Nɔɔneŋ 15
15
Keŋ Wurubuarɛ ne gyae
1Degbeŋgyoo, amɔte kaboela nyi waa gyoo n kanyaŋ deni fereŋkyeŋ keŋ man?
Amɔte ne gyaela waa kyaa n bula fereŋkyeŋ keŋ dɔɔ?
2Walaŋ ŋon nombiikum be doo ɔ keta man ya,
te ɔ ne yɛɛ abɔɔ ŋan tenɛɛ,
te ɔ ne kolosi anokoare lee ɔ konɔɔ man.
3Ɔ bɛɛ mo ɔ laakem wɔlɛɛ balaŋ ya,
ɔ bɛɛ yɛɛ ɔ dɔɔ dukum ya,
te ɔ bee kolosi nombiikum lee balaŋ wose man ya.
4Ɔ bɛɛ mo ohuhoo nombia yɛɛ kolo ya,
mɔna ɔ na mo obuo fa baŋ bee yee Degbeŋgyoo nɛ,
ɔ kaŋ ntam te ke da mo kaale kɔna e koraŋ na ɔ ne di ke dɔɔ,
keŋ ɔ bɛɛ kyɛɛkee ɔ nyeempɔ ya.
5Ɔ ne pakee ayematena kɔba keŋ ɔ bɛɛ gyakaa loŋ ya,
ɔ bɛɛ yoo lɛɛ kolo seŋ tia walaŋ ŋon ɔ nombia dei nɛ ya.
Walaŋ kamasɛ ŋon ɔ ne yɛɛ abɔɔ kɛŋa nɛ,
kolo be tale wosi e ya.
Currently Selected:
Nɔɔneŋ 15: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation