Nɔɔneŋ 6
6
Kefane fa kekyɔ wosekekyaŋ man
1Degbeŋgyoo, naa mo n baŋ kalana maŋ,
yaa n ka mo n baŋ nedoŋ wɔŋ ma deŋele ya.
2Degbeŋgyoo, wii me waraŋase, nawolo nyi mɛɛ gbaraase,
Degbeŋgyoo, kyɔ maŋ kawee nawolo nyi me ŋɔɔ ne nyii weeleŋ.
3Ma woo ne naa diyem nideli,
Kelii woromɔ, Degbeŋgyoo kelii woromɔ?
4Degbeŋgyoo, besena na n ke lɛɛ maŋ,
lee n kegyae keŋ kɔ taŋ ɔto ya dɔɔ, lɛɛ maŋ.
5Nawolo nyi ŋolo bɛɛ baake n yele woyadɛɛ ya.
Amɔte na lesena n yele yebɔɔ man?
6Me te mutii menɛɛ ta yee maŋ.
Nelim kamasɛ na me kewii ne fɔ ma dofoŋoŋ,
me siasaraŋ te yele ma dedoi te fɔɔ.
7Kewii dɔɔ me sia bɛɛ naa nideli ya,
me sia te yɛɛ fulaa lee me kɔlara pou dɔɔ.
8Ɛmɛɛ nombiakumɛɛ yɛɛra pou ɛ ta lee me gyaŋ,
nawolo nyi Degbeŋgyoo te nyii me kewii.
9Degbeŋgyoo te nyii me kewii baake,
Degbeŋgyoo te lɛɛ ma kefane do.
10Desɛŋ gyae ke kyaŋ me kɔlara pou na ba wose ke gbirisi wɔ,
baa bese be wɔle na desɛŋ ke kyaŋ wɔ debokenaŋ man.
Currently Selected:
Nɔɔneŋ 6: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation