Oknayene Ibo 8
8
Nigl kamun dudugwa
1Ana God ye Noa ya agl bugla ya dua kabu kane kane akie sip mina meglkwa ikra pre kodokrukwa. Pre kodokrukwa pre ye ir ta dedugo, ugwa. Ir ugo, nigl mabuno bogl dare ede atne ogwa. 2God ere edugo, nigl makan atne moglkwa okna ede meda ugwa ikra ukruko, kamun podo kide sugwa i togugo, erukwa pre 3nigl dare ede atne pi moglkwa. Nigl dare ede atne pi moglko, ana ege 150 de ikra ede ogo, nigl dare ede atne kaima ogwa. 4Dare ede atne kaima ogo, ana ba 7 mun, de namba 17 i we, sip ikra dumo makan ta Ararat we dimara muglo ibo u pai moglkwa. 5U pai moglko, nigl ama dare ede atne pi pai moglko, ana ba 10 mun, de namba 1 i we, muglo meglbi tau ama u nogugl eigwa.
6Ana muglo meglbi tau ama u nogugl eigo, Noa ege 40-pela de kan moglsre, dua kebra ta sip mina ere paduglkwa yauro edidre, 7kua ta kagie kotkot we digwa i meda edugwa. Edugo, kua i pru di bage bage pi, wanugwa. Pru di wan mogl, aglke ikne ukre, nigl mudu ede atne ogwa igne pra, wan moglkwa. 8Ana Noa ye nigl mere pai moglmo mo ede atne omada di prisre, kua yumugl ta i meda edugwa. 9Edugo, kua yumugl pru di wan mogl, dumo ta ake morabuka dokugwa ba nigl makan ake wai di pai moglkwa pre dumo ta ake morabuka ta yekrukwa. Ta yekruko, kua yumugl aglke ede ikne u, Noa sip mina moglmara ugo, Noa ogo duglo si meda edugwa. Edugo, kua ye ogo mina akugo, ye yu sip yugugl edugwa. 10Edidre, ye aglke kor ege 7-pela de moglsre, kua yumugl i meda edugwa. 11Edugo, kua yumugl pru di wan mogl, pi min paugo aglke ede ikne ugwa. Ugwa igne, ye ede ta oliv we digwa yaudo ta bro kike yugwa. Yaudo ta bro kike yugo, Noa nigl ede atne ogwa pamedi prukwa. 12Noa yegl prisre, ye aglke kor dagl ege 7-pela de mogl, kua ikra i meda edugwa. Edugo, kua pru di ede ikne ukrukwa.
13Ana Noa bugla yugu 601 ne kodugwa igne, ba 1 mun, de namba 1 i we, nigl mudu dare ede atne ogwa. Ogo, Noa sip idaule mitna ikne sada boglsre, kan meda edugwa, nigl mudu dare kodugwa paugo, kanugwa. 14Ana ba 2 mun, de namba 27 i we, makan mudu kugla dugwa.
15Makan mudu kugla dugo, God ere mogl, Noa yegl di togwa, 16Ene ebin bogl yebr, wanma ebino bogl yebi, ede sip meda pio. 17Ana taragl kane kane ene bogl akie sip mina meglkwa i, kua, agl bugla, dua kabu, ya taragl kane kane makan mina wanigwa taragl i, ene ama i pi sip meda edio. Edibi, ye gagro mere kiglbi, ede bage bage pi, moraiglmiwe di, yegl di togwa. 18Di togo, Noa ebie bogl yebriko, wama ebino bogl yeigo, ede sip meda eigwa. 19Eigo, agl bugla, dua kabu, kua ya taragl kane kane makan mina wanigwa taragl i ama ede sip meda eigwa. Taragl kane kane meglmere meglmere gi gide ede meda eigwa.
Noa Yawe tawa togwa
20Ana Noa ere mogl, kobuglo bogl ta kugl, Yawe tawa tenagledi ere yogwa. Ere yedre, agl bugla ya kua kane kane yoba si gogl, tawa tenaiglkwa kuno erukwa i tau idre, si goglsre, kobuglo bogl mina gagl tawa togwa. 21Gagl tawa togo, Yawe demene erukwa prisre, dem muduo aragan erukwa. Dem muduo aragan eruko, yene nomane mina yegl di prukwa, Yoba we, ye gak kebra mogl, ede pi kade meglkwa igne pra, mabuno kide eramnedi prikwa. Yegl prikwa ba na aglke kor dagl mabuno kide erimara ere te ikne edenagledi makan ere kide ersre, taragl kane kane mudu meglkwa si goglsre, erimere yegl aglke kor dagl ta erekraglka. 22Erekribo, yoba kaya mokna yaraiglkwa igne yenan, si yunaiglkwa igne ama ta yenabuka. Te, ir erabuka igne yenan, niga dinabuka igne ama ta yenabuka. Te, ade denabuka igne yenan, kamun sinabuka igne ama ta yenabuka. Te, etne yenan, eduer ama yenabuka. Dumo makan yoko yenabuka igne, yegl keme aimadi pai morabiwe di, yegl di prukwa.
Currently Selected:
Oknayene Ibo 8: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Oknayene Ibo 8
8
Nigl kamun dudugwa
1Ana God ye Noa ya agl bugla ya dua kabu kane kane akie sip mina meglkwa ikra pre kodokrukwa. Pre kodokrukwa pre ye ir ta dedugo, ugwa. Ir ugo, nigl mabuno bogl dare ede atne ogwa. 2God ere edugo, nigl makan atne moglkwa okna ede meda ugwa ikra ukruko, kamun podo kide sugwa i togugo, erukwa pre 3nigl dare ede atne pi moglkwa. Nigl dare ede atne pi moglko, ana ege 150 de ikra ede ogo, nigl dare ede atne kaima ogwa. 4Dare ede atne kaima ogo, ana ba 7 mun, de namba 17 i we, sip ikra dumo makan ta Ararat we dimara muglo ibo u pai moglkwa. 5U pai moglko, nigl ama dare ede atne pi pai moglko, ana ba 10 mun, de namba 1 i we, muglo meglbi tau ama u nogugl eigwa.
6Ana muglo meglbi tau ama u nogugl eigo, Noa ege 40-pela de kan moglsre, dua kebra ta sip mina ere paduglkwa yauro edidre, 7kua ta kagie kotkot we digwa i meda edugwa. Edugo, kua i pru di bage bage pi, wanugwa. Pru di wan mogl, aglke ikne ukre, nigl mudu ede atne ogwa igne pra, wan moglkwa. 8Ana Noa ye nigl mere pai moglmo mo ede atne omada di prisre, kua yumugl ta i meda edugwa. 9Edugo, kua yumugl pru di wan mogl, dumo ta ake morabuka dokugwa ba nigl makan ake wai di pai moglkwa pre dumo ta ake morabuka ta yekrukwa. Ta yekruko, kua yumugl aglke ede ikne u, Noa sip mina moglmara ugo, Noa ogo duglo si meda edugwa. Edugo, kua ye ogo mina akugo, ye yu sip yugugl edugwa. 10Edidre, ye aglke kor ege 7-pela de moglsre, kua yumugl i meda edugwa. 11Edugo, kua yumugl pru di wan mogl, pi min paugo aglke ede ikne ugwa. Ugwa igne, ye ede ta oliv we digwa yaudo ta bro kike yugwa. Yaudo ta bro kike yugo, Noa nigl ede atne ogwa pamedi prukwa. 12Noa yegl prisre, ye aglke kor dagl ege 7-pela de mogl, kua ikra i meda edugwa. Edugo, kua pru di ede ikne ukrukwa.
13Ana Noa bugla yugu 601 ne kodugwa igne, ba 1 mun, de namba 1 i we, nigl mudu dare ede atne ogwa. Ogo, Noa sip idaule mitna ikne sada boglsre, kan meda edugwa, nigl mudu dare kodugwa paugo, kanugwa. 14Ana ba 2 mun, de namba 27 i we, makan mudu kugla dugwa.
15Makan mudu kugla dugo, God ere mogl, Noa yegl di togwa, 16Ene ebin bogl yebr, wanma ebino bogl yebi, ede sip meda pio. 17Ana taragl kane kane ene bogl akie sip mina meglkwa i, kua, agl bugla, dua kabu, ya taragl kane kane makan mina wanigwa taragl i, ene ama i pi sip meda edio. Edibi, ye gagro mere kiglbi, ede bage bage pi, moraiglmiwe di, yegl di togwa. 18Di togo, Noa ebie bogl yebriko, wama ebino bogl yeigo, ede sip meda eigwa. 19Eigo, agl bugla, dua kabu, kua ya taragl kane kane makan mina wanigwa taragl i ama ede sip meda eigwa. Taragl kane kane meglmere meglmere gi gide ede meda eigwa.
Noa Yawe tawa togwa
20Ana Noa ere mogl, kobuglo bogl ta kugl, Yawe tawa tenagledi ere yogwa. Ere yedre, agl bugla ya kua kane kane yoba si gogl, tawa tenaiglkwa kuno erukwa i tau idre, si goglsre, kobuglo bogl mina gagl tawa togwa. 21Gagl tawa togo, Yawe demene erukwa prisre, dem muduo aragan erukwa. Dem muduo aragan eruko, yene nomane mina yegl di prukwa, Yoba we, ye gak kebra mogl, ede pi kade meglkwa igne pra, mabuno kide eramnedi prikwa. Yegl prikwa ba na aglke kor dagl mabuno kide erimara ere te ikne edenagledi makan ere kide ersre, taragl kane kane mudu meglkwa si goglsre, erimere yegl aglke kor dagl ta erekraglka. 22Erekribo, yoba kaya mokna yaraiglkwa igne yenan, si yunaiglkwa igne ama ta yenabuka. Te, ir erabuka igne yenan, niga dinabuka igne ama ta yenabuka. Te, ade denabuka igne yenan, kamun sinabuka igne ama ta yenabuka. Te, etne yenan, eduer ama yenabuka. Dumo makan yoko yenabuka igne, yegl keme aimadi pai morabiwe di, yegl di prukwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission