Rom 16
16
Pol ka las dugwa
1Ana abaro Fibi ye kuri ta mogl, no kide kodo, ene meglmara unabuka. Ye unan, ene ye kogl kare di, di inaiglmedi prika. Fibi i, ye Jisas yugobunomo dumo Senkria meglkwa i, ake ple di togwa abu moglkwa. 2Ye kogon yegl ersre, yoba tau mere ama ake ple di togwa. Te, ye ama na ake ple di narukwa pre na ene di prika i, ye ene meglmara unan, ene ye bogl akie Yagl Kade gagiglma munedi prisre, Fibi kogon siragl mere ta erabuka i, ene ye ake ple di tenaiglmedi prika. Nono God yobama munga i, nono mabuno yegl ere, ikne ikne ake ple di tenamga i, kuno erukwa.
3Ana abu Prisila ye wie Akwila bogl dumo Rom miurka i, ye di teo. Na ye di wakai yei teiga. Prisila ya Akwila i, no akie Krais Jisas kogonmo erumga. 4Te, yagl abu suo i, ye okna na ake ple di naribrika pre yoba ye si goramnedi erikwa ba ye na kide kodokribrika pre na ye gun yei te, wakai we di teiga. Na swara keme yagl abu suo i wakai we di tekrika ba yoba yugobuno pere pere dumo bage bage ta meglmara, pre mediglkwa yoba ta makai sigwa i ama ye eribrika i kano digo prisre, wakai we di teigwa. 5Yegl pre na yagl abu suo i di wakai yei tedre, te yoba Jisas yugobunomo mina ye kipabrara akie ta makai si moraiglkwa i ama di wakai yei teiga.
Ana na kabaglena Epainetus, ye provins Esia suna komono kana Krais pre meduglkwa i, di wakai yei teiga. 6Te, na abu Maria ama di wakai yei teiga. Ye ene ake ple di tedre, kogon podo ene meglmara ere togwa. 7Te, Andronikus ya Junias no bormai swara munga i, ye ama di wakai yei teiga. Yagl suo i ye komono kana Krais yugobunomo mina ede suna ubriko, na mokonomugl ede suna wiga. Ye Jisas dedugwa yoba munara suna i, kogon podo eribrika. Te, okna no akie no si kane sigo, kane yugu akie pamga.
8Ama nono Yaglno Kade yugobunomo mina suna munara, yagl Ampliatus, ye na bogl boma daguma kaima muglka i, di wakai yei teiga. 9Te, na Urbanus, ye no yoba tau bogl akie Krais kogonmo erumga i, di wakai yei tedre, Stakis no boma daguma muglka i ama di wakai yei teiga.
10Ana na ama Apeles di wakai yei teiga. Ye Krais kogonmo erumara pre yubun yugwa ba yage sikre, adigl giglede moglkwa. Te, Aristobulus nem agiglema meglkwa i, ama di wakai yei teiga. 11Na yoba i di wakai yei tedre, Herodion, no bormai swara muglka i ama di wakai yei tedre, Narsisus nem agiglema ta Yagl Kade yugobunomo mina meglkwa i ama di wakai yei teiga.
12Ana, na abu suo Trifina ya Trifosa ama di wakai yei teiga. Ye nono Yaglno Kade kogonmo podo eribrika. Te, abu Persis ama di wakai yei teiga. Ye na abara mere yegl moglsre, Yaglno Kade kogonmo ama podo erukwa. 13Te, yagl Rufus ama di wakai yei teiga. Ye Yaglno Kade kamo ake gi didre, yoba tau mere duglo boglkrimere ye duglo boglkwa. Ye di wakai yei tedre, mam ama di wakai yei teiga. Ye mam i, na mana mere yegl moglkwa.
14Ana, na nokanma wagle Asinkritus ya Flegon ya Hermes ya Patrobas ya Hermas di wakai yei tedre, agroma abaroma tau ye bogl akie makai si meglkwa i ama di wakai yei teiga. 15Te, nokanma tau, Filologus ya Julia, ya Nereus abauglo bogl, ya te Olimpas ya te, God yobama bogl ye yene akie makai si meglkwa i, ama mudu di wakai yei teiga.
16Ene agro abaro, pre mediglkwa yoba ta moraiglkwa i, ene akie God yobama munedi prisre, ye kogl kare di idre, di wakai yei teo. Te, yoba Krais yugobunomo mina dumo pere pere meglkwa i, na ye drano idre, na ene di wakai yei teiga.
17Agrama abarama wagle, na ka ta ama ene di tenagledi prika i, yegl paugwa. Yoba tau ene meglmara si pere pere edinamnedi ersre, yoba ene God kamo beke teigo, primere i dikre, ka pere ta didre, ene yage sinaiglmedi eraiglkwa i, ene kan kun ersre, ye bogl akie moglkrio. 18Yoba yegl mere ta erikwa i, ye nono Yaglno Kade Krais niglmo kogonmo yoba ta moglkrikwa. Ye yene kagno kade idre, taragl mere i nenamnedi ere wan meglkwa. Ye yoba tau nomano gigle dikrukwa i gun yenaiglmedi ka dogon erukwa didre, ama ka kibi kane kane didre, ye kinano sigo, ye kaima dimedi prikwa. 19Yoba ere mogl, Rom pre mediglkwa yoba ye God kamo duglo bogl meglmiwe di, di wai digo, ene kano i ede uglo kogl koglo ogwa pre na prisre, ene gun podo yei teiga. Na prika ene ta yage sikraiglkwa ba ene kan kun eraiglkwa pre na ene ka di teiga. Na prika i, mabuno kide ene nomano mina paikran, mabuno wakai keme ene nomano mina kau sinabedi prika.
20Ana nono deno muduno wida di padigl norukwa God i, ye Satan kuda bogl tedre, yobuglomo egre atne edenabuka ege i, ede magigl u kodugwa. God yegl ere, Satan yobuglomo si dudinan, Satan ene okuo kuda bogl tekrabuka. Te, na prika, nono Yaglno Kade Jisas ene aimadi yoko kaima ere wakai ere te morabedi prika.
21Ana Timoti, ye na bogl akie kogon ere muglka i, ene di wakai yei togwa. Te, Lusius ya Jeson ya Sosipater, no bormai swara munga i, ye ene ama di wakai yei teigwa. 22Te, Tertius, ka ene erme prikwa i na mudu di teigo, ye bogl atne ede narukwa i, ene Yaglno Kade yugobunomo mina akie munga i pre ye ene di wakai yei togwa. 23-24Te, Gaius, ye kipamara no akie pai muglka i, ene ama di wakai yei togwa. Gaius kipamara i no akie pai muglko, Jisas yugobunomo dumo i akie munga i, ye kipamara ama akie makai sumga. Te, Erastus, ye dumo i gavman migeno sugl moglkwa yagl i, ama ene di wakai yei togwa. Te, nono agro Kwartus ama ene di wakai yei togwa.
25-26Ana na Jisas Krais kamo wakai i, yoba di te wan moglsre, ka i ene ama beke teiga. Yegl pre ka i mina God ene si gigledi tenabuka. Jisas kamo wakai i, God okna ibo teke paduglkwa. Okna ibo teke paduglkwa ba God kamo kep yoba okna ibo ka bogl atne edimara i mina ye Jisas kamo i okuo u nogugl enabedi bogl atne edigwa. Bogl atne edimere yegl, kaima erme u nogugl ogwa. U nogugl ogo, God, ye aimadi kamin kor moglkwa i no di noro, Na kana i, ene i pi yugobuno pere pere uglo kogl koglo meglkwa i di teo! dugwa. Yegl dugwa pre no erme di wan mungo, yoba mere yugobuno pere pere, uglo kogl koglo meglkwa i ka i pre mediglsre, duglo beglkwa. 27God moglkwa i, ye swara nomanemo podo pai, pai kawa togo, ye Jisas Krais kogon erumara i mina nono ere yugwa pre nono ye kagie kade aimadi kamin te pai moramga. Kaima.
Currently Selected:
Rom 16: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 16
16
Pol ka las dugwa
1Ana abaro Fibi ye kuri ta mogl, no kide kodo, ene meglmara unabuka. Ye unan, ene ye kogl kare di, di inaiglmedi prika. Fibi i, ye Jisas yugobunomo dumo Senkria meglkwa i, ake ple di togwa abu moglkwa. 2Ye kogon yegl ersre, yoba tau mere ama ake ple di togwa. Te, ye ama na ake ple di narukwa pre na ene di prika i, ye ene meglmara unan, ene ye bogl akie Yagl Kade gagiglma munedi prisre, Fibi kogon siragl mere ta erabuka i, ene ye ake ple di tenaiglmedi prika. Nono God yobama munga i, nono mabuno yegl ere, ikne ikne ake ple di tenamga i, kuno erukwa.
3Ana abu Prisila ye wie Akwila bogl dumo Rom miurka i, ye di teo. Na ye di wakai yei teiga. Prisila ya Akwila i, no akie Krais Jisas kogonmo erumga. 4Te, yagl abu suo i, ye okna na ake ple di naribrika pre yoba ye si goramnedi erikwa ba ye na kide kodokribrika pre na ye gun yei te, wakai we di teiga. Na swara keme yagl abu suo i wakai we di tekrika ba yoba yugobuno pere pere dumo bage bage ta meglmara, pre mediglkwa yoba ta makai sigwa i ama ye eribrika i kano digo prisre, wakai we di teigwa. 5Yegl pre na yagl abu suo i di wakai yei tedre, te yoba Jisas yugobunomo mina ye kipabrara akie ta makai si moraiglkwa i ama di wakai yei teiga.
Ana na kabaglena Epainetus, ye provins Esia suna komono kana Krais pre meduglkwa i, di wakai yei teiga. 6Te, na abu Maria ama di wakai yei teiga. Ye ene ake ple di tedre, kogon podo ene meglmara ere togwa. 7Te, Andronikus ya Junias no bormai swara munga i, ye ama di wakai yei teiga. Yagl suo i ye komono kana Krais yugobunomo mina ede suna ubriko, na mokonomugl ede suna wiga. Ye Jisas dedugwa yoba munara suna i, kogon podo eribrika. Te, okna no akie no si kane sigo, kane yugu akie pamga.
8Ama nono Yaglno Kade yugobunomo mina suna munara, yagl Ampliatus, ye na bogl boma daguma kaima muglka i, di wakai yei teiga. 9Te, na Urbanus, ye no yoba tau bogl akie Krais kogonmo erumga i, di wakai yei tedre, Stakis no boma daguma muglka i ama di wakai yei teiga.
10Ana na ama Apeles di wakai yei teiga. Ye Krais kogonmo erumara pre yubun yugwa ba yage sikre, adigl giglede moglkwa. Te, Aristobulus nem agiglema meglkwa i, ama di wakai yei teiga. 11Na yoba i di wakai yei tedre, Herodion, no bormai swara muglka i ama di wakai yei tedre, Narsisus nem agiglema ta Yagl Kade yugobunomo mina meglkwa i ama di wakai yei teiga.
12Ana, na abu suo Trifina ya Trifosa ama di wakai yei teiga. Ye nono Yaglno Kade kogonmo podo eribrika. Te, abu Persis ama di wakai yei teiga. Ye na abara mere yegl moglsre, Yaglno Kade kogonmo ama podo erukwa. 13Te, yagl Rufus ama di wakai yei teiga. Ye Yaglno Kade kamo ake gi didre, yoba tau mere duglo boglkrimere ye duglo boglkwa. Ye di wakai yei tedre, mam ama di wakai yei teiga. Ye mam i, na mana mere yegl moglkwa.
14Ana, na nokanma wagle Asinkritus ya Flegon ya Hermes ya Patrobas ya Hermas di wakai yei tedre, agroma abaroma tau ye bogl akie makai si meglkwa i ama di wakai yei teiga. 15Te, nokanma tau, Filologus ya Julia, ya Nereus abauglo bogl, ya te Olimpas ya te, God yobama bogl ye yene akie makai si meglkwa i, ama mudu di wakai yei teiga.
16Ene agro abaro, pre mediglkwa yoba ta moraiglkwa i, ene akie God yobama munedi prisre, ye kogl kare di idre, di wakai yei teo. Te, yoba Krais yugobunomo mina dumo pere pere meglkwa i, na ye drano idre, na ene di wakai yei teiga.
17Agrama abarama wagle, na ka ta ama ene di tenagledi prika i, yegl paugwa. Yoba tau ene meglmara si pere pere edinamnedi ersre, yoba ene God kamo beke teigo, primere i dikre, ka pere ta didre, ene yage sinaiglmedi eraiglkwa i, ene kan kun ersre, ye bogl akie moglkrio. 18Yoba yegl mere ta erikwa i, ye nono Yaglno Kade Krais niglmo kogonmo yoba ta moglkrikwa. Ye yene kagno kade idre, taragl mere i nenamnedi ere wan meglkwa. Ye yoba tau nomano gigle dikrukwa i gun yenaiglmedi ka dogon erukwa didre, ama ka kibi kane kane didre, ye kinano sigo, ye kaima dimedi prikwa. 19Yoba ere mogl, Rom pre mediglkwa yoba ye God kamo duglo bogl meglmiwe di, di wai digo, ene kano i ede uglo kogl koglo ogwa pre na prisre, ene gun podo yei teiga. Na prika ene ta yage sikraiglkwa ba ene kan kun eraiglkwa pre na ene ka di teiga. Na prika i, mabuno kide ene nomano mina paikran, mabuno wakai keme ene nomano mina kau sinabedi prika.
20Ana nono deno muduno wida di padigl norukwa God i, ye Satan kuda bogl tedre, yobuglomo egre atne edenabuka ege i, ede magigl u kodugwa. God yegl ere, Satan yobuglomo si dudinan, Satan ene okuo kuda bogl tekrabuka. Te, na prika, nono Yaglno Kade Jisas ene aimadi yoko kaima ere wakai ere te morabedi prika.
21Ana Timoti, ye na bogl akie kogon ere muglka i, ene di wakai yei togwa. Te, Lusius ya Jeson ya Sosipater, no bormai swara munga i, ye ene ama di wakai yei teigwa. 22Te, Tertius, ka ene erme prikwa i na mudu di teigo, ye bogl atne ede narukwa i, ene Yaglno Kade yugobunomo mina akie munga i pre ye ene di wakai yei togwa. 23-24Te, Gaius, ye kipamara no akie pai muglka i, ene ama di wakai yei togwa. Gaius kipamara i no akie pai muglko, Jisas yugobunomo dumo i akie munga i, ye kipamara ama akie makai sumga. Te, Erastus, ye dumo i gavman migeno sugl moglkwa yagl i, ama ene di wakai yei togwa. Te, nono agro Kwartus ama ene di wakai yei togwa.
25-26Ana na Jisas Krais kamo wakai i, yoba di te wan moglsre, ka i ene ama beke teiga. Yegl pre ka i mina God ene si gigledi tenabuka. Jisas kamo wakai i, God okna ibo teke paduglkwa. Okna ibo teke paduglkwa ba God kamo kep yoba okna ibo ka bogl atne edimara i mina ye Jisas kamo i okuo u nogugl enabedi bogl atne edigwa. Bogl atne edimere yegl, kaima erme u nogugl ogwa. U nogugl ogo, God, ye aimadi kamin kor moglkwa i no di noro, Na kana i, ene i pi yugobuno pere pere uglo kogl koglo meglkwa i di teo! dugwa. Yegl dugwa pre no erme di wan mungo, yoba mere yugobuno pere pere, uglo kogl koglo meglkwa i ka i pre mediglsre, duglo beglkwa. 27God moglkwa i, ye swara nomanemo podo pai, pai kawa togo, ye Jisas Krais kogon erumara i mina nono ere yugwa pre nono ye kagie kade aimadi kamin te pai moramga. Kaima.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission