Ɛseta 5
5
Ɛseta Kamo Ɔ Nombia See Gyoo Siaman
1Wee atoorote keŋ nɛ Ɛseta moo ɔ gyooro abɔɔ do te ɔ gyuuwɔ ka seŋ gyooro dekpaŋalaŋ man gyoo poto keŋ siaman. Na gyoo kyaa ɔ gyooro gbeli dɔɔ ɔ poto keŋ man keŋ ɔ sia teena dekpaŋalaŋ keŋ denaanɔɔ. 2Gyoo kena Ɛseta seŋɛɛ dekpaŋalaŋ keŋ man nɛ, yɛɛ e gyoŋ te ɔ tenee ɔ kɔba yayam gyooro gbutu keŋ doo ɔ nyiŋmaa man nɛ tee e. Mena dɔɔ Ɛseta tuuwɔ benaa e te ɔ ke tinaa gbutu keŋ nɔɔbii. 3Keŋte gyoo bɔɔse e nyiaa, <<Woŋ kɔŋala alagyoo Ɛseta? Woŋ te n ne gyae maa yɛɛ fa neŋ? Nyi akpaa me gyoori keŋ yaale te n ne gyae koraŋ na maa kpase ke fa neŋ.>>
4Keŋte Ɛseta tiranɔɔ fa e nyiaa, <Akpaa gyoo ne gyae na, gyoo na Haman baa kɔŋ me dɛɛ gyɛŋ na be kaa di nɔɔkedi dinaa keŋ mɔɔ doo fa e nɛ.>
5Botɔɔ te gyoo kpilawɔ nyi <Ɛ baake Haman fa maŋ debokeiman na dee gyu Ɛseta dɛɛ ŋgba mena keŋ Ɛseta be yako nɛ.>
Mena dɔɔ gyoo na Haman gyuuwɔ be kaa di weenɛɛ ŋan Ɛseta ba do kesaa fa e nɛ. 6Be kɛɛ nyɔɔ soloŋ nɛ gyoo ŋon besewɔ bɔɔse Ɛseta nyiaa, <Nɛnɛɛ woŋ yaa n ne gyae? Maa fa neŋ ke. Woŋ yaa n ne gyae nyi maa yɛɛ fa neŋ? Nyi me gyoori keŋ yaale te n ne gyae koraŋ na maa kpase ke fa neŋ.
7Keŋte Ɛseta tiranɔɔ nyiaa, <Me kasola na kpene keŋ mɛɛ gyae yɛna nyi, 8<<Nyi akpaa gyoo ne wii maŋ te dei ɔ gyaŋ nyi waa fa maŋ kpene keŋ mɛɛ sola e nɛ, kenaŋ na kyoo gyoo na Haman baa bese kɔŋ me dɛɛ kaa di weenɛɛ ŋan maa do kesaa fa wɔ nɛ. Na maa yako gyoo kpene keŋ mɛɛ gyae.>>
Haman Kebake Modekai Nyeeman
9Haman kalee kedi keŋ tɛɛ nɛ na ɔ wɔe te fɛɛ e te yɛɛ e gyoŋ mɔ. Mɔna ɔ kena Modekai gyoo dekpaŋalaŋ keŋ denaanɔɔ man nɛ, ɔ naawɔ nyi Modekai ta koro seŋ ya yaa waa mo obuo fa e ya te ɔ gyeŋa baŋ do e, 10mɔna ɔ kyaŋa ɔ wose te ɔ laŋa ɔ dɛɛ. Keŋte ɔ baake ɔ gyoona kɔŋ ɔ dɛɛ te ɔ yako ɔ wɛɛle Serese nyi waa kpuna wɔ. 11Ɔ wola wɔ abɔɔ ŋan ɔ dana na ɔ bia na mena keŋ gyoo be gyina e adido na mena keŋ ɔ be yɛɛ e te ɔ kela walaŋ kamasɛ gyoo dɛɛ nɛ. 12Te Haman besewɔ yako nyi, <Na kɛŋa ŋaageŋ ya, maŋ maageŋ te alagyoo Ɛseta baakewɔ nyi maa sila gyoo kɔŋ nɔɔkedi dinaa keŋ ɔ ba doo fa e nɛ tɛɛ, te ɔ kpa kyoo dɛɛ bese kɔŋ bela. 13Mɔna kɛŋa pou be dana tɔnɔɔ fa maŋ ya, nawolo nyi Yuda baale Modekai sɛɛ ɔ kyaa gyoo denaanɔɔ keŋ man.
14Mena dɔɔ ɔ wɛɛle Serese na ɔ gyoona baŋ yako e nyiaa <<Yela baa baŋ daŋ keŋ ka korɛɛ ŋgba (metase) sao atooro (23) nɛ na kyoo nebo n ke yako gyoo na baa mo Modekai ke wuluŋu ke dɔɔ. Na n ke sila gyoo gyu nɔɔkedi dinaa keŋ tɛɛ na n kaa di n nɔɔ.
Nombii kei yɛɛ Haman gyoŋ te ɔ yela be baŋa daŋ keŋ.
Currently Selected:
Ɛseta 5: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation
Ɛseta 5
5
Ɛseta Kamo Ɔ Nombia See Gyoo Siaman
1Wee atoorote keŋ nɛ Ɛseta moo ɔ gyooro abɔɔ do te ɔ gyuuwɔ ka seŋ gyooro dekpaŋalaŋ man gyoo poto keŋ siaman. Na gyoo kyaa ɔ gyooro gbeli dɔɔ ɔ poto keŋ man keŋ ɔ sia teena dekpaŋalaŋ keŋ denaanɔɔ. 2Gyoo kena Ɛseta seŋɛɛ dekpaŋalaŋ keŋ man nɛ, yɛɛ e gyoŋ te ɔ tenee ɔ kɔba yayam gyooro gbutu keŋ doo ɔ nyiŋmaa man nɛ tee e. Mena dɔɔ Ɛseta tuuwɔ benaa e te ɔ ke tinaa gbutu keŋ nɔɔbii. 3Keŋte gyoo bɔɔse e nyiaa, <<Woŋ kɔŋala alagyoo Ɛseta? Woŋ te n ne gyae maa yɛɛ fa neŋ? Nyi akpaa me gyoori keŋ yaale te n ne gyae koraŋ na maa kpase ke fa neŋ.>>
4Keŋte Ɛseta tiranɔɔ fa e nyiaa, <Akpaa gyoo ne gyae na, gyoo na Haman baa kɔŋ me dɛɛ gyɛŋ na be kaa di nɔɔkedi dinaa keŋ mɔɔ doo fa e nɛ.>
5Botɔɔ te gyoo kpilawɔ nyi <Ɛ baake Haman fa maŋ debokeiman na dee gyu Ɛseta dɛɛ ŋgba mena keŋ Ɛseta be yako nɛ.>
Mena dɔɔ gyoo na Haman gyuuwɔ be kaa di weenɛɛ ŋan Ɛseta ba do kesaa fa e nɛ. 6Be kɛɛ nyɔɔ soloŋ nɛ gyoo ŋon besewɔ bɔɔse Ɛseta nyiaa, <Nɛnɛɛ woŋ yaa n ne gyae? Maa fa neŋ ke. Woŋ yaa n ne gyae nyi maa yɛɛ fa neŋ? Nyi me gyoori keŋ yaale te n ne gyae koraŋ na maa kpase ke fa neŋ.
7Keŋte Ɛseta tiranɔɔ nyiaa, <Me kasola na kpene keŋ mɛɛ gyae yɛna nyi, 8<<Nyi akpaa gyoo ne wii maŋ te dei ɔ gyaŋ nyi waa fa maŋ kpene keŋ mɛɛ sola e nɛ, kenaŋ na kyoo gyoo na Haman baa bese kɔŋ me dɛɛ kaa di weenɛɛ ŋan maa do kesaa fa wɔ nɛ. Na maa yako gyoo kpene keŋ mɛɛ gyae.>>
Haman Kebake Modekai Nyeeman
9Haman kalee kedi keŋ tɛɛ nɛ na ɔ wɔe te fɛɛ e te yɛɛ e gyoŋ mɔ. Mɔna ɔ kena Modekai gyoo dekpaŋalaŋ keŋ denaanɔɔ man nɛ, ɔ naawɔ nyi Modekai ta koro seŋ ya yaa waa mo obuo fa e ya te ɔ gyeŋa baŋ do e, 10mɔna ɔ kyaŋa ɔ wose te ɔ laŋa ɔ dɛɛ. Keŋte ɔ baake ɔ gyoona kɔŋ ɔ dɛɛ te ɔ yako ɔ wɛɛle Serese nyi waa kpuna wɔ. 11Ɔ wola wɔ abɔɔ ŋan ɔ dana na ɔ bia na mena keŋ gyoo be gyina e adido na mena keŋ ɔ be yɛɛ e te ɔ kela walaŋ kamasɛ gyoo dɛɛ nɛ. 12Te Haman besewɔ yako nyi, <Na kɛŋa ŋaageŋ ya, maŋ maageŋ te alagyoo Ɛseta baakewɔ nyi maa sila gyoo kɔŋ nɔɔkedi dinaa keŋ ɔ ba doo fa e nɛ tɛɛ, te ɔ kpa kyoo dɛɛ bese kɔŋ bela. 13Mɔna kɛŋa pou be dana tɔnɔɔ fa maŋ ya, nawolo nyi Yuda baale Modekai sɛɛ ɔ kyaa gyoo denaanɔɔ keŋ man.
14Mena dɔɔ ɔ wɛɛle Serese na ɔ gyoona baŋ yako e nyiaa <<Yela baa baŋ daŋ keŋ ka korɛɛ ŋgba (metase) sao atooro (23) nɛ na kyoo nebo n ke yako gyoo na baa mo Modekai ke wuluŋu ke dɔɔ. Na n ke sila gyoo gyu nɔɔkedi dinaa keŋ tɛɛ na n kaa di n nɔɔ.
Nombii kei yɛɛ Haman gyoŋ te ɔ yela be baŋa daŋ keŋ.
2026 Ghana Institute of Linguistics Literacy and Bible Translation