Isip Kide Kodigwa 10

Mogodo mere kide wigwa

12Ana okuo Yawe ere mogl, Moses yegl di togwa, Ene mogodo mere kide unaiglmedi ogon ake duglo si dumo Isip buglo sinatniwa. Yegl etn, mogodo mere kide ede dumo Isip suna udre, kugl kan mudu nenaiglmiwa. Aragl mogo yage sugwa igne, taragl tau ere kide erekrukwa pai moglkwa i, nenaiglmiwe di, yegl dugwa. 13Yegl dugo, Moses muglbomo ake mogl, dumo Isip buglo si u ikne ikne ogo, Yawe ere edugo, ir ta ade umara kra mogl ugwa. Ir i ermine udre, eduer ama u mogl, tagna kana mogodo mage yugwa. 14Mage yugo, mogodo mere kide kaima u dumo Isip suna koglo koglo kau si meglkwa. Okna ibo mogodo mere kide yegl ta moglkriko, okuo ama yegl ta moglkraiglkwa. 15Ye mere kide kaima moglsre, dumo makan mudu ake kama sigwa. Ake kama sidre, ede mogo keglkwa ya kugl kan mudu ne kodigwa. Ede mogo keglkwa ya kugl kan tau aragl mogo yage sugwa igne yoko pai moglkwa i, ye pra ne ganam digwa.

***********************

Mim podo erukwa

21Ana okuo Yawe ere mogl, Moses yegl di togwa, Ene mim podo erabedi ogon buglo si kamun mitna ibo edin, mim podo u dumo Isip ake kegl dinabiwa. Mim i, mim ege ege erumere yegl ta erekrabuka. Mim i, ake pratnga mere yegl eran, ake kama si kodinabiwe dugwa. 22Yegl dugo, Moses ogo buglo si kamun mitna ibo edugo, mim podo u ege suota dumo Isip ake kegl dugwa. 23Ake kegl dugo, yoba gumano drano ikne ikne kankrisre, ege suota i yugugl keme moglsre, wankrikwa. Yegl erikwa ba Israel yoba kipaimara i we, abuglage sugwa.

*************************

28Ana Isip king ye Moses di te, Na moglmara kide kodidre, ede po! dugwa. Ene kan kun ero! Ene aglke kor na gumana drana ta kan, igne i na ene si goragle di, yegl dugwa. 29Yegl dugo, Moses di ikne ede, yegl dugwa, Ene kuno diniwa. Na aglke kor ene guman dran ta kankragle di, Moses yegl dugwa.

Currently Selected:

Isip Kide Kodigwa 10: KB

Highlight

Compare

Copy