Rom 8
8
Mudu Murubuglo nono ere i kor edugwa
1Yegl pre Krais Jisas kogon erumara atne kra meglkwa i, God ka ta tage tekrabuka. 2I siragl pre okna tadaglme ya geglkwa lomo mina kane pamga i, Mudu Murubuglo lomo nono i meda edugo, fri munga. Mudu Murubuglo lomo i, Krais Jisas kogon erumara kiano ere i kor edugwa lomo yogwa.
3Nono deno muduno goglo bogl munga pre God lomo nono ere inabuka kuno erekrukwa. Kuno erekrukwa ba God yene Wam tadaglme kumap tenabedi dedidre, nono ere yugwa. Ye Wam tadaglme yoba ogono nagino kunere koglko, God ye ka tage tedre, tadaglme yobuglomo si dudugwa. 4Si dudugwa i, God lomo mabuno du pre dugwa i, nono deno muduno goglo duglo boglkre, Mudu Murubuglo duglo bun, munara plau dinabuka pre si dudugwa.
5Deno muduno goglo duglo beglkwa yoba i, pogglau boglkwa igne, taragl kane kane i eramnedi nomano si gigle digwa. Ba Mudu Murubuglo duglo beglkwa yoba i, ye eraiglmedi prumere i, eramniwe di nomano si gigle digwa. 6Te, yoba deno muduno goglo duglo boramnedi nomano si gigle digwa i, geglkwa plau dugwa. Te, Mudu Murubuglo duglo boramnedi nomano si gigle digwa i, kor meglkwa ya deno muduno wida dugwa i, plau dugwa. 7Deno muduno goglo duglo boramnedi prikwa i, God kuda bogl teigwa. I siragl pre ye nomane yegl igwa i, God lomo mina atne moraiglkwa kuno erekrukwa. Te, ye ama God lomo duglo boglkraiglkwa. 8Yegl paugwa pre yoba deno muduno goglo duglo bogl meglkwa i, God ye wakai kankrabuka.
9God Murubuglomo ene meglmara kaima moran, ene deno muduno goglo mina atne moglkre, Mudu Murubuglo moglmara atne kra meglkwa. Ba Krais Murubuglomo yoba ta moglmara atne moglkran, ye Krais yobamo ta moglkrukwa. 10Ene tadaglme erikwa pre ogono nagino gorabuka ba Krais ene meglmara suna moran, God gumuglo mina yoba du meglkwa pre Mudu Murubuglo ene ere i kor edugwa. 11Ene ogono gagno gorabe diga i, kaima diga ba God, ye Krais Jisas goglko, ere i kor edugwa God i, ye Murubuglomo ene meglmara atne moglkwa pre okuo ye ene ogono nagino ama ere i kor ede tenabuka.
Nono Mudu Murubuglo kamo duglo boramga paugwa
12Agrama abarama wagle, Mudu Murubuglo nono munara atne moglkwa pre nono kogono paugwa. Ba deno muduno goglo kogonmo ere tedre, duglo boramga ta manugwa. 13I siragl pre ene deno muduno goglo i ta duglo bogl meglbi, ene goraiglkwa. Yegl eraiglkwa ba ene God Murubuglo ene di tomere yegl ere, mabuno kide ogono nagino mina erikwa i kide kodibi, ene wakai moraiglkwa. 14Mudu Murubuglo Owo di teigwa i, ye kaima God gagiglema meglkwa.
15God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa. 16Nono God gagiglma munga i, God Murubuglo nono nomano mina di noro, Ene God gagiglma meglmiwe di, yegl di noruko, prumga. 17Te, God gagiglma munga pre God ye gagiglma taragl wakai kane kane inaiglmedi di paduglkwa i, ka kaima inamga. Krais okna yubun idre, giugl prumere yegl, nono erme ama yubun idre, giugl tau akie prumun, okuo nono Jisas abuglagemo sumara ye bogl akie moglsre, taragl wakai kane kane Jisas bogl akie inamga.
Nono okuo heven ibo wakai kaima moramga
18Ka kaima erme nono yubun idre, giugl tau prumga ba i taragl kebra yogwa. I siragl pre taragl wakai kane kane God okuo i nogugl ede norabuka i, taragl podo kide paugwa. 19Te, God taragl kane kane ere yogwa i, God ye gagiglma siragl mere okuo wakai moraiglkwa i, ye i nogugl edenabedi sugl mogl, kwie ere meglkwa mere yegl paugwa. 20-21I siragl pre okuo i, taragl kane kane God ere yogwa i, u wakai enabuka. Okna taragl kane kane God ere yogwa u kide ogwa i, taragl i yene u kide enagledi prikrukwa ba tadaglme plau dugwa igne God yene di kide yei togwa. Makandigle taragl kane kane God di kide yei tomara atne paigwa pre taragl mudu gogl, kide eraiglkwa keme paugwa. Yegl paugwa pre God di kide yei tomara taragl mudu atne kane pai meglkwa i kide kodo, ede meda enamnedi sugl meglkwa mere yegl paugwa. Okuo God ye gagiglma wakai kaima moraiglmedi i nogugl edenabuka igne, ye taragl mudu ere yogwa i ama u wakai kaima enabuka pre diga.
22God okna dumo makan di kide yei togwa igne i ede u ege erme pra, taragl kane kane paigwa i ye abu gak kuramnedi gagno giugl primere yegl taragl i mudu u wakai enamnba di giugl pre, gigln akin di, kwie ere meglkwa mere yegl paugwa. 23Te, nono ama deno muduno mina giugl prisre, gign akin dumga. God nono taragl wakai kane kane okuo norabuka pre ye Murubuglomo komono kana noruko, yumga. Yegl erukwa ba nono erme makandigle munga igne, giugl prisre, yubun i pai munga pre nono kwie ere mogl, God nono ye gagiglma munga i agre i ede heven ibo pidre, ogono nagino kor padigl norabedi sugl munga.
24God nono ere i kodugwa pre nono erme taragl wakai kane kane okuo inamga pre kwie ere munga. Nono makandigle taragl erme kandre, yumga i, inamnedi sugl moramga ta kuno erekrukwa. I kodumga pre inamnedi sugl moglkrumga. 25Ba nono heven ibo taragl ta ikrumga i, inamnedi kwie ere sugl munga pre nono oglka erekre, sugl mogl pai moramga keme paugwa.
26Ana God Murubuglo nono ege ege ake ple di norukwa. I siragl pre nono yoba munga i, yobuglno ta paikrukwa. Ege mere nono kamage ere, God ka siragl mere di pramga i, pre pogl sikrumga. Pre pogl sikrumga ba God Murubuglo yene ere mogl, nono mitno podo goglsre, gigln akin di, nono kano i pi God di togwa. Kano i pi God di togwa i, nono ka drano mina dikre, nomano mina keme gigln akin dumga ba God Murubuglo nono kano i pi God di togwa. 27God Murubuglo nono God yobama munga i kamage ere norukwa i, yene pre kan erumere kamage erekrukwa ba God Nem ta pre kan erumere yegl, ye agle di prukwa. Yegl pre God ye nono nomano ya deno muduno kan pogl sugwa moglkwa i, ye ama God Murubuglo nono pre ye agle di togwa i pre pogl sugwa.
28Ana God yene prumere nono agle dugo, nono erme ye yobama moglsre, deno muduno God tomga yoba munga. Ye yobama munga i, taragl kane kane kide ya wakai akie nono munara plau dugwa ba taragl kane kane plau dumara i, God ege ege nono ere wakai keme ere norukwa. 29Okna kaima ibo, yoba ira ta God konbauna sinabara mina unaiglkwa i, ye pre kan ere kodidre, yoba i ye Wam moglmere mere yegl moraiglmedi di padigl kodugwa. Ye prukwa i, Jisas nono agro komono mere yegl moran, nono ye agiglema abaugloma mere kide moraiglmedi prukwa. 30Te, God yoba ira ta Jisas moglmere mere yegl moraiglmedi di paduglkwa i, ye yoba i agle dugwa. Te, God yoba ta agle dugo, wigwa i, ye yoba du meglmedi kandre, ye gumuglo mina yoba i agre i pi heven ibo, ye abuglagemo sumara i, ede kodugwa mere yegl paugwa.
God nono dem muduo podo norukwa i, taragl swara ta si kegl dikrabuka
31Ana God nono yegl mere ere wakai ere norsre, nono munara mogl norukwa pre nono pre yubun dekramga. Yoba nono kudano ikne mere yegl mogl, ere kide ere noramnedi eraiglkwa ba God nono munara mogl norukwa pre i ta eribi, kuno erekrabuka. 32Te, ene prio! God okna ere mogl, yene Wam ake gi dikre, nono mudu pre gorabedi dedugwa. Taragl podo yegl ere kodugwa pre nono taragl kane kane ta inamga panabara i, God ama yoko kaima norabuka keme paugwa.
33Te, God nono kere i pere edidre, nono kanugwa i, yoba du meglmedi kan kodugwa. Yegl pre yoba ta ere mogl, ogono buglo sidre, Yoba i kide meglmiwe dinaiglkwa i, kuno ta erekrukwa. 34Krais Jisas nono pre goglsre, adigl u kor pidre, ye erme God ogo wo kra mogl, nono kano di moglkwa pre yoba ta ere mogl, Yoba i ye tadaglmeno pre ka tage inaiglmiwe di, yegl ta dinaiglkwa i ama kuno ta erekrukwa.
35Krais dem muduo podo kide norukwa pre taragl swara ta ye dem muduo podo norukwa i si kegl dinabuka kuno erekrukwa. Yubun unabuka mo giugl pramga mo yoba ta no ere kide ere noraiglkwa i, i mina ta si kegl dikraiglkwa. Te, kidan yenabuka mo kuguglno gaglno ta manabuka mo taragl kane kane no sinamnedi eraiglkwa mo ka kaima no sinaiglkwa i mina, Jisas nono dem muduo podo norukwa i ta si kegl dikraiglkwa. 36Nono ka kaima yubun tau yegl mere inamga i pre God kamo mina okna ibo yegl beglkwa,
God yo, no ene yobanma munga pre yoba ege ege no si goramnedi erikwa.
Ye no kanigwa i, ye sipsip ta si goraiglkwa mere yegl meglmedi no kanimiwe#8.36 Giglage 44.22
di, God kamo yegl dugwa. 37Taragl kane kane yegl plau dinabuka ba Jisas yene dem muduo podo norsre, yobuglo bogl norukwa pre taragl i nono ta si atne edekrabuka. Ka kaima ta manabuka. Nono ege ege yobuglo eramga.
38-39Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Currently Selected:
Rom 8: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 8
8
Mudu Murubuglo nono ere i kor edugwa
1Yegl pre Krais Jisas kogon erumara atne kra meglkwa i, God ka ta tage tekrabuka. 2I siragl pre okna tadaglme ya geglkwa lomo mina kane pamga i, Mudu Murubuglo lomo nono i meda edugo, fri munga. Mudu Murubuglo lomo i, Krais Jisas kogon erumara kiano ere i kor edugwa lomo yogwa.
3Nono deno muduno goglo bogl munga pre God lomo nono ere inabuka kuno erekrukwa. Kuno erekrukwa ba God yene Wam tadaglme kumap tenabedi dedidre, nono ere yugwa. Ye Wam tadaglme yoba ogono nagino kunere koglko, God ye ka tage tedre, tadaglme yobuglomo si dudugwa. 4Si dudugwa i, God lomo mabuno du pre dugwa i, nono deno muduno goglo duglo boglkre, Mudu Murubuglo duglo bun, munara plau dinabuka pre si dudugwa.
5Deno muduno goglo duglo beglkwa yoba i, pogglau boglkwa igne, taragl kane kane i eramnedi nomano si gigle digwa. Ba Mudu Murubuglo duglo beglkwa yoba i, ye eraiglmedi prumere i, eramniwe di nomano si gigle digwa. 6Te, yoba deno muduno goglo duglo boramnedi nomano si gigle digwa i, geglkwa plau dugwa. Te, Mudu Murubuglo duglo boramnedi nomano si gigle digwa i, kor meglkwa ya deno muduno wida dugwa i, plau dugwa. 7Deno muduno goglo duglo boramnedi prikwa i, God kuda bogl teigwa. I siragl pre ye nomane yegl igwa i, God lomo mina atne moraiglkwa kuno erekrukwa. Te, ye ama God lomo duglo boglkraiglkwa. 8Yegl paugwa pre yoba deno muduno goglo duglo bogl meglkwa i, God ye wakai kankrabuka.
9God Murubuglomo ene meglmara kaima moran, ene deno muduno goglo mina atne moglkre, Mudu Murubuglo moglmara atne kra meglkwa. Ba Krais Murubuglomo yoba ta moglmara atne moglkran, ye Krais yobamo ta moglkrukwa. 10Ene tadaglme erikwa pre ogono nagino gorabuka ba Krais ene meglmara suna moran, God gumuglo mina yoba du meglkwa pre Mudu Murubuglo ene ere i kor edugwa. 11Ene ogono gagno gorabe diga i, kaima diga ba God, ye Krais Jisas goglko, ere i kor edugwa God i, ye Murubuglomo ene meglmara atne moglkwa pre okuo ye ene ogono nagino ama ere i kor ede tenabuka.
Nono Mudu Murubuglo kamo duglo boramga paugwa
12Agrama abarama wagle, Mudu Murubuglo nono munara atne moglkwa pre nono kogono paugwa. Ba deno muduno goglo kogonmo ere tedre, duglo boramga ta manugwa. 13I siragl pre ene deno muduno goglo i ta duglo bogl meglbi, ene goraiglkwa. Yegl eraiglkwa ba ene God Murubuglo ene di tomere yegl ere, mabuno kide ogono nagino mina erikwa i kide kodibi, ene wakai moraiglkwa. 14Mudu Murubuglo Owo di teigwa i, ye kaima God gagiglema meglkwa.
15God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa. 16Nono God gagiglma munga i, God Murubuglo nono nomano mina di noro, Ene God gagiglma meglmiwe di, yegl di noruko, prumga. 17Te, God gagiglma munga pre God ye gagiglma taragl wakai kane kane inaiglmedi di paduglkwa i, ka kaima inamga. Krais okna yubun idre, giugl prumere yegl, nono erme ama yubun idre, giugl tau akie prumun, okuo nono Jisas abuglagemo sumara ye bogl akie moglsre, taragl wakai kane kane Jisas bogl akie inamga.
Nono okuo heven ibo wakai kaima moramga
18Ka kaima erme nono yubun idre, giugl tau prumga ba i taragl kebra yogwa. I siragl pre taragl wakai kane kane God okuo i nogugl ede norabuka i, taragl podo kide paugwa. 19Te, God taragl kane kane ere yogwa i, God ye gagiglma siragl mere okuo wakai moraiglkwa i, ye i nogugl edenabedi sugl mogl, kwie ere meglkwa mere yegl paugwa. 20-21I siragl pre okuo i, taragl kane kane God ere yogwa i, u wakai enabuka. Okna taragl kane kane God ere yogwa u kide ogwa i, taragl i yene u kide enagledi prikrukwa ba tadaglme plau dugwa igne God yene di kide yei togwa. Makandigle taragl kane kane God di kide yei tomara atne paigwa pre taragl mudu gogl, kide eraiglkwa keme paugwa. Yegl paugwa pre God di kide yei tomara taragl mudu atne kane pai meglkwa i kide kodo, ede meda enamnedi sugl meglkwa mere yegl paugwa. Okuo God ye gagiglma wakai kaima moraiglmedi i nogugl edenabuka igne, ye taragl mudu ere yogwa i ama u wakai kaima enabuka pre diga.
22God okna dumo makan di kide yei togwa igne i ede u ege erme pra, taragl kane kane paigwa i ye abu gak kuramnedi gagno giugl primere yegl taragl i mudu u wakai enamnba di giugl pre, gigln akin di, kwie ere meglkwa mere yegl paugwa. 23Te, nono ama deno muduno mina giugl prisre, gign akin dumga. God nono taragl wakai kane kane okuo norabuka pre ye Murubuglomo komono kana noruko, yumga. Yegl erukwa ba nono erme makandigle munga igne, giugl prisre, yubun i pai munga pre nono kwie ere mogl, God nono ye gagiglma munga i agre i ede heven ibo pidre, ogono nagino kor padigl norabedi sugl munga.
24God nono ere i kodugwa pre nono erme taragl wakai kane kane okuo inamga pre kwie ere munga. Nono makandigle taragl erme kandre, yumga i, inamnedi sugl moramga ta kuno erekrukwa. I kodumga pre inamnedi sugl moglkrumga. 25Ba nono heven ibo taragl ta ikrumga i, inamnedi kwie ere sugl munga pre nono oglka erekre, sugl mogl pai moramga keme paugwa.
26Ana God Murubuglo nono ege ege ake ple di norukwa. I siragl pre nono yoba munga i, yobuglno ta paikrukwa. Ege mere nono kamage ere, God ka siragl mere di pramga i, pre pogl sikrumga. Pre pogl sikrumga ba God Murubuglo yene ere mogl, nono mitno podo goglsre, gigln akin di, nono kano i pi God di togwa. Kano i pi God di togwa i, nono ka drano mina dikre, nomano mina keme gigln akin dumga ba God Murubuglo nono kano i pi God di togwa. 27God Murubuglo nono God yobama munga i kamage ere norukwa i, yene pre kan erumere kamage erekrukwa ba God Nem ta pre kan erumere yegl, ye agle di prukwa. Yegl pre God ye nono nomano ya deno muduno kan pogl sugwa moglkwa i, ye ama God Murubuglo nono pre ye agle di togwa i pre pogl sugwa.
28Ana God yene prumere nono agle dugo, nono erme ye yobama moglsre, deno muduno God tomga yoba munga. Ye yobama munga i, taragl kane kane kide ya wakai akie nono munara plau dugwa ba taragl kane kane plau dumara i, God ege ege nono ere wakai keme ere norukwa. 29Okna kaima ibo, yoba ira ta God konbauna sinabara mina unaiglkwa i, ye pre kan ere kodidre, yoba i ye Wam moglmere mere yegl moraiglmedi di padigl kodugwa. Ye prukwa i, Jisas nono agro komono mere yegl moran, nono ye agiglema abaugloma mere kide moraiglmedi prukwa. 30Te, God yoba ira ta Jisas moglmere mere yegl moraiglmedi di paduglkwa i, ye yoba i agle dugwa. Te, God yoba ta agle dugo, wigwa i, ye yoba du meglmedi kandre, ye gumuglo mina yoba i agre i pi heven ibo, ye abuglagemo sumara i, ede kodugwa mere yegl paugwa.
God nono dem muduo podo norukwa i, taragl swara ta si kegl dikrabuka
31Ana God nono yegl mere ere wakai ere norsre, nono munara mogl norukwa pre nono pre yubun dekramga. Yoba nono kudano ikne mere yegl mogl, ere kide ere noramnedi eraiglkwa ba God nono munara mogl norukwa pre i ta eribi, kuno erekrabuka. 32Te, ene prio! God okna ere mogl, yene Wam ake gi dikre, nono mudu pre gorabedi dedugwa. Taragl podo yegl ere kodugwa pre nono taragl kane kane ta inamga panabara i, God ama yoko kaima norabuka keme paugwa.
33Te, God nono kere i pere edidre, nono kanugwa i, yoba du meglmedi kan kodugwa. Yegl pre yoba ta ere mogl, ogono buglo sidre, Yoba i kide meglmiwe dinaiglkwa i, kuno ta erekrukwa. 34Krais Jisas nono pre goglsre, adigl u kor pidre, ye erme God ogo wo kra mogl, nono kano di moglkwa pre yoba ta ere mogl, Yoba i ye tadaglmeno pre ka tage inaiglmiwe di, yegl ta dinaiglkwa i ama kuno ta erekrukwa.
35Krais dem muduo podo kide norukwa pre taragl swara ta ye dem muduo podo norukwa i si kegl dinabuka kuno erekrukwa. Yubun unabuka mo giugl pramga mo yoba ta no ere kide ere noraiglkwa i, i mina ta si kegl dikraiglkwa. Te, kidan yenabuka mo kuguglno gaglno ta manabuka mo taragl kane kane no sinamnedi eraiglkwa mo ka kaima no sinaiglkwa i mina, Jisas nono dem muduo podo norukwa i ta si kegl dikraiglkwa. 36Nono ka kaima yubun tau yegl mere inamga i pre God kamo mina okna ibo yegl beglkwa,
God yo, no ene yobanma munga pre yoba ege ege no si goramnedi erikwa.
Ye no kanigwa i, ye sipsip ta si goraiglkwa mere yegl meglmedi no kanimiwe#8.36 Giglage 44.22
di, God kamo yegl dugwa. 37Taragl kane kane yegl plau dinabuka ba Jisas yene dem muduo podo norsre, yobuglo bogl norukwa pre taragl i nono ta si atne edekrabuka. Ka kaima ta manabuka. Nono ege ege yobuglo eramga.
38-39Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission