Taitus 1
1
Pol pepa bogl, Taitus togwa
1Taitus yo, na Pol pepa magigl i ene bogl teiga. Na moglka i, na God niglmo kogonmo yoba moglsre, Jisas Krais dedugwa yoba ta moglka. Jisas na dedidre, kogon narukwa i, God yobama kere i pere edugwa meglkwa i, ye pre mediglkwa i si gigle di tedre, God kamo kaima paugwa i pre pogl sibi, God mabunomo duglo boraiglmedi kogon narukwa.
2Na kogon yegl eribo, ye aimadi kamin kor moraiglkwa i, kaima i kodumniwedi pribi, ye yegl eraiglkwa i kuno erabuka.
Nono aimadi kamin kor moramga i, okna kaima ibo God dumo makan ere yeikrukwa igne, ye noragledi ka kaima di padigl kodugwa. Te, God moglkwa i, ye ka kibi ta di kankrukwa. 3Ka i di padigl kodugwa ba erme yene ege wakai ta paduglmere i mina yoba ka i di pogl wan meglko, ede nogugl ugwa. Te, God nono ere yugwa yagl moglkwa i, kogon i naruko, na di pogl wan moglka.
4Taitus yo, ene motnga i, nono Jisas kamo pre meduglara i, ene na wana kaima mere yegl motnedi prika. Te, na prika i, Neno Kade God ya Krais Jisas, ye nono ere yugwa yagl moglkwa i, ye ene yoko kaima ere wakai ere tedre, den mudn wida di padigl tenabredi prika.
Taitus pre mediglkwa suglno yoba siragl mere kere inabere
5Ana ene ailan Krit moglo didre, ede bage ta eiga i, kogon tau pai moglkwa i ene ere kodinatnga pre erika. Te, ene di teimere mere yegl pre mediglkwa yoba taun swara swarade meglmara i, suglno yoba moraiglmedi kere inatnedi pre erika.
6Ene pre mediglkwa suglno yoba ta kere inatnga i, yoba pere ta ye kenaglmo sikraiglkwa mere yegl ta moran, ene kandre, ye kere inatnga. Pre mediglkwa suglno yoba ta morabuka i, ye ebie swara keme morabuka paugwa. Te, ye gagiglma ama Jisas pre mediglsre, ebrie mabuno wakai beglbi, yoba ye kenaglno sikraiglkwa mere yegl eraiglkwa paugwa. Ye gagiglma i ka sedidre, mabuno gua gua ta erekraiglkwa paugwa. 7Pre mediglkwa suglno yoba ta morabuka i, yoba ye kenaglmo sikraiglkwa mere yegl ta moran, kogon erabe diga i, i siragl pre ye God yobama suglno morabuka. Yegl pre ye yene pre i mitna edekre, tabre kubrokre, spak erekre, yegl erabuka paugwa. Te, ye ama yoba ere sikre, mige moni bubuno goglkrabuka paugwa. Yoba yegl mere ta morabuka i, ene kandre, ye pre mediglkwa yoba suglno morabedi kere inatnga.
8Te, ene yoba ta pre mediglkwa yoba suglno morabedi kere inatnga i, ye yoba yogugl ta unaiglkwa i, ka wakai di te, ere wakai ere tenabuka yagl moglsre, te ye mabuno wakai ta panabuka i wakai kandre, eragledi erabuka yagl ta morabuka i, ene kandre, ye kere inatnga. Te, ye ama mabuno kide ta dem muduo mina pogglau borabuka i mane didre, God mabunomo du paugwa i, erukwa yagl morabuka paugwa. 9Pre mediglkwa suglno yagl ta morabuka i, ye yegl mere moglsre, te ye ama God kamo kaima paugwa i, nono ye okna beke tomnere i ye ake gi di morabuka paugwa. Ye God kamo kaima pamere yegl pre pogl sidre, ake gi di moran, yoba ka mabuno kibi ta dinaiglkwa i ye nomane tedre, ene aglau ere dimiwedi, i nogugl edenabuka i kuno erabuka. Ene kandre, yoba yegl mere ta morabuka i keme pre mediglkwa yoba suglno morabedi kere inatnga.
Yoba ka mabuno kibi digwa i, Taitus drano si kegl dinabuka paugwa
10Ana na yoba ka mabuno kibi dime diga i, na prika, ailan Krit suna i, mere meglmedi prika. Ye God kamo sedidre, ka mabuno kibi, mem wakai ta paikrukwa i yoba beke teigwa. Ye tau mere Juda yoba moglsre, pre mediglkwa yoba meglkwa i ene nagino puduo nagie boraiglkwa pamiwe di teigwa. 11Ene ka mabuno kibi digwa yobamo i, ye drano si kegl dinatnga paugwa. I siragl pre ye ka mabuno kibi dimara i, ye yoba tau mere yagl abu gagroma bogl meglkwa i, nomane kide tedre, ere kide ere te kodigwa. Ye ka mabuno kibi ta dikraiglkwa pamara i, didre, mige moni pre ama bubuno geglkwa pre ye yoba ka beke teimara i, mige moni tau mere noribi, i nenamnedi prikwa.
12Ana okna ibo, Krit yagl ta nomanemo podo paugwa i, ka yegl ta bogl atne edugwa, Krit yoba meglkwa i, ye ege ege ka kibi didre, agl erimere ersre, kogon erakiure, yoko mogl, kaya mokna podo keme nenamnedi primiwe di, okna ibo yegl boglkwa. 13Yagl ta okna ka yegl mere boglkwa i, Krit yoba mabuno erimere mere kuno boglkwa. Yegl pre Krit pre mediglkwa yoba i, mabuno kide, yagl i Krit yoba erime dumere yegl ere dinaiglmedi, ene ye ka gigledi di te moglo. Ka gigledi di te motn, ye mabuno kide yegl ta erekre, God kamo kaima pamere yegl, pre medigl pai moraiglkwa. 14Te, ene pre mediglkwa yoba ka gigledi di te motn, yoba ka mabuno kibi dinaiglkwa i, ye ta prikraiglkwa. Yoba ka mabuno kibi digwa i, ye God kamo kaima paugwa i mokono tedre, Juda yoba ka tau kubu kaman mere yegl digwa i, ye ka i God kamo yomiwedi yoba beke tedre, Yegl yegl erio didre, Yegl yegl erekrio digwa i pre diga.
15Yoba ka mabuno kibi digwa i, ye kaya mokna ya mie kane kane deglbi yomedi kandre, i nekrio digwa ba i kuno ta erekrukwa. Yoba ta God gumuglo mina dem muduo pe sugwa moglkwa i, ye kaya mokna mo mie kane kane ta i nenabuka i, ye dem muduo ta si deglbi yekrabuka. Ba yoba ta God kamo pre mediglkruko, ye dem muduo deglbi yogwa i, kaya mokna tau i nenabuka mo mawagl erabuka ba ye taragl kane kane erabuka i, deglbi keme yei pai morabuka.
Ka mabuno kibi digwa yobamo i, ye nomano u kide ogwa pre ye mabuno wakai ya mabuno kide pre pogl sikrikwa. 16Te, ye drano mina digwa i, God mabunomo pre pogl sumniwe digwa ba ye ebrie mabuno beglmara i mina ye God mabunomo pre pogl sikrikwa i, yene i nogugl edigwa. Ye God kamo sedidre, u kide pi kodigwa pre ye mabuno tau God wakai kanumere eraiglkwa i, kuno ta erekrukwa.
Currently Selected:
Taitus 1: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Taitus 1
1
Pol pepa bogl, Taitus togwa
1Taitus yo, na Pol pepa magigl i ene bogl teiga. Na moglka i, na God niglmo kogonmo yoba moglsre, Jisas Krais dedugwa yoba ta moglka. Jisas na dedidre, kogon narukwa i, God yobama kere i pere edugwa meglkwa i, ye pre mediglkwa i si gigle di tedre, God kamo kaima paugwa i pre pogl sibi, God mabunomo duglo boraiglmedi kogon narukwa.
2Na kogon yegl eribo, ye aimadi kamin kor moraiglkwa i, kaima i kodumniwedi pribi, ye yegl eraiglkwa i kuno erabuka.
Nono aimadi kamin kor moramga i, okna kaima ibo God dumo makan ere yeikrukwa igne, ye noragledi ka kaima di padigl kodugwa. Te, God moglkwa i, ye ka kibi ta di kankrukwa. 3Ka i di padigl kodugwa ba erme yene ege wakai ta paduglmere i mina yoba ka i di pogl wan meglko, ede nogugl ugwa. Te, God nono ere yugwa yagl moglkwa i, kogon i naruko, na di pogl wan moglka.
4Taitus yo, ene motnga i, nono Jisas kamo pre meduglara i, ene na wana kaima mere yegl motnedi prika. Te, na prika i, Neno Kade God ya Krais Jisas, ye nono ere yugwa yagl moglkwa i, ye ene yoko kaima ere wakai ere tedre, den mudn wida di padigl tenabredi prika.
Taitus pre mediglkwa suglno yoba siragl mere kere inabere
5Ana ene ailan Krit moglo didre, ede bage ta eiga i, kogon tau pai moglkwa i ene ere kodinatnga pre erika. Te, ene di teimere mere yegl pre mediglkwa yoba taun swara swarade meglmara i, suglno yoba moraiglmedi kere inatnedi pre erika.
6Ene pre mediglkwa suglno yoba ta kere inatnga i, yoba pere ta ye kenaglmo sikraiglkwa mere yegl ta moran, ene kandre, ye kere inatnga. Pre mediglkwa suglno yoba ta morabuka i, ye ebie swara keme morabuka paugwa. Te, ye gagiglma ama Jisas pre mediglsre, ebrie mabuno wakai beglbi, yoba ye kenaglno sikraiglkwa mere yegl eraiglkwa paugwa. Ye gagiglma i ka sedidre, mabuno gua gua ta erekraiglkwa paugwa. 7Pre mediglkwa suglno yoba ta morabuka i, yoba ye kenaglmo sikraiglkwa mere yegl ta moran, kogon erabe diga i, i siragl pre ye God yobama suglno morabuka. Yegl pre ye yene pre i mitna edekre, tabre kubrokre, spak erekre, yegl erabuka paugwa. Te, ye ama yoba ere sikre, mige moni bubuno goglkrabuka paugwa. Yoba yegl mere ta morabuka i, ene kandre, ye pre mediglkwa yoba suglno morabedi kere inatnga.
8Te, ene yoba ta pre mediglkwa yoba suglno morabedi kere inatnga i, ye yoba yogugl ta unaiglkwa i, ka wakai di te, ere wakai ere tenabuka yagl moglsre, te ye mabuno wakai ta panabuka i wakai kandre, eragledi erabuka yagl ta morabuka i, ene kandre, ye kere inatnga. Te, ye ama mabuno kide ta dem muduo mina pogglau borabuka i mane didre, God mabunomo du paugwa i, erukwa yagl morabuka paugwa. 9Pre mediglkwa suglno yagl ta morabuka i, ye yegl mere moglsre, te ye ama God kamo kaima paugwa i, nono ye okna beke tomnere i ye ake gi di morabuka paugwa. Ye God kamo kaima pamere yegl pre pogl sidre, ake gi di moran, yoba ka mabuno kibi ta dinaiglkwa i ye nomane tedre, ene aglau ere dimiwedi, i nogugl edenabuka i kuno erabuka. Ene kandre, yoba yegl mere ta morabuka i keme pre mediglkwa yoba suglno morabedi kere inatnga.
Yoba ka mabuno kibi digwa i, Taitus drano si kegl dinabuka paugwa
10Ana na yoba ka mabuno kibi dime diga i, na prika, ailan Krit suna i, mere meglmedi prika. Ye God kamo sedidre, ka mabuno kibi, mem wakai ta paikrukwa i yoba beke teigwa. Ye tau mere Juda yoba moglsre, pre mediglkwa yoba meglkwa i ene nagino puduo nagie boraiglkwa pamiwe di teigwa. 11Ene ka mabuno kibi digwa yobamo i, ye drano si kegl dinatnga paugwa. I siragl pre ye ka mabuno kibi dimara i, ye yoba tau mere yagl abu gagroma bogl meglkwa i, nomane kide tedre, ere kide ere te kodigwa. Ye ka mabuno kibi ta dikraiglkwa pamara i, didre, mige moni pre ama bubuno geglkwa pre ye yoba ka beke teimara i, mige moni tau mere noribi, i nenamnedi prikwa.
12Ana okna ibo, Krit yagl ta nomanemo podo paugwa i, ka yegl ta bogl atne edugwa, Krit yoba meglkwa i, ye ege ege ka kibi didre, agl erimere ersre, kogon erakiure, yoko mogl, kaya mokna podo keme nenamnedi primiwe di, okna ibo yegl boglkwa. 13Yagl ta okna ka yegl mere boglkwa i, Krit yoba mabuno erimere mere kuno boglkwa. Yegl pre Krit pre mediglkwa yoba i, mabuno kide, yagl i Krit yoba erime dumere yegl ere dinaiglmedi, ene ye ka gigledi di te moglo. Ka gigledi di te motn, ye mabuno kide yegl ta erekre, God kamo kaima pamere yegl, pre medigl pai moraiglkwa. 14Te, ene pre mediglkwa yoba ka gigledi di te motn, yoba ka mabuno kibi dinaiglkwa i, ye ta prikraiglkwa. Yoba ka mabuno kibi digwa i, ye God kamo kaima paugwa i mokono tedre, Juda yoba ka tau kubu kaman mere yegl digwa i, ye ka i God kamo yomiwedi yoba beke tedre, Yegl yegl erio didre, Yegl yegl erekrio digwa i pre diga.
15Yoba ka mabuno kibi digwa i, ye kaya mokna ya mie kane kane deglbi yomedi kandre, i nekrio digwa ba i kuno ta erekrukwa. Yoba ta God gumuglo mina dem muduo pe sugwa moglkwa i, ye kaya mokna mo mie kane kane ta i nenabuka i, ye dem muduo ta si deglbi yekrabuka. Ba yoba ta God kamo pre mediglkruko, ye dem muduo deglbi yogwa i, kaya mokna tau i nenabuka mo mawagl erabuka ba ye taragl kane kane erabuka i, deglbi keme yei pai morabuka.
Ka mabuno kibi digwa yobamo i, ye nomano u kide ogwa pre ye mabuno wakai ya mabuno kide pre pogl sikrikwa. 16Te, ye drano mina digwa i, God mabunomo pre pogl sumniwe digwa ba ye ebrie mabuno beglmara i mina ye God mabunomo pre pogl sikrikwa i, yene i nogugl edigwa. Ye God kamo sedidre, u kide pi kodigwa pre ye mabuno tau God wakai kanumere eraiglkwa i, kuno ta erekrukwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission