Nɔɔneŋ 8
8
Wurubuarɛ gyoorobiiri na deniwalaŋ obuo
1Ao Degbeŋgyoo, daa Degbeŋgyoo,
n yele te lɛɛ tɛɛle keŋ pou dɔɔ!
N ta mo n gyoorobiiri,
wuu adido pou.
2Bia na kyokyoose ne kpee nɔɔneŋ lese n yele,
n te tɔ n kɔlara pou gbɛɛ,
na ke yela n kɔlara na baŋ bɛɛ mo dukum tɔ kom nɛ ke yɛɛ yididi.
3Akpaa me kɛɛ nya adido,
tomse ŋan n ba mo n nyimbia yɛɛ,
gyaalaŋ na kyolobiise,
baŋ n ba mo wɔ see ba akyaese man nɛ,
4na deniwalaŋ yɛna amɔte ŋon n na gyueŋ ɔ dɔɔ,
te ɔ nombia ne hia neŋ?
5N ke yɛɛ wɔ nɛ kaa wɔ kyomii bo na baa yɛɛ ŋgba Wurubuarɛ nɛ,
te n moo gyoorobiiri na obuo wuu wɔ ŋgba gyooro kotɔtɔɔ nɛ.
6N yelaa be dii abɔɔ ŋan pou n be yɛɛ nɛ dɔɔ,
te n moo kpene kamase do be nawɔɔtɛɛ.
7Namense na nunkyuese,
na ŋale man wonembia,
8na gyebuse baŋ bee furufu,
na ɛpo man kpebia,
na baŋ pou be dɔŋ ɛpo man doo be tɛɛ.
9Ao Degbeŋgyoo, daa Degbeŋgyoo,
n yele te lɛɛ tɛɛle keŋ pou dɔɔ.
Currently Selected:
Nɔɔneŋ 8: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation