संत.जोहन 12

ईसु आला जांगा रे सुनूम ला-लगाव

(संत.मत्‍ती 26:6–13; संत.मरकुस 14:3–9)

1पासका तरअः छाव रोज पहिल ईसु बैथनिया हीःग नेनाय, होनाःड़े लाजरुस ताहिनोअ केनाय, जेके ईसु गोएःग उनकु तरअः जिवीःड-बिरिःड थिलयाय। 2होड़कु ईसु आला मरजाईद लःअय घोटो तेयार लअकु। मरथा सेवा कु केनाय, आउर ईसु लोः घोटो जोमकु रे लाजरुस होः ताहिनाय। 3#सं.लुका 7:37,38तब मरियम जटामासी रेनअः बनाव लअः मि पायंटी खांटी सोहों सुनूम इदी केते, ईसु आला जांगा रे लगाव लःअय, आउर अपन उ:ब रे हुनी आला जांगा जोःड लःअय, आउर सोहों सुनूम रअः सोहों रे गोटा ओड़ाअ भेदाव ना।

4बकिर हुनी आलकु चेला मेसे मियांड जहुदा इसकारयोती, जे हुनी के स-स:ब चिई वाला ताहिनाय नोःआँ कंहड़ी लःअय। 5नोःआँ सोहों सुनूम “पे साय चाँदी ठर्ड़रा#12:5 चाँदी ठर्ड़रा मियांड चाँदी ठर्ड़रा, मुसिङ रअः हाजरी रअः बराबईर ताहिना। रे आखरिंग केते रांगेःगकु के एमोअ बेस ताही नेना।” 6हुनी नोःआँ बात रांगेःगकु के फिकिर ताहिना लःअय काय कंहड़ी लअः, बकिर नोःआँ लःअय ची हुनी चोर ताहिनाय, आउर हुनी खजांची ताही नेनाय, आउर होना मेसे जे सजाय केनाकु होना मेसे अपन लःअय उडुंग गुल ताकेनय।

7ईसु कंहड़ी लःअय “नुई के बाई पेईङ आला काबुर रे दोदोहो दिन रअः तेयारी लःअय दोहोअ चाई पे। 8#कन 15:11रांगेःगकु दो जामा बेरा आपे लोः ताहिनोआकु, बकिर ईङ जामा-बेरा आपे लोः इरिंग ताहिनोआ।”

लाजरुस के गोगोएःग रअः कुमैटी

9ढेर जाहुदी के ईसु होनाःड़े एदानिया सेके पता चलाव ना, दो हुंकू ईसु रअः चलते एकला कोवान, बकिर लाजरुस के होः नेनेल हीःग नेनाकु, जेके ईसु गोएःग उनकु मेसे जिवीःड थिलीयाय। 10हिना लःअय बड़े पुरोहितकु लाजरुस के होः हुमाअ गोगोएःग लःअय कुमैटी लअकु। 11एता लःअय ची हिनी चलते ढेर जाहुदीकु हुंकू तरअः आलगे योअ केनाकु, आउर ईसु रे बिसवासे केनाकु।

जिरोसालेम रे ईसु आला बोलोयोअ

(संत.मत्‍ती 21:1–11; संत.मरकुस 11:1–11; संत.लुकास 19:28–40)

12दोसरा हिला ढेर होड़कु जे परब लःअय हीःग थिनाकु, नोःआँ आयुम लअकु ची ईसु जिरोसलेम रे दराइया। 13#सिरिंग 118:25,26हिना लःअय हुंकू होड़ किन्दा:ड रअः डाईड़#12:13 किन्दा:ड रअः डाईड़ कि़न्दा:ड रेनअः डाईड़ जिरोसालेम रे सेबाअः केन भेटाआ। जाहुदीकु लःअय आजाद आउर जीत रअः चिनहा हेके। इदी केते, हुनी के पा-पाइरघाव लःअय उडुंग नेनाकु, “आउर होसन्‍ना! धनया एदानिया इसराइल रिनी राजा जे परभु आला नुमू रे हिजोआय” नारा लगाव एकाअ दाकु। 14जब ईसु के गधा छउना भेटाव नेनाय, दो हुनी, हुनी तेंग रे रकाःब नेनाय, जे लकान ची धरम पुथी रे लिखा लअः एदनाआ,

15 # जखरि 9:9 “हे सियोन रिनी माई आलुम बोर!

नेलीमे आम आली राजा,

गधा आली छउना रे देःग केते दराइया।”

16हुनी आलकु चेला नोःआँ बात के पहिल काकु समझाव थिना, बकिर ईसु जिवीःड-बिरिःड केते सिरमा सेनोः नाय, दो हुंकू के उईहार हीःग नेना, ची नोःआँ हुनी बारे लिखा लअः ताही नेना, आउर होड़कु हुनी लोः हेंकान गी बेवहार थिलाअकु।

17तब तुन्दरा रिनकु हुंकू होड़ जे हुंकू लोः ताही नेनाकु जब हुनी लाजरुस के मारघटा तरअः राअः केते गोएःग उनकु तरअः जिवीःड थिलयाय होना रअः गोवाही एम एकाअ दाकु। 18हिना लःअय होड़कु ईसु के पा-पाइरघाव उडुंग थिनाकु, हुंकू ईसु नोःआँ चिनहा-छकरीत काम उदूः थिलाआय सेके आयुम थिलाआकु। 19तब फरीसीकु आकु-आकु कंहड़ीः दाकु आपे आला बात दो मियांड-मिन होः का चलाआ, “नेलकुपे गोटा दुनिया हिनी तयोम ओतोङ किदयाकु।”

युनानीकु रअः ईसु के ददांड़ा

20जे होड़ परब रअः मोका रे आ-आराधना लःअय हीःग थिनाकु हुंकू रे ढेर युनानी ताही नेनाकु। 21हुंकू फिलिप्पी दुबाःड़े हीःग केते “हुजूर! आले ईसु लोः भेंटोः नाम तनाले” मेन केते गोहराव नेनाकु। फिलिप्पी गलील रिनी बैतसैदा रिनी ताहिनोअ वाला ताही नेनाय। 22फिलिप्पी सेन केते अंध्रियस के उदूः लियाय, तेकर अंध्रियस आउर फिलिप्पी सेन केते नोःआँ खभाईर ईसु के उदूः लियाकिन। 23ईसु हुंकिन के बेता लिकनाय “होना बेरा हीःग ना ची मनवा होपोन आला महिमा हुयाआ। 24ईङ आपे के सचे बेताअः दिपीईंग, जब तक गोहोम रअः गोटा ओत रे नुर केते का गोएःग जुनोआ, तब तक होना एकला गी ताहिनोआ, बकिर जदि होना गोएःग जुनोआ दो ढेर गोटायोआ। 25#सं.मत्‍ती 10:39; 16:25; सं.मर 8:35; सं.लुका 9:24; 17:33जे अपन जीव के दुलारेआय हुनी होना के नासेआय, आउर जे नोःआँ दुनिया रे अपन जिनगी तरअः बैर दोहोयाय हुनी होना के का-अन्तोः जिनगी लःअय जोगाव दोहो तआय। 26जदि जाहें ईङ आला से-सेवा नामाय दो ईङ तयोम जुनोः, जे एड़े ईङ एदानिया होनाःड़े ईङ आलकु से-सेवाकु होः ताहिकोआकु। जे ईङ के सेवाईङाय दो आपा हुनी के मरजाईद कियाय।

कुरूस रे गोजोअः रअः अड़िःग

27“ईङ आला जीव घबराव ताना हिना लःअय नहाअः दो एतानिंग कंहड़ीया? ‘ए बाबा, ईङ के नोःआँ घड़ी रअः बिपाईत तरअः बंचाईंग-मे?’ बकिर हिना लःअय दो ईङ नोःआँ घड़ी जगुत हीःग तानिङ। 28ए बाबा अपन नुमू के महिमाय। हेने घड़ी सिरमा तरअः सबद अयुम नेना, ईङ हुनी के महिमा एमा तदियीङ आउर हुनी के फिन महिमा एमायींग।”

29हिमीन रे जे होड़ हिना सोते तिंगु केते आयुमे केनाकु, हुंकू मेसे थोड़ेक कंहड़ी लअकु रिम्बिल हादुड़ लःअय।

एटाअ थोड़ेक होड़ कंहड़ी लअकु, “मियांड सिरमादूत हुनी के जहान कंहड़ी लःअय।”

30नोःआँ रे ईसु बेता लिकुआय, “नोःआँ सबद ईङ लःअय कोवान, बकिर आपे लःअय हीःग ताना। 31नहाअः दो नोःआँ दुनिया रेनअः नेयाय हुयाअः ताना, नहाअः दो नोःआँ दुनिया रिनी राजा के उडुंग कियाकु। 32आउर ईङ के जब धरती तरअः तेंग रे रकाबीङाकु दो जामा के अपन पखा ओर कुईंग।” 33नोकान कंहड़ी केते नोःआँ उदूः लःअय ची हुनी एता लकान मराईन तरअः गोएःग कोआय।

34 # सिरिंग 110:4; जसा 9:7; जहेज 37:25; दानि 7:14 नोःआँ रे होड़कु बेता लियाकु “मुसा आला कनहुन आले के ख्रीस्त जुग-जुग ताही कोआय नोःआँ सिकछा एमेआय, फिन आम मनवा होपोन के तेंग रे रा-रकाःब दरकार एदनाआ, नोःआँ एता लकान कंहड़ीयाम? हुनी मनवा होपोन ओके हेके?”

35ईसु हुंकू के बेता लिकुआय “नहाअः दो थोड़ेक बेरा जगुत मरसल आपे ताला रे ताहिकोआ। जब तक मरसल आपे दुबाःड़े एदनाआ मड़ांग बढ़ाव एकानपे, नोकान आलु हुयाव कोअ ची अंधार हीःग केते, आपे के घेराव-पे। जे अंधार रे सेनाय हुनी काय पाड़ीआ ची हुनी ओकाते तोराइया। 36जब तक मरसल आपे दुबाःड़े एदनाआ मरसल रे बिसवासेपे, जेकर से आपे मरसल रिनकु होपोन बनाव जुनोअपे।” ईसु नोःआँ कंहड़ी केते सेनोः नाय आउर हुंकू आला मेःड तरअः दनांग नाय।

जाहुदीकु आला का-बिसवास

37ईसु हुंकू मड़ांग रे नुमिन चिनहा देखाव लःअय, बकिर हुंकू हुनी रे काकु बिसवास लअः। 38#जसा 53:1नोःआँ जरूरी थिना इसायस आगमजानी आला वचन पुरायोअ जे हुनी कंहड़ी थिलाआय,

“हे परभु, आबु आला खभाईर के ओके बिसवास तदाय?

आउर ओके रे परभु आला सवांग दिसतार ताना?”

39हुंकू काकु बिसवास दाड़ी लअः, एता लःअय ची इसायस आला पुथी रे मियांड एटाअ वचन नोःआँ लकान होः एदनाआ,

40 # जसा 6:10 “हुनी हुंकू आला मेःड के अंधरा केदाय,

आउर हुंकू आला मन के कठोर केदाय,

नोकान आलु हुयाअः ची हुंकू मेःड तरअः नेलेकु

आउर मन तरअः समझाअ कु,

आउर फिराअकु

आउर ईङ हुंकू के चंगा कुईंग।”

41इसायस नोःआँ बात हिना लःअय कंहड़ी थिलाआय ची हुनी, हुनी आला महिमा नेल थिलाआय, आउर हुनी, हुनी रअः बारे रे आगमजानी लःअय।

42सेरे होः नेताकु रे ढेरकु हुनी रे बिसवास लअकु, बकिर फरीसीकु रअः बोरते दिसतार रे काकु मनाअ केना, नोकान आलु हुयाअः ची बिनती ओड़ाअ तरअः हुंकू के उडुंग गुल ताकु। 43एता लःअय ची हुंकू के, परमेसर आला बड़ाई तरअः, मनवा आला बड़ाई जादे दुलार अदाकु केना।

ईसु आला वचन तरअः दुनिया रअः नेयाय

44ईसु हकाव केते कंहड़ी लःअय, “जे ईङ रे बिसवासेआय हुनी ईङ, रे कोवान बकिर ईङ के भेभेजावी रे बिसवासेआय।” 45आउर जे ईङ के नेलीङाय, हुनी ईङ के भेभेजावी के नेलियाय, 46ईङ दुनिया रे मरसल पाड़ी केते हीःग नेनिंग, जेकर से जे ईङ रे बिसवासे-आकु हुंकू अंधार रे आलकु बनाल ताहिन।

47“जदि जाहें ईङ आला कंहड़ी आयुम केते होना रे काकु चलाआ, दो ईङ हुंकू के दोसी काईंग ठहराव कुआ, एता लःअय ची ईङ दुनिया के नेनेयाय लःअय कोवान, बकिर दुनिया के उधार एमोअ हीःग तानिङ। 48जे ईङ के तुछीङाकु आउर ईङ आला बात के काकु पतियाआ, हुंकू के दोसी ठठाहराव वाला दो मियांड एदानिया, जे वचन ईङ कंहड़ी तदिङ हिना आखरी हिला हुनी के दोसी ठहराव कियाय। 49एता लःअय ची ईङ अपन पखा तरअः काईंग बात लअः, बकिर बाबा जे ईङ के कुलगोःड तदिङाय हिनी ईङ के एतान-एतान कंहड़ीयीङ, आउर एतान क-कंहड़ी एदनाआ, सेके हुकूम एमा तदिंङाय। 50ईङ पड़ीईंग ची हुनी आला हुकूम का-अन्तोः जिनगी हेके। हिना लःअय जहानाअ होः कंहड़ीयीङ होना के हेकानगी कंहड़ीयीङ, जे लकान बाबा ईङ तरअः कंहड़ी तदाय।”

Currently Selected:

संत.जोहन 12: ASR

Highlight

Compare

Copy