Nɔɔneŋ 11
11
Wose kamo lɔ Degbeŋgyoo dɔɔ
1Ma te yeu kagyoo Degbeŋgyoo.
Sena te nyaŋ ke tale yako maŋ nyi,
<<Furufu ŋgba gyebu nɛ gyu n bulase dɔɔ,
2nawolo nyi kɛɛ, balaŋ kumɛɛ te wɔŋ be baŋdaŋse,
be ta mo be baŋdaŋ nyeela do ŋa ŋmeeseŋ man,
baa tɔ balaŋ baŋ be gbɛɛneŋ tenɛɛ nɛ detiŋtɛɛ man.
3Akpaa be wɔlɛɛ mokɔɔ kaseese ŋan na,
woŋ te ŋon ɔ tenɛɛ nɛ waa tale yɛɛ?>>
4Degbeŋgyoo kyaa wɔ ɔsom deni dinaa fereŋkyeŋ keŋ man,
Degbeŋgyoo kyaa ɔ gyoorogbeli dɔɔ adido,
ɔ na gyene walaŋ kamasɛ tɛɛle dɔɔ,
ɔ sia gyakaa be dɔɔ.
5Degbeŋgyoo na gyene baŋ ba tenɛɛ,
mɔna ɔ ne kɔla akpanyanyaŋtena,
baŋ bɛɛ gyae nombia akaraŋkaraŋ nɛ.
6Waa yela boalaŋ na nyewalaŋ na kpatakpela ka lee adido,
kaa yala akpanyanyaŋtena dɔɔ,
na waa mo feliŋ keŋ ke laŋɛɛ nɛ wɔŋ ba deŋele.
7Nawolo nyi Degbeŋgyoo tenɛɛ,
ɔ ne gyae nombia kedi na kegbɛɛ,
baŋ be gbɛɛneŋ tenɛɛ nɛ baa naa ɔ siagbɛɛ.
Currently Selected:
Nɔɔneŋ 11: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation