Ɛseta 6
6
Gyoo Kegyina Modekai Adido
1Nelim kenaŋ nɛ gyoo sia te wuu ya, mena dɔɔ ɔ yela ba moo tɔne keŋ bɔɔ ŋmarase lee abɔɔ ŋan bɔɔ gyae baa wolee ya lee ɔ gyoori kedi debaŋ kɔŋ kaa kala fa e. 2Ba kekala botɔɔ keŋ Modekai ba lese gyoo balaŋ baŋ bɔɔ lese wɔ saayɛ nɛ, Bigetana na Terese mokɔɔ debaŋ keŋ bɔɔ bake see nyi baa ko gyoo nɛ, 3te gyoo bɔɔsewɔ nyiaa, <<Woŋ yaa de yɛɛwɔ dɛɛ mo lese Modekai yele?>>
Te ɔ somra baŋ tiranɔɔ nyi, <<De gbeŋgyoo, da te yɛɛ kolo fa e ya.>>
4Keŋte gyoo bɔɔsewɔ nyiaa, <<Amɔte seŋɛɛla dekpaŋalaŋ keŋ man botɔɔ?>> Debaŋ kenaŋ man te Haman kɔŋawɔ ɔ kaa yako gyoo na waa yela be kaa do Modekai ŋmeleŋ ɔ wɔŋe man wuluŋuna daŋ keŋ ko. 5Te ɔ somra baŋ tiranɔɔ fa ɛ nyiaa, <<Haman seŋɛɛla dekpaŋalaŋ man.>>
Te gyoo yakowɔ nyi <<Ɛ mo e kɔŋ.>>
6Haman ka gyoo nɛ, gyoo bɔɔse e nyiaa, <<Woŋ te maa yɛɛ fa walaŋ ŋon mɛɛ gyae maa gyina e adido nɛ?>>
Botɔɔ te Haman yakowɔ fa ɔ wose nyi, <Amɔte yaa gyoo ne gyae waa gyina adido kela maŋ?> 7Mena dɔɔ ɔ tiranɔɔ fa gyoo nyiaa, <<Walaŋ ŋon gyoo ne gyae waa lese ɔ yele nɛ, 8yela baa mo gyooro abɔɔ ŋan gyoo na doo na gyoo dɛɛkyɔŋ ŋon dɔɔ ɔ ne kyaa te ɔ wuuna gyooro kotɔtɔɔ nɛ kɔŋ. 9Yela n kegyiise baŋ man ŋolo kamo abɔɔ ŋan do e, na waa kyaa dɛɛkyɔŋ ŋon dɔɔ ta kila donɔɔ keŋ na kegyia ŋon keyako nyiaa, <<Nnɛ yaa gyoo ne gyina walaŋ ŋon ɔ ne gyae nɛ adido.>>
10Keŋte gyoo tiranɔɔ fa e nyiaa, <<Mo gyooro abɔɔ ŋan na dɛɛkyɔŋ ŋon n be yako nɛ na n ka mo yɛɛ mena fa Yuda baale Modekai ŋon ɔ kyaa gyoo denaanɔɔ man nɛ. Ŋan pou n be yako nɛ na tina ŋa dokoloŋ yela ya>> 11Mena dɔɔ Haman gyuuwɔ kamo gyooro abɔɔ ŋan na dɛɛkyɔŋ ŋon. Ɔ moo gyooro abɔɔ ŋan do Modekai te ɔ moo e kyaa dɛɛkyɔŋ ŋon dɔɔ ta kila donɔɔ keŋ na ɔ ne yako nyiaa, <<Nnɛ yaa gyoo ne yɛɛ walaŋ ŋon ɔ ne gyae waa gyina e adido nɛ.>>
12Kei wɔle nɛ Modekai besewɔ kɔŋ gyoo denaanɔɔ keŋ man te Haman moo desɛŋ yɛɛ bileŋ laŋ ɔ dɛɛ. 13Ɔ gyuuwɔ keyako ɔ wɛɛle Serese na ɔ gyoona kpene keŋ be kɔŋ ɔ dɔɔ. Mena dɔɔ ɔ wɛɛle Serese na ɔ gyoona baŋ yako e nyiaa, n taŋ kamo n doŋ baa n ne fa Modekai ŋon ɔ yɛɛ Yuda balee e nɛ, te n be gyae n ke tale di ɔ dɔɔ ya. Keyala te nyaŋ keyala ɔ sia man.>>
14Ba kegyakaa bee kolosi nɛ gyoo somra baŋ bɔɔ lese wɔ saayɛ nɛ kɔŋawɔ te ba moo Haman bileŋ gyu Ɛseta nɔɔkedi keŋ ɔ be desina see nɛ tɛɛ.
Currently Selected:
Ɛseta 6: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation
Ɛseta 6
6
Gyoo Kegyina Modekai Adido
1Nelim kenaŋ nɛ gyoo sia te wuu ya, mena dɔɔ ɔ yela ba moo tɔne keŋ bɔɔ ŋmarase lee abɔɔ ŋan bɔɔ gyae baa wolee ya lee ɔ gyoori kedi debaŋ kɔŋ kaa kala fa e. 2Ba kekala botɔɔ keŋ Modekai ba lese gyoo balaŋ baŋ bɔɔ lese wɔ saayɛ nɛ, Bigetana na Terese mokɔɔ debaŋ keŋ bɔɔ bake see nyi baa ko gyoo nɛ, 3te gyoo bɔɔsewɔ nyiaa, <<Woŋ yaa de yɛɛwɔ dɛɛ mo lese Modekai yele?>>
Te ɔ somra baŋ tiranɔɔ nyi, <<De gbeŋgyoo, da te yɛɛ kolo fa e ya.>>
4Keŋte gyoo bɔɔsewɔ nyiaa, <<Amɔte seŋɛɛla dekpaŋalaŋ keŋ man botɔɔ?>> Debaŋ kenaŋ man te Haman kɔŋawɔ ɔ kaa yako gyoo na waa yela be kaa do Modekai ŋmeleŋ ɔ wɔŋe man wuluŋuna daŋ keŋ ko. 5Te ɔ somra baŋ tiranɔɔ fa ɛ nyiaa, <<Haman seŋɛɛla dekpaŋalaŋ man.>>
Te gyoo yakowɔ nyi <<Ɛ mo e kɔŋ.>>
6Haman ka gyoo nɛ, gyoo bɔɔse e nyiaa, <<Woŋ te maa yɛɛ fa walaŋ ŋon mɛɛ gyae maa gyina e adido nɛ?>>
Botɔɔ te Haman yakowɔ fa ɔ wose nyi, <Amɔte yaa gyoo ne gyae waa gyina adido kela maŋ?> 7Mena dɔɔ ɔ tiranɔɔ fa gyoo nyiaa, <<Walaŋ ŋon gyoo ne gyae waa lese ɔ yele nɛ, 8yela baa mo gyooro abɔɔ ŋan gyoo na doo na gyoo dɛɛkyɔŋ ŋon dɔɔ ɔ ne kyaa te ɔ wuuna gyooro kotɔtɔɔ nɛ kɔŋ. 9Yela n kegyiise baŋ man ŋolo kamo abɔɔ ŋan do e, na waa kyaa dɛɛkyɔŋ ŋon dɔɔ ta kila donɔɔ keŋ na kegyia ŋon keyako nyiaa, <<Nnɛ yaa gyoo ne gyina walaŋ ŋon ɔ ne gyae nɛ adido.>>
10Keŋte gyoo tiranɔɔ fa e nyiaa, <<Mo gyooro abɔɔ ŋan na dɛɛkyɔŋ ŋon n be yako nɛ na n ka mo yɛɛ mena fa Yuda baale Modekai ŋon ɔ kyaa gyoo denaanɔɔ man nɛ. Ŋan pou n be yako nɛ na tina ŋa dokoloŋ yela ya>> 11Mena dɔɔ Haman gyuuwɔ kamo gyooro abɔɔ ŋan na dɛɛkyɔŋ ŋon. Ɔ moo gyooro abɔɔ ŋan do Modekai te ɔ moo e kyaa dɛɛkyɔŋ ŋon dɔɔ ta kila donɔɔ keŋ na ɔ ne yako nyiaa, <<Nnɛ yaa gyoo ne yɛɛ walaŋ ŋon ɔ ne gyae waa gyina e adido nɛ.>>
12Kei wɔle nɛ Modekai besewɔ kɔŋ gyoo denaanɔɔ keŋ man te Haman moo desɛŋ yɛɛ bileŋ laŋ ɔ dɛɛ. 13Ɔ gyuuwɔ keyako ɔ wɛɛle Serese na ɔ gyoona kpene keŋ be kɔŋ ɔ dɔɔ. Mena dɔɔ ɔ wɛɛle Serese na ɔ gyoona baŋ yako e nyiaa, n taŋ kamo n doŋ baa n ne fa Modekai ŋon ɔ yɛɛ Yuda balee e nɛ, te n be gyae n ke tale di ɔ dɔɔ ya. Keyala te nyaŋ keyala ɔ sia man.>>
14Ba kegyakaa bee kolosi nɛ gyoo somra baŋ bɔɔ lese wɔ saayɛ nɛ kɔŋawɔ te ba moo Haman bileŋ gyu Ɛseta nɔɔkedi keŋ ɔ be desina see nɛ tɛɛ.
2026 Ghana Institute of Linguistics Literacy and Bible Translation