Aposel 4
4
Pita ya Jon si kane sigwa
1Ana yagl suo Pita ya Jon ye yoba ka di te pai miurko, tawa teigwa yoba ya Sadyusi yoba yeigo, te yagl swara ta ye soldia tau tawa teigwa yugu sugl meglkwa bitno moglkwa i yogo, ye u, Pita ya Jon ka di miurara i, wigwa. 2Pita ya Jon ye yoba ka beke te, yegl dibrika, Jisas goglsre, adigl u kor omere mere yegl, nono ama adigl u kor enamniwe di, ka yegl beke tebrika. Ka yegl beke tebrika pre yoba ikra kide kaima pre, ye miurara wigwa. 3Ye miurara udre, ye Pita ya Jon i pi kot ere tenamnedi si kane sigwa. Ye kot ere tenamnedi si kane sigwa ba min pai kodugwa pre ye padre, tagna kot ere tenamnedi Pita ya Jon i pi kane yugu edigo, pabrika. 4Yegl erikwa ba yoba mere kide pre mediglkwa. Yagl kerikwa i, 5,000 mere yegl meglkwa.
Kaunsil ere mogl, Pita ya Jon kot ere teigwa
5 Ana tagugo i, Israel yoba bitno wagle ya yobano kade wagle yeigo, te God lomo beke teigwa yoba yeigo, akie Jerusalem suna i Pita ya Jon kotno pramnedi makai sigwa. 6Ye suna makai si meglmara i, yagl ta kagie Anas we digwa i, ye tawa teigwa yoba bitno moglkwa, yagl i yogo, yagl ta Kaiafas we digwa ya Jon ya te Aleksander yeigo, te, Anas nem agiglema ta meglkwa i, mudu ama makai si meglkwa. 7Kaunsil mudu makai si meglko, yoba tau ere mogl, Pita ya Jon ya te, yagl kagle mawa sugwa ere wakai eribrika ikra agre i ede suna u yagl kade wagle i meglmara suna edigwa. Edigo, Kaunsil wagle ere mogl, Pita ya Jon yegl di prikwa, Ene ira yobuglo tedre, Kogon yegl eriro dugo, ene kogon yegl ere, yagl kagle mawa sugwa i ere wakai ere tebre? di, yegl di prikwa.
8Ana yagl kade wagle ikra yegl kira pogl priko, God Murubuglo Pita moglmara si kau si togo, Pita ere mogl, ka yegl dugwa, Yagl kade wagle, ya ene Israel yoba bitno meglkwa i, 9no yagl kagle mawa sugwa ake ple di tobuglka i pre ene kot ere norimo? dugwa. Ene yagl i siragl mere u kor ogwa i pramnedi pribi, 10na ene di tenagle dugwa. Na ene di tebo, ene ya Israel yoba mudu pre pogl sinaiglmiwe dugwa. Jisas, God Kere Yugwa Yagl, ye dumo Nasaret nem moglkwa i, ye yene yobuglo mina yagl i kagle ere wakai eruko, ye erme ede u ene gumanomugl adigl moglmiwe dugwa.
Pita ka yegl didre, ka ta ama yegl dugwa, Jisas i, ene ede prak mina si geglkwa ba God ye ere i kor edugwa. 11God kamo mina ka ebrie ta dugwa i, yegl paugwa,
Kobuglo yugu keigwa yoba i, ye kobuglo swara ta kide yomedi kandre, kide kodigwa. Kide kodigwa ba God yugu ta kenagledi kobuglo kide yomedi kide kodigwa i idre, kobuglo yugu guglo bogl, kei ede mina enabara mabunomugl mabuno bogl paduglme#4.11 Giglage 118.22
di, God kamo yegl dume dugwa. God kamo ka ebrie ta yegl dugwa i siragl pre God ye Jisas swara dedugwa ba ene Israel bitno yoba Jisas kide kandre, mokono teigwa pre ka ebrie yegl dume dugwa. 12Ana yagl Jisas i, ye swara nono ere inabuka kuno kaima erukwa. God ye Jisas swara nono ere inabedi dedugwa pre uglo koglo koglo dumo aglo mere yogwa i, nono ere inabuka yoba pere ta moglkrikwa. Jisas swara kaima moglmiwe di, Pita yegl dugwa.
13Ana Pita ka yegl di kodugo, yagl kade wagle makai si meglkwa ikra nagino kogl, kinano gudu meglkwa. I siragl pre ye kanigwa i, Pita ya Jon sule kade ta dikribrika. Yagl yoko miurka ba ye ka dibrika i, kudugl goglkre, ka dibriko, kanigwa. Ye yegl kandre, ye prikwa i, Yagl suo i Jisas bogl akie wan meglkwa pamiwedi prikwa. 14Te, yagl ta kagle u wakai ogwa ikra ye gumanomugl adigl moglko, kanigwa pre ye ka di ikne edenaiglkwa ta paikrukwa.
15Ana yagl kade wagle i ka di ikne edenaiglkwa ta paikrukwa pre ye ere mogl, Pita ya Jon kaunsil makai simara i kide kodo, pi meda morabredi dedigo, ede pi meda miurka. Meda miurko, Kaunsil yene di ikne ikne ede, 16yegl digwa, Yagl suo i, nono siragl ere tenamne? digwa. Ye kimagl podo ta eribrika i, yoba mudu Jerusalem kipai meglkwa i, pre kan ere kodigwa. Yegl pre nono ere mogl, Ta erekribre di, yegl dinamga ta kuno erekrukwa. 17Yegl dinamga ta kuno erekrukwa ba ye yoba ka di tebrika i, ka i wai dinan yoba mere pre dinaiglmedi, nono yagl suo i ere mogl, yagl Jisas kamo i, yoba di tekrabredi ka giglede di tedre, mane dinamniwe digwa. 18Yegl didre, Pita ya Jon aglke kor agle digo, ubrika. Ubriko, yagl kade wagle i ye ka giglede di te, yegl digwa, Ene Jisas kamo i yoba swara ta di tekriro di, yegl digwa.
19Ana Kaunsil wagle i ka yegl digwa ba Pita ya Jon ere mogl, ka di ikne ede te, yegl dibrika, Enene pre yubu sinaiglkwa paugwa. No ene kano duglo borabuglka i, God gumuglo mina kuno erabo mo God kamo duglo borabuglka kuno erabe? di, yegl dibrika. 20Jisas kogon siragl mere erukwa ya ka siragl mere dugo, no pre kan erubuglka i, di nogugl edenabuglka keme paugwa. No ka i ta kide kodokrabuglka. Di pai morabuglka keme pamiwe di, yegl dibrika.
21Ana Pita ya Jon ka yegl dibriko, yagl kade wagle ikra, ye ka giglede tau di tedre, okuo ye di meda edigwa. I siragl pre God yagl kagle mawa sugwa ikra ere wakai ere togo, yoba mere kide pre kan ersre, God kagie kade teigwa pre yagl kade wagle i yoba kuduglno goglsre, Pita ya Jon ere sinamga i, yoba kide praiglkwa pre kuno erekrumedi kandre, di meda edigwa. 22Yagl ta kagle mawa sugo, God ye ere wakai ere togwa i, ye mam kugl meda edumara kagle mawa sugwa pre ye bugla yugu 40 ne ede mitna ogwa. Bugla yugu 40 mere yegl ne ede mitna ogo, God ye kagle ere wakai ere togwa pre yoba kandre, God kagie kade teigwa.
Pre mediglkwa yoba kamage erikwa
23Ana yagl kade wagle ikra ere mogl, Pita ya Jon ye di meda edigo, ye ede ikne pi Jisas pre mediglkwa yoba meglmara ebrika. Ye pidre, yagl kade wagle ya tawa teigwa yoba bitno meglkwa ikra, ye Jisas kamo dikriro didre, ka giglede di teimere i pi boglo si tebrika. 24Boglo si tebriko, yoba Jisas pre mediglkwa mudu makai si meglkwa ikra prisre, ye deno muduno swara yei, God kamage ere te, yegl digwa, Yagl Kade God yo, ene kamun mitna ibo ya dumo makan ya te, mudi nigl ere yedre, te taragl mudu kamun mitna ya dumo makan ya mudi nigl mina meglkwa ya paigwa i, ene ere yeniwe digwa.
25Yegl didre, ama kamage ere, yegl digwa, God, ene Mudu Murubuglo mina ene no kowano awano Devit, ene nigl kogenen yoba moglkwa i, ka di tengo, ye yegl boglkwa,
Yoba tau Israel yoba moglkrikwa ba yugobuno pere pere meglkwa i,
ye deno kubro God Kere Yugwa Yagl teigwa ba i ta kuno erekrabiwe di, yegl boglkwa.
Te, Israel yoba ama ere mogl, mabuno paikrumara ersre,
God Kere Yugwa Yagl mabuno kide ere tenamnedi ka di kogl yeigwa
ba i ama ta kuno erekrabiwe di, Devit yegl boglme digwa.
26Yoba yugobuno pere pere kingno ya yoba kade tau bitno meglkwa i ere mogl,
Yagl Kade God ya te, ye Kere Yugwa Yagl kuda bogl tenamnedi makai sigwa pre diwe#4.26 Giglage 2.1-2
di, Devit yegl boglme digwa.
27Ye kamage ere yegl didre, kamage ere ama yegl digwa, Devit ka yegl boglkwa i, ka kaima erme magigl i plau dumiwe digwa. Dumo Jerusalem suna magigl i, King Herot ya te Pontius Pailat yebriko, yoba tau Israel yoba moglkrikwa i ya te, Israel yoba ama yeigo, ye mudu u swara pidre, ene Wan Jisas, ene kere i pere edinga i, si goramnedi ka di keglkwa. 28Yegl erikwa ba God ene yobugln podo paugo, taragl okuo Jisas mina plau dinabuka i enene komnai di padiglnga. Enene komanai di padiglnga pre Jisas kudamo ikne ka di kogl yedre, Jisas si geglkwa i, ene ka di padiglnara kuno yegl keme ere kodime di, yegl digwa.
29Yegl didre, ama yegl digwa, Yagl Kade yo, erme yoba no ere sinamniwe digwa i, ene pitnga. Yegl pre ene yobuglo bogl notn, no ene nigl kogonen yoba munga i, kudugl goglkre, ene kanen i, yoba di tenamniwe digwa. 30Te, ene ama yobuglo bogl notn, no ene Wan Jisas, ene kere i pere edinga i, ye kagie mina yoba kide sigwa ere wakai ere tedre, te kimagl ya diu kane kane eramniwe di, kamage yegl erikwa.
31Ana Jisas pre mediglkwa yoba i kamage yegl ere kodigo, God ye yugu ta makai si meglmara i piga dinabedi eruko, piga dugwa. Piga dugo, God Murubuglo ye mudu meglmara si kau si togo, ye kudugl goglkre, God kamo yoba di te pai meglkwa.
Pre mediglkwa yoba ake ple di ikne ikne edigwa
32Jisas pre mediglkwa yoba mudu ye deno muduno swara yei, wakai meglkwa. Ye taragl ere neigwa i, Na nana pre yome dikre, no pre medunga yoba mudu pre yomedi kandre, ye ake ple di ikne ikne edigwa. 33Jisas pre mediglkwa yoba mudu yegl ere meglko, te Jisas dedugwa yoba meglkwa i, ye yoba ka giglede di tedre, Jisas adigl u kor ogwa i, di te meglkwa. Yegl erikwa pre yoba ye mudu wakai kanigwa. 34Te, Jisas pre mediglkwa yoba meglmara suna i, yoba swara ta goduglme moglkrukwa. I siragl pre ye tau yuguno ya dumo makano i tau topo boglsre, mige moni idre, i pi 35Jisas dedugwa yoba ikra teigo, ye i pi yoba ta tenaiglkwa pamere yegl mere kandre, yubu si yoba teigwa.
36Ana pre mediglkwa yoba meglmara suna i, yagl swara ta moglkwa, kagie Josep we digwa. Ana Jisas dedugwa yoba, ye ere mogl, yagl Josep i kagie kor ta yei te, Barnabas we digwa. Kagie Barnabas i, mabuno paugwa, yoba deno muduno mina si gigle di togwa yagle moglkwa. Yagl Barnabas i, yugobuno Livai mina moglsre, dumo ta mudi nigl suna yogwa, kagie Saiprus we digwa i, nem ta moglkwa. 37Aglke ta Barnabas i ye makanmo ta topo boglsre, migemo yubu si yoba tenaiglmedi i pi Jisas dedugwa yoba meglmara togwa.
Currently Selected:
Aposel 4: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 4
4
Pita ya Jon si kane sigwa
1Ana yagl suo Pita ya Jon ye yoba ka di te pai miurko, tawa teigwa yoba ya Sadyusi yoba yeigo, te yagl swara ta ye soldia tau tawa teigwa yugu sugl meglkwa bitno moglkwa i yogo, ye u, Pita ya Jon ka di miurara i, wigwa. 2Pita ya Jon ye yoba ka beke te, yegl dibrika, Jisas goglsre, adigl u kor omere mere yegl, nono ama adigl u kor enamniwe di, ka yegl beke tebrika. Ka yegl beke tebrika pre yoba ikra kide kaima pre, ye miurara wigwa. 3Ye miurara udre, ye Pita ya Jon i pi kot ere tenamnedi si kane sigwa. Ye kot ere tenamnedi si kane sigwa ba min pai kodugwa pre ye padre, tagna kot ere tenamnedi Pita ya Jon i pi kane yugu edigo, pabrika. 4Yegl erikwa ba yoba mere kide pre mediglkwa. Yagl kerikwa i, 5,000 mere yegl meglkwa.
Kaunsil ere mogl, Pita ya Jon kot ere teigwa
5 Ana tagugo i, Israel yoba bitno wagle ya yobano kade wagle yeigo, te God lomo beke teigwa yoba yeigo, akie Jerusalem suna i Pita ya Jon kotno pramnedi makai sigwa. 6Ye suna makai si meglmara i, yagl ta kagie Anas we digwa i, ye tawa teigwa yoba bitno moglkwa, yagl i yogo, yagl ta Kaiafas we digwa ya Jon ya te Aleksander yeigo, te, Anas nem agiglema ta meglkwa i, mudu ama makai si meglkwa. 7Kaunsil mudu makai si meglko, yoba tau ere mogl, Pita ya Jon ya te, yagl kagle mawa sugwa ere wakai eribrika ikra agre i ede suna u yagl kade wagle i meglmara suna edigwa. Edigo, Kaunsil wagle ere mogl, Pita ya Jon yegl di prikwa, Ene ira yobuglo tedre, Kogon yegl eriro dugo, ene kogon yegl ere, yagl kagle mawa sugwa i ere wakai ere tebre? di, yegl di prikwa.
8Ana yagl kade wagle ikra yegl kira pogl priko, God Murubuglo Pita moglmara si kau si togo, Pita ere mogl, ka yegl dugwa, Yagl kade wagle, ya ene Israel yoba bitno meglkwa i, 9no yagl kagle mawa sugwa ake ple di tobuglka i pre ene kot ere norimo? dugwa. Ene yagl i siragl mere u kor ogwa i pramnedi pribi, 10na ene di tenagle dugwa. Na ene di tebo, ene ya Israel yoba mudu pre pogl sinaiglmiwe dugwa. Jisas, God Kere Yugwa Yagl, ye dumo Nasaret nem moglkwa i, ye yene yobuglo mina yagl i kagle ere wakai eruko, ye erme ede u ene gumanomugl adigl moglmiwe dugwa.
Pita ka yegl didre, ka ta ama yegl dugwa, Jisas i, ene ede prak mina si geglkwa ba God ye ere i kor edugwa. 11God kamo mina ka ebrie ta dugwa i, yegl paugwa,
Kobuglo yugu keigwa yoba i, ye kobuglo swara ta kide yomedi kandre, kide kodigwa. Kide kodigwa ba God yugu ta kenagledi kobuglo kide yomedi kide kodigwa i idre, kobuglo yugu guglo bogl, kei ede mina enabara mabunomugl mabuno bogl paduglme#4.11 Giglage 118.22
di, God kamo yegl dume dugwa. God kamo ka ebrie ta yegl dugwa i siragl pre God ye Jisas swara dedugwa ba ene Israel bitno yoba Jisas kide kandre, mokono teigwa pre ka ebrie yegl dume dugwa. 12Ana yagl Jisas i, ye swara nono ere inabuka kuno kaima erukwa. God ye Jisas swara nono ere inabedi dedugwa pre uglo koglo koglo dumo aglo mere yogwa i, nono ere inabuka yoba pere ta moglkrikwa. Jisas swara kaima moglmiwe di, Pita yegl dugwa.
13Ana Pita ka yegl di kodugo, yagl kade wagle makai si meglkwa ikra nagino kogl, kinano gudu meglkwa. I siragl pre ye kanigwa i, Pita ya Jon sule kade ta dikribrika. Yagl yoko miurka ba ye ka dibrika i, kudugl goglkre, ka dibriko, kanigwa. Ye yegl kandre, ye prikwa i, Yagl suo i Jisas bogl akie wan meglkwa pamiwedi prikwa. 14Te, yagl ta kagle u wakai ogwa ikra ye gumanomugl adigl moglko, kanigwa pre ye ka di ikne edenaiglkwa ta paikrukwa.
15Ana yagl kade wagle i ka di ikne edenaiglkwa ta paikrukwa pre ye ere mogl, Pita ya Jon kaunsil makai simara i kide kodo, pi meda morabredi dedigo, ede pi meda miurka. Meda miurko, Kaunsil yene di ikne ikne ede, 16yegl digwa, Yagl suo i, nono siragl ere tenamne? digwa. Ye kimagl podo ta eribrika i, yoba mudu Jerusalem kipai meglkwa i, pre kan ere kodigwa. Yegl pre nono ere mogl, Ta erekribre di, yegl dinamga ta kuno erekrukwa. 17Yegl dinamga ta kuno erekrukwa ba ye yoba ka di tebrika i, ka i wai dinan yoba mere pre dinaiglmedi, nono yagl suo i ere mogl, yagl Jisas kamo i, yoba di tekrabredi ka giglede di tedre, mane dinamniwe digwa. 18Yegl didre, Pita ya Jon aglke kor agle digo, ubrika. Ubriko, yagl kade wagle i ye ka giglede di te, yegl digwa, Ene Jisas kamo i yoba swara ta di tekriro di, yegl digwa.
19Ana Kaunsil wagle i ka yegl digwa ba Pita ya Jon ere mogl, ka di ikne ede te, yegl dibrika, Enene pre yubu sinaiglkwa paugwa. No ene kano duglo borabuglka i, God gumuglo mina kuno erabo mo God kamo duglo borabuglka kuno erabe? di, yegl dibrika. 20Jisas kogon siragl mere erukwa ya ka siragl mere dugo, no pre kan erubuglka i, di nogugl edenabuglka keme paugwa. No ka i ta kide kodokrabuglka. Di pai morabuglka keme pamiwe di, yegl dibrika.
21Ana Pita ya Jon ka yegl dibriko, yagl kade wagle ikra, ye ka giglede tau di tedre, okuo ye di meda edigwa. I siragl pre God yagl kagle mawa sugwa ikra ere wakai ere togo, yoba mere kide pre kan ersre, God kagie kade teigwa pre yagl kade wagle i yoba kuduglno goglsre, Pita ya Jon ere sinamga i, yoba kide praiglkwa pre kuno erekrumedi kandre, di meda edigwa. 22Yagl ta kagle mawa sugo, God ye ere wakai ere togwa i, ye mam kugl meda edumara kagle mawa sugwa pre ye bugla yugu 40 ne ede mitna ogwa. Bugla yugu 40 mere yegl ne ede mitna ogo, God ye kagle ere wakai ere togwa pre yoba kandre, God kagie kade teigwa.
Pre mediglkwa yoba kamage erikwa
23Ana yagl kade wagle ikra ere mogl, Pita ya Jon ye di meda edigo, ye ede ikne pi Jisas pre mediglkwa yoba meglmara ebrika. Ye pidre, yagl kade wagle ya tawa teigwa yoba bitno meglkwa ikra, ye Jisas kamo dikriro didre, ka giglede di teimere i pi boglo si tebrika. 24Boglo si tebriko, yoba Jisas pre mediglkwa mudu makai si meglkwa ikra prisre, ye deno muduno swara yei, God kamage ere te, yegl digwa, Yagl Kade God yo, ene kamun mitna ibo ya dumo makan ya te, mudi nigl ere yedre, te taragl mudu kamun mitna ya dumo makan ya mudi nigl mina meglkwa ya paigwa i, ene ere yeniwe digwa.
25Yegl didre, ama kamage ere, yegl digwa, God, ene Mudu Murubuglo mina ene no kowano awano Devit, ene nigl kogenen yoba moglkwa i, ka di tengo, ye yegl boglkwa,
Yoba tau Israel yoba moglkrikwa ba yugobuno pere pere meglkwa i,
ye deno kubro God Kere Yugwa Yagl teigwa ba i ta kuno erekrabiwe di, yegl boglkwa.
Te, Israel yoba ama ere mogl, mabuno paikrumara ersre,
God Kere Yugwa Yagl mabuno kide ere tenamnedi ka di kogl yeigwa
ba i ama ta kuno erekrabiwe di, Devit yegl boglme digwa.
26Yoba yugobuno pere pere kingno ya yoba kade tau bitno meglkwa i ere mogl,
Yagl Kade God ya te, ye Kere Yugwa Yagl kuda bogl tenamnedi makai sigwa pre diwe#4.26 Giglage 2.1-2
di, Devit yegl boglme digwa.
27Ye kamage ere yegl didre, kamage ere ama yegl digwa, Devit ka yegl boglkwa i, ka kaima erme magigl i plau dumiwe digwa. Dumo Jerusalem suna magigl i, King Herot ya te Pontius Pailat yebriko, yoba tau Israel yoba moglkrikwa i ya te, Israel yoba ama yeigo, ye mudu u swara pidre, ene Wan Jisas, ene kere i pere edinga i, si goramnedi ka di keglkwa. 28Yegl erikwa ba God ene yobugln podo paugo, taragl okuo Jisas mina plau dinabuka i enene komnai di padiglnga. Enene komanai di padiglnga pre Jisas kudamo ikne ka di kogl yedre, Jisas si geglkwa i, ene ka di padiglnara kuno yegl keme ere kodime di, yegl digwa.
29Yegl didre, ama yegl digwa, Yagl Kade yo, erme yoba no ere sinamniwe digwa i, ene pitnga. Yegl pre ene yobuglo bogl notn, no ene nigl kogonen yoba munga i, kudugl goglkre, ene kanen i, yoba di tenamniwe digwa. 30Te, ene ama yobuglo bogl notn, no ene Wan Jisas, ene kere i pere edinga i, ye kagie mina yoba kide sigwa ere wakai ere tedre, te kimagl ya diu kane kane eramniwe di, kamage yegl erikwa.
31Ana Jisas pre mediglkwa yoba i kamage yegl ere kodigo, God ye yugu ta makai si meglmara i piga dinabedi eruko, piga dugwa. Piga dugo, God Murubuglo ye mudu meglmara si kau si togo, ye kudugl goglkre, God kamo yoba di te pai meglkwa.
Pre mediglkwa yoba ake ple di ikne ikne edigwa
32Jisas pre mediglkwa yoba mudu ye deno muduno swara yei, wakai meglkwa. Ye taragl ere neigwa i, Na nana pre yome dikre, no pre medunga yoba mudu pre yomedi kandre, ye ake ple di ikne ikne edigwa. 33Jisas pre mediglkwa yoba mudu yegl ere meglko, te Jisas dedugwa yoba meglkwa i, ye yoba ka giglede di tedre, Jisas adigl u kor ogwa i, di te meglkwa. Yegl erikwa pre yoba ye mudu wakai kanigwa. 34Te, Jisas pre mediglkwa yoba meglmara suna i, yoba swara ta goduglme moglkrukwa. I siragl pre ye tau yuguno ya dumo makano i tau topo boglsre, mige moni idre, i pi 35Jisas dedugwa yoba ikra teigo, ye i pi yoba ta tenaiglkwa pamere yegl mere kandre, yubu si yoba teigwa.
36Ana pre mediglkwa yoba meglmara suna i, yagl swara ta moglkwa, kagie Josep we digwa. Ana Jisas dedugwa yoba, ye ere mogl, yagl Josep i kagie kor ta yei te, Barnabas we digwa. Kagie Barnabas i, mabuno paugwa, yoba deno muduno mina si gigle di togwa yagle moglkwa. Yagl Barnabas i, yugobuno Livai mina moglsre, dumo ta mudi nigl suna yogwa, kagie Saiprus we digwa i, nem ta moglkwa. 37Aglke ta Barnabas i ye makanmo ta topo boglsre, migemo yubu si yoba tenaiglmedi i pi Jisas dedugwa yoba meglmara togwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission