisas i, ye kogonmo erabedi kere i pere edugo, yagl Jisas i mabuno wakai ya du keme erukwa ba ene ye mokono tedre, yagl Pailat ye Jisas i meda edekrabedi mane didre, yagl ta yoba si goglkwa pre si kane sigwa i, i meda ede noro digwa. 15Yegl didre, ene Jisas, ye kor munga norukwa i, si geglme dugwa. Si geglkwa ba God ye ere i kor edugo, ye adigl u kor ogwa pre no kandre, ene di tobuluwe dugwa. 16Yegl didre, ama yegl dugwa, Ene yagl magigl kagle u wakai ogo, ene kan pogl sigwa i, Jisas yene yagl i kagle ere wakai ere te kodume dugwa. Jisas ye kagle ere wakai ere togwa i, no Jisas pre meduglka pre ye ene gumanomugl kimagl podo ere, ye ere wakai ere togo, ene kanimiwe di, Pita yegl dugwa.
17Ana Pita ka yegl di kodidre, ye ka ta yegl dugwa, Na agrama wagle, ene yaglno kade bogl Jisas si geglkwa i, ene siragl erikwa pre pogl sikrikwa pre ye si geglkwa i, na priwe dugwa. 18Ene siragl erikwa pre pogl sikre, Jisas si geglkwa ba God ye Jisas gorabedi kanige erukwa. Ye siragl pre kanige erukwa i, ye okna ibo kamo kep erikwa yoba mudu di te, God Kere Yugwa Yagl giugl pre, gorabuka pre di togo, ye bogl atne edigwa, ka i pai inabuka pre God ye ene Jisas si geglkwa i kanige erumiwe dugwa.
19Yegl erukwa pre ene nomane kor idre, Jisas no Ere Yugwa Yagle moglmedi pre medilo! dugwa. Ene yegl eribi, God ye ene tadaglmeno gugl ede tenabuka. 20Gugl ede tenan, ye ene bogl akie meglbi, kamin wakai tage ene meglmara tenabiwe dugwa. Kamun wakai tage tenan, Jisas, God no ere inabedi Kere Yugwa Yagl i, dedenan, unabuka. 21Jisas heven ibo kan moran, God taragl mudu ere i kor edenabuka ege i unan, Jisas unabuka keme paugwa. God ege i pre okna kaima ibo yene kamo kep yoba di togo, bogl atne edigwa, pamiwe di, Pita yegl dugwa. 22Pita ka yegl di kodidre, ka ta ama yegl dugwa, Moses okna ibo ye God Kere Yugwa Yagl unabuka i pre ka yegl bogl atne edugwa, Yagl Kade God ere mogl, Yagl ta dedenan, ye nono yugobunono i mina u, ene moraiglmara unabuka. Ye udre, na ka kep yoba moglmere yegl mere morabuka. Ka Kep Yagl i ene moraiglmara u plau didre, ye ka siragl mere ene ta di tenabuka i, ene wakai ere pre, duglo boraiglkwa paugwa. 23Duglo boraiglkwa paugwa ba yoba ta ere mogl, Ka Kep Yagl i ye kamo ta prikran, God yobama moraiglmara suna i ta moglkrabuka. God ye ere kide kaima ere tenabiwe#3.23 Lo 18.15-19 di, Moses okna ibo Jisas pre ka yegl boglme di, Pita ka yegl dugwa.
24Pita ka yegl didre, ye ka ta ama yegl dugwa, Taragl plau dugo, nono erme mogl, kamga i, God ka kep yobamo Samuel ya te, tau Samuel mokomugl wigwa i, ege erme plau dugo, kamga i pre ye mudu ama okna ibo ka bogl atne edime dugwa. 25God kamo kep yoba ka digwa ya te, God okna ibo ka kaima ta Abraham di te paduglkwa i, ene meglmara erme magigl i plau dugwa. God okna ibo Abraham di te padigl, yegl dugwa, Yoba yugobuno pere pere moglsre, uglo koglo koglo moraiglkwa i, na ene gawan ta morabuka i, ye mina na yoba mudu ere wakai ere tenaluwe di, God yegl dume di,#3.25 Oknayene Ibo 22.18, 26.4 Pita yegl dugwa.
26Ana God ye Kogonmo Yagl Jisas dedugwa i, ye ene Israel yoba meglkwa i komono kana ere wakai ere tedre, yugobuno pere pere meglkwa i ama ere wakai ere tenabedi dedugwa. Ye ene ere wakai ere tenabuka pre diga i, God ene nomane kor tenan, ene mabuno kide erimara nomane kor inaiglkwa pre diwe di, yoba mudu makai si meglkwa i, Pita yegl di togwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission