Rom 10
10
Yoba Jisas kamo prisre keme pre medraiglkwa
1Agrama abarama wagle, na dena muduna mina prika i, Israel yoba mudu Jisas pre mediglbi, God ye ere inan, wakai panabedi prika. Yegl prika pre na Israel yoba pre kamage ere moglka. 2Na Israel yoba pre ka nogugl dinaglka i, ye kaima God kamo duglo boramnedi kogon podo ere meglkwa ba ye God kamo siragl mere paugwa i ye ka kaima ta pre kan erekrikwa. 3Yoba ye God gumuglo mina yoba du moraiglmedi konbauna ta yauro norukwa i, Israel yoba ta pre kan erekre, ye Mabuno wakai duglo boramnara i yoba du moramnedi prikwa. Yegl prikwa pre God yoba du moraiglmedi konbauna si norukwa i mina ukrikwa. 4God lomo dumere i, Krais ere kodugo, dudugwa. Yegl pre yoba ta lo duglo boglsre, ye yoba du morabuka i ta kuno erekrukwa ba yoba ta Jisas pre medraiglkwa swara i, God gumuglo mina yoba du moraiglkwa.
5Ana yoba God lomo duglo boglsre, God gumuglo mina yoba du moramnedi praiglkwa i pre Moses okna ibo ka ta yegl boglkwa, Yoba ta God lomo mudu duglo boran, ye kor morabiwe#10.5 Tawa Teigwa Yoba Kogon Erikwa 18.5 di, Moses ka yegl boglkwa. 6Yegl pre yoba lo duglo boglsre, kor morabuka panan, lo i mudu ege ege duglo borabuka paugwa ba yoba ta pre medraiglmara mina yoba du moraiglkwa i, kuno erukwa. I siragl pre Jisas kogon mudu ere kodugwa. God kamo bage swara ta mem i pre yegl dugwa,
Ene praiglkwa, Ira ede heven ibo pidre, Krais dokidre, agre yunabe? di,
deno muduno mina yegl praiglkwa ba i kuno ta erekrukwa. Siragl pre ye kade u kodugwa.
7Te, ene ama praiglkwa, Ira ede makan atne pidre, Krais ere i kor edenan, adigl unabe? di,
ene yegl praiglkwa i, ama kuno erekrukwa. Siragl pre God ye ere i kor ede kodumiwe#10.7 Pol ye God kamo bage ta idre, dugwa i, Lo 30.12 idre, dugwa, ba ye God Kere Yugwa yagl kagie i suna edidre, ye u kodugwa ya God ye ere i kor ede kodugwa i ama i suna edugwa.
di, God kamo yegl dugwa. 8Te, no yoba Jisas kamo pre medraiglmedi di wan munga i, yoba prisre, pre medraiglkwa i kuno erukwa. I siragl pre God kamo ama yegl dugwa, God kamo eglke yenan, ene pre pogl sikraiglkwa mere yegl ta manga. Ene deno muduno mina pre pogl sidre, drano mina God kamo di wan meglmiwe#10.8 Lo 30.14 di, yegl dugwa.
9Ana yoba ta ere mogl, Jisas ye Yagl Kade moglmiwe didre, nomane mina Jisas ye goglko, God ye ere i kor edumedi pre, pre medran, God yoba i ere inabuka. 10I siragl pre yoba ta dem muduo mina Jisas kamo pre medrabuka i, God ye yoba du moglmedi kanabuka. Te, ye dra mina didre, Jisas pre mediluwe dinan, God yoba i ere inabuka. 11Mem swara i pre God kamo bage ta yegl dugwa, Yoba ta ere mogl, God Yagl ta dedenan, unabuka i ta pre mediglbi, God yoba i ka kaima ere inabuka pre ye kide ta prikraiglmiwe#10.11 Aisaia 28.16 di, yegl dugwa. 12Juda yoba munga i mo yugobuno pere meda meglkwa i pra, God swara nono mudu Yaglno Kade moglsre, yoba ira ta ye agle digwa i, kogon podo ersre, ake ple di togwa. 13Mem i pre God kamo bage ta ama yegl dugwa, Yoba ta ere mogl, Yagl Kade na ere inabedi, agle dinan, ye kaima ere inabiwe#10.13 Joel 2.32 di,God kamo yegl dugwa.
14Ye ere inabuka ba ye pre mediglbi keme agle dinaiglkrawa. Te ka wakai ta prekribi, ye siragl mere pre medraiglme? Te ka wakai praiglkwa i, yoba pi dikribi, ta prekraiglkwa. 15Te yoba ka praiglmedi yoba ta dedekribi, ye siragl mere pi dinaiglme? Yegl pre God kamo bage ta okna beglkwa i mina yegl beglkwa, Yoba ta God kamo wakai i, i pi yoba pere ta di teigwa i, wakai kaima pamiwe#10.15 Aisaia 52.7 di, yegl beglkwa.
16Ana Jisas kamo wakai i, yoba ede bage bage pi, yoba di teigwa ba yoba tau prisre, mane digwa. God kamo kep yagl Aisaia okna mem i pre yegl boglkwa, Yagl Kade yo, no ene kanen i pi yoba di tomga ba ye pre mediglkrimiwe#10.16 Aisaia 53.1 di, yegl boglkwa. 17Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
18Ana Israel yoba we, ye Jisas kamo primo mo prikrime? Ye prikwa. God kamo bage ta yegl dugwa, Yoba God kamo digwa i, wai di ede pi uglo kogl koglo omiwe#10.18 Giglage 19.4 di, yegl dugwa. 19Yegl pre Israel yoba ama ye Jisas kamo prikwa. Ye prikwa ba ye pre pogl simo mo sikrimo? Ye Jisas kamo prisre, pre pogl sigwa ba ye pre pogl sidre, yene mane digwa. God okna ibo Israel yoba yegl eraiglmedi ka ta dugo, Moses bogl atne edugwa i, yegl dugwa,
Na yugobuno pere pere ere wakai ere tebo,
ene Israel yoba kandre, deno muduno u kide enan, kide praiglkwa.
Yugobuno tau ye nomano ta paikrumedi ene prikwa i, na kaima ere wakai ere tenaglka.
Ere wakai ere tebo, ene deno kubraiglmiwe#10.19 Lo 32.21
di, God ye yegl dumiwe di, Moses yegl boglkwa.
20God ye yugobuno pere pere ere wakai ere tenabuka i pre yagl Aisaia okna ibo God dra idre, ka giglede yegl boglkwa, Yoba bina na doko kankrikwa ba na nana na kanaiglmedi obuno di teiga, kanimiwe di, God yegl dumiwe#10.20 Aisaia 65.1 di, Aisaia yegl boglkwa. 21Aisaia ye yugobuno pere, meda pre yegl boglsre, Israel yoba pre ama yegl boglkwa, Na ege ege Israel yoba na moglka unaiglmedi agle di moglka ba ye na kana sedidre, duglo boglkrime di, God yegl dumiwe#10.21 Aisaia 65.2 di, yegl boglkwa.
Currently Selected:
Rom 10: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 10
10
Yoba Jisas kamo prisre keme pre medraiglkwa
1Agrama abarama wagle, na dena muduna mina prika i, Israel yoba mudu Jisas pre mediglbi, God ye ere inan, wakai panabedi prika. Yegl prika pre na Israel yoba pre kamage ere moglka. 2Na Israel yoba pre ka nogugl dinaglka i, ye kaima God kamo duglo boramnedi kogon podo ere meglkwa ba ye God kamo siragl mere paugwa i ye ka kaima ta pre kan erekrikwa. 3Yoba ye God gumuglo mina yoba du moraiglmedi konbauna ta yauro norukwa i, Israel yoba ta pre kan erekre, ye Mabuno wakai duglo boramnara i yoba du moramnedi prikwa. Yegl prikwa pre God yoba du moraiglmedi konbauna si norukwa i mina ukrikwa. 4God lomo dumere i, Krais ere kodugo, dudugwa. Yegl pre yoba ta lo duglo boglsre, ye yoba du morabuka i ta kuno erekrukwa ba yoba ta Jisas pre medraiglkwa swara i, God gumuglo mina yoba du moraiglkwa.
5Ana yoba God lomo duglo boglsre, God gumuglo mina yoba du moramnedi praiglkwa i pre Moses okna ibo ka ta yegl boglkwa, Yoba ta God lomo mudu duglo boran, ye kor morabiwe#10.5 Tawa Teigwa Yoba Kogon Erikwa 18.5 di, Moses ka yegl boglkwa. 6Yegl pre yoba lo duglo boglsre, kor morabuka panan, lo i mudu ege ege duglo borabuka paugwa ba yoba ta pre medraiglmara mina yoba du moraiglkwa i, kuno erukwa. I siragl pre Jisas kogon mudu ere kodugwa. God kamo bage swara ta mem i pre yegl dugwa,
Ene praiglkwa, Ira ede heven ibo pidre, Krais dokidre, agre yunabe? di,
deno muduno mina yegl praiglkwa ba i kuno ta erekrukwa. Siragl pre ye kade u kodugwa.
7Te, ene ama praiglkwa, Ira ede makan atne pidre, Krais ere i kor edenan, adigl unabe? di,
ene yegl praiglkwa i, ama kuno erekrukwa. Siragl pre God ye ere i kor ede kodumiwe#10.7 Pol ye God kamo bage ta idre, dugwa i, Lo 30.12 idre, dugwa, ba ye God Kere Yugwa yagl kagie i suna edidre, ye u kodugwa ya God ye ere i kor ede kodugwa i ama i suna edugwa.
di, God kamo yegl dugwa. 8Te, no yoba Jisas kamo pre medraiglmedi di wan munga i, yoba prisre, pre medraiglkwa i kuno erukwa. I siragl pre God kamo ama yegl dugwa, God kamo eglke yenan, ene pre pogl sikraiglkwa mere yegl ta manga. Ene deno muduno mina pre pogl sidre, drano mina God kamo di wan meglmiwe#10.8 Lo 30.14 di, yegl dugwa.
9Ana yoba ta ere mogl, Jisas ye Yagl Kade moglmiwe didre, nomane mina Jisas ye goglko, God ye ere i kor edumedi pre, pre medran, God yoba i ere inabuka. 10I siragl pre yoba ta dem muduo mina Jisas kamo pre medrabuka i, God ye yoba du moglmedi kanabuka. Te, ye dra mina didre, Jisas pre mediluwe dinan, God yoba i ere inabuka. 11Mem swara i pre God kamo bage ta yegl dugwa, Yoba ta ere mogl, God Yagl ta dedenan, unabuka i ta pre mediglbi, God yoba i ka kaima ere inabuka pre ye kide ta prikraiglmiwe#10.11 Aisaia 28.16 di, yegl dugwa. 12Juda yoba munga i mo yugobuno pere meda meglkwa i pra, God swara nono mudu Yaglno Kade moglsre, yoba ira ta ye agle digwa i, kogon podo ersre, ake ple di togwa. 13Mem i pre God kamo bage ta ama yegl dugwa, Yoba ta ere mogl, Yagl Kade na ere inabedi, agle dinan, ye kaima ere inabiwe#10.13 Joel 2.32 di,God kamo yegl dugwa.
14Ye ere inabuka ba ye pre mediglbi keme agle dinaiglkrawa. Te ka wakai ta prekribi, ye siragl mere pre medraiglme? Te ka wakai praiglkwa i, yoba pi dikribi, ta prekraiglkwa. 15Te yoba ka praiglmedi yoba ta dedekribi, ye siragl mere pi dinaiglme? Yegl pre God kamo bage ta okna beglkwa i mina yegl beglkwa, Yoba ta God kamo wakai i, i pi yoba pere ta di teigwa i, wakai kaima pamiwe#10.15 Aisaia 52.7 di, yegl beglkwa.
16Ana Jisas kamo wakai i, yoba ede bage bage pi, yoba di teigwa ba yoba tau prisre, mane digwa. God kamo kep yagl Aisaia okna mem i pre yegl boglkwa, Yagl Kade yo, no ene kanen i pi yoba di tomga ba ye pre mediglkrimiwe#10.16 Aisaia 53.1 di, yegl boglkwa. 17Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
18Ana Israel yoba we, ye Jisas kamo primo mo prikrime? Ye prikwa. God kamo bage ta yegl dugwa, Yoba God kamo digwa i, wai di ede pi uglo kogl koglo omiwe#10.18 Giglage 19.4 di, yegl dugwa. 19Yegl pre Israel yoba ama ye Jisas kamo prikwa. Ye prikwa ba ye pre pogl simo mo sikrimo? Ye Jisas kamo prisre, pre pogl sigwa ba ye pre pogl sidre, yene mane digwa. God okna ibo Israel yoba yegl eraiglmedi ka ta dugo, Moses bogl atne edugwa i, yegl dugwa,
Na yugobuno pere pere ere wakai ere tebo,
ene Israel yoba kandre, deno muduno u kide enan, kide praiglkwa.
Yugobuno tau ye nomano ta paikrumedi ene prikwa i, na kaima ere wakai ere tenaglka.
Ere wakai ere tebo, ene deno kubraiglmiwe#10.19 Lo 32.21
di, God ye yegl dumiwe di, Moses yegl boglkwa.
20God ye yugobuno pere pere ere wakai ere tenabuka i pre yagl Aisaia okna ibo God dra idre, ka giglede yegl boglkwa, Yoba bina na doko kankrikwa ba na nana na kanaiglmedi obuno di teiga, kanimiwe di, God yegl dumiwe#10.20 Aisaia 65.1 di, Aisaia yegl boglkwa. 21Aisaia ye yugobuno pere, meda pre yegl boglsre, Israel yoba pre ama yegl boglkwa, Na ege ege Israel yoba na moglka unaiglmedi agle di moglka ba ye na kana sedidre, duglo boglkrime di, God yegl dumiwe#10.21 Aisaia 65.2 di, yegl boglkwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission