1TH 3
3
तीमथ्यन आंपेद
1माक यप्पुड जास्त दम फटा दाक फो, आप्पुड मिम अथेनै शहरला वक्कारे निलचेद ठराय मततीम. 2इंगा मिम मा तम्मुन तीमथ्यन, यवाड ख्रिस्तन सुवार्ताला परमेश्वर सेवक उंडाड वान दिनिचांग मी तीकुड आंपतीम की, वाड मिमलान विश्वासला मजबुत इंगा उत्साहीत शेयाला; 3आदी इल्ला की, इ संकटला यवारुच यरस्कुनाराद; येनटीक की मिक यरका उंडाद की मनालनी दिनिचांगे निवडाशेदेंक वच्चीनाद. 4येनटीक की मिम मी देगार उंटीम आप्पुड मिम मिक शप्पी फेट्टीन्टीम की, मनाक संकटलु भोगाशे उंडाय इंगा आल्ले आय्या पण, इदी मिक यरकाने उंडाद. 5दिनिचांग नाक पण जास्त दम फटा दाक फो, दिनिचांग निन मी विश्वास बद्दल हालचाल आडगेदेंक तीमथ्यन मी तीकुड आंपतीन; यवारकी यरका, कदाचित परीक्षा तिस्कुनेतोड मिमलान मोहला केडपीने इचांग माद मेहनत वाया फोयन्याला.
6इप्पुड तीमथ्यड मी तीकेल मा तीकुड वच्ची, मी विश्वास इंगा प्रेम बद्दल शप्या इंगा यल्ला मिम मिमलान भेटाशेदेंक उत्सुक उंडाम आल्ले मीर पण मोमलान भेटाशेदेंक उत्सुक उंडी आनंदता माद ध्यानाम तिस्तार दीन बद्दल शुभवर्तमान माक शप्या; 7दिनिचांग हे आक्का तम्मुळ्ळालाला, माक मा पुर्ण त्रासलाला इंगा संकटलाला मी विश्वासता मी बद्दल शांती शिक्या. 8येनटीक की जर मीर प्रभुला मजबुत उंडार तर मिम जित्ता उंडाम. 9येनटीक की यल्लोनदी आनंद माक मी इचांग मना परमेश्वर मुंदार उंडाद शेस्ताम, दान बद्दल मी इचांग मिम यल्ला परमेश्वरकी धन्यवाद इयाला? 10मिम मोब्बु-फगुल शेंगेम प्रार्थना शेस्ताम की, मिम मिद मुती सुडाला इंगा मी विश्वासला येम कमी उंडाद आदी पुर्ण शेयाला.
11परमेश्वर मना आब्बाड इड स्वता इंगा मना प्रभु येशुड इड मी तीकुड वच्चेदेंक मा इचांग दावा तैयार शेयाला; 12इंगा प्रभुड इल्ला शेयाला की यल्ला मिम मी मिंदा प्रेम शेस्ताम, आल्ले मिद पण प्रेम वगामेगार इचांग इंगा आंता मंदी इचांग वाढाशी शेंगेम कावाला; 13दिनिचांग की, मना प्रभु येशुड परमेश्वर मंदी जताक वच्ची आप्पुड मी अंतकरणलु परमेश्वर मना आब्बान मुंदार पवित्रताला निर्दोष उंडेदेंक मजबुत शेयाला.
Currently Selected:
1TH 3: WNT
Highlight
Copy
Compare
Share
Want to have your highlights saved across all your devices? Sign up or sign in