Aduya 23
23
Keyako 7
1Akpaa n kyaa nyi ɛmɛɛ na kegyia ŋolo ke di nɛ,
gyene kpene keŋ doo n siaman nɛ nideli,
2akpaa n yɛɛ diiri e na,
kyaŋ n wose.
3Na ŋmaa ɔ weenɛɛ gyoŋ nyiŋan ŋan ya,
nawolo nyi weenɛɛ ŋenaŋ na beo balaŋ.
Keyako 8
4Na naase n wose diyem nyi n ke nyiŋ n wose ya,
yela n sia kekrara na n ke tina mena dinɔɔ kenaŋ yela.
5N kaa gyɔ sibii naa na, ka te ŋaalaa,
nawolo nyi ke gyae ke tu beŋkelɛɛ,
furufu laŋ adido karatetee ŋgba otoloku nɛ.
Keyako 9
6Nkyekyete de baake neŋ nɛ na di ɔ weenɛɛ beiŋ ya,
na ŋmaa ɔ weenɛɛ gyoŋ nyiŋan ŋan ya.
7nawolo ɔ yɛɛ walaŋ ŋon nyi,
debaŋ kamasɛ na ɔ na gyueŋ ŋa koya,
waa beo yako neŋ nyi, <<Di na n ke nyɔɔ,>>
mɔna ta lee ɔ konɔɔ man ya.
8N ke tɔe kyomii keŋ n be dii nɛ,
na n te kɛlɛɛ e yakaa.
Keyako 10
9Na kolosi fa ayiŋtena ya,
nawolo nyi bɔɔ gyae baa lɛɛ n nombia kpaakpaa ŋan do ya.
Keyako 11
10Na kyɛɛkee wulu bene,
yaa n ke lɛo yoyolobiise tɛɛlese ya.
11Nawolo nyi Wurubuarɛ ŋon ɔ seŋɛɛ be wɔle nɛ dana doŋ,
ŋon ne gyaela waa di be nombia fa wɔ.
Keyako 12
12Mo n konɔɔ sila kawola,
na n ke tei nombia kagyeŋ.
Keyako kufu atoorote
13Na bɛɛ biikyaa katenee ya,
n mo dambila tuku e na, ɔ be gyae waa yeŋ ya.
14Mo dambila tuku e,
na n ke lɛɛ e lee yeŋ man.
Keyako 14
15Me bu, nyi n sia de kare n konɔɔ man nɛ,
kenaŋ na me konɔɔ gyae ke fɛɛ maŋ nideli,
16Akpaa n kolosi keŋ tenɛɛ nɛ,
kenaŋ na ma woo waa nyaŋee.
15
17Na yoo dukumyɛɛra nuŋkurili ya,
mɔna yee Degbeŋgyoo debaŋ kamasɛ.
18De yɛɛ senaa lookegyakaa doo fa neŋ wee daale,
te n lookegyakaa kenaŋ be gyae ke yɛɛ yakaa ya.
Keyako 16
19Me bu, tei na n sia ke kara,
na n ka mo n konɔɔ sila detɛe keŋ tenɛɛ.
20Na mo n wose dona soloŋ nyɔɔra,
yaa kedikumtena ya,
21nawolo nyi soloŋ nyɔɔra na kedikumtena baa bese ayematena,
te kedi na kedoo gyae ka mo kakyeŋgbelaase wuu neŋ.
Keyako 17
22Tei n kya ŋon ɔ ba lola neŋ,
te na lese n sia lee n naa dɔɔ ɔ degbanyaaretɛɛ ya.
23Lɛɛ anokoare te na yɔɔ ke ya,
lɛɛ nyansa na kawola na nombia man kagyeŋ mɔ.
24Kya ŋon ɔ bu gbɛɛneŋ tenɛɛ waa nyaŋee nideli,
kya ŋon ɔ bu sia be kare waa nyaŋee lee ɔ bu ŋonaŋ dɔɔ.
25Yela n kya na n naa ke nyaŋee,
yela n naa ŋon ɔ ba lola neŋ nyee ka koro e.
Keyako kufu gyanaarate
26Me bu, mo nya nyeempɔ fa maŋ,
na n ke yela me gbɛɛneŋ ka gyoo n sia,
27nawolo nyi alo ŋon ɔ na mo ayimɛɛ wuu ɔ wose yɛɛ bɔɔ kyilimkyilim ke,
te alo ohuhoo yɛɛ bɔɔ bɔbɔkyee ke.
28Ɔ ne daa ŋgba ŋmɛɛlate nɛ,
te ɔ ne yele baala baŋ bɔɔ ne di anokoare ya ne wuku.
Keyako 19
29Amɔte doola kaale maŋ? Amɔte ne nyiina weeleŋ?
Amɔte ne gyaena kale? Amɔte na toroŋla?
Amɔte ne lɛɛna gyamɛɛ yakaa? Amɔte sia yasela?
30Baŋ bɛɛ nyɔɔ waen beiŋ nɛ,
baŋ bɛɛ gyae waen keŋ bɔɔ kyakale kedakee kɛɛ nɛ.
31Na yele waen keŋ yasɛɛ,
te kee fiu kebia man,
te ne gyɔ neŋ loo nɛ ka beo neŋ ya.
32Ɔtoman na kɛɛ kyom ŋgba dom nɛ,
ke dana teekum ŋgba dom duguŋte nɛ.
33N kena gyakoloŋ nombia n sia dɔɔ,
te nyaŋ ke kolosi nombia ŋan taŋ nyee ya.
34Nyaŋ ke yɛɛ ŋgba ŋon ɔ doo degbele dinaa man ɛpo dɔɔ,
keŋ feliŋ dinaa ne gyɔ ke gyu gyɔ ke kɔŋ nɛ.
35N ke yako nyiaa, <<Ba ŋmera maŋ mɔna ma te gooli ya.
Be tuku maŋ, mɔna ta wee maŋ ya.
Debaŋ woŋti yaa maa foŋ,
na maa bese nyiŋ soloŋ daale nyɔɔ bela?>>
Currently Selected:
Aduya 23: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation