संत.मरकुस 9
9
1ईसु, हुंकू के कंहड़ीओ लिकुआय, “ईङ आपे के सचेगी बेताः दिपीईङ, जे नोआँड़े तिंगु तनाय हुंकू मेसे जाहें-जाहें नोकान एदान कुआ, जब तक परमेसर आला राईज के सवांग लोः हिजोअः काकु नेलेआ जगुत इरकु गोजोआ।”
ईसु आला भेस बदलाअ
(संत.मत्ती 17:1–13; संत.लुकास 9:28–36)
2 #
2 पत 1:17,18 तेकर छाव रोज तयोम, ईसु पतरस हेतरअ याकुब हेतरअ जोहन के गाती केते रिड़िगया उसूल बुरु तेङ रे ईदी लिकुआय, तेकर हुनी आला भेस, होनाःड़े बदलाव ना। 3तेकर हुनी आला गेन्दरअ फिट-फिट पुँड़ी केते लवकाः ताना ची, नुमिन मन नोःआँ दुनिया रे ओके धुबी होअः एरकु पुँड़ी दड़ीआ लकान लवकाः केना। 4तेकर हुंकू पेने चेला के मुसा तेकर इलियस नेल नेनाकिन, हुंकिन ईसु लोः बाते केनाकिन। 5हुंकू के नेल केते पतरस, ईसु के बेता लियाय, “ए गुरू आबु के नोआँड़े ताहीनोः बेस एदनाअ, हिना लःअय आबु पेया तंबू बानायाबु, मियांड आम लःअय मियांड मुसा लःअय हेतरअ मियांड इलियस लःअय।” 6हुंकू मुरुक बोरो ताही नेनाकु हिना लःअय हुनी काय पाड़ी केना एतान कंहड़ी रूवाड़े ईङ मेन के।
7 #
सं.मत्ती 3:17; सं.मर 1:11; सं.लुका 3:22 तेकर हुंकू के रिम्बिल छेका किद कुआय, हेतरअ होना रिम्बिल तरअः “नुई ईङ आली दुलार होपोन हेके, नुई आला आयुमेपे” मेन केते साड़ी नेना। 8हेतरअ अचाका चौकीरदा लुड़ीःग लअकु, बकिर हुंकिन ककिन नेल नेना, ईसु भाईर आकु लोः नेल नेनाय।
9“जे आपे नेल लअपे होना के, होड़ होपोन गोएःग केते काय जिवीःड बिरिडोआ जगुत ओके केहोः आलपे उदूः बड़ा के,” मेन केते बुरु तरअः अड़गुन बेरा कंहड़ीः लिकुआय।
10हुंकू नोःआँ बात के अपन मन रे दोहो केते, गोएःग केते जिवीःड बिरिडोः रेनअः माने एतान हेके, मेन केते आकु-आकु कंहड़ी केनाकु 11#मला 4:5; सं.मत्ती 11:14तेकर “इलियस के जुनजुना पहिल रे हिजोअः एदनाअ मेन केते कु ए धरम पुथी सि-सिखावकु एतान लःअय कंहड़ीआकु?” मेन केते कुली लियाकु।
12“हाँ, इलियस जुनजुना गी पहिल रे हीःग केते जामा कंहड़ी के सुधराव केआय, बकिर होड़ होपोन मुरुक बिपाईत सहाव केआय हेतरअ हुनी के घींड़ कोआकु, मेन केते एतान लःअय धरम पुथी रे लिखा लअः एदनाअ?,” कंहड़ी रूवाड़ोः लिकुआय। 13“बकिर ईङ आपे के कंहड़ीओ दिपीईङ, इलियस दो हीःग चुकाव नाय हेतरअ हुनी लःअय जे लकान लिखा लअः एदनाअ हुंकू हुनी लोः जे लकान चहाव नेनाकु हेंकान लअकु।”
मिरगी ऊनी चेंगा के छोड़ाव लियाय।
(संत.मत्ती 17:14–21; संत.लुकास 9:37–43)
14तेकर हुंकू, आधा चेला ताय दुबाःड़े हीःग केते नेल लिकुआकु दो हुंकू के गोटे तरअः घेराव केते तुन्दरा तानाकु, हेतरअ धरम पुथी सि-सिखावकु हुंकू लोः कंहड़ीयोः तनाकु। 15ईसु के नेल तोरन जामा होड़ मोकाव चाबाः नाकु हेतरअ तुन्दरा होड़ हुनी पखा नीर हीःग केते जोहार लियाकु। 16तेकर हुनी, “आपे एतान लःअय धरम गुरूकु लोः कंहड़ीयोः तनापे?” मेन केते चेला ताय के कुली लिकुआय।
17तुन्दरा होड़ तरअः मिहोंड़ कंहड़ी रूवाड़ लःअय, “ए गुरू ईङ होपोन तिंग के आम दुबाःड़े आगु ताही लियीङ, जे रे गुंगा मुवाँ आतमा लटकाव तनाय,” मेन लःअय। 18“जे एड़े हुनी के साबीयाय हिनाःड़े हुनी पटकाव जुनोआय, हेतरअ हुनी आहा ताय तरअः बोटो ऊड़ुङेआय, तेकर डाटा ताय के खाट खटायाय, हेतरअ रिकड़ुम तःब जुनोआय, चेला ताम के छोड़ाइपे मेन केते गोहराव निनिंग, बकिर काकु छोड़ाव दाड़ी लिया।”
19“ए अबिसवासीकु, ईङ आपे लोः ऊकिन रोज ताही कोईङ? हेतरअ ऊकिन रोज आपे आला के सहायीङ? ईङ दुबाःड़े हुनी के आगुई पे,” ईसु बेता लिकुआय। 20तेकर हुंकू हुनी के ईसु दुबाःड़े आगु लियाकु, हेतरअ ईसु हुनी के नेल लियाय दो हुनी मुवाँ आतमा तुरते आँईठाव केते ओत रे नुर किदयाय, हेतरअ हुनी आला आहा ताय तरअः बोटो ऊड़ुङे केनाय तेकर गुयुयोअ तनाय। 21ईसु, “नुई ओका हिला तरअः नोकानोआय,” मेन केते आपा तेके कुली लियाय, “छोटे तरअः गी नोकानोआय,” मेन केते आपाते ईसु के कंहड़ी रूवाड़ोः लियाय। 22“मुवाँ आतमा, नुई के ना नास लःअय ओका हिला सेंगेल रे दो ओका हिला दाअः रे नुर लियाय बकिर आम नुई के जहान दाड़ीआम होले, ईङ के सोगाव केते सहाड़ा यिङ मे,” बेता लियाय।
23“नोःआँ एतान कंहड़ी हेके, जदि आम दाड़ीआम होले? बिसवासेआ कु हुंकू लःअय जामा हुयाअः,” मेन केते ईसु कंहड़ी रूवाड़ोः लियाय।
24“परभु, ईङ बिसवासे ईङ, ईङ आला अनबिसवास के जोलाय मे,” आपाते जोड़ से तुरते कंहड़ी लःअय।
25होड़कु नीर हीःग केते तुन्दरायोः तानाकु के नेल केते, ईसु असुध आतमा के “ए गुंगा हेतरअ बहिरा मुवाँ, ईङ आम के आचुः दिमीईंङ, नुई तरअः उडुंग जुनोः मे, तेकर नुई रे ओका हिला होअः आलुम बोलो कोअ,” मेन केते डपटाव लियाय।
26तुरते हुनी मुवाँ आतमा जोड़ से गुल केते, हेतरअ जोड़ से आँईठाव तु लियाय तेकर हुनी तरअः उडुंग नेनाय, हेतरअ हुनी चेंगा गोएःग ऊनी लकान चिटपट नाय, होड़कु दो गोएःग नाय, मेनोः केनाकु 27बकिर ईसु हुनी के तियाअ बिरिःड लियाय हेतरअ हुनी तिंगुः नाय।
28ईसु ओड़ाअ हीःग नेनाय हिमीन रे, चेला ताय, “आले हुनी मुवाँ आतमा के एतान लःअय काले उडुंग दाड़ी लिया,” मेन केते एकले ताहिनाय हिमीन रे कुली लियाकु?
29“नुकू खाता मुवाँ आतमा बेगार बिनती ते, हेतरअ बेगार उपासते, एटाअ ऊपाय रे काकु ऊड़ुङोआ,” बेता लिकुआय।
अपन गोजोः बारे आउर मिसा उउदूः
(संत.मत्ती 17:22; 23; संत.लुकास 9:43–45)
30हुंकू होनाःड़े तरअः सेनोः केनाकु, हेतरअ गलील राईज रेनअः ताला रे परोमोः केनाकु, तेकर ईसु ओके होअः आलकु पाड़ी के, मेनोः केनाय। 31एतान लःअय ची, “हुनी चेला ताय के उदूः कु केनाय हेतरअ, होड़ होपोन, के होड़ तीः रे सःब ची कियाकु, तेकर गोएःग कियाकु, हेतरअ हुनी गोएःग केते पे रोज तयोम जिवीःड बिरिःड कोआय।” 32हेतरअ हुंकू नोःआँ कंहड़ी के काकु अरखाव नेना तेकर बोर ते काकु कुली लिया।
जामा तरअः बड़े ओके?
(संत.मत्ती 18:1–5; संत.लुकास 9:46–48)
33तेकर हुंकू कफरनहुम हीःग नेनाकु हेतरअ ओड़ाअ रे हीःग केते ईसु हुंकू के कुली लिकुआय, “होरा रे एतान बात के सोंचाय केनापे?” 34#सं.लुका 22:24हुंकू चुपचाप ताहिः नाकु, हुंकू होरा रे, आबु रे बड़े ओके एदानिया, कंहड़ी आगुय केनाकु 35#सं.मत्ती 20:26,27; 23:11; सं.मर 10:43,44; सं.लुका 22:26तेकर हुनी दुड़ूः नेनाय हेतरअ बारहों चेला के राअः केते “जाहें जामाकु तरअः बड़ेयोः नामा पे होले, जामाकु तरअः छोटे हेतरअ जामाकु आली धाँगड़ पड़ीयोः पे,” बेता लिकुआय। 36तेकर हुनी मियांड बालेक चेंगा के आगु केते हुंकू तलारे तिंगु लियाय हेतरअ हुनी के कोयोङ केते हुंकू के कंहड़ीः ऊ लिकुआय, 37#सं.मत्ती 10:40; सं.लुका 10:16; सं.जोह 13:20“जे नुई लकान कु के जाहें होअः मिहोंड़ चेंगा के ईङ आला नुमू रे पुछाव कुआय, होले हुनी ईङ के पुछाव किङाय, हेतरअ जे ईङ के पुछाव किङाय, हुनी ईङ के कोवान बकिर ईङ के भेभेजावी के पुछाव कियाय,” बेता लिकुआय।
जे बिरोध रे कनियाँ हुनी आबु पखा एदानिया
(संत.लुकास 9:49–50)
38तेकर जोहन, ईसु के बेता लियाय “ए गुरू आले मिहोंड़ होड़ के, आम आला नुमू रे होड़ तरअः मुवाँ आतमा के उ-ऊड़ूङ नेल लियाले, हेतरअ हुनी आबु लोः काय गतियोः केना, हिना लःअय हुनी के बधराई केनाले।”
39ईसु, “हुनी के आलपे बधराई, नोकान ओके होअः कानी कुआ, जे ईङ आला नुमू रे सवांग रेनअः काम कामीयाय हेतरअ हुनी, झट के ईङ के बेस कनियाँ” मेन केते हुनी एरे कंहड़ीआ। 40#सं.मत्ती 12:30; सं.लुका 11:23एता लःअय ची, “जे आबु आला बिरोध रे कनियाँ, हुनी आबु पखा एदानिया। 41#सं.मत्ती 10:42तेकर जाहें होअः नुकू ख्रीस्त आलकु चेला हेके मेन केते मि डुभनी दाअः पियाव पेआकु, दो ईङ सचे बेताः दिपीईङ हुनी ओका लकान रे होः कामी लआ इनाम के एरे आडेआ।”
आलपे तोहोःड कोओ मेन केते उदूः कु केनाय
(संत.मत्ती 18:6–9; संत.लुकास 17:1–2)
42“जेतना कु छोटे मेसे ईङ रे बिसवासेआ कु, हेतरअ जाहें के ठोकोर एमाईकु, दो हुनी आला होटोः रे बड़े जानता रेनअः पटनी के तोल केते डाहा रे डु-डुबाव बेस एदनाअ। 43#सं.मत्ती 5:30जदि आम आला तीः ताम आमके ठोकोर जोम चिमेआय, होले होना के मांअ खांड़ा गुल तामे। ठुठा केते, का-अन्तोः जिनगी रे बोल आम लःअय बेस एदनाअ, कोवान दो बरिया तीः ताहिनोः तुली होअः नरक रे सेनोः हुयाव कोआ। 44[नरक रिनकु तीज काकु गोजोआ, हेतरअ सेंगेल ओका हिला होअः का ईड़ीगोआ।#9:44 आधा पुथी रे नोःआँ पद का भेटाअः।] 45जदि जांगा ताम आम लःअय पाप रअः कारन पाड़ीयोआ, दो मांअ गुल तामे। लंगड़ा केते, का-अन्तोः जिनगी रे बोल, आम लःअय बेस एदनाअ, कोवान दो जांगा ताहिनोः तुली होअः नरक रे सेनोः हुयाव कोआ। 46[नरक रिनकु तीज काकु गोजोआ, हेतरअ सेंगेल ओका हिला होअः का ईड़ीगोआ।]#9:46 आधा पुथी रे नोःआँ पद का भेटाअः। 47#सं.मत्ती 5:29जदि आम आला मेःड, आम लःअय पाप रअः कारन पाड़ीयोआ, दो होना के उडुंग गुल तामे। काना केते परमेसर आला राईज रे सेन आम लःअय बेस एदनाअ, कोवान दो बरिया मेःड ताहिनोः तुली होअः नरक रे सेनोः हुयाव कोआ। 48#जसा 66:24जे एड़े ‘होना रिनकु तीज काकु गोजोआ हेतरअ सेंगेल का ईड़ीगोआ।’
49“मि-मिहोंड़ के सेंगेल तरअः पबितर किकुआकु, जाईसन ची बलिदान के बुलूङ तरअः सुधेआकु।#9:49 परमेसर जाहुदीकु के हुकूम एमा ताही लिकुआय ची हुंकू जामा बलिदान के बुलूङ रे सुद्धे केनाकु। लेवी.कनहुन 2:13
50 #
सं.मत्ती 5:13; सं.लुका 14:34,35 “बुलूङ बेस एदनाअ, बकिर बुलूङ गी सीठा जुनोआ होले एतान रे बुलूङ लकान सिबील केआपे? अपन चाईल के बुलूङ लकान सिबील दोहोयपे हेतरअ अपन कु लोः मेल ते ताही नोअपे।”
Currently Selected:
संत.मरकुस 9: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
