Rom 15
15
1Nono yoba tau kinano suo yeikruko, mie nomga i, nono keme nenamnedi erekramga. Nono pre medunga gigle dugwa i, gigle dikrukwa i, kide kankre, ake ple di tenamga paugwa. 2Agroma abaroma kide kankre, gun yenaiglmedi erumun, ye wakai mogl yakenaiglkwa. 3Krais moglkwa i, ye ama yegl erukwa. Ye yene wakai prabuka i pre ere wan moglkrukwa. Ye nono ake ple di noragledi yubun yugwa. God kamo mina yoba ta Jisas dra idre, yegl boglkwa,
God yo, yoba ene di kide yei tedre, ene ere kide ere tenamnedi erimara i mina na ama yubun iwe#15.3 Giglage 69.9
di, yegl boglkwa. 4Ana ene prio. God kamo siragl mere okna ibo beglkwa i, nono erme munga i ama beke inaiglmedi beglkwa. God kamo nono si gigledi noran, nono adigl gigledi mogl, God bogl okuo wakai kaima moramnedi sugl moramga i pre ye beglkwa.
5Ana God yoba deno muduno si gigle didre, adigl gigledi moraiglmedi erukwa God i, Krais Jisas yoba kanumere mere ene ikne ikne kanaiglmedi eran, 6ene kaima deno muduno swara yedre, ene u swara pi mogl, God kagie kade tenaiglkwa. God we diga i, ye nono Yaglno Kade Jisas Krais Nem moglsre, Godmo moglkwa i pre diga.
7Ana yegl pre Krais nono ere di i suna edumere mere yegl, ene agroma abaroma mudu ama di i suna edio. Ene yegl eribi, God kagie kade inabuka. 8Krais siragl mere erukwa i, ene prio! Ye ede makandigle ugwa i, ye yene wakai moragledi ukrukwa. God ye ege ege ka dumara adigl moglkwa pre ye okna ibo Juda yoba kowano awano ka kaima di te paduglkwa i kaima plau dinan, Juda yoba wakai moraiglkwa pre Jisas udre, niglno kogono yoba mere yegl moglkwa. 9Ba Jisas ugwa i, ye Juda yoba swara i keme wakai moraiglmedi ukrukwa. Ye u kogon erukwa i, Jentail yoba ama mitno goglsre, ere wakai ere tenan, yoba i ama kandre, God kagie kade tenaiglmedi u kogon erukwa. God kamo okna ibo beglkwa i, bage swara ta mem i pre yegl dugwa,
God yo, na yugobuno pere pere, meda meglmara i, ene kagn kade tedre,
Giglagenen dinaluwe#15.9 2 Samuel 22.50, Giglage 18.49
di, yegl dugwa.
10Ana God kamo yegl didre, bage ta ama yegl dugwa,
Ene Jentail yoba God yobama
Juda yoba i bogl akie gun yeio!#15.10 Lo 32.43
di, yegl dugwa. 11God kamo yegl didre, ama yegl dugwa,
Ene Jentail yoba Yaglno Kade kagie kade teo!#15.11 Giglage 117.1
di, yegl dugwa.
12Ana, God kamo kep yagl Aisaia ama ka swara ta yegl boglkwa,
King Devit nem, kagie Jesi we digwa i, ye gawamo ta okuo udre,
yugobuno pere pere meglkwa i, mudu i swara ede kingno mogl, suglno morabuka.
Ye unan, Jentail yoba ye swara no ere wakai ere norabedi pre gi dinaiglmiwe#15.12 Aisaia 11.10
di, yegl boglkwa.
13Ana ene God kamo pre mediglkwa pre ye ene meglmara nomane wakai tedre, ene gun yenaiglmedi ere, deno muduno wida di, ene meglmara padigl tenabedi prika. Yegl eran, te, Mudu Murubuglo ene yobuglo bogl tenan, ene okuo God bogl wakai kaima moraiglkwa i, ege ege pre gi di moraiglkwa. I siragl pre God nomane wakai ege ege ye yobama togo, ye okuo wakai kaima moramgra we di, pre gi digwa.
14Agrama abarama wagle, na prika, ene mabuno wakai bogl moglsre, God kamo okna prikwa i, ene pre pogl sigwa pre na pepa ta ene bogl tekria, ene ere mogl, God kamo okna primere i, enene ikne ikne beke inaiglkwa i, kuno eruko. 15Kuno erukwa ba na ka tau giglede boglka i, ene kor poglo di praiglkwa pre boglka. I siragl pre God yoko kaima ye na ere wakai ere narsre, kogon ta narukwa i, 16na Krais Jisas niglmo kogonmo yoba moglsre, ye kamo i pi ene yugobuno pere pere meglmara di tenatnedi kogon yegl narukwa. Na kogon narukwa i ersre, God kamo wakai yoba di te moglka i, yoba sipsip gagl, God tawa teimere yegl, na kogon erika i, kuno yegl mere erika. Yoba tawa gagl God teigo, God yumere mere yegl, na Jisas kamo yugobuno pere pere di teigo, yoba ta pre mediglkwa i, Mudu Murubuglo ye ere i God yobama edugo, God ye kan yugwa. Yegl pre na yoba i, i pi God teigo, ye yoba i kan yugwa mere yegl paugwa.
17God kogon yegl narukwa pre na gun yedre, kogon i ere moglka. Jisas Krais na yobuglo bogl naruko, God kogonmo erika i, u wakai ogwa pre na wakai pre, ene di teiga. 18Na nana kogon wakai erika pre dikrika. Kaima na nana yobra mina yegl erie dikraglka. Krais swara yobuglo bogl naruko, na kogon ersre, God kamo yoba di teiga. Kogon yegl eriko, yoba yugobuno pere pere, meda meglkwa i tau mere God kamo prisre, duglo beglkwa i pre na gun yedre, ene di teiga. 19God Murubuglo yobuglo bogl naruko, na kimagl kane kane ersre, Krais kamo wakai i, yoba di teiga. Na dumo Jerusalem Jisas kamo yoba di tedre, ede pi bage bage di tedre, ede eglke kaima pi provins ta Ilirikum we dimara i ama Jisas kamo yoba di tei kodiga.
20Na okna kogon mabuno bogl erika igne ede u erme ugwa i, na ege ege yegl kinana gudu prika, yoba tau ede okna pi Krais kamo yoba di teimara i, aglke kor dagl ta pi di tekragledi prika. Na prika i, Jisas kamo wakai i, i pi yoba ta okna prikrimara i keme di tenagledi prika. 21God kamo bage ta mem i pre yegl dugwa,
Yoba ye ka okna ta di teigo, prikrikwa i, ye ama prisre,
pre pogl sinaiglmiwe#15.21 Aisaia 52.15
di, yegl dugwa. 22Na ege mere ene meglmara unagledi prika ba kogon mere paugo, ukrika i, mem swara i paugwa. Na Jisas kamo i pi yoba ta prikrimara di tenagledi prika swara i pre kogon podo paugo, na u ene kankrika.
Pol Rom yoba meglmara unagledi prie dugwa
23Na bugla yugu tau mere ene meglmara u kanagledi prika ba kogon mere paugwa pre okna na ene meglmara u ene kanaglka i, kuno erekrukwa. Kuno erekrukwa ba erme na dumo tau kogon ere wan moglmara i, ere kodiga pre erme ka kaima ene meglmara unaglka kuno erabedi prika. 24Erme na kantri Spen we dimara i, pi kogon eragledi prika pre na Spen enagledi unaglka igne i komono kana ene meglmara u kandre, okuo ede Spen enagledi prika. Na wibo, ene bogl ege tau akie mun, na wakai kaima prisre, okuo ede Spen enaglka. Te, na ama prika i, ene bogl akie mun, ene na ake ple di narsre, dedibi, na ede kantri Spen enagledi prika.
25-26Ana na yegl mere ere, wan u ene meglmara unagledi prika ba komono kana na ede Jerusalem enaglka paugwa. I siragl pre nono agroma abaroma provins Masedonia ya Akaia suna meglkwa i, ye yene wakai primere mige moni tau makai sidre, pre mediglkwa yoba God yobama dumo Jerusalem meglkwa i, ake ple di tenamnedi makai sigwa. Agroma abaroma dumo Jerusalem meglkwa i, yubun idre, tau mige moni ya ki ta kan nekrikwa pre ye mige tau makai sidre, na i pi tenatnedi narikwa. Yegl pre na i pi tedre, okuo ene meglmara unaglka paugwa.
27Agroma abaroma provins Masedonia ya Akaia i, ye yene wakai primere mige makai sigwa i, ye ake ple di tenaiglkwa paugwa pre kuno erukwa. I siragl pre Juda yoba Jisas kamo pre mediglkwa, dumo Jerusalem meglkwa i, ye Jisas kamo i pi yoba bina di teimara i, Jisas kamo wai dugo, Masedonia ya Akaia yoba ama akie Jisas kamo prisre, ye Juda yoba bogl akie kiano mina wakai meglkwa. Juda yoba kogon yegl eriko, ye kiano mina wakai meglkwa pre ye gun yeimara i, kan ikne ede, Juda yoba ogono nagino mina ake ple di tenaiglkwa i kuno erukwa.
28Ana kogon yegl paugwa pre yoba mige makai si narikwa i, na i pi Jerusalem pre mediglkwa yoba tedre, okuo na u ene kandre, ede kantri Spen enaglka. 29Na prika, na u ene kanaglmara i, Krais ene meglmara kogon podo erse, ene ere wakai ere tenabedi prika.
30Agrama abarama wagle, nono Yaglno Kade Jisas Krais moglmara atne kra mungo, God Murubuglo nono deno muduno ikne ikne tenaiglmedi erukwa pre na ene di tenaglka i, ene na kogon erimara ake ple di naramnedi pribi, ene na pre God agle di prisre, kamage ere nario. 31Ene kamage eraiglkwa i, yoba distrik Judia mogl, Jisas kamo pre mediglkrikwa i na sinamnedi eribi, God na kugl bogl narabedi kamage ersre, te na mige moni i pi pre mediglkwa yoba, God yobama dumo Jerusalem meglkwa tenaglka i, ye gun yedre, inaiglmedi kamage erio. 32God yegl mere ake ple di narsre, na ene meglmara unatnedi pran, pra na gun yedre, ene meglmara unaglka. Wibo, ene bogl akie mun, na kuri ta mogl, ir si prisre, aglke ede kantri Spen enaglka.
33Ana deno muduno wida di padigl norukwa God i, ene meglmara mogl tenabedi prika. Kaima.
Currently Selected:
Rom 15: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 15
15
1Nono yoba tau kinano suo yeikruko, mie nomga i, nono keme nenamnedi erekramga. Nono pre medunga gigle dugwa i, gigle dikrukwa i, kide kankre, ake ple di tenamga paugwa. 2Agroma abaroma kide kankre, gun yenaiglmedi erumun, ye wakai mogl yakenaiglkwa. 3Krais moglkwa i, ye ama yegl erukwa. Ye yene wakai prabuka i pre ere wan moglkrukwa. Ye nono ake ple di noragledi yubun yugwa. God kamo mina yoba ta Jisas dra idre, yegl boglkwa,
God yo, yoba ene di kide yei tedre, ene ere kide ere tenamnedi erimara i mina na ama yubun iwe#15.3 Giglage 69.9
di, yegl boglkwa. 4Ana ene prio. God kamo siragl mere okna ibo beglkwa i, nono erme munga i ama beke inaiglmedi beglkwa. God kamo nono si gigledi noran, nono adigl gigledi mogl, God bogl okuo wakai kaima moramnedi sugl moramga i pre ye beglkwa.
5Ana God yoba deno muduno si gigle didre, adigl gigledi moraiglmedi erukwa God i, Krais Jisas yoba kanumere mere ene ikne ikne kanaiglmedi eran, 6ene kaima deno muduno swara yedre, ene u swara pi mogl, God kagie kade tenaiglkwa. God we diga i, ye nono Yaglno Kade Jisas Krais Nem moglsre, Godmo moglkwa i pre diga.
7Ana yegl pre Krais nono ere di i suna edumere mere yegl, ene agroma abaroma mudu ama di i suna edio. Ene yegl eribi, God kagie kade inabuka. 8Krais siragl mere erukwa i, ene prio! Ye ede makandigle ugwa i, ye yene wakai moragledi ukrukwa. God ye ege ege ka dumara adigl moglkwa pre ye okna ibo Juda yoba kowano awano ka kaima di te paduglkwa i kaima plau dinan, Juda yoba wakai moraiglkwa pre Jisas udre, niglno kogono yoba mere yegl moglkwa. 9Ba Jisas ugwa i, ye Juda yoba swara i keme wakai moraiglmedi ukrukwa. Ye u kogon erukwa i, Jentail yoba ama mitno goglsre, ere wakai ere tenan, yoba i ama kandre, God kagie kade tenaiglmedi u kogon erukwa. God kamo okna ibo beglkwa i, bage swara ta mem i pre yegl dugwa,
God yo, na yugobuno pere pere, meda meglmara i, ene kagn kade tedre,
Giglagenen dinaluwe#15.9 2 Samuel 22.50, Giglage 18.49
di, yegl dugwa.
10Ana God kamo yegl didre, bage ta ama yegl dugwa,
Ene Jentail yoba God yobama
Juda yoba i bogl akie gun yeio!#15.10 Lo 32.43
di, yegl dugwa. 11God kamo yegl didre, ama yegl dugwa,
Ene Jentail yoba Yaglno Kade kagie kade teo!#15.11 Giglage 117.1
di, yegl dugwa.
12Ana, God kamo kep yagl Aisaia ama ka swara ta yegl boglkwa,
King Devit nem, kagie Jesi we digwa i, ye gawamo ta okuo udre,
yugobuno pere pere meglkwa i, mudu i swara ede kingno mogl, suglno morabuka.
Ye unan, Jentail yoba ye swara no ere wakai ere norabedi pre gi dinaiglmiwe#15.12 Aisaia 11.10
di, yegl boglkwa.
13Ana ene God kamo pre mediglkwa pre ye ene meglmara nomane wakai tedre, ene gun yenaiglmedi ere, deno muduno wida di, ene meglmara padigl tenabedi prika. Yegl eran, te, Mudu Murubuglo ene yobuglo bogl tenan, ene okuo God bogl wakai kaima moraiglkwa i, ege ege pre gi di moraiglkwa. I siragl pre God nomane wakai ege ege ye yobama togo, ye okuo wakai kaima moramgra we di, pre gi digwa.
14Agrama abarama wagle, na prika, ene mabuno wakai bogl moglsre, God kamo okna prikwa i, ene pre pogl sigwa pre na pepa ta ene bogl tekria, ene ere mogl, God kamo okna primere i, enene ikne ikne beke inaiglkwa i, kuno eruko. 15Kuno erukwa ba na ka tau giglede boglka i, ene kor poglo di praiglkwa pre boglka. I siragl pre God yoko kaima ye na ere wakai ere narsre, kogon ta narukwa i, 16na Krais Jisas niglmo kogonmo yoba moglsre, ye kamo i pi ene yugobuno pere pere meglmara di tenatnedi kogon yegl narukwa. Na kogon narukwa i ersre, God kamo wakai yoba di te moglka i, yoba sipsip gagl, God tawa teimere yegl, na kogon erika i, kuno yegl mere erika. Yoba tawa gagl God teigo, God yumere mere yegl, na Jisas kamo yugobuno pere pere di teigo, yoba ta pre mediglkwa i, Mudu Murubuglo ye ere i God yobama edugo, God ye kan yugwa. Yegl pre na yoba i, i pi God teigo, ye yoba i kan yugwa mere yegl paugwa.
17God kogon yegl narukwa pre na gun yedre, kogon i ere moglka. Jisas Krais na yobuglo bogl naruko, God kogonmo erika i, u wakai ogwa pre na wakai pre, ene di teiga. 18Na nana kogon wakai erika pre dikrika. Kaima na nana yobra mina yegl erie dikraglka. Krais swara yobuglo bogl naruko, na kogon ersre, God kamo yoba di teiga. Kogon yegl eriko, yoba yugobuno pere pere, meda meglkwa i tau mere God kamo prisre, duglo beglkwa i pre na gun yedre, ene di teiga. 19God Murubuglo yobuglo bogl naruko, na kimagl kane kane ersre, Krais kamo wakai i, yoba di teiga. Na dumo Jerusalem Jisas kamo yoba di tedre, ede pi bage bage di tedre, ede eglke kaima pi provins ta Ilirikum we dimara i ama Jisas kamo yoba di tei kodiga.
20Na okna kogon mabuno bogl erika igne ede u erme ugwa i, na ege ege yegl kinana gudu prika, yoba tau ede okna pi Krais kamo yoba di teimara i, aglke kor dagl ta pi di tekragledi prika. Na prika i, Jisas kamo wakai i, i pi yoba ta okna prikrimara i keme di tenagledi prika. 21God kamo bage ta mem i pre yegl dugwa,
Yoba ye ka okna ta di teigo, prikrikwa i, ye ama prisre,
pre pogl sinaiglmiwe#15.21 Aisaia 52.15
di, yegl dugwa. 22Na ege mere ene meglmara unagledi prika ba kogon mere paugo, ukrika i, mem swara i paugwa. Na Jisas kamo i pi yoba ta prikrimara di tenagledi prika swara i pre kogon podo paugo, na u ene kankrika.
Pol Rom yoba meglmara unagledi prie dugwa
23Na bugla yugu tau mere ene meglmara u kanagledi prika ba kogon mere paugwa pre okna na ene meglmara u ene kanaglka i, kuno erekrukwa. Kuno erekrukwa ba erme na dumo tau kogon ere wan moglmara i, ere kodiga pre erme ka kaima ene meglmara unaglka kuno erabedi prika. 24Erme na kantri Spen we dimara i, pi kogon eragledi prika pre na Spen enagledi unaglka igne i komono kana ene meglmara u kandre, okuo ede Spen enagledi prika. Na wibo, ene bogl ege tau akie mun, na wakai kaima prisre, okuo ede Spen enaglka. Te, na ama prika i, ene bogl akie mun, ene na ake ple di narsre, dedibi, na ede kantri Spen enagledi prika.
25-26Ana na yegl mere ere, wan u ene meglmara unagledi prika ba komono kana na ede Jerusalem enaglka paugwa. I siragl pre nono agroma abaroma provins Masedonia ya Akaia suna meglkwa i, ye yene wakai primere mige moni tau makai sidre, pre mediglkwa yoba God yobama dumo Jerusalem meglkwa i, ake ple di tenamnedi makai sigwa. Agroma abaroma dumo Jerusalem meglkwa i, yubun idre, tau mige moni ya ki ta kan nekrikwa pre ye mige tau makai sidre, na i pi tenatnedi narikwa. Yegl pre na i pi tedre, okuo ene meglmara unaglka paugwa.
27Agroma abaroma provins Masedonia ya Akaia i, ye yene wakai primere mige makai sigwa i, ye ake ple di tenaiglkwa paugwa pre kuno erukwa. I siragl pre Juda yoba Jisas kamo pre mediglkwa, dumo Jerusalem meglkwa i, ye Jisas kamo i pi yoba bina di teimara i, Jisas kamo wai dugo, Masedonia ya Akaia yoba ama akie Jisas kamo prisre, ye Juda yoba bogl akie kiano mina wakai meglkwa. Juda yoba kogon yegl eriko, ye kiano mina wakai meglkwa pre ye gun yeimara i, kan ikne ede, Juda yoba ogono nagino mina ake ple di tenaiglkwa i kuno erukwa.
28Ana kogon yegl paugwa pre yoba mige makai si narikwa i, na i pi Jerusalem pre mediglkwa yoba tedre, okuo na u ene kandre, ede kantri Spen enaglka. 29Na prika, na u ene kanaglmara i, Krais ene meglmara kogon podo erse, ene ere wakai ere tenabedi prika.
30Agrama abarama wagle, nono Yaglno Kade Jisas Krais moglmara atne kra mungo, God Murubuglo nono deno muduno ikne ikne tenaiglmedi erukwa pre na ene di tenaglka i, ene na kogon erimara ake ple di naramnedi pribi, ene na pre God agle di prisre, kamage ere nario. 31Ene kamage eraiglkwa i, yoba distrik Judia mogl, Jisas kamo pre mediglkrikwa i na sinamnedi eribi, God na kugl bogl narabedi kamage ersre, te na mige moni i pi pre mediglkwa yoba, God yobama dumo Jerusalem meglkwa tenaglka i, ye gun yedre, inaiglmedi kamage erio. 32God yegl mere ake ple di narsre, na ene meglmara unatnedi pran, pra na gun yedre, ene meglmara unaglka. Wibo, ene bogl akie mun, na kuri ta mogl, ir si prisre, aglke ede kantri Spen enaglka.
33Ana deno muduno wida di padigl norukwa God i, ene meglmara mogl tenabedi prika. Kaima.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission