Aposel 5
5
Ananaias ya Safaira God bakagl tenabugledi eribrika
1 Ana yagl ta moglkwa, kagie Ananaias we digwa. Te, ye ebie kagie Safaira we digwa. Yagl abu suo i ere mogl, ye makano ta topo bogl ibrika. 2Top bogl ibriko, Ananaias mige ikne yene pre i atne ede, ikne yogwa i pi Jisas dedugwa yoba meglmara pidre, makan topo bogl imere mudu yomiwedi togwa. Ye yegl erukwa i, ye ebie kidagl ama pre kan erukwa. 3Ana ye mige ikne i pi Jisas dedugwa yoba meglmara togo, Pita ere mogl, ye yegl di togwa, Ananaias yo, ene siragl pre mabuno yegl etne? dugwa. Satan ene nomane giglede togo, ene God Murubuglo ye no munara suna moglkwa i bakagl tenagledi etniwe dugwa. Ene makanen topo boglsre, mige ikne ake atne ede, ikne keme yudre, mige mudu imere yomiwedi notnga i pre na diwe dugwa. 4Ene makanen i ta topo boglkitnga igne, makan i, enene pre yogwa. Te, ene topo bogl inga i, ene mige idre, kogon enene pitnere eratnga i, wakai paugwa. Yegl paugwa ba siragl pre ene nomanen mina mabuno kide yegl eragledi pitne? dugwa. Ene yoba keme ka kibi di teie di prikratnga. Ba ene God ama ka kibi te teniwe di, Pita yegl dugwa. 5Ana Pita ka yegl dugo, yagl Ananaias i pre moglsre, yage makandigle sidre, goglkwa. Yegl erukwa pre yoba mudu ka i digo, prikwa i, kudugl podo geglkwa. 6Ana Ananaias goglko, kumugl gak tau udre, ye ogo gagie lap mina were, boglo ere i pi maugl sigwa.
7Ana yagl Ananaias ikra goglko, i pi maugl sigo, ade kwia suota mere yegl ede ogo, Ananaias ebie kidagl ikra ede u Pita yugugl moglmara ugwa. Ye wie goglkwa i ta digo, prikrukwa. 8Ana Ananaias ebie ikra ede u Pita moglmara ugo, Pita ere mogl, Ananaias ebie di pre, yegl dugwa, Ene win kidagl bogl makano topo biurka i, ene mige moni ibrika i, yegl ibro? dugwa. Yegl dugo, abu i di ikne ede, No kaima, makano topo bogl, kuno yegl yubuluwe dugwa. 9Yegl dugo, Pita ye di pre, yegl dugwa, Siragl eruko, ene win bogl Yagl Kade Murubuglomo ta pre kan erekrukwa mere yegl pre, ere kanabugledi ka di kogl, yegl eribre? dugwa. Pro! Kumugl gak tau ene win kidagl i pi maugl sigwa i, yugu dua wagle ede magigl u kodigwa. Ene ama akie i pi maugl sinaiglmiwe di, yegl dugwa. 10Pita ka yegl di kodugo, abu ikra tabre kana yage makandigle sidre, goglkwa. Yegl ere, goglko, kumugl gak ikra ede yugugl udre, abu i makandigle gogl pai moglko, kanigwa. Kandre, ye ama boglo ere i pi, wie kidagl maugl simara magigl i ama akie maugl sigwa. 11Yegl eriko, ana yoba mudu Jisas yugobunomo mina meglkwa i, ye taragl plau dugwa i prisre, kudugl podo geglkwa. Te, yoba meda ama yagl abu suo kano digo, prikwa i, ama mudu kudugl podo geglkwa.
Jisas dedugwa yoba i, kimagl kane kane erikwa
12Ana igne i Jisas dedugwa yoba ye ere mogl, kimagl ya diu mere kide yoba gumuglnomugl erikwa. Te, Jisas pre mediglkwa yoba mudu i, ye ege mere tawa teigwa yugu yomara togl suna pidre, yugu teka ta Solomon yugumo teka we digwa togl suna yomara i, akie makai sigwa. 13Ana yoba tau pre mediglkrikwa ye Jisas pre mediglkwa yoba kanigwa i, yoba wakai ta meglmedi kanigwa, ba ye pre mediglkwa yoba i bogl akie makai sinaiglkwa i, kudugl geglkwa pre ye meglmara i suna moglkre, kudugl gogl, meda meglkwa. 14Meda meglkwa ba yoba tau mere kide kaima ama yagl ya abu akie, Yagl Kade pre mediglko, God ye Jisas pre mediglkwa yoba meglmara i, i suna edugo, akie meglkwa. 15Te, Jisas dedugwa yoba i kimagl mere kide erikwa pre yoba tau kide sigwa i, ye boglno mina ya kuguglno mina ki ede, boglo ere i pi konbauna bina edigwa. Edidre, ye ta prikwa i, Pita wonabara i, kiamo yoba kide sigwa i bre eran, ye kideno aragan erabedi prisre, yegl erikwa. 16Yegl eriko, yoba tau taun pere pere Jerusalem yomara magigl kipai meglkwa i ama ere mogl, yoba kide sigwa ya murubuglo kide ye meglmara suna mogl, ye ere kide ere teigwa i, ye mudu agre i ede u Jisas dedugwa yoba meglmara i yudre, makai sigwa. Yu makai sigo, yoba kide sigwa ya murubuglo kide ye meglmara suna meglkwa i, mudu ye ere wakai ere te kodigwa.
Jisas dedugwa yoba kane yugu paimara angelo ta u, i meda edugwa
17Ana Jisas dedugwa yoba i, taragl tau mere yegl ere meglkwa pre tawa teigwa yoba bitno moglkwa i yogo, te, yoba tau ye kogon akie erikwa, Sadyusi yoba meglkwa i, ye deno muduno u kide kaima ogwa. Ye deno muduno u kide kaima ogo, ye ere mogl, 18Jisas dedugwa yoba i, ye si kane sigwa. Si kane si i pi kane yugu kunogl gogl yoba si kane sigo, paimara dumo i edigwa. 19Kane yugu i edigwa pai meglkwa ba eduer suna, Yagl Kade angelomo ta u kane yugu dua yauro ede, Jisas dedugwa yoba ikra agre i ede meda pidre, yegl di togwa, 20Ene ede ikne pi tawa teigwa yugu yomara togl suna pidre, God kamo yoba aimadi kor moraiglkwa pre dugwa i, mudu yoba di te pai molo dugwa. 21Yegl dugo, ye prisre, tagna kide kana ye ede pi tawa teigwa yugu yomara togl suna pidre, yoba God kamo di teigwa.
Ana tawa teigwa yoba bitno moglkwa i ya yoba ye akie kogon erikwa ikra, ye ere mogl, Kaunsil mudu yagl kade mogl, ye Israel yoba sugl meglkwa i, Jisas dedugwa yoba kot ere tenamnedi di makai sigo, wigwa. Wigo, ye soldia tau Jisas dedugwa yoba agre yunaiglmedi dedigwa. 22Dedigo, ye eigwa ba ye ede kane yugu eigo, Jisas dedugwa yoba ikra moglkrikwa. Moglkriko, ye kandre, aglke ede ikne u yagl kade wagle ikra makai si meglmara udre, 23yegl di teigwa, No pi kane yugu kamga i, kane yugu dua lok giglede simere i pai moglko, te kane yugu dua wagle sugl meglkwa yagl i, adigl meglko, kamga. Kandre, no dua yauro, ede yugugl pi kamga i, yagl wagle ikra yugugl pai moglkrimiwe di, yegl digwa.
24Ana soldia i ka yegl di kodigo, yagl ta soldia tau tawa teigwa yugu sugl meglkwa bitno moglkwa ikra ya tawa teigwa yoba kade meglkwa i, ye kinano gudu pre, Ana erme siragl taragl plau dinabe? di, yegl digwa. 25Yegl digo, yoba ta udre, ye yegl di togwa, Ene yagl tau ye si kane sigwa ikra we, ye ede pi tawa teigwa yugu yomara togl suna mogl, yoba ka mabuno beke te meglmiwe dugwa. 26Yegl dugwa pre yagl ta soldia tau tawa teigwa yugu sugl meglkwa bitno moglkwa ikra, ye soldiamo bogl pidre, Jisas dedugwa yoba ikra agre yuigwa. Ye pi agre i ede ikne wigwa, ba ye ta ere sikrikwa. Siragl pre yoba mere kide kan meglkwa pre ye prikwa i, No yagl wagle i ere sumun, yoba kan meglkwa i, no kobuglo no si, no si goraiglmedi kuduglno gogl, yoko agre i ede ikne wigwa.
Jisas dedugwa yoba kudugl goglkre, Kaunsil ka di teigwa
27Ana soldia wagle ikra ye Jisas dedugwa yoba agre i ede u Kaunsil makai si meglmara suna edigwa. Edigo, tawa teigwa yoba bitno moglkwa i ere mogl, ye di te, yegl dugwa, 28Okna no ene ka giglede di te, yagl i kamo ene yoba di tekrio di, mane dumga. Yegl dumga ba ene Jerusalem yoba mudu aimadi di te meglkwa. Ene yegl erikwa i, yagl goglkwa i, no ka inamga mere yegl ene erimiwe di, yegl dugwa.
29Ana tawa teigwa yoba bitno moglkwa i yegl dugwa ba Pita ya Jisas dedugwa yoba i, ye mudu ere mogl, di ikne ede te, yegl digwa, No God kamo sedidre, yoba kano duglo boramga i, kuno erekrukwa. No God swara kamo duglo boramga pamiwe digwa. 30Ene Jisas ede prak mina si geglkwa ba nono kowano awano Godno i, ye ere i kor edumiwe digwa. 31God ye yagl Jisas swara i agre i ede heven ibo pidre, ye ogo wo kra ame dinabedi kagie kade tedre, ye yoba bitno moglsre, Ere Yugwa yagl morabedi erukwa. Ye yegl erukwa i siragl pre Israel yoba nomane kor ibi, ye tadeglmeno gugl edenabuka pre erumiwe digwa. 32Jisas ye adigl u kor ogwa kamo i, no yoba di tomgo, Mudu Murubuglo ama yoba koglo di te moglkwa. Mudu Murubuglo pre dumga i, ene Israel bitno yoba God kamo sedigwa pre Mudu Murubuglo ikrikwa. Ene ikrikwa ba yoba ye God kamo sedekre, ye dumere erikwa i, God ye Murubuglo tomiwe di, Jisas dedugwa yoba i yegl digwa.
Gamaliel ere mogl, Kaunsil di te, Yagl i si goglkrio dugwa
33Ana Jisas dedugwa yoba i ka yegl di kodigo, Kaunsil ye kano prisre, Jisas dedugwa yoba ikra deno podo kubro tedre, si goramnedi prikwa. 34Yegl prikwa ba Farisi yagl ta moglkwa, kagie Gamaliel we digwa i, ye Kaunsil wagle ka ta di tenagledi ye meglmara suna adigl mogl, soldia tau di togo, ye Jisas dedugwa yoba i agre i ede meda eigo, kuri ta meda sugl meglkwa. Yagl Gamaliel i, God lomo beke togwa yagl ta moglko, Juda yoba mudu ye yagl wakai ta moglmedi kanigwa. 35Ana soldia tau Jisas dedugwa yoba i agre i ede meda eigo, Gamaliel ere mogl, Kaunsil wagle mudu di te, yegl dugwa, Na agrama, ene Israel yoba meglkwa i, ene Jisas duglo beglkwa yagl i ere kide ere tenamnedi prikwa ba ene kan kun erio! dugwa. 36Bugla yugu suom ta ede ogwa ibor, nono kamga. Yagl ta kagie Teudas we digwa, ye Yagl kade mole dugo, yagl 400 mere yegl ye duglo beglkwa. Duglo boglsre, Rom yoba kuda bogl tenamnedi erikwa i, nono pre kan erumga. Yegl erikwa ba Rom yoba ere mogl, yagl i si geglko, ye duglo beglkwa yagl i mudu teke ede pere pere pidre, kide kodigwa. 37Ana Rom yoba yagl i si geglko, mokomugl i, yagl ta kagie Judas, Galili nem ikra ama ere mogl, Rom gavman ye nono yoba mudu kagno eratne dugwa igne i Rom yoba kuda bogl tenagledi erukwa. Yegl ersre, yoba tau ye kinano sugo, ye duglo beglkwa ba Rom yoba ere mogl, yagl i ama si geglko, ye duglo beglkwa yoba i ama ede pere pere eigwa. 38Yegl pre na ene erme di teiga, Jisas duglo beglkwa yagl i, kanige ersre, ye i meda edio! dugwa. Yagl wagle i ye yene nomano primere ka di kogl, kogon eribi, kogono i u wakai ta pikrabiwa. Dudunabuka. 39Ba God ta dedenan, eribi, ene ye kogono i si kegl dinamnedi eribi, ta kuno erekrabuka. Te, ene si kegl dinamnedi eraiglkwa, ba aglau eran, ene God kuda bogl teigwa mere yegl panabiwa. Kide kodio! di, Gamaliel yegl dugwa.
40Ana yagl Gamaliel ka yegl dugwa pre Kaunsil wagle ere mogl, ye kamo prisre, Jisas dedugwa yoba i si goglkrikwa. Ye si goglkrikwa ba yoba ta ye agre yunabedi dedigo, ye pi agre yugo, Kaunsil ere mogl, ye di tedre, yegl digwa, Ene Jisas kamo i, yoba ta di tekrio! digwa. Ka yegl didre, ye duglnai ere sidre, i meda edigwa. 41Ye i meda edigo, Jisas dedugwa yoba i gun yeigwa. Ye prikwa i, Nono Jisas duglo bunga pre yubun yumga i, God nono kogon wakai yegl eraiglmedi kere yugwa pre yubun yumnedi prisre, gun yei, Kaunsil meglmara kide kodo, ede eigwa. 42Ana ye ere mogl, ege ege tawa teigwa yugu yomara togl suna i ya yoba kipaimara i, yoba aimadi God kamo beke te, Jisas ye God Kere Yugwa yagl moglmiwe digwa.
Currently Selected:
Aposel 5: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 5
5
Ananaias ya Safaira God bakagl tenabugledi eribrika
1 Ana yagl ta moglkwa, kagie Ananaias we digwa. Te, ye ebie kagie Safaira we digwa. Yagl abu suo i ere mogl, ye makano ta topo bogl ibrika. 2Top bogl ibriko, Ananaias mige ikne yene pre i atne ede, ikne yogwa i pi Jisas dedugwa yoba meglmara pidre, makan topo bogl imere mudu yomiwedi togwa. Ye yegl erukwa i, ye ebie kidagl ama pre kan erukwa. 3Ana ye mige ikne i pi Jisas dedugwa yoba meglmara togo, Pita ere mogl, ye yegl di togwa, Ananaias yo, ene siragl pre mabuno yegl etne? dugwa. Satan ene nomane giglede togo, ene God Murubuglo ye no munara suna moglkwa i bakagl tenagledi etniwe dugwa. Ene makanen topo boglsre, mige ikne ake atne ede, ikne keme yudre, mige mudu imere yomiwedi notnga i pre na diwe dugwa. 4Ene makanen i ta topo boglkitnga igne, makan i, enene pre yogwa. Te, ene topo bogl inga i, ene mige idre, kogon enene pitnere eratnga i, wakai paugwa. Yegl paugwa ba siragl pre ene nomanen mina mabuno kide yegl eragledi pitne? dugwa. Ene yoba keme ka kibi di teie di prikratnga. Ba ene God ama ka kibi te teniwe di, Pita yegl dugwa. 5Ana Pita ka yegl dugo, yagl Ananaias i pre moglsre, yage makandigle sidre, goglkwa. Yegl erukwa pre yoba mudu ka i digo, prikwa i, kudugl podo geglkwa. 6Ana Ananaias goglko, kumugl gak tau udre, ye ogo gagie lap mina were, boglo ere i pi maugl sigwa.
7Ana yagl Ananaias ikra goglko, i pi maugl sigo, ade kwia suota mere yegl ede ogo, Ananaias ebie kidagl ikra ede u Pita yugugl moglmara ugwa. Ye wie goglkwa i ta digo, prikrukwa. 8Ana Ananaias ebie ikra ede u Pita moglmara ugo, Pita ere mogl, Ananaias ebie di pre, yegl dugwa, Ene win kidagl bogl makano topo biurka i, ene mige moni ibrika i, yegl ibro? dugwa. Yegl dugo, abu i di ikne ede, No kaima, makano topo bogl, kuno yegl yubuluwe dugwa. 9Yegl dugo, Pita ye di pre, yegl dugwa, Siragl eruko, ene win bogl Yagl Kade Murubuglomo ta pre kan erekrukwa mere yegl pre, ere kanabugledi ka di kogl, yegl eribre? dugwa. Pro! Kumugl gak tau ene win kidagl i pi maugl sigwa i, yugu dua wagle ede magigl u kodigwa. Ene ama akie i pi maugl sinaiglmiwe di, yegl dugwa. 10Pita ka yegl di kodugo, abu ikra tabre kana yage makandigle sidre, goglkwa. Yegl ere, goglko, kumugl gak ikra ede yugugl udre, abu i makandigle gogl pai moglko, kanigwa. Kandre, ye ama boglo ere i pi, wie kidagl maugl simara magigl i ama akie maugl sigwa. 11Yegl eriko, ana yoba mudu Jisas yugobunomo mina meglkwa i, ye taragl plau dugwa i prisre, kudugl podo geglkwa. Te, yoba meda ama yagl abu suo kano digo, prikwa i, ama mudu kudugl podo geglkwa.
Jisas dedugwa yoba i, kimagl kane kane erikwa
12Ana igne i Jisas dedugwa yoba ye ere mogl, kimagl ya diu mere kide yoba gumuglnomugl erikwa. Te, Jisas pre mediglkwa yoba mudu i, ye ege mere tawa teigwa yugu yomara togl suna pidre, yugu teka ta Solomon yugumo teka we digwa togl suna yomara i, akie makai sigwa. 13Ana yoba tau pre mediglkrikwa ye Jisas pre mediglkwa yoba kanigwa i, yoba wakai ta meglmedi kanigwa, ba ye pre mediglkwa yoba i bogl akie makai sinaiglkwa i, kudugl geglkwa pre ye meglmara i suna moglkre, kudugl gogl, meda meglkwa. 14Meda meglkwa ba yoba tau mere kide kaima ama yagl ya abu akie, Yagl Kade pre mediglko, God ye Jisas pre mediglkwa yoba meglmara i, i suna edugo, akie meglkwa. 15Te, Jisas dedugwa yoba i kimagl mere kide erikwa pre yoba tau kide sigwa i, ye boglno mina ya kuguglno mina ki ede, boglo ere i pi konbauna bina edigwa. Edidre, ye ta prikwa i, Pita wonabara i, kiamo yoba kide sigwa i bre eran, ye kideno aragan erabedi prisre, yegl erikwa. 16Yegl eriko, yoba tau taun pere pere Jerusalem yomara magigl kipai meglkwa i ama ere mogl, yoba kide sigwa ya murubuglo kide ye meglmara suna mogl, ye ere kide ere teigwa i, ye mudu agre i ede u Jisas dedugwa yoba meglmara i yudre, makai sigwa. Yu makai sigo, yoba kide sigwa ya murubuglo kide ye meglmara suna meglkwa i, mudu ye ere wakai ere te kodigwa.
Jisas dedugwa yoba kane yugu paimara angelo ta u, i meda edugwa
17Ana Jisas dedugwa yoba i, taragl tau mere yegl ere meglkwa pre tawa teigwa yoba bitno moglkwa i yogo, te, yoba tau ye kogon akie erikwa, Sadyusi yoba meglkwa i, ye deno muduno u kide kaima ogwa. Ye deno muduno u kide kaima ogo, ye ere mogl, 18Jisas dedugwa yoba i, ye si kane sigwa. Si kane si i pi kane yugu kunogl gogl yoba si kane sigo, paimara dumo i edigwa. 19Kane yugu i edigwa pai meglkwa ba eduer suna, Yagl Kade angelomo ta u kane yugu dua yauro ede, Jisas dedugwa yoba ikra agre i ede meda pidre, yegl di togwa, 20Ene ede ikne pi tawa teigwa yugu yomara togl suna pidre, God kamo yoba aimadi kor moraiglkwa pre dugwa i, mudu yoba di te pai molo dugwa. 21Yegl dugo, ye prisre, tagna kide kana ye ede pi tawa teigwa yugu yomara togl suna pidre, yoba God kamo di teigwa.
Ana tawa teigwa yoba bitno moglkwa i ya yoba ye akie kogon erikwa ikra, ye ere mogl, Kaunsil mudu yagl kade mogl, ye Israel yoba sugl meglkwa i, Jisas dedugwa yoba kot ere tenamnedi di makai sigo, wigwa. Wigo, ye soldia tau Jisas dedugwa yoba agre yunaiglmedi dedigwa. 22Dedigo, ye eigwa ba ye ede kane yugu eigo, Jisas dedugwa yoba ikra moglkrikwa. Moglkriko, ye kandre, aglke ede ikne u yagl kade wagle ikra makai si meglmara udre, 23yegl di teigwa, No pi kane yugu kamga i, kane yugu dua lok giglede simere i pai moglko, te kane yugu dua wagle sugl meglkwa yagl i, adigl meglko, kamga. Kandre, no dua yauro, ede yugugl pi kamga i, yagl wagle ikra yugugl pai moglkrimiwe di, yegl digwa.
24Ana soldia i ka yegl di kodigo, yagl ta soldia tau tawa teigwa yugu sugl meglkwa bitno moglkwa ikra ya tawa teigwa yoba kade meglkwa i, ye kinano gudu pre, Ana erme siragl taragl plau dinabe? di, yegl digwa. 25Yegl digo, yoba ta udre, ye yegl di togwa, Ene yagl tau ye si kane sigwa ikra we, ye ede pi tawa teigwa yugu yomara togl suna mogl, yoba ka mabuno beke te meglmiwe dugwa. 26Yegl dugwa pre yagl ta soldia tau tawa teigwa yugu sugl meglkwa bitno moglkwa ikra, ye soldiamo bogl pidre, Jisas dedugwa yoba ikra agre yuigwa. Ye pi agre i ede ikne wigwa, ba ye ta ere sikrikwa. Siragl pre yoba mere kide kan meglkwa pre ye prikwa i, No yagl wagle i ere sumun, yoba kan meglkwa i, no kobuglo no si, no si goraiglmedi kuduglno gogl, yoko agre i ede ikne wigwa.
Jisas dedugwa yoba kudugl goglkre, Kaunsil ka di teigwa
27Ana soldia wagle ikra ye Jisas dedugwa yoba agre i ede u Kaunsil makai si meglmara suna edigwa. Edigo, tawa teigwa yoba bitno moglkwa i ere mogl, ye di te, yegl dugwa, 28Okna no ene ka giglede di te, yagl i kamo ene yoba di tekrio di, mane dumga. Yegl dumga ba ene Jerusalem yoba mudu aimadi di te meglkwa. Ene yegl erikwa i, yagl goglkwa i, no ka inamga mere yegl ene erimiwe di, yegl dugwa.
29Ana tawa teigwa yoba bitno moglkwa i yegl dugwa ba Pita ya Jisas dedugwa yoba i, ye mudu ere mogl, di ikne ede te, yegl digwa, No God kamo sedidre, yoba kano duglo boramga i, kuno erekrukwa. No God swara kamo duglo boramga pamiwe digwa. 30Ene Jisas ede prak mina si geglkwa ba nono kowano awano Godno i, ye ere i kor edumiwe digwa. 31God ye yagl Jisas swara i agre i ede heven ibo pidre, ye ogo wo kra ame dinabedi kagie kade tedre, ye yoba bitno moglsre, Ere Yugwa yagl morabedi erukwa. Ye yegl erukwa i siragl pre Israel yoba nomane kor ibi, ye tadeglmeno gugl edenabuka pre erumiwe digwa. 32Jisas ye adigl u kor ogwa kamo i, no yoba di tomgo, Mudu Murubuglo ama yoba koglo di te moglkwa. Mudu Murubuglo pre dumga i, ene Israel bitno yoba God kamo sedigwa pre Mudu Murubuglo ikrikwa. Ene ikrikwa ba yoba ye God kamo sedekre, ye dumere erikwa i, God ye Murubuglo tomiwe di, Jisas dedugwa yoba i yegl digwa.
Gamaliel ere mogl, Kaunsil di te, Yagl i si goglkrio dugwa
33Ana Jisas dedugwa yoba i ka yegl di kodigo, Kaunsil ye kano prisre, Jisas dedugwa yoba ikra deno podo kubro tedre, si goramnedi prikwa. 34Yegl prikwa ba Farisi yagl ta moglkwa, kagie Gamaliel we digwa i, ye Kaunsil wagle ka ta di tenagledi ye meglmara suna adigl mogl, soldia tau di togo, ye Jisas dedugwa yoba i agre i ede meda eigo, kuri ta meda sugl meglkwa. Yagl Gamaliel i, God lomo beke togwa yagl ta moglko, Juda yoba mudu ye yagl wakai ta moglmedi kanigwa. 35Ana soldia tau Jisas dedugwa yoba i agre i ede meda eigo, Gamaliel ere mogl, Kaunsil wagle mudu di te, yegl dugwa, Na agrama, ene Israel yoba meglkwa i, ene Jisas duglo beglkwa yagl i ere kide ere tenamnedi prikwa ba ene kan kun erio! dugwa. 36Bugla yugu suom ta ede ogwa ibor, nono kamga. Yagl ta kagie Teudas we digwa, ye Yagl kade mole dugo, yagl 400 mere yegl ye duglo beglkwa. Duglo boglsre, Rom yoba kuda bogl tenamnedi erikwa i, nono pre kan erumga. Yegl erikwa ba Rom yoba ere mogl, yagl i si geglko, ye duglo beglkwa yagl i mudu teke ede pere pere pidre, kide kodigwa. 37Ana Rom yoba yagl i si geglko, mokomugl i, yagl ta kagie Judas, Galili nem ikra ama ere mogl, Rom gavman ye nono yoba mudu kagno eratne dugwa igne i Rom yoba kuda bogl tenagledi erukwa. Yegl ersre, yoba tau ye kinano sugo, ye duglo beglkwa ba Rom yoba ere mogl, yagl i ama si geglko, ye duglo beglkwa yoba i ama ede pere pere eigwa. 38Yegl pre na ene erme di teiga, Jisas duglo beglkwa yagl i, kanige ersre, ye i meda edio! dugwa. Yagl wagle i ye yene nomano primere ka di kogl, kogon eribi, kogono i u wakai ta pikrabiwa. Dudunabuka. 39Ba God ta dedenan, eribi, ene ye kogono i si kegl dinamnedi eribi, ta kuno erekrabuka. Te, ene si kegl dinamnedi eraiglkwa, ba aglau eran, ene God kuda bogl teigwa mere yegl panabiwa. Kide kodio! di, Gamaliel yegl dugwa.
40Ana yagl Gamaliel ka yegl dugwa pre Kaunsil wagle ere mogl, ye kamo prisre, Jisas dedugwa yoba i si goglkrikwa. Ye si goglkrikwa ba yoba ta ye agre yunabedi dedigo, ye pi agre yugo, Kaunsil ere mogl, ye di tedre, yegl digwa, Ene Jisas kamo i, yoba ta di tekrio! digwa. Ka yegl didre, ye duglnai ere sidre, i meda edigwa. 41Ye i meda edigo, Jisas dedugwa yoba i gun yeigwa. Ye prikwa i, Nono Jisas duglo bunga pre yubun yumga i, God nono kogon wakai yegl eraiglmedi kere yugwa pre yubun yumnedi prisre, gun yei, Kaunsil meglmara kide kodo, ede eigwa. 42Ana ye ere mogl, ege ege tawa teigwa yugu yomara togl suna i ya yoba kipaimara i, yoba aimadi God kamo beke te, Jisas ye God Kere Yugwa yagl moglmiwe digwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission