Isip Kide Kodigwa 16
16
God Israel yoba kua mua ya bret togo, neigwa
1Ana Israel yoba ye mudu dumo Elim kide kodidre, ede pi dumo wau yomara Sen we dimara pi, plau digwa. Dumo Sen i, dumo Elim we dimara ya muglo meglbi Sainai yomara suna yogwa. Israel yoba Isip kide kodigwa igne i ba namba 1 mun we digwa. Ana ye ede pi dumo Sen plau digwa igne i ba namba 2 mun, de 15 yogwa. 2Ye dumo i plau didre, ye mudu Moses ya Aron kide pre tedre, ka kane kane digwa. 3Ye ka kane kane didre, Moses ya Aron yegl di teigwa, Aya, Yawe no dumo Isip munga igne no si goglma, wakai paugo. No dumo Isip i, taragl mie ya bret mere nedre, munga. Yegl erumga ba erme we, no mudu kidan pai, goraiglmedi pre no agre i ede u dumo wau yomara magigl i edibrika pamiwe di, yegl digwa.
*************************
11Ana Yawe ere mogl, Moses yegl di togwa, 12Israel yoba mudu ka kane kane digwa i prika. Ene na kana i pi ye yegl di tenatniwa, Ene we, min panan, ene taragl mie ta nebi, tagna kana bret nedre, dano erabuka. Ene nebi, ene na Yawe, ene Godno moglmedi pre pogl sinaiglmiwe di, Yawe yegl dume di to dugwa.
13Ana Yawe yegl dugo, min paugo, kua mua mere kide u, Israel yoba sel yuguno kipaimara i, kau si meglko, tagna mogl makan magigl i waradarua erukwa. 14Ade sugo, waradarua kugla dugo, taragl kruo ta makan mina waradarua erumara yogwa. Taragl i, kebra yei, ede yaudo kunabu ugla yomere yegl kunabu ugla yogwa. 15Israel yoba taragl i kandre, ye okna kankrikwa pre yene kira pogl, I siragl ne? digwa. Ye yegl digo, Moses prisre, ye yegl di togwa, I bret ta yogwa. Yawe ene nenaiglmedi togwa. 16Te, ye ene yegl di togwa, Ene yoba swara swarade nenabere gade inaiglkwa. Ene sel yuguno mina yoba siramna paigwa i kersre, yoba swara makan koglwa sin swara mere yegl gade inaiglmiwe dume dugwa.
*************************
31Israel yoba ere mogl, taragl i kagie mana#16.31 Ka Hibru mina, kagie mana i, mabuno paugwa, I siragl ne. we digwa. Mana i kugl mogo kebra mere yegl yedre, kruo yei, bisket brume nuglo wagle bekigwa dogon erumere yegl dogon erukwa.
*************************
35Ana Israel yoba we, ye bugla yugu 40-pela taragl kruo mana i, neigwa. Ye wau yomara wan meglkwa igne, mana i ne mogl, ede pi dumo Kenan, yoba kipai meglmara bina eigwa igne, dudugo, nekrikwa.
Currently Selected:
Isip Kide Kodigwa 16: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
