Mattaay 12
12
Tusabti Ankwana
1Been oodoor Yasuuꞌa toosab harrooyt dirꞌaati bitik hiireeri. Ikwiriyaatayaah hargwaa iifiinayt gangaraab kitꞌatiitka tamiin. 2Ifariisi toon toona rhiyaanihoob, bariiyooh dehaay, “Shibiba! Ikwiriyaatayaak toosab harramamaana sakeen.” idiin.
3Yasuuꞌa igwibi, “Daawidwa yꞌarawaahwa yharagwnihoob idꞌiineet toona agriiyaab kitteena han? 4Baruuh Ukwaasanaay oogaw shuumiya. Baruuhwa yꞌarawaahwa Ukwaasanaay dehaay farꞌa tikaraamaati hadhi tamiyaan. Een yhadhi baraah tamiyaaneeb ifagiiriya aabhat tamiina, bareeyooh dehaay halaal kiikeen. 5Tari ifagiiriya toosabka Ukwaasanaay ugawiib tusabti hag ikatꞌaneet toona Muusaay whaggiib agriiyaab kitteena han? Laakiin baraah nhas kiikeena han? 6Ani andi hookna: Ukwaasanaay ugawiika tooy winkaab teefi. 7Aan ibhali naan iiktiineeb tiktiinneek, ‘Ani rhamaat aharriiw, karaamaat kiikeen.’ oonhas kittiweena. 8Wꞌaadami Oor tusabti Ankwana ikati.” idi.
Yasuuꞌa toosab mheeliya
9Been whaashii difee, Iyahuudi diini gawoohna shuumiya. 10Beentooy tak wꞌayi adhaadh iiktiyeeb iifi. Baraah Yasuuꞌaab haay atehimiini sabab yhiriwna, baraah barooh raatiyaana, “Tusabtiib imheelti halaalu?” idiin.
11Yasuuꞌa bareeyooh dehaay, “Gaal bareesookna argin iibriyeek, aree tusabtiib deelaay dhibiiniyeek, wꞌargin udeelaay sikwiit kiifirꞌa han? 12Wꞌaadami wꞌarginiika alyakaab kiiki han? Aflaay toosab tudaayiinaayti shaga halaal ikati.” idi.
13Malya Yasuuꞌa ootak infaraad, “Wꞌayook fidhidha.” idi. Uutak wꞌayooh ifidhidh, shaawti wꞌayi itkwakw aree ooraaw tꞌiiteeb iki. 14Laakiin Ifariisi giigiyaaniit barooh haay iidirneet hayꞌaatiib tarootsamiyaan.
15Laakiin Yasuuꞌa baraah niyaamiineet toona ikanayt, been oomhiin hooy giigiya. Gwida dehay barooh iramna, aree kasseeh eelhaab mheeliya. 16Yasuuꞌa baruuh aab iiktiyeeb weer dehay biisooyayneet toona bareeh sooya. 17Tuun tuuna unabi Isyaasi geebii attiyoodiyaat toona sidik tiikwsi: 18“Baruuh ukishiyaayu ani waasaab akatiyeebu,
ani areeyaab akatiyeebu, ani geeb madhaadh akatiyeebu.
Ishuuki bariiyooh daasi andi,
aree baruuh yhash kasseeh adil iyaaw indi.
19Baruuh itehis kiidi, tari waliiki kiidi.
Bariiyooh whiss gaal han isalalaayeeb iimsaw kiidi.
20Baruuh wꞌadil ansiriiniyeeb ookiik,
agwal agga han iikitꞌa kiidi,
iiyyi tindiit lamba han iidir kiidi.
21Idehaya bariiyooh oosim sꞌayaami iyadna.” idi Yasuuꞌa.
Yasuuꞌaawwa Baꞌalsabuulwa
22Malya baraah tak jin hooy iifiineeb hamashaywa gilluusiibwa iiktiib Yasuuꞌii dehaay haay eeyaan. Yasuuꞌa barooh mheeliya, shaawti uutak inꞌir, hadiidiya, aree rhiya. 23Kassaah uudehay ajjabamiyaaniit, “Uun baruuh Daawidi Oor ikati?” idiin.
24Laakiin Ifariisi een ibhali imaasiwnihoob, baraah “Uun baruuh ijini hadꞌa Baꞌalsabuul ibari nuun eejin kiifirꞌa.” idiin.
25Laakiin Yasuuꞌa baraah iikwinneet toona iktiinayt, bareeyooh dehaay, “Tehadꞌaayi tuukna malu mhiin adhadhtiit udehayuuh taktak finaayeeneeb, katꞌamtini. Tumadiina tari indhiwa aakna malu mhiin itꞌadhiidh shaawti yaki kiidiin. 26Uubliis oobliis finaayiiniyeek, baruuh ooknaay kehii itꞌadhiidh. Aflaay tehadꞌaayeetuuh kak tingadi? 27Aree ani Baꞌalsabuulii eejin mhalaniyeek, bareeyookna harꞌii sakeen uudehay bareeh kak mhaleena? Aflaay malya, baraah gaadiyaayeekna iikti iyadna. 28Laakiin ani Ukwaasanaay Ishuukee eejin mhalaniyeek, aflaay Ukwaasanaayt tehadꞌaayi bareeyookna dehaay yꞌaati.
29Tari masi, akra taki gaw shuumiit igadhꞌeeh iniin aabu? Hankaab ootak wꞌakraab yꞌayi yhiikwar biidiyeek, igadhꞌi miyaay kaꞌadgiriya. Barooh yhankwiireek, malya oogaw ingwihiir.
30Anii geeb baahaay uutak been, anii kehii eefi. Aree anii geeb oodehay baasimarriib uutak, baruuh itbariir.” idi. 31Toon toona bak sooyani hookna, tumaagnaaywa ookfuurwa uudehay afoomi iyadna. Laakiin Ishuukee kanfiir afoomi kiidi. 32Wꞌaadami Oori kehii amag bhaliib indiibka afoomi indi. Laakiin Eeshuuk Imugaddasaayi kehii amag bhaliib indiibka, oon udamaaniib ikatiyeek, tari harꞌook yꞌiiniib udamaaniib, afoomi kiidi.
33“Whindi shiishboobna, aree ufraayuuh ishbuub indi. Tari whindi migna, aree ufraayuuh iitmag indi. Whindi ufraayiisooh itookkiin. 34Baraak ikwakwaraayi firaay, kak daayiina tiyadna? Uuginꞌa ataab ikatiyeet toona uuyaf hadiidiini. 35Uutak udaayi, tehooyteeb dabaayt tushbootii daayiina haay yꞌiini. Uutak wꞌamaag aree tehooyteeb dabaayt toomaagtii maagt haay yꞌiini. 36Laakiin ani andi hookna: uudehay yꞌamag bhali hadiidaab ikatiineeb kasseeh whukwimiit tooyin dehaay haasabami iyadna. 37Baraak ibhaliiyeesookna shibootikina iikti tiyadna, ibhaliiyeesookna aree hukwimami iikti tiyadna.” idi.
Ifariisi alaamaat yhariwna
38Malya Fariisi galwa whaggi koojaawwa bariiyooh dehaay, “Seedna, bariisook mꞌuujisaateet alaama nhariw.” idiin.
39Baruuh “Amaag dehaywa wꞌiimaan baabariinwa alaamaat raateen! Laakiin unabi Yuunisiit tꞌalaama nuun weena soomami kitdi. 40Yuunis win aashooy fꞌiib mhay hawadwa mhay bꞌeewwa yhagit. Aflaay Wꞌaadami Oor han mhay hawadwa mhay bꞌeewwa toobuuti ginꞌiib daayi indi. 41Neenawaay uudehay han whukwimiit yint yakiit oon ootaas atehimi iyadna. Unabi Yuunis Ukwaasanaay ibhali bareeyooh dehaay hadiidiyanihoob, baraah tuubiyaan. Tooy laakiin Yuunisiika winka gaal eefi. 42Oosꞌiidiit hadꞌa whukwimiit yintiib yakiit oon ootaas atehimi tindi. Batuuh tubuuti agiyaay eetaayt, Suleemaaniit tifagarandiiti bhali sinaakrooyt tehariw. Laakiin tooy Suleemaaniika winka gaal eefi.
43Aajin wꞌaadamii itfarꞌanihoob, nageema mhiin hooy fiineeneeb yhariwna aree barooh kiimriin. Malya aajin, ‘Oogaw whooy nifirꞌeeb beeti nitꞌigir niyad.’ iyadna. 44Malya aajin, ‘Oogaw suur hooy giignaneeb beeti nitꞌigir niyad.’ idiin. Aajin yꞌeenihoob, oogaw atimhigaa nhasaa, nigiyaa aree shibooba imeerna. 45Aflaay aajin giigiyaaniit wari jin asaramaab bareesoohka amagkaab haay eeyaan. Oogaw aree shuumiyaaniit beentooy ikwiriin. Been uutak aree whaaluuh suureeka amaagkaab iikti. Aan uudehay yꞌamag han bak iikti iyadna.” idi.
Yasuuꞌiit toondeewwa isanaawwa
46Yasuuꞌa masi oodehay bhaliisamee, tuundeehwa isanaayaahwa eeyaaniit barraab ingadna. Barooh tarootsamiineet yhariwna. 47Oodehayii gaal barooh sooya, “Deetuukwa isanaayaakwa barraab ingadiina, tarootsamtiyook yhariwna.” idi.
48Yasuuꞌa ootakii dehaay, “Deetu aabtu? Isanaayi aree aayga ikatiina?” idi. 49Malya Yasuuꞌa ikwiriyaatayeeh beeti tuuliyaayt, “Deetuuwwa isanaayaawwa aan ikatiin. 50Baabu tibreeteeb eefeeb harriiweet toona danꞌiibka sanoowwa, kwaatoowwa, deetoowwa ikatiin.” idi.
Currently Selected:
Mattaay 12: BEJA
Highlight
Share
Compare
Copy
Want to have your highlights saved across all your devices? Sign up or sign in
2026 Seed Company and the MTT
Mattaay 12
12
Tusabti Ankwana
1Been oodoor Yasuuꞌa toosab harrooyt dirꞌaati bitik hiireeri. Ikwiriyaatayaah hargwaa iifiinayt gangaraab kitꞌatiitka tamiin. 2Ifariisi toon toona rhiyaanihoob, bariiyooh dehaay, “Shibiba! Ikwiriyaatayaak toosab harramamaana sakeen.” idiin.
3Yasuuꞌa igwibi, “Daawidwa yꞌarawaahwa yharagwnihoob idꞌiineet toona agriiyaab kitteena han? 4Baruuh Ukwaasanaay oogaw shuumiya. Baruuhwa yꞌarawaahwa Ukwaasanaay dehaay farꞌa tikaraamaati hadhi tamiyaan. Een yhadhi baraah tamiyaaneeb ifagiiriya aabhat tamiina, bareeyooh dehaay halaal kiikeen. 5Tari ifagiiriya toosabka Ukwaasanaay ugawiib tusabti hag ikatꞌaneet toona Muusaay whaggiib agriiyaab kitteena han? Laakiin baraah nhas kiikeena han? 6Ani andi hookna: Ukwaasanaay ugawiika tooy winkaab teefi. 7Aan ibhali naan iiktiineeb tiktiinneek, ‘Ani rhamaat aharriiw, karaamaat kiikeen.’ oonhas kittiweena. 8Wꞌaadami Oor tusabti Ankwana ikati.” idi.
Yasuuꞌa toosab mheeliya
9Been whaashii difee, Iyahuudi diini gawoohna shuumiya. 10Beentooy tak wꞌayi adhaadh iiktiyeeb iifi. Baraah Yasuuꞌaab haay atehimiini sabab yhiriwna, baraah barooh raatiyaana, “Tusabtiib imheelti halaalu?” idiin.
11Yasuuꞌa bareeyooh dehaay, “Gaal bareesookna argin iibriyeek, aree tusabtiib deelaay dhibiiniyeek, wꞌargin udeelaay sikwiit kiifirꞌa han? 12Wꞌaadami wꞌarginiika alyakaab kiiki han? Aflaay toosab tudaayiinaayti shaga halaal ikati.” idi.
13Malya Yasuuꞌa ootak infaraad, “Wꞌayook fidhidha.” idi. Uutak wꞌayooh ifidhidh, shaawti wꞌayi itkwakw aree ooraaw tꞌiiteeb iki. 14Laakiin Ifariisi giigiyaaniit barooh haay iidirneet hayꞌaatiib tarootsamiyaan.
15Laakiin Yasuuꞌa baraah niyaamiineet toona ikanayt, been oomhiin hooy giigiya. Gwida dehay barooh iramna, aree kasseeh eelhaab mheeliya. 16Yasuuꞌa baruuh aab iiktiyeeb weer dehay biisooyayneet toona bareeh sooya. 17Tuun tuuna unabi Isyaasi geebii attiyoodiyaat toona sidik tiikwsi: 18“Baruuh ukishiyaayu ani waasaab akatiyeebu,
ani areeyaab akatiyeebu, ani geeb madhaadh akatiyeebu.
Ishuuki bariiyooh daasi andi,
aree baruuh yhash kasseeh adil iyaaw indi.
19Baruuh itehis kiidi, tari waliiki kiidi.
Bariiyooh whiss gaal han isalalaayeeb iimsaw kiidi.
20Baruuh wꞌadil ansiriiniyeeb ookiik,
agwal agga han iikitꞌa kiidi,
iiyyi tindiit lamba han iidir kiidi.
21Idehaya bariiyooh oosim sꞌayaami iyadna.” idi Yasuuꞌa.
Yasuuꞌaawwa Baꞌalsabuulwa
22Malya baraah tak jin hooy iifiineeb hamashaywa gilluusiibwa iiktiib Yasuuꞌii dehaay haay eeyaan. Yasuuꞌa barooh mheeliya, shaawti uutak inꞌir, hadiidiya, aree rhiya. 23Kassaah uudehay ajjabamiyaaniit, “Uun baruuh Daawidi Oor ikati?” idiin.
24Laakiin Ifariisi een ibhali imaasiwnihoob, baraah “Uun baruuh ijini hadꞌa Baꞌalsabuul ibari nuun eejin kiifirꞌa.” idiin.
25Laakiin Yasuuꞌa baraah iikwinneet toona iktiinayt, bareeyooh dehaay, “Tehadꞌaayi tuukna malu mhiin adhadhtiit udehayuuh taktak finaayeeneeb, katꞌamtini. Tumadiina tari indhiwa aakna malu mhiin itꞌadhiidh shaawti yaki kiidiin. 26Uubliis oobliis finaayiiniyeek, baruuh ooknaay kehii itꞌadhiidh. Aflaay tehadꞌaayeetuuh kak tingadi? 27Aree ani Baꞌalsabuulii eejin mhalaniyeek, bareeyookna harꞌii sakeen uudehay bareeh kak mhaleena? Aflaay malya, baraah gaadiyaayeekna iikti iyadna. 28Laakiin ani Ukwaasanaay Ishuukee eejin mhalaniyeek, aflaay Ukwaasanaayt tehadꞌaayi bareeyookna dehaay yꞌaati.
29Tari masi, akra taki gaw shuumiit igadhꞌeeh iniin aabu? Hankaab ootak wꞌakraab yꞌayi yhiikwar biidiyeek, igadhꞌi miyaay kaꞌadgiriya. Barooh yhankwiireek, malya oogaw ingwihiir.
30Anii geeb baahaay uutak been, anii kehii eefi. Aree anii geeb oodehay baasimarriib uutak, baruuh itbariir.” idi. 31Toon toona bak sooyani hookna, tumaagnaaywa ookfuurwa uudehay afoomi iyadna. Laakiin Ishuukee kanfiir afoomi kiidi. 32Wꞌaadami Oori kehii amag bhaliib indiibka afoomi indi. Laakiin Eeshuuk Imugaddasaayi kehii amag bhaliib indiibka, oon udamaaniib ikatiyeek, tari harꞌook yꞌiiniib udamaaniib, afoomi kiidi.
33“Whindi shiishboobna, aree ufraayuuh ishbuub indi. Tari whindi migna, aree ufraayuuh iitmag indi. Whindi ufraayiisooh itookkiin. 34Baraak ikwakwaraayi firaay, kak daayiina tiyadna? Uuginꞌa ataab ikatiyeet toona uuyaf hadiidiini. 35Uutak udaayi, tehooyteeb dabaayt tushbootii daayiina haay yꞌiini. Uutak wꞌamaag aree tehooyteeb dabaayt toomaagtii maagt haay yꞌiini. 36Laakiin ani andi hookna: uudehay yꞌamag bhali hadiidaab ikatiineeb kasseeh whukwimiit tooyin dehaay haasabami iyadna. 37Baraak ibhaliiyeesookna shibootikina iikti tiyadna, ibhaliiyeesookna aree hukwimami iikti tiyadna.” idi.
Ifariisi alaamaat yhariwna
38Malya Fariisi galwa whaggi koojaawwa bariiyooh dehaay, “Seedna, bariisook mꞌuujisaateet alaama nhariw.” idiin.
39Baruuh “Amaag dehaywa wꞌiimaan baabariinwa alaamaat raateen! Laakiin unabi Yuunisiit tꞌalaama nuun weena soomami kitdi. 40Yuunis win aashooy fꞌiib mhay hawadwa mhay bꞌeewwa yhagit. Aflaay Wꞌaadami Oor han mhay hawadwa mhay bꞌeewwa toobuuti ginꞌiib daayi indi. 41Neenawaay uudehay han whukwimiit yint yakiit oon ootaas atehimi iyadna. Unabi Yuunis Ukwaasanaay ibhali bareeyooh dehaay hadiidiyanihoob, baraah tuubiyaan. Tooy laakiin Yuunisiika winka gaal eefi. 42Oosꞌiidiit hadꞌa whukwimiit yintiib yakiit oon ootaas atehimi tindi. Batuuh tubuuti agiyaay eetaayt, Suleemaaniit tifagarandiiti bhali sinaakrooyt tehariw. Laakiin tooy Suleemaaniika winka gaal eefi.
43Aajin wꞌaadamii itfarꞌanihoob, nageema mhiin hooy fiineeneeb yhariwna aree barooh kiimriin. Malya aajin, ‘Oogaw whooy nifirꞌeeb beeti nitꞌigir niyad.’ iyadna. 44Malya aajin, ‘Oogaw suur hooy giignaneeb beeti nitꞌigir niyad.’ idiin. Aajin yꞌeenihoob, oogaw atimhigaa nhasaa, nigiyaa aree shibooba imeerna. 45Aflaay aajin giigiyaaniit wari jin asaramaab bareesoohka amagkaab haay eeyaan. Oogaw aree shuumiyaaniit beentooy ikwiriin. Been uutak aree whaaluuh suureeka amaagkaab iikti. Aan uudehay yꞌamag han bak iikti iyadna.” idi.
Yasuuꞌiit toondeewwa isanaawwa
46Yasuuꞌa masi oodehay bhaliisamee, tuundeehwa isanaayaahwa eeyaaniit barraab ingadna. Barooh tarootsamiineet yhariwna. 47Oodehayii gaal barooh sooya, “Deetuukwa isanaayaakwa barraab ingadiina, tarootsamtiyook yhariwna.” idi.
48Yasuuꞌa ootakii dehaay, “Deetu aabtu? Isanaayi aree aayga ikatiina?” idi. 49Malya Yasuuꞌa ikwiriyaatayeeh beeti tuuliyaayt, “Deetuuwwa isanaayaawwa aan ikatiin. 50Baabu tibreeteeb eefeeb harriiweet toona danꞌiibka sanoowwa, kwaatoowwa, deetoowwa ikatiin.” idi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Seed Company and the MTT