Taitus 2
2
God yobama mabuno siragl mere eraiglmere
1Ba ene ka beke tenatnga i, ebrie mabuno tau God kamo pamere bogl u kuno omere i keme eraiglmedi beke tenatnga.
2Ene pre mediglkwa yoba moraiglmara suna i, yagl kidagl ta moraiglkwa i ka beke tenatnga i, ye spak erekre, yomere pamere mogl pai ersre, ye mabuno ta beglbi, yoba wakai kanaiglmere i eraiglmedi di tenatnga. Te, ye ama God kamo pamere yegl, kuno ere pre medigl pai moglsre, yoba deno muduno tedre, yubun unabuka igne adigl gigledi moraiglmedi beke tenatnga.
3Ana pre mediglkwa yoba meglmara suna abu kidagl ta moraiglkwa i, ene ye ama ebrie mabuno siragl mere boraiglkwa i, beke tenatnga. Ye God mabunomo duglo boglsre, yoba kenaglno sikre, spak mabuno mina atne kane pai dinaiglmedi ene ka beke tenatnga. Te, ene abu kidagl moraiglkwa i di ten, ye ama kan ikne ede, abu kulu ta moraiglkwa i, mabuno wakai eraiglmedi beke tenaiglkwa. 4Ye abu kulu mabuno tau eraiglmere beke tenaiglkwa i, ye winoma ya gagroma deno muduno tenaiglmedi beke tedre, 5te, ye ama yomere pamere mogl pai ersre, konbauna abu ebrie mabuno erimere yegl erekre, yuguno toglno sugl wakai moraiglmedi beke tenaiglkwa. Ye abu kulu mabuno yegl eraiglmedi beke tedre, te ye ama mabuno wakai ersre, winoma moraiglmara mogl atne ede moraiglmedi beke tenaiglkwa. Abu kidagl ta moraiglkwa i, ye abu kulu mabuno yegl eraiglmedi beke tebi, abu kulu mabuno yegl eribi, yoba meda meglkwa i ye mabunono kandre, nono God kamo prumga i, di kide yei tekraiglkwa pre diga.
6Te, yagl kulu ta suna moraiglkwa i ene ka beke tedre, ye ama yomere pamere mogl pai eraiglmedi beke tenatnga. 7Ka yegl beke tedre, ene ama mabuno siragl mere ta eratnga i, ene mabuno wakai ersre, yagl kulu eraiglmere yegl, obuno di ten, ye ama kandre, eraiglkwa.
Te, Taitus, ene God kamo yoba beke tenatnga i, mabunomo pamere keme beke tedre, God kogonmo kaima eragledi keme eratnga. 8Ene God kamo mabuno kaima pamere i keme yoba beke tenatnga. Ene mabuno wakai yegl etn, yoba tau kudano ikne mere yegl meglkwa i ka ta dikraiglkwa paugwa. Ye nono kenaglno sinamnedi konbo dokibi, manan, yene agai goglsre, ka ta dikraiglkwa.
9Ana pre mediglkwa yoba tau ye yoba pere boino pai teigwa ta moraiglkwa i, ene di ten, ye ege ege bitno yoba ta moraiglkwa i kano prisre, ka dinaiglkwa i ama di ikne edekre, ye wakai praiglmedi erio! do. 10Ye bitno yoba taraglno kunogl nekre, kogon ta dedenaiglmere yegl eraiglkwa paugwa. Ye ege ege mabuno wakai yegl eribi, yoba kandre, wakai pre, God nono Ere Yugwa yagle moglkwa i, kamo pramnedi praiglkwa pre diga.
11Ana God ye yoba mudu yoko kaima ere inagledi prukwa i, erme ede nogugl u kodugwa. 12Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
13Beke norsre, te Krais Jisas ede ikne unabedi kie ere moraiglmedi beke norukwa. Krais ye nono Godno yobuglomo podo paugwa i, moglsre, nono Ere Yugwa yagl ama moglkwa i, ye ede ikne unabuka igne ye abuglagemo podo kide nogugl sinabuka pre nono ye unabukra we di prisre, gun yenamga paugwa.
14Krais Jisas nono pre goglkwa i, ye prukwa, Na yoba pre goglsre, ye tadagmeno mudu koko ede te, ye deno muduno ere edibo, pe sinan, ye na yobanama kaima moraiglmiwa. Moglsre, mabuno wakai ta panabuka i keme gun yei tedre, eraiglmiwe di, yegl prisre, nono pre goglkwa.
15Ana Taitus yo, na ene pre mediglkwa yoba mabuno siragl mere eraiglmere ene beke to diga i, ene ye di tedre, di tenere yegl keme eraiglmedi nomane te moglo. Te, yoba tau ene di tenatnere ta erekraiglkwa i, ene aglau erimiwedi, ye ka to. God yene kogon dedugo, ene etnga pre yoba ta ene kanen sedinagledi erabuka i, ene kanige erekro.
Currently Selected:
Taitus 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Taitus 2
2
God yobama mabuno siragl mere eraiglmere
1Ba ene ka beke tenatnga i, ebrie mabuno tau God kamo pamere bogl u kuno omere i keme eraiglmedi beke tenatnga.
2Ene pre mediglkwa yoba moraiglmara suna i, yagl kidagl ta moraiglkwa i ka beke tenatnga i, ye spak erekre, yomere pamere mogl pai ersre, ye mabuno ta beglbi, yoba wakai kanaiglmere i eraiglmedi di tenatnga. Te, ye ama God kamo pamere yegl, kuno ere pre medigl pai moglsre, yoba deno muduno tedre, yubun unabuka igne adigl gigledi moraiglmedi beke tenatnga.
3Ana pre mediglkwa yoba meglmara suna abu kidagl ta moraiglkwa i, ene ye ama ebrie mabuno siragl mere boraiglkwa i, beke tenatnga. Ye God mabunomo duglo boglsre, yoba kenaglno sikre, spak mabuno mina atne kane pai dinaiglmedi ene ka beke tenatnga. Te, ene abu kidagl moraiglkwa i di ten, ye ama kan ikne ede, abu kulu ta moraiglkwa i, mabuno wakai eraiglmedi beke tenaiglkwa. 4Ye abu kulu mabuno tau eraiglmere beke tenaiglkwa i, ye winoma ya gagroma deno muduno tenaiglmedi beke tedre, 5te, ye ama yomere pamere mogl pai ersre, konbauna abu ebrie mabuno erimere yegl erekre, yuguno toglno sugl wakai moraiglmedi beke tenaiglkwa. Ye abu kulu mabuno yegl eraiglmedi beke tedre, te ye ama mabuno wakai ersre, winoma moraiglmara mogl atne ede moraiglmedi beke tenaiglkwa. Abu kidagl ta moraiglkwa i, ye abu kulu mabuno yegl eraiglmedi beke tebi, abu kulu mabuno yegl eribi, yoba meda meglkwa i ye mabunono kandre, nono God kamo prumga i, di kide yei tekraiglkwa pre diga.
6Te, yagl kulu ta suna moraiglkwa i ene ka beke tedre, ye ama yomere pamere mogl pai eraiglmedi beke tenatnga. 7Ka yegl beke tedre, ene ama mabuno siragl mere ta eratnga i, ene mabuno wakai ersre, yagl kulu eraiglmere yegl, obuno di ten, ye ama kandre, eraiglkwa.
Te, Taitus, ene God kamo yoba beke tenatnga i, mabunomo pamere keme beke tedre, God kogonmo kaima eragledi keme eratnga. 8Ene God kamo mabuno kaima pamere i keme yoba beke tenatnga. Ene mabuno wakai yegl etn, yoba tau kudano ikne mere yegl meglkwa i ka ta dikraiglkwa paugwa. Ye nono kenaglno sinamnedi konbo dokibi, manan, yene agai goglsre, ka ta dikraiglkwa.
9Ana pre mediglkwa yoba tau ye yoba pere boino pai teigwa ta moraiglkwa i, ene di ten, ye ege ege bitno yoba ta moraiglkwa i kano prisre, ka dinaiglkwa i ama di ikne edekre, ye wakai praiglmedi erio! do. 10Ye bitno yoba taraglno kunogl nekre, kogon ta dedenaiglmere yegl eraiglkwa paugwa. Ye ege ege mabuno wakai yegl eribi, yoba kandre, wakai pre, God nono Ere Yugwa yagle moglkwa i, kamo pramnedi praiglkwa pre diga.
11Ana God ye yoba mudu yoko kaima ere inagledi prukwa i, erme ede nogugl u kodugwa. 12Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
13Beke norsre, te Krais Jisas ede ikne unabedi kie ere moraiglmedi beke norukwa. Krais ye nono Godno yobuglomo podo paugwa i, moglsre, nono Ere Yugwa yagl ama moglkwa i, ye ede ikne unabuka igne ye abuglagemo podo kide nogugl sinabuka pre nono ye unabukra we di prisre, gun yenamga paugwa.
14Krais Jisas nono pre goglkwa i, ye prukwa, Na yoba pre goglsre, ye tadagmeno mudu koko ede te, ye deno muduno ere edibo, pe sinan, ye na yobanama kaima moraiglmiwa. Moglsre, mabuno wakai ta panabuka i keme gun yei tedre, eraiglmiwe di, yegl prisre, nono pre goglkwa.
15Ana Taitus yo, na ene pre mediglkwa yoba mabuno siragl mere eraiglmere ene beke to diga i, ene ye di tedre, di tenere yegl keme eraiglmedi nomane te moglo. Te, yoba tau ene di tenatnere ta erekraiglkwa i, ene aglau erimiwedi, ye ka to. God yene kogon dedugo, ene etnga pre yoba ta ene kanen sedinagledi erabuka i, ene kanige erekro.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission