Nɔɔneŋ Siaman Nombia
Siaman Nombia
Nɔɔneŋ Tɔne kei yɛɛ nɔɔneŋse na kefanese ŋan doo Wurubuarɛ Nombia Tɔne keŋ man. Tɔne ŋmarasela kpookpoo karana nɔɔneŋ ŋan yaa ŋmarasena kefanese ŋan debaŋ dɔɔloŋ daale man. Be yilaa nɔɔneŋse na kefanese ŋan na Iseraetena na mo ŋa som, te ba moo ŋa kpu be Wurubuarɛ Nombia man.
Be kpala alagyia kɛŋa akpeŋ akpeŋ man. Ŋaale yɛɛ Wurubuarɛ yele kalese na Wurubuarɛ kasom. Kefane sola Wurubuarɛ kekyɔ na ɔ kegyee na nyeekelɛɛ, kasola fa dukum kamokyɛɛ, Wurubuarɛ karaŋ kefa lee ɔ bɛrɛɛ dɔɔ, na kasola nyi Wurubuarɛ waa wɔŋ be kɔlara deŋele. Kefanese ŋan yɛɛ walaŋ dokoloŋ dokoloŋ na tɛɛle keŋ pou wui. Ŋaale na lese walaŋ wose man kagyoo wola te ŋaale mɔ ne kolosi lee keŋ ne hia Wurubuarɛ balaŋ pou na ba wose man kagyoo.
Yesu kolosiwɔ lee Nɔɔneŋse kɛŋa man. Baŋ bɔɔ ŋmarase Nɔɔkebakesee Wɔle kolosiwɔ lee Nɔɔneŋse kɛŋa wose man. Ka te kaa bese tɔne keŋ Kiristotena pou ne kale bɔ ɔsom man leenaŋ ka kewalaŋ keŋ.
Ba te kpala Nɔɔneŋ sɔŋonyetooro na kufu kei akpeŋ anoŋ man nnɛ,
Tɔne Gyaŋgbate 1-41
Tɔne Alate 42-72
Tɔne Atoorote 73-89
Tɔne Anaarate 90-106
Tɔne Anoŋte 107-150
Currently Selected:
Nɔɔneŋ Siaman Nombia: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation