1 कुरिन्थी 1
1
1ईङ पौलुस कुरिन्थी सहर रे ताहिन कु बिसवासीकु के जोहार कंहड़ी केते, नोःआँ चिठी लिखाः दिंग। परमेसर अपन मरजी मोताबिक ईसु ख्रीस्त आली प्रेरित बनाअः लःअय चुनाव तदिङाय। आबु आली गाती बोको सोस्थेनेस होः आपे के जोहार कंहड़ी कुलगोःड तदाय। 2#प्रे.कामी 18:1ईङ आपे परमेसर अलाकु कलीसिया लःअय नोःआँ चिठी लिखाः दिंग जे कुरिन्थी रे एदनाआ, आपे परभु ईसु ख्रीस्त रे मिलाव केते पबितर तदपेआय, आउर पबितर ताहिनोअ लःअय राअः तदपेआय। हिना लकान गी परभु ईसु ख्रीस्त आला नुमू इदी केते, जामा ठाँव रे गोहराअ कु बिसवासीकु लोः इया लःअय। हुनी हुंकू आली आउर आबु आली होः परभु हेके। 3आबु आली बाबा परमेसर आउर परभु ईसु ख्रीस्त पखा तरअः आपे के हुनी आला दया आउर सानती भेटाव एकान।
पौलुस परमेसर के धन्यवाद एमा लियाय
4ईङ आपे लःअय परमेसर के जामा बेरा धन्यवाद एमायीङ। एता लःअय ची हुनी परभु ईसु ख्रीस्त दोवासते आपे तेंग रे दया तदपेआय। 5ईसु ख्रीस्त रे ताही केते, आपे के जामा बात रे माने कि जामा बचन आउर बुधी रे धनी तदपेआय। 6ची ख्रीस्त रअः बारे उदूः लअः आले आला गोवाही सच ठहराव नेना। 7हिना लःअय आपे के जहान बरदान रेनअः होः, काईटको घटी कामी का-हुयाव नेना। आउर आपे आबु आली परभु ईसु ख्रीस्त दिसतारोः रअः आसरा नेल दापे। 8परमेसर आपे के आखरी जगुत बिसवास रे डिड़ दोहो पे, जेकर से ची आबु आली परभु ईसु ख्रीस्त आला दिन रे, बेकासुर ठहराअ पे। 9परमेसर जरूर हेंकान गी दोहो केपेआय, एता लःअय ची हुनी बि-बिसवास लकान इदानियाँ, हुनी अपन होपोन परभु ईसु ख्रीस्त रअः संगति रे राअः तदपेआय।
मंडली रे अनबन
10ए बोकोकु, आबु आली परभु ईसु ख्रीस्त आला नुमू रे ईङ आपे तरअः गोहराअ तनिङ ची आपे मि बरन बातेपे, आउर आपे तलारे अनबन आलु हुयाव कोअ। बकिर मि बरन सोंच आउर मि मत रे मिजुट ताहिनपे। 11ए बोकोकु, खलोए ओड़ाअ रिनकु घराना तरअः ईङ के पता चलाव नेना, ची आपे ताला रे झगड़ा योआपे। 12#प्रे.कामी 18:24ईङ आला क-कंहड़ी रअः मतलब हेके ची आपे ताला रे थोड़ेक होड़ दो कंहड़ीआकु, “आले पौलुस आला तयोम चलाअ वाला हेके” आउर थोड़ेक कंहड़ीआकु, “आले कैफा आला तयोम चलाअ वाला हेके” आउर “आले अपुल्लोस आला तयोम चलाअ वाला हेके” आउर थोड़ेक कंहड़ीआकु, “आले ख्रीस्त तयोम चलाअ वाला हेके।” 13ख्रीस्त हाटिङ नाय एतान? एतान पौलुस के आपे लःअय कुरूस रे ठोकाव थिलयाकु? एतान आपे के पौलुस आला नुमू तरअः बतिस्मा भेटाव ताना? 14#प्रे.कामी 18:8; प्रे.कामी 19:29; रोमी 16:23ईङ परमेसर के धन्यवाद एमाअ दियीङ, ची आपे मेसे किरीसपुस आउर गायुस के बाई केते, ओके केहोः बतिस्मा काईंग एमा तदकुआ। 15हिना लःअय ओके होः, नोःआँ इरकु कंहड़ी सकाया ची ईङ आला नुमू रे बतिस्मा भेटाव ताना। 16#1 कुरि 16:15आउर हाँ, ईङ स्तेफनुस घराईता के होः बतिस्मा एमा तदकुईंग। नुकू के बाई केते, ईङ काईंग उईहार दा ची ईङ जाहें आउर के बतिस्मा एमा तदकुईङ।
17एता लःअय ची ख्रीस्त ईङ के बतिस्मा लःअय कोवान, बकिर बेस खभाईर सुसुनाव लःअय कुलगोःड तदिङाय। ईङ बेस खभाईर सुसुनाव बेरा होड़ आला बुधी मोताबिक काईंग बातेआ। ईङ नोकानेईंग दो ख्रीस्त कुरूस तेंग रे गोजोः वाला रअः बात, होड़कु आला मन रे बेकार ठहराव कोआ।
ख्रीस्त परमेसर आली बुधी आउर समरथ हेके
18एता लःअय ची जेके परमेसर नास कुआय, हुंकू लःअय ख्रीस्त कुरूस तेंग रे गोएःग उनी आला संदेस, मुरखाई रेनअः बात लेकाना, बकिर आबु लःअय जे परमेसर तरअः बंचाव उनकु हेके, नोःआँ संदेस परमेसर आला समरथ हेके। 19#जसा 29:14एता लःअय ची परमेसर आला बचन रे लिखा लअः एदनाआ,
“ईङ बुधीमनकु आला बुधी के नासेईंग आउर
समझदारकु आला समझ के एतान होः कनोआँ लकानेईंग।”
20 #
अयु 12:17; जसा 19:12; 33:18;
जसा 44:25
ओकाःड़े एदान कुआ गेयानी होड़? ओकाःड़े इदानकुआ धरम पुथी सि-सिखावकु? ओकाःड़े एदान कुआ नोःआँ जुग रिनकु रेना-टेटा वाला? एता लःअय ची दुनिया रेनअः बुधी के परमेसर निरबुधी ठहराव तदाय। 21एता लःअय ची दुनिया रिनकु होड़, अपन बुधी तरअः परमेसर के इरकु पाड़ी दड़ीआ, नोःआँ बात के परमेसर अपन बुधी तरअः पाड़ीआय, हिना लःअय परमेसर के नोःआँ बेस अदा लिया, बेस खभाईर रेनअः परचार रअः मुरुखता तरअः बिसवासीकु के बा-बंचाव चहाव नेनाय। 22जाहुदीकु दो चिनहा-छकरीत काम कोयाकु, आउर एटाअ जाईतकु बुधी रेनअः खोजाईर रे ताहिनोआकु, 23बकिर आले दो, होना कुरूस रे राकाःब लिनी ख्रीस्त आला गी परचारेआले। नोःआँ बेस खभाईर जाहुदीकु लःअय ठोकोर रेनअः कारन पाड़ी नेना। आउर एटाअ जाईतकु लःअय नोःआँ बेस खभाईर मुरुखता हेके। 24बकिर जाहुदीकु चाहे एटाअ जाईतकु, चाहे जाहें ताहिन कु, जेके परमेसर राअः तादकुआय हुंकू लःअय ख्रीस्त, परमेसर आला समरथ आउर बुधी हेके। 25एता लःअय ची परमेसर आला मुरुखता मनवा आला बुधी तरअः बुधीमन एदनाआ, आउर परमेसर आला नरजोर मनवा आला सवांग तरअः बलवान एदनाआ।
26ए बोकोकु नोःआँ बात रे कटिःग विचारेपे ची जब परमेसर राअः थिलबुआय हिमीन बेरा होड़कु आला नजाईर रे, थोड़ेक केन आपे मेसे बुधीमन, सवांगिया, आउर अपन समाज रे तेंग थिनाकु।
27-29बकिर जाहें होड़ परमेसर मड़ांग रे आलकु घमंड के लःअय, परमेसर बुधीमनकु के ला-लाज ची लःअय, बे-बुधी कु के चुनाव तदकुआय, आउर जे दुनिया रिनकु समारथी कु के ला-लाज ची लःअय, नरजोर होड़कु के चुनाव तदकुआय। जे होड़ अपन के बड़े समझाआकु, हुंकू के एतान होः कनोआँ लकान ब-बनाव लःअय समाज रिनकु छोटे होड़कु के आउर जेके घींड़ उकुआकु आउर, जे एतान होः कनिकुआ, हिंकु के परमेसर निबाड़ लिकुआय। 30एता लःअय ची परमेसर गी आपे के ईसु ख्रीस्त रे मेसा तदपेआय। परमेसर ईसु ख्रीस्त के आबु लःअय बुधी ठहराव लियाय। ख्रीस्त गी आबु के धरमी ठहराव तदबुआय, पबितर होड़ बनाव तदबुआय, आउर बंचाव तदबुआय। 31#जिर 9:24जेकर से ची परमेसर आला बचन रे लिखा लअः नोःआँ बात पुरायोअ “जदि जाहें अपने आला बेस दसा रअः ब-बड़ाई नामाय दो हुनी के नोकान क-कंहड़ी चाही, ची परभु हुनी लःअय एतान तदाय।”
Currently Selected:
1 कुरिन्थी 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0