1 Koorinteeb 3
3
Ukwaasanaay ishagaamana
1Isanaayaan, eeshuuk ibariinaayt bhaliisamtiyookna adgiraab kaaki. Laakiin toon tuduniyaati dehayiitwa Umasiihi areetwa bhaliisamani hookna. 2Ani aat ihii hookna, akraat mꞌari kitti, aree baraak batiiyooh dehaay amar kitteena. Oontꞌa han masi amar kitteena. 3Baraak masi tuduniyaatiib tikatiina. Giiraatwa hasiyaaytwa ibtikeekna eefeeneek, tuduniyaatiib kitteena han? Baraak oodehay ookna tꞌiiteena kasaktaana han? 4Gaal “Ani Baawloos eetriim” indiyeek, weer aree “Ani Aboolloos eetriim” indiyeek, baraak oodehay eekna tꞌiiteeb kitteena han?
5Aboolloos aab ikati? Aree Baawloos aab ikati? Baraah kishiyaaba. Bareesooh aamantaana. Wꞌankwana gaalka ushagaayooh sooknaabi. 6Ani uteera adi, Aboolloos gwꞌasiya, laakiin Ukwaasana isoowin. 7Aflaay wꞌadiyaab naati kina kiiki, igwꞌasiyaab han naati kina kiiki, laakiin Ukwaasana uukna teena isoowiin. 8Uutak wꞌadiyaabwa uutak igwꞌasiyaabwa gaal hadaf ibariin. Aree gaalka ushagaayooh dehaay itkwis indi. 9Hinin Ukwaasanaay shagaamana nikati, baraak Ukwaasanaayt dirꞌa tikatiina, Ukwaasanaay gaw tikatiina.
10Ukwaasana yhiiyeetu tinꞌimaatee, ani wꞌusta udꞌaariigaayt asaas daasan, aree bariiyooh kehii weer gaal indꞌiir eefi. Laakiin gaalka kak indꞌiireeb itdagwiigweet toonaati. 11Oon wꞌasaas suur daamaab nuun weer gaal asaas daasiiniyee dehaay kaꞌadgiriya. Aree been wꞌasaas Yasuuꞌaab Umasiih ikati. 12Tak gaal han oon wꞌasaasi kehii dimꞌaraaywa, ashteetiiwwa, alya aweeyeewwa, hindiiwwa, siyaam tari naaliiwwa, asaas indꞌiireek, 13ushagaayuuh naan ikatiyeeb lawi indi, bꞌeeb gaal lawi indi. Beet tooyin tuunꞌi lawsi tindi, tuunꞌi kassooh oodehayi shaga jarrabi tindi aree tudaayiinaaywa toomaagwa rhisi tindi. 14Baruuh dꞌiraab ikatiyeet tuuna toonꞌeetii tindhhiineek, baruuh ukiraayooh imaar indi. 15Beet tuuna teetliiweek, baruuh itehisir indi, baruuh uukna iidhhan indi. Laakiin baruuh ibaloolee ifooriib ootakiit iidhhan indi.
16Baraak iknaayaakna Ukwaasanaay diini gaw tikatiineet toona kitkanna han? Aree Ukwaasanaay Aashuuk hookna ikweerneet toona kitkanna han? 17Gaal han Ukwaasanaay udiini gaw katꞌiiniyeek, Ukwaasana barooh kwidhsi indi. Ukwaasanaay udiini gaw mugaddasu. Aree baraak been udiini gaw tikatiina.
18Igarooyookna baatiilna! Oon udamaani haaliib bareekna gaal han hookna fagar hiisiiniyeek, baruuh afrii ikatiyeet toonaatu, aflaay fagar han ikati. 19Ukwaasanaay suurii toon tuduniyaatiit fagarandi afreeba. Uuktaab “Ukwaasana, oodehay ifagara tifagarandiiteehna sharak dehaay ikati.” indi, 20aree masi weer kitaab, “Oodehay ifagarnaayeet tifikra takweet biibariineet toona Wꞌankwana ikteen.” indi. 21Aflaay malya, shaawti oodehayii gaal han kiifish, kastaah taana bareetookna ikatiina, 22Baawloos tari Aboolloos, tari Keefaas, tari tuduniya, tari umidhhan tari tuuyat, tari oontꞌaaneeb udamaan, tari harꞌookna yꞌiiniib udamaan, kassaah bareeyeekna ikatiin. 23Baraak Umasiihiib tikatiina, aree Umasiih Ukwaasanaay ikati.
Currently Selected:
1 Koorinteeb 3: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT