Oknayene Ibo 9
9
God ye ka kaima Noa di te paduglkwa
1Ana God ere mogl, Noa wama bogl okuo wakai moraiglmedi ye di wakai yei te, yegl dugwa, Ene gak mere kide kulo! Mere kide kiglbi, ene yoba mere mogl, ede pi dumo pere pere uglo koglo koglo moraiglkwa. 2Ana dua kabu kane kane ya agl bugla ya kua ya taragl kebra makan mina wanigwa ya buglo bagle mudu i we, ene kuduglno podo goraiglkwa. Kuduglno podo geglbi, ene yoba mogl mitna edidre, ye sugl moraiglkwa. 3Ene taragl mudu maginagle meglkwa i sugl moglsre, taragl i ama nenaiglkwa. Na okna ibo yoba taragl mie nenaiglmedi tekre, kaya mokna kane kane paigwa i yoba nenaiglmedi ere yei teiga. Na taragl i ere yei temere ikra mere na erme ama taragl mudu maginagle wan meglkwa i, ene yoba nenaiglkwa pre teiga. 4Ene nenaiglkwa pre teiga ba taragl kane kane bormai wagle kor meglkwa pre ene mie bormai pai moglkwa bogl nekrio. 5-6Te, agl bugla mo dua kabu ta ere mogl, yoba ta si goran, yoba taragl i si goraiglkwa. Te, yoba ta ere mogl, yoba ta si goran, yoba ye ama si goraiglkwa. Yoba na moglmere moraiglmedi beke yeiga pre yegl eraiglkwa. 7Ana, na ene okna kana di teigra, ene gak mere kide kulo! Mere kide kiglbi, ene yoba mere mogl, ede pi dumo pere pere moraiglmiwe di, yegl dugwa.
8God ka yegl didre, ye ama Noa wama bogl di te, yegl dugwa, 9Ene prio! Na nana ene ka kaima di te padrarika. Ka kaima di te padrarika i, ene pre ya ene gawanma okuo moraiglkwa pre panabuka. 10Ene yoba pre panan, taragl kane kane ene sip yugugl meglkwa igne akie meglkwa i, ye ama pre panabuka. Kua ya agl bugla ya dua kabu kane kane ya taragl kane kane dumo makan mina meglkwa i pre panabuka. 11Ana na ka kaima di te padiglka i, yegl diga, okuo nigl kamun podo aglke kor ta yoba ya taragl kane kane mudu si goragledi ukrabuka. Te, makan mudu ere kide eragledi ama ka kaima ta ukrabe di, yegl dugwa.
12-13God ka yegl di kodidre, ye ama yegl dugwa, Na titokubun kamun kua mina ediga boglkwa. Na ka kaima di te padiglka ikra pre obuno dinabedi ediga boglkwa. Ka i, ene yoba pre ya, te taragl mudu maginagle meglkwa pre aimadi kamin panabuka. 14Na okuo kamun kua mina ibo ere edibo, titokubun ama borabuka. 15Titokubun boran, na ka kaima ene ya taragl kane kane meglkwa i di te padiglka ikra pre moraglka. Pre moglbo, nigl kamun podo ta yoba ya taragl mudu si goragledi ukrabuka. 16Titokubun boran, na kandre, ka di te padiglka i pre moraglka. Na taragl kane kane maginagle meglkwa i di te padiglmere mere i aimadi panabiwe di, yegl dugwa.
17God ka yegl di kodidre, ye ere mogl, Noa aglke kor yegl di togwa, Titokubun boran, na ka kaima taragl mudu maginagle meglkwa i di te padiglka ikra pre obuno dinabiwe di, yegl dugwa.
Ham ye nem ere kide ere togwa
18Ana Noa wam suota sip yugugl mogl ede meda wigwa i we, ye kagno Siem ya Ham ya Jafet we digwa. Ham yagl gak ta kuglkwa, kagie Kenan we dugwa. 19Ana Noa wam suota i we, ye yoba mudu okuo ede bage bage pi, uglo koglo koglo meglkwa i, kowano awano meglkwa.
20Ana Noa ere mogl, kogon kor ersre, ede wain ere yaglkwa. 21Ere yaglsre, mogo bogl yogwa igne, uro nuglo ere i wain edugwa. Edidre, tau ne, spak erukwa. Spak ersre, ye sel yugumo yugugl mogl, kuguglmo gaglmo gugl edidre, yokoko ugl paugwa. 22Yokoko ugl paugo, Ham, Kenan nem ikra, ede yugugl pi, nem yokoko ugl paugwa kanugwa. Kandre, aglke ede ikne meda u, agigle suo di togwa. 23Di togo, Siem ya Jafet prisre, kugugl gagl ta idre, kobano wagle padigl i ede pi neno yokoko pai moglmara tebe bi di tebrika. Ye yene mokono te, kan meda kra edidre, i pi tebe bi di tebrika pre neno yokoko paugwa kankribrika. 24Ana Noa spakmo dudugo, aduglkwa igne, ye wam okuo ikra erumere digwa prukwa. 25Prisre, ye yegl dugwa, Na Kenan di kide yei teiga. Ye gawama mogl atne kaima ede, nem komono suo gawanoma nigl kogono yoba moraiglmiwe dugwa. 26Didre, ye ere mogl, ka yegl dugwa, Yawe, Siem Godmo moglkwa i we, ye sigie kagie wanabuka. Ana Kenan we, ye gawama mogl atne ede, Siem gawama nigl kogono yoba moraiglkwa. 27Te, Jafet we, God ye gawama makano podo tenabuka. Tenan, Jafet gawama ya Siem gawama akie panaiglkwa. Paibi, Kenan gawama ye nigl kogono yoba moraiglmiwe di, yegl dugwa.
28Nigl kamun podo sugwa ikra dare ede atne pi kodugo, Noa okuo bugla yugu 350 ta ama mogl tebe edugwa. 29Ana Noa bugla yugu moglkwa i swara ede, 950 nedre, goglkwa.
Currently Selected:
Oknayene Ibo 9: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Oknayene Ibo 9
9
God ye ka kaima Noa di te paduglkwa
1Ana God ere mogl, Noa wama bogl okuo wakai moraiglmedi ye di wakai yei te, yegl dugwa, Ene gak mere kide kulo! Mere kide kiglbi, ene yoba mere mogl, ede pi dumo pere pere uglo koglo koglo moraiglkwa. 2Ana dua kabu kane kane ya agl bugla ya kua ya taragl kebra makan mina wanigwa ya buglo bagle mudu i we, ene kuduglno podo goraiglkwa. Kuduglno podo geglbi, ene yoba mogl mitna edidre, ye sugl moraiglkwa. 3Ene taragl mudu maginagle meglkwa i sugl moglsre, taragl i ama nenaiglkwa. Na okna ibo yoba taragl mie nenaiglmedi tekre, kaya mokna kane kane paigwa i yoba nenaiglmedi ere yei teiga. Na taragl i ere yei temere ikra mere na erme ama taragl mudu maginagle wan meglkwa i, ene yoba nenaiglkwa pre teiga. 4Ene nenaiglkwa pre teiga ba taragl kane kane bormai wagle kor meglkwa pre ene mie bormai pai moglkwa bogl nekrio. 5-6Te, agl bugla mo dua kabu ta ere mogl, yoba ta si goran, yoba taragl i si goraiglkwa. Te, yoba ta ere mogl, yoba ta si goran, yoba ye ama si goraiglkwa. Yoba na moglmere moraiglmedi beke yeiga pre yegl eraiglkwa. 7Ana, na ene okna kana di teigra, ene gak mere kide kulo! Mere kide kiglbi, ene yoba mere mogl, ede pi dumo pere pere moraiglmiwe di, yegl dugwa.
8God ka yegl didre, ye ama Noa wama bogl di te, yegl dugwa, 9Ene prio! Na nana ene ka kaima di te padrarika. Ka kaima di te padrarika i, ene pre ya ene gawanma okuo moraiglkwa pre panabuka. 10Ene yoba pre panan, taragl kane kane ene sip yugugl meglkwa igne akie meglkwa i, ye ama pre panabuka. Kua ya agl bugla ya dua kabu kane kane ya taragl kane kane dumo makan mina meglkwa i pre panabuka. 11Ana na ka kaima di te padiglka i, yegl diga, okuo nigl kamun podo aglke kor ta yoba ya taragl kane kane mudu si goragledi ukrabuka. Te, makan mudu ere kide eragledi ama ka kaima ta ukrabe di, yegl dugwa.
12-13God ka yegl di kodidre, ye ama yegl dugwa, Na titokubun kamun kua mina ediga boglkwa. Na ka kaima di te padiglka ikra pre obuno dinabedi ediga boglkwa. Ka i, ene yoba pre ya, te taragl mudu maginagle meglkwa pre aimadi kamin panabuka. 14Na okuo kamun kua mina ibo ere edibo, titokubun ama borabuka. 15Titokubun boran, na ka kaima ene ya taragl kane kane meglkwa i di te padiglka ikra pre moraglka. Pre moglbo, nigl kamun podo ta yoba ya taragl mudu si goragledi ukrabuka. 16Titokubun boran, na kandre, ka di te padiglka i pre moraglka. Na taragl kane kane maginagle meglkwa i di te padiglmere mere i aimadi panabiwe di, yegl dugwa.
17God ka yegl di kodidre, ye ere mogl, Noa aglke kor yegl di togwa, Titokubun boran, na ka kaima taragl mudu maginagle meglkwa i di te padiglka ikra pre obuno dinabiwe di, yegl dugwa.
Ham ye nem ere kide ere togwa
18Ana Noa wam suota sip yugugl mogl ede meda wigwa i we, ye kagno Siem ya Ham ya Jafet we digwa. Ham yagl gak ta kuglkwa, kagie Kenan we dugwa. 19Ana Noa wam suota i we, ye yoba mudu okuo ede bage bage pi, uglo koglo koglo meglkwa i, kowano awano meglkwa.
20Ana Noa ere mogl, kogon kor ersre, ede wain ere yaglkwa. 21Ere yaglsre, mogo bogl yogwa igne, uro nuglo ere i wain edugwa. Edidre, tau ne, spak erukwa. Spak ersre, ye sel yugumo yugugl mogl, kuguglmo gaglmo gugl edidre, yokoko ugl paugwa. 22Yokoko ugl paugo, Ham, Kenan nem ikra, ede yugugl pi, nem yokoko ugl paugwa kanugwa. Kandre, aglke ede ikne meda u, agigle suo di togwa. 23Di togo, Siem ya Jafet prisre, kugugl gagl ta idre, kobano wagle padigl i ede pi neno yokoko pai moglmara tebe bi di tebrika. Ye yene mokono te, kan meda kra edidre, i pi tebe bi di tebrika pre neno yokoko paugwa kankribrika. 24Ana Noa spakmo dudugo, aduglkwa igne, ye wam okuo ikra erumere digwa prukwa. 25Prisre, ye yegl dugwa, Na Kenan di kide yei teiga. Ye gawama mogl atne kaima ede, nem komono suo gawanoma nigl kogono yoba moraiglmiwe dugwa. 26Didre, ye ere mogl, ka yegl dugwa, Yawe, Siem Godmo moglkwa i we, ye sigie kagie wanabuka. Ana Kenan we, ye gawama mogl atne ede, Siem gawama nigl kogono yoba moraiglkwa. 27Te, Jafet we, God ye gawama makano podo tenabuka. Tenan, Jafet gawama ya Siem gawama akie panaiglkwa. Paibi, Kenan gawama ye nigl kogono yoba moraiglmiwe di, yegl dugwa.
28Nigl kamun podo sugwa ikra dare ede atne pi kodugo, Noa okuo bugla yugu 350 ta ama mogl tebe edugwa. 29Ana Noa bugla yugu moglkwa i swara ede, 950 nedre, goglkwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission