Rom 9
9
God ye Israel yoba keme ere ikre, yugobuno pere pere ama ere yugwa
1-2Na erme ka dinaglka i, Krais gumuglo mina ka kaima di teiga. Te, , Israel yoba mere kide Jisas pre mediglkrikwa i pre na dena muduna ege ege yubun dogo, na ege ege kide pre, ye mitno podo kide goglka. Na ka diga i, ka kibi dikrika. Ka kaima diga i, Mudu Murubuglo ama kan pogl sugo, nana nomana mina ama pre kan erika. 3Na prika i, Israel yoba, na bogl bormai swara munga i, ye mudu pre medigl, Krais pre medunga yoba munara ede suna unaiglkwa i swara wakai panabuka. Na taragl swara ta eribo, ye mudu ede suna unaiglkwa i, na kaima eraglka. Na swara ede meda pidre, doga kade debo, Israel yoba mudu na againana idre, ede suna unaiglkwa mere panan, na pra we dinaglka. Yegl dinaglka ba God mabunomo yegl ta paikrukwa pre kuno ta erekrabuka.
4Israel yoba meglkwa i, ye tau mere pre mediglkrikwa ba God ye kaima ere wakai ere togwa pre ye mudu pre medraiglkwa i, kuno erukwa. God ye Israel ere wakai ere togwa i, ye na gagrama mere yegl moraiglmedi kere i pere edidre, ye abuglagemo kanaiglmedi ama i nogugl ede togwa. Yegl ersre, ye ama Israel yoba ka kaima tau mere di te padiglsre, ye lomo tedre, ye Na yuguna kei naraiglmiwe di, yegl di togwa. 5Abraham ya Aisak ya Jekop ki okna ibo meglkwa i, ye Israel yoba kowano awano meglkwa. Te, Krais Jisas ede makandigle u yoba moglkwa i, ye ama Israel yoba ta moglkwa. Krais ye God moglsre, taragl mudu nem yagl moglkwa pre nono ye kagie kade aimadi kamun tenamga paugwa. Ka kaima.
6Ana God ye Israel yoba ka kaima tau mere di te padiglsre, ye ere wakai ere tenagle dugwa ba erme Israel yoba tau mere Jisas pre mediglkre, meda meglkwa. Yegl paugwa pre God ye okna ka kaima tau Israel yoba di te paduglkwa i, ka dumere erabo mo erekrabe? God ye dumere ere, Israel yoba kaima ta meglkwa i, ere wakai ere tenabuka ba Israel yoba mudu meglkwa i, tau God kamo pre mediglsre, Israel yoba kaima meglkwa ba tau God kamo pre mediglkre, Israel yoba kaima mere yegl moglkrikwa. Yegl pre ye tau pre mediglkwa i keme ere wakai ere tenabuka. 7Israel yoba mudu Abraham gawama meglkwa ba ye Abraham gawama meglmara i pre ye Israel yoba kaima ta moglkre, te God gagiglma ama ta moglkrikwa. I nogugl paugwa, Abraham okna ibo yagl gak suo kuglkwa ba God ere mogl, ye yegl di togwa, Na ene gawanma mere moraiglme diga ikra, wan Aisak swara i ye wama ya gawama pre diwe#9.7 Oknayene Ibo 21.12 dugwa. 8Abraham ye yagl gak tau yene kuglkwa i, ye gawama okuo mogl eigwa i, God ye Abraham gawama meglmedi kankrukwa ba Abraham wam ta, God ka kaima di te paduglmara mina Abraham okuo kuglkwa, kagie Aisak we digwa i, ye gawama okuo mogl eigwa i keme Abraham gawama meglmedi kanugwa. Kuno yegl mere yoba ogono nagino mina Abraham gawama meglmara i pre ye God gagiglma ta moglkrikwa. 9God ye ka kaima ta Abraham di te padigl, wam ta kurabuka pre dugwa i, yegl dugwa, Na bugla yugu swara ta mogl, aglke ede ikne unaglka. Sara komono kana wam ta kuran, na unaluwe#9.9 Oknayene Ibo 18.10 di, God ye Aisak swara pre yegl dugwa.
10Ana God ye Aisak gawama i keme Israel yoba moraiglmedi kere yumere mere yegl, ye ama Rebeka wam suo, Jekop ya Iso miurara i, ye Jekop gawama keme Israel yoba moraiglmedi kere yugwa. Iso gawama kere ikrukwa. No Israel yoba kowano awano Aisak i, ye yagl gak Jekop ya Iso i suo akie kuglkwa. 11-12Suo akie kuglkwa ba God ere mogl, yene yoba tau Israel yoba moraiglmedi kere inagledi prumere gak swara keme kere yugwa. Gak pikagl suo i, mano ye kuglkrukwa igne God ere mogl, ye mano di te, yegl dugwa, Gak ta komono kuratnga i, ye gawama ere mogl, gak ta okuo kuratnga gawama i, niglno kogono ere tenaiglmiwe#9.11-12 Oknayene Ibo 25.23 dugwa. Igne i, yagl gak suo i Rebeka dane mina atne miurka pre ye mabuno wakai mo mabuno kide ta boglkribrika. Yegl pre nono pre pogl sinamga i, God ye Jekop gawama keme kere yugwa i, yagl gak suo i ebrie mabunono kandre, kere ikrukwa ba yene prumere kere yugwa. 13Te, God ye okna ibo Jekop gawama i keme Israel yoba moraiglmedi kere yugwa i, kaima yegl plau dugwa. God kamo kep yoba ta okuo ere mogl, God kamo bage ta yegl boglkwa, Na Jekop gawama wakai kaniga ba Iso gawama i, na kide kaniwe di, God yegl dumiwe#9.13 Malakai 1.2-3 di, yegl boglkwa.
14Ana nono siragl we dinamne? God ye Abraham gawama tau Israel yoba moraiglmedi kere idre, tau kere ikrukwa i, mabuno kide erume dinamno? Ta manugwa. God ye ege ege mabuno du keme erukwa pre ka kaima yegl ta dikramga. 15God ye okna Moses di togwa, Na yoba ta mitno goglsre, ere wakai ere tenagledi praglka i, kaima mitno goglsre, ere wakai ere tenaglka. Na nana wagle pamiwe#9.15 Isip Kide Kodigwa 33.19 di, yegl dugwa. 16Yegl pre nono pre pogl sinamga, yoba ta ere mogl, God na ere wakai ere narabedi prabuka mo kogon wakai ta erabuka i pre God ye ere wakai ere tekrabuka ba God ye yene yoba mitno goglsre, ta ere wakai ere tenagledi prabuka i, yene prumere erabuka.
17Te, God ye yoba ta ere kide ere tenagledi prukwa i, ama ye wagle paugwa. God kamo mina God ye okna ibo Isip kingno yegl di tome dugwa, Na ene king moratnedi kere iga i, na yobuglna ene mina i nogugl edibo, yoba kanibi, na kagna uglo kogl koglo wanabuka i pre kere iwe di, God yegl dume#9.17 Isip Kide Kodigwa 9.16 dugwa. 18Yegl pre nono pre pogl sinamga. God ye yoba ta mitno goglsre, ere wakai ere tenagledi prukwa i, ere wakai ere togwa ba ye yoba ta nomanemo kide paugwa i nomane kor i dinabedi si gigle di tenagledi prukwa i ama si gigle di togwa. Ye moglmara i paugwa.
19Ana na diga i, God yene yoba ta ere wakai ere tenagledi prabuka mo nomane kor i dinabedi si gigle di tenagledi prabuka mo i, ye mina pame diga. Yegl pre na prika. Yoba ta ka i prisre, yegl dinabuka, Yegl eran, yoba ta God kamo prikramnedi nomano gigle dinabuka i, ye yene aglau erekrikwa. God yene prumere ka di paduglmara keme erikwa pre God aglau erume di, yegl dinabuka. Yegl dinabuka ba i ta kuno erekrukwa. God aglau ta erekrukwa. 20Makandigle yoba ta ere mogl, God ye ere yogwa i ka tedre, Ene na kide moratnedi beke yeniwe#9.20 Aisaia 29.16, 45.9 di, yegl ta dinabuka i, kuno erumo? Kuno ta erekrukwa.
21God ye nono ere yogwa pre ye nem yagl moglkwa. Yegl pre ye siragl mere ere noragledi prabuka i, ye mina paugwa. Yoba ta makan koglwa idre, makan gaba sin ta bekenabuka i, ye nem yagl moglkwa pre ye sin swara ta kogon wakai pre bekidre, sin ta kogon kide pre bekidre, erabuka i, ye mina paugwa. 22God ye nono yoba mudu siragl mere ere noragledi prabuka i, erabuka keme paugwa ba ye mabuno kide ta ere norokrukwa. Nono yoba mudu mabuno wakai ere norukwa. Yoba tau yene doga denamnedi erikwa pre God dem kubro tedre, ka tage tenan inaiglkwa yoba i, God ye yobuglomo ya dem kubro togwa i kaima i nogugl edenagledi pra we dugwa ba ye tabre ka tage tekrukwa. Ye yoba i nomane kor inaiglmedi kanana sugl moglkwa. 23God yegl ersre, te ye ama yoba ta nono mitno goglsre, nono ere yugwa munga i, ye abuglagemo podo kide i, i nogugl ede norukwa. Okna kaima ibo ye abuglagemo sumara i mina nono akie moramnedi di padigl kodugwa. 24God ye nono akie moramnedi di padigl kodidre, nono agle dugo, umga. Ye nono agle dugwa i, Juda yoba keme agle dikrukwa ba yoba meda, yugobuno pere pere meglkwa i ama agle dugo, akie ede suna umga.
25Ana God ye Israel yoba keme agle dikre, yugobuno pere pere ama agle dugwa i, kuno erukwa. I siragl pre ye okna ibo ka ta dugo, ye kamo kep yagl ta kagie Hosea we digwa i, yegl boglkwa,
Yoba tau meda mogl, na yobanama moglkrikwa i,
na ere mogl, Na yobanama meglmiwe dinaglka.
Te, yoba tau na okna dena muduna tekrika i,
na dena muduna tenaluwe di, yegl dume#9.25 Hosea 2.23 dugwa.
26Te, Hosea ka ta ama yegl boglkwa,
God yegl dugwa, Yoba pere, dumo bage tau meglkwa, ye na yobanama moglkrime diga i,
yoba swara i na God Kor Aimadi moglka i ye di te,
Ene na gagrama meglmiwe di, yegl dinaluwe#9.26 Hosea 1.10
di, God yegl dume dugwa.
27Ana Israel yoba suom ta Jisas pre mediglkwa pre diga i, ama God kamo okna dumere mere kuno paugwa. Okna God kamo kep yagl Aisaia i, Israel yoba pre yegl dugwa,
Israel yoba pikaugl mere yegl, mere kide moraiglkwa
ba God suom keme ta ere inabuka.
28Ye yoba kuri ta ere idre,
tau ta moraiglkwa i tabre ka tage te kodinabiwe#9.28 Aisaia 10.22-23
di, Aisaia yegl dugwa 29Te, okna ibo Aisaia ka ta ama yegl boglkwa,
Yagl Kade God, ye yobuglomo podo kide paugwa i,
ye nono Israel yoba yugobunono mina
yoba suom ta kanige erukwa i erekruma,
nono Sodom ya Gomora yoba okna ibo mudu geglmere mere yegl gungo#9.29 Aisaia 1.9
we di, Aisaia yegl boglkwa.
Israel yoba mere ye Jisas pre mediglkrikwa
30Ana na Israel yoba ya yugobuno pere, meda meglkwa pre diga i, yegl pre diga, yoba yugobuno pere, meda meglkwa i, ye kogon podo erekre, mabuno du ta duglo boglkrikwa. Ye mabuno kide kane kane erikwa ba ye meglmara suna yoba tau pre mediglkwa i, ye pre mediglmara swara i mina God ye yoba du meglmedi kanugwa. 31Te, Israel yoba we, ye tau mere ere mogl, No God lomo duglo bun, God no yoba du meglmedi kanabiwe di, yegl di prisre, God lomo duglo boramnedi erikwa ba ye erimara i, God ye yoba du meglmedi kankrukwa.
32God ye Israel yoba du meglmedi kankrukwa i, i siragl pre ye pre mediglbi, God ye yoba du meglmedi kanabuka i, ye ta prikrikwa. Ye prikwa i, no nono mabuno wakai eramnara i mina yoba du moramniwe di prikwa. Israel yoba yegl prikwa pre ye Jisas kamo prikwa ba pre mediglkrikwa. Kobuglo ta konbauna suna paugo, yoba kobuglo i kaglno sidre, yage simere mere yegl, ye Jisas kamo pre mediglkrikwa pre yage sigwa. 33Okna ibo God kamo mina ye kamo kep yoba ta mem swara i pre yegl boglkwa,
Ene kanio! Na Yagl ta dumo Jerusalem#9.33 Ka beglkwa magigl i, dumo kagie Saion we digwa. Ba kagie Saion i, dumo Jerusalem kagie ta paugwa. unabedi dedenaglka i,
ye kobuglo ta konbauna suna paugwa mere yegl morabuka.
Yoba ta kobuglo kaglno sidre, yage simere mere yegl,
yoba ta ye pre mediglkraiglkwa i yage sinaiglkwa.
Yegl paugwa ba yoba ta ye pre medraiglkwa i,
ye yoba i kaima ere inabuka pre ye kide ta prikraiglmiwe#9.33 Aisaia 8.14, 28.16
di, yegl dugwa.
Currently Selected:
Rom 9: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 9
9
God ye Israel yoba keme ere ikre, yugobuno pere pere ama ere yugwa
1-2Na erme ka dinaglka i, Krais gumuglo mina ka kaima di teiga. Te, , Israel yoba mere kide Jisas pre mediglkrikwa i pre na dena muduna ege ege yubun dogo, na ege ege kide pre, ye mitno podo kide goglka. Na ka diga i, ka kibi dikrika. Ka kaima diga i, Mudu Murubuglo ama kan pogl sugo, nana nomana mina ama pre kan erika. 3Na prika i, Israel yoba, na bogl bormai swara munga i, ye mudu pre medigl, Krais pre medunga yoba munara ede suna unaiglkwa i swara wakai panabuka. Na taragl swara ta eribo, ye mudu ede suna unaiglkwa i, na kaima eraglka. Na swara ede meda pidre, doga kade debo, Israel yoba mudu na againana idre, ede suna unaiglkwa mere panan, na pra we dinaglka. Yegl dinaglka ba God mabunomo yegl ta paikrukwa pre kuno ta erekrabuka.
4Israel yoba meglkwa i, ye tau mere pre mediglkrikwa ba God ye kaima ere wakai ere togwa pre ye mudu pre medraiglkwa i, kuno erukwa. God ye Israel ere wakai ere togwa i, ye na gagrama mere yegl moraiglmedi kere i pere edidre, ye abuglagemo kanaiglmedi ama i nogugl ede togwa. Yegl ersre, ye ama Israel yoba ka kaima tau mere di te padiglsre, ye lomo tedre, ye Na yuguna kei naraiglmiwe di, yegl di togwa. 5Abraham ya Aisak ya Jekop ki okna ibo meglkwa i, ye Israel yoba kowano awano meglkwa. Te, Krais Jisas ede makandigle u yoba moglkwa i, ye ama Israel yoba ta moglkwa. Krais ye God moglsre, taragl mudu nem yagl moglkwa pre nono ye kagie kade aimadi kamun tenamga paugwa. Ka kaima.
6Ana God ye Israel yoba ka kaima tau mere di te padiglsre, ye ere wakai ere tenagle dugwa ba erme Israel yoba tau mere Jisas pre mediglkre, meda meglkwa. Yegl paugwa pre God ye okna ka kaima tau Israel yoba di te paduglkwa i, ka dumere erabo mo erekrabe? God ye dumere ere, Israel yoba kaima ta meglkwa i, ere wakai ere tenabuka ba Israel yoba mudu meglkwa i, tau God kamo pre mediglsre, Israel yoba kaima meglkwa ba tau God kamo pre mediglkre, Israel yoba kaima mere yegl moglkrikwa. Yegl pre ye tau pre mediglkwa i keme ere wakai ere tenabuka. 7Israel yoba mudu Abraham gawama meglkwa ba ye Abraham gawama meglmara i pre ye Israel yoba kaima ta moglkre, te God gagiglma ama ta moglkrikwa. I nogugl paugwa, Abraham okna ibo yagl gak suo kuglkwa ba God ere mogl, ye yegl di togwa, Na ene gawanma mere moraiglme diga ikra, wan Aisak swara i ye wama ya gawama pre diwe#9.7 Oknayene Ibo 21.12 dugwa. 8Abraham ye yagl gak tau yene kuglkwa i, ye gawama okuo mogl eigwa i, God ye Abraham gawama meglmedi kankrukwa ba Abraham wam ta, God ka kaima di te paduglmara mina Abraham okuo kuglkwa, kagie Aisak we digwa i, ye gawama okuo mogl eigwa i keme Abraham gawama meglmedi kanugwa. Kuno yegl mere yoba ogono nagino mina Abraham gawama meglmara i pre ye God gagiglma ta moglkrikwa. 9God ye ka kaima ta Abraham di te padigl, wam ta kurabuka pre dugwa i, yegl dugwa, Na bugla yugu swara ta mogl, aglke ede ikne unaglka. Sara komono kana wam ta kuran, na unaluwe#9.9 Oknayene Ibo 18.10 di, God ye Aisak swara pre yegl dugwa.
10Ana God ye Aisak gawama i keme Israel yoba moraiglmedi kere yumere mere yegl, ye ama Rebeka wam suo, Jekop ya Iso miurara i, ye Jekop gawama keme Israel yoba moraiglmedi kere yugwa. Iso gawama kere ikrukwa. No Israel yoba kowano awano Aisak i, ye yagl gak Jekop ya Iso i suo akie kuglkwa. 11-12Suo akie kuglkwa ba God ere mogl, yene yoba tau Israel yoba moraiglmedi kere inagledi prumere gak swara keme kere yugwa. Gak pikagl suo i, mano ye kuglkrukwa igne God ere mogl, ye mano di te, yegl dugwa, Gak ta komono kuratnga i, ye gawama ere mogl, gak ta okuo kuratnga gawama i, niglno kogono ere tenaiglmiwe#9.11-12 Oknayene Ibo 25.23 dugwa. Igne i, yagl gak suo i Rebeka dane mina atne miurka pre ye mabuno wakai mo mabuno kide ta boglkribrika. Yegl pre nono pre pogl sinamga i, God ye Jekop gawama keme kere yugwa i, yagl gak suo i ebrie mabunono kandre, kere ikrukwa ba yene prumere kere yugwa. 13Te, God ye okna ibo Jekop gawama i keme Israel yoba moraiglmedi kere yugwa i, kaima yegl plau dugwa. God kamo kep yoba ta okuo ere mogl, God kamo bage ta yegl boglkwa, Na Jekop gawama wakai kaniga ba Iso gawama i, na kide kaniwe di, God yegl dumiwe#9.13 Malakai 1.2-3 di, yegl boglkwa.
14Ana nono siragl we dinamne? God ye Abraham gawama tau Israel yoba moraiglmedi kere idre, tau kere ikrukwa i, mabuno kide erume dinamno? Ta manugwa. God ye ege ege mabuno du keme erukwa pre ka kaima yegl ta dikramga. 15God ye okna Moses di togwa, Na yoba ta mitno goglsre, ere wakai ere tenagledi praglka i, kaima mitno goglsre, ere wakai ere tenaglka. Na nana wagle pamiwe#9.15 Isip Kide Kodigwa 33.19 di, yegl dugwa. 16Yegl pre nono pre pogl sinamga, yoba ta ere mogl, God na ere wakai ere narabedi prabuka mo kogon wakai ta erabuka i pre God ye ere wakai ere tekrabuka ba God ye yene yoba mitno goglsre, ta ere wakai ere tenagledi prabuka i, yene prumere erabuka.
17Te, God ye yoba ta ere kide ere tenagledi prukwa i, ama ye wagle paugwa. God kamo mina God ye okna ibo Isip kingno yegl di tome dugwa, Na ene king moratnedi kere iga i, na yobuglna ene mina i nogugl edibo, yoba kanibi, na kagna uglo kogl koglo wanabuka i pre kere iwe di, God yegl dume#9.17 Isip Kide Kodigwa 9.16 dugwa. 18Yegl pre nono pre pogl sinamga. God ye yoba ta mitno goglsre, ere wakai ere tenagledi prukwa i, ere wakai ere togwa ba ye yoba ta nomanemo kide paugwa i nomane kor i dinabedi si gigle di tenagledi prukwa i ama si gigle di togwa. Ye moglmara i paugwa.
19Ana na diga i, God yene yoba ta ere wakai ere tenagledi prabuka mo nomane kor i dinabedi si gigle di tenagledi prabuka mo i, ye mina pame diga. Yegl pre na prika. Yoba ta ka i prisre, yegl dinabuka, Yegl eran, yoba ta God kamo prikramnedi nomano gigle dinabuka i, ye yene aglau erekrikwa. God yene prumere ka di paduglmara keme erikwa pre God aglau erume di, yegl dinabuka. Yegl dinabuka ba i ta kuno erekrukwa. God aglau ta erekrukwa. 20Makandigle yoba ta ere mogl, God ye ere yogwa i ka tedre, Ene na kide moratnedi beke yeniwe#9.20 Aisaia 29.16, 45.9 di, yegl ta dinabuka i, kuno erumo? Kuno ta erekrukwa.
21God ye nono ere yogwa pre ye nem yagl moglkwa. Yegl pre ye siragl mere ere noragledi prabuka i, ye mina paugwa. Yoba ta makan koglwa idre, makan gaba sin ta bekenabuka i, ye nem yagl moglkwa pre ye sin swara ta kogon wakai pre bekidre, sin ta kogon kide pre bekidre, erabuka i, ye mina paugwa. 22God ye nono yoba mudu siragl mere ere noragledi prabuka i, erabuka keme paugwa ba ye mabuno kide ta ere norokrukwa. Nono yoba mudu mabuno wakai ere norukwa. Yoba tau yene doga denamnedi erikwa pre God dem kubro tedre, ka tage tenan inaiglkwa yoba i, God ye yobuglomo ya dem kubro togwa i kaima i nogugl edenagledi pra we dugwa ba ye tabre ka tage tekrukwa. Ye yoba i nomane kor inaiglmedi kanana sugl moglkwa. 23God yegl ersre, te ye ama yoba ta nono mitno goglsre, nono ere yugwa munga i, ye abuglagemo podo kide i, i nogugl ede norukwa. Okna kaima ibo ye abuglagemo sumara i mina nono akie moramnedi di padigl kodugwa. 24God ye nono akie moramnedi di padigl kodidre, nono agle dugo, umga. Ye nono agle dugwa i, Juda yoba keme agle dikrukwa ba yoba meda, yugobuno pere pere meglkwa i ama agle dugo, akie ede suna umga.
25Ana God ye Israel yoba keme agle dikre, yugobuno pere pere ama agle dugwa i, kuno erukwa. I siragl pre ye okna ibo ka ta dugo, ye kamo kep yagl ta kagie Hosea we digwa i, yegl boglkwa,
Yoba tau meda mogl, na yobanama moglkrikwa i,
na ere mogl, Na yobanama meglmiwe dinaglka.
Te, yoba tau na okna dena muduna tekrika i,
na dena muduna tenaluwe di, yegl dume#9.25 Hosea 2.23 dugwa.
26Te, Hosea ka ta ama yegl boglkwa,
God yegl dugwa, Yoba pere, dumo bage tau meglkwa, ye na yobanama moglkrime diga i,
yoba swara i na God Kor Aimadi moglka i ye di te,
Ene na gagrama meglmiwe di, yegl dinaluwe#9.26 Hosea 1.10
di, God yegl dume dugwa.
27Ana Israel yoba suom ta Jisas pre mediglkwa pre diga i, ama God kamo okna dumere mere kuno paugwa. Okna God kamo kep yagl Aisaia i, Israel yoba pre yegl dugwa,
Israel yoba pikaugl mere yegl, mere kide moraiglkwa
ba God suom keme ta ere inabuka.
28Ye yoba kuri ta ere idre,
tau ta moraiglkwa i tabre ka tage te kodinabiwe#9.28 Aisaia 10.22-23
di, Aisaia yegl dugwa 29Te, okna ibo Aisaia ka ta ama yegl boglkwa,
Yagl Kade God, ye yobuglomo podo kide paugwa i,
ye nono Israel yoba yugobunono mina
yoba suom ta kanige erukwa i erekruma,
nono Sodom ya Gomora yoba okna ibo mudu geglmere mere yegl gungo#9.29 Aisaia 1.9
we di, Aisaia yegl boglkwa.
Israel yoba mere ye Jisas pre mediglkrikwa
30Ana na Israel yoba ya yugobuno pere, meda meglkwa pre diga i, yegl pre diga, yoba yugobuno pere, meda meglkwa i, ye kogon podo erekre, mabuno du ta duglo boglkrikwa. Ye mabuno kide kane kane erikwa ba ye meglmara suna yoba tau pre mediglkwa i, ye pre mediglmara swara i mina God ye yoba du meglmedi kanugwa. 31Te, Israel yoba we, ye tau mere ere mogl, No God lomo duglo bun, God no yoba du meglmedi kanabiwe di, yegl di prisre, God lomo duglo boramnedi erikwa ba ye erimara i, God ye yoba du meglmedi kankrukwa.
32God ye Israel yoba du meglmedi kankrukwa i, i siragl pre ye pre mediglbi, God ye yoba du meglmedi kanabuka i, ye ta prikrikwa. Ye prikwa i, no nono mabuno wakai eramnara i mina yoba du moramniwe di prikwa. Israel yoba yegl prikwa pre ye Jisas kamo prikwa ba pre mediglkrikwa. Kobuglo ta konbauna suna paugo, yoba kobuglo i kaglno sidre, yage simere mere yegl, ye Jisas kamo pre mediglkrikwa pre yage sigwa. 33Okna ibo God kamo mina ye kamo kep yoba ta mem swara i pre yegl boglkwa,
Ene kanio! Na Yagl ta dumo Jerusalem#9.33 Ka beglkwa magigl i, dumo kagie Saion we digwa. Ba kagie Saion i, dumo Jerusalem kagie ta paugwa. unabedi dedenaglka i,
ye kobuglo ta konbauna suna paugwa mere yegl morabuka.
Yoba ta kobuglo kaglno sidre, yage simere mere yegl,
yoba ta ye pre mediglkraiglkwa i yage sinaiglkwa.
Yegl paugwa ba yoba ta ye pre medraiglkwa i,
ye yoba i kaima ere inabuka pre ye kide ta prikraiglmiwe#9.33 Aisaia 8.14, 28.16
di, yegl dugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission