संत.मत्ती 11
11
ईसु आउर जोहन बतिस्मा एमोई
(संत.लुकास 7:18–35)
1आनेःग आलकु बारा चेलाकु के नोःआँ उपदेस एमोअ तयोम, ईसु ढेर सहर रे उपदेस आउर परचार यअते होनाःड़े तरअः हुंकू सेनोः नाकु।
2जोहन जेहेल ओड़ाअ रे ख्रीस्त आला कामी रअः चरचा आयुम केते, अपन चेलाकु के हुनी दुबाःड़े नोःआँ कुकुली लःअय कुलगोःड लिकुआय। 3“आम हिनी हेके एतान,” जे हिजोअ वाला एदानिया, “चाहे आले आउर एटाअ आला नेल आसरा याले?”
4ईसु हुंकू के उतारा एमा लिकुआय, “जु, आपे जे आयुम दापे आउर नेल दापे होना के जोहन के उदूः गिपे, 5#जसा 35:5,6; जसा 61:1अंधरा नेलेआकु, लंगड़ाकु दंड़ा-बंड़ानाकु, छुँत घाव उनकु के सुध कुआकु, बहिराकु आयुमेआकु, गोएःग उनकु के जिवीःड कुआकु, रांगेःगकु के बेस खभाईर सुनाओ कुआकु। 6आउर धनया एदानिया हुनी, जे ईङ रअः चलते ठोकोर एरे जोमेआ।”
7जब हुंकू होनाःड़े तरअः सेनोः नाकु, हिमीन रे ईसु जोहन रअः बारे रे होड़कु के कंहड़ीओ दिकुआय, “आपे टुंगरी रे एतान नेल सेन थिनापे? होय रे हिलाअः केना ढुढ़ी के एतान? कोवान, 8दो आपे एतान नेल सेन थिनापे? बेस गेन्दरअ सोलोंग उनी होड़ के? कोवान, एता लःअय ची मुरुक बेस गेन्दरअ सो-सोलोंग कु दो राजमहल रिकु ताहिनोआँ। 9दो फिन एतान नेल सेन ताहिनापे आगमजानी के नेनेल? हाँ ईङ आपे के जरूर कंहड़ीओ दिपीईंग, जाहें आगमजानी तरअः होः बड़े होड़ के। 10#मला 3:1नुई हिनी हेके, जेकर बारे रे लिखा लअः एदनाअ, ‘नेलेपे, ईङ आली दूत के, आम तरअः मड़ांग रे कुलगोःड दियीङ, हुनी आम तरअः मड़ांग होरा बनाव तेयार केआय।’” 11ईङ आपे के सचे बेताः दिपीईंग, ची जे आउराईतकु तरअः जनमाव तानाकु, हुंकू जोहन बतिस्मा एमोई तरअः ओके होः बड़े कनिकुआ। बकिर सिरमा राईज रे छोटे तरअः छोटे एदानिया, हुनी जोहन तरअः होः बड़ेआय। 12#सं.लुका 16:16जोहन बतिस्मा एमोई बेरा तरअः नहाअः जगुत, होड़कु सिरमा राईज रे बोल लःअय मुरुक जुरजुट दाकु। बलवान होड़ होना के रेःग दाकु। 13जोहन हिजोअ जगुत जामा आगमजानीकु आउर मुसा आला कनहुन नोःआँ बारे रे आगमजानी थिलाआय। 14#मला 4:5; सं.मत्ती 17:10–13; सं.मर 9:11–13आपे चहाआपे, दो ईङ आला कंहड़ी के मनाअ पे, ची जोहन हिनी इलियस हेके, जे हिजोअ वाला ताहिनाय। 15जेकर लुतूर एदनाअ, हुंकू आयुम केपे।
16“ईङ नोःआँ जुग रिनकु होड़कु के एतान लोः जोखा कुईंग? हुंकू, हुंकू बजार रे दुड़ूः ताहिनोआकु चेंगाकु लकानाकु। जे एटाअ चेंगाकु के हकाव केते कंहड़ीआकु, 17‘आले आम लःअय बाँसरी बजाव लआले, आउर आपे कापे नचाव नेना, आले ईयाम लआले, आउर आपे छाती कापे हुमाअ लअः!’ 18एता लःअय ची जोहन बतिस्मा एमोई हीःग नेनाय, जे ना जोमेआय आउर ना नुयाय, आउर हुंकू कंहड़ी केनाकु, ‘हुनी रे मुवाँ आतमा एदानिया।’ 19होड़ होपोन जोम नु-यअते हीःग तनाय, आउर हुंकू ‘निलीपे, पेटु आउर पियांकड़ होड़ हेके, मालगुजारी ताइसलावकु आउर पापीकु आली गाती हेके’ मेन गेआपे, बकिर बुधी अपन काम तरअः सचा ठहराआ।”
का बि-बिसवासकु आला सहर
(संत.लुकास 10:13–15)
20तब ईसु होना पेने सहर रिनकु के घुड़काव लिकुआय, जेकर रे हुनी ढेर समरथ रअः काम के नेल केते होः मन काकु रूवाड़ लआ। 21#जसा 23:1–18; जहेज 26:1—28:26; जोए 3:4–8; आमो 1:9,10; जखरि 9:2–4“हाय खुराजीन, सहर रिनकु होड़, हाय बैतसैदा! सहर रिनकु होड़, भयभयान हुयाव कोआ आबेन रे हुयाव नेना समरथ रेनअः काम सूर आउर सैदा रे कामी लेन रेदो, ओका हिला गी सोक रेनअः गेन्दरअ उयु केते आउर तोरेःग तेंग रे दुड़ूः केते मन रूवाड़ ताकेआकु! 22बकिर नेयाय हिला आबेन आला दसा तरअः सूर आउर सैदा रेनअः दसा जादे सासहाव लकान हुयाव कोआ। 23#जसा 14:13–15; एहेः 19:24–28आउर हे कफरनहुम! रिनकु होड़कु आपे के सिरमा जगुत आलगाव केपेआकु एतान? कोवान, आपे के पताल रे गिड़ी केपेआकु! एता लःअय ची जे समरथ रअः काम आपे रे ईया लअः एदनाअ जदि सोदोम रे ईया ताकेआकु होले, दो होना तिसिंग जगुत बनाव ताहिकोआ! 24#सं.मत्ती 10:15; सं.लुका 10:12बकिर ईङ आपे के बेताः दिपीईंग, ची नेयाय हिला आबेन आला दसा तरअः सोदोम राईज रअः दसा जादे स-सहाव लकान हुयाव कोआ!”
बोझ रे जनताव उनकु होड़कु के छुटकारा
(संत.लुकास 10:21,22)
25हिमीन बेरा ईसु कंहड़ी लःअय, “ए बाबा, सिरमा आउर धरती रिनी परभु ईङ आम के धन्यवाद दिमीईंग, एता लःअय ची आम नोःआँ बात के बुधीमनकु आउर समझदारकु तरअः उकु-खेः दोहो लअम आउर चेंगाकु रे देखार लअम। 26हाँ, ए बाबा, एता लःअय ची निआँ आम के बेस अदा नेना।
27 #
सं.जोह 3:35;
सं.जोह 1:18; 10:15 “बाबा तिंग, ईङ के जामा जिनीस एमा तदिंङाय। आउर बाबा के बाई केते, होपोन ओके हेके सेके ओके होः काकु पाड़ीआ, आउर होपोन के बाई केते, बाबा ओके हेके सेके होः काकु पाड़ीआ, होपोन एकला पाड़ी आय आउर जेकर रे होपोन हुनी के दि-दिसतार नमाय।
28“ए थकाव-फेदाव उनकु आउर बोझा रे जनताव उनकु होड़कु, आपे ईङ दुबाःड़े हिजोअ पे, ईङ आपे के आराम एमा पेईंग। 29#जिर 6:16ईङ आला जुवाठ के आपे अपन तेंग रे गोअ-गेपे, आउर ईङ तरअः सिखाःपे, एता लःअय ची ईङ मन रे सोझ-सोझांड़ एदानिङा, आउर आपे अपन मन रे सानती नाम केआपे। 30एता लःअय ची ईङ आला जुवाठ सेबाआ, आउर ईङ आला बोझा हाईलकाआ।”
Currently Selected:
संत.मत्ती 11: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
