ACT 28
28
मिलिता इंदु पौल
1यप्पुड माय काळ सुखरुप आंदुड भुमी मिंदा फड्या, आप्पुड माक तेलच्या की, आ बेटदी फेर मिलिता उंडाद. 2आंदु निलचेतोर मा जताक शेंगेम ममताता वागाशीर, वार वगाट आग्गीद शेकोटी आंचीर इंगा माद स्वागत शेशीर, येनटीक की वाना फडदु इंगा सली पण उंड्या. 3पौल कटलु जमा शेशी आग्गीला येयदु इंगा आग्गी शका इचांग आंदुकेल वगा फाम यल्या इंगा आदी पौल शेयीन कोरक्या. 4आदी सुशी आंदु निलचेतोर वगामेगारनी आनेदेंक आंटीर, “इ मनशी खुनी उंड्याला, समुद्र लोन्केल जरी इड बतक्या तरी पण दैवी न्याय इन बतका नियाद.” 5पण पौल आदी फाम आग्गीला झटकास्काड्या इंगा पौलकी येमीच काक फो. 6आ बेट मिंदुड मंदीक पौलदी फय वासकुनी लेकाते पौल एकाएकी सच्ची फोई इल्ला वाटायदु, शेंगेम शप दावा सुशी नेंका वानकी येमीच आयनेद कमसा लेद, आप्पुडे वारी मनलु पलटाशी फोया इंगा पौल परमेश्वरे उंडाड इल्ला वार आनेदेंक आंटीर.
7आंदुकेल देगारे पुब्ल्य फेरोन मनशीद शेन उंड्या, पुब्ल्य इड आ बैटूटोड अधिकारी उंड्या, वाड मा आंदारदी वान इल्काडा स्वागत शेशा इंगा मुड नाळ माद शिंगार पाहुनचार शेशा. 8पुब्ल्यन आब्बाड जडमुता इंगा कडपु वाईट उंडीने इचांग बिमार उंड्या, आंका पलंग मिंदा उंड्या, पौल आ बिमार मनशीन भेटाशेदेंक फोया इंगा प्रार्थना शेशी पौल वानदी शेय वान मिंदा फेट्या इंगा आ मनशीन शिंगार शेशा. 9इल्ला आयनेंका आ बेटलोन बाकीचे बिमार मंदी पौल तीकुड वच्चीर इंगा वार शिंगार आय फोईर. 10वार माक सन्मानता शेंगेम वस्तुल भेट रुपला इच्चीर इंगा यप्पुड मिम वापस प्रवास इचांग यलतीम आप्पुड माक येम आवश्यक उंड्या आय आन्नी माटलु इच्चीर.
रोमदी प्रवास मुंदारकी सुरु
11मिम आंदु सलीकालाम निलचीनेंका आलेक्सांद्र शहरलोन वगा जहाजता मुंदार प्रवासकी यलतीम, आदी जहाज आ बेट मिंदा सलीकालाम भर मुक्कामकी उंड्या, आ जहाजकी मुंदार बाजुक जुडवा तम्मुळ्ळाद चिन्ह उंड्या. 12मंग मिम सुराकुस शहरकी फोई पोहचास्तीम इंगा आंदु मुड नाळ निलस्तीम. 13आंदुकेल तिरगी मिम यलतीम इंगा रेगीयोन नगरकी फोयतीम, आंदु वगा नाळ मुक्काम शेस्तीम, यंकसार दक्षिण तीकुड घाली तिरगी नेंका इंगोगो नाड पुत्यूल शहरकी फोयतीम. 14आ शहरला माक काही तम्मुळ्ळु भेटाशीर, वार आनीर आंका मिम आंदु योड नाळ निलस्तीम, मंग मिम रोमकी फोई पोहचास्तीम. 15आंदुटोर आक्का तम्मुळ्ळु मा बद्दल इनीनीर, वार मोमलान भेटाशेदेंक अप्पीया बाजारपेठ नंताक इंगा मुड धर्मशाळा आनीने जागा नंताक वच्चीर, पौलदी वार जताक भेट आयनेंका वाड परमेश्वरकी धन्यवाद इच्या इंगा वानकी शांती शिक्या. 16मिम रोमकी पोहचाशीनेंका पौलकी वक्कानकी निलचेदेंक परवानगी शिक्या, पण वान मिंदा देखरेख शेशेदेंक वगा शिपाईन फेट्टेदेंक वच्या.
पौल रोमलोन यहुदी मंदीद भेट तिस्कुंटाड
17मुड नाळा बाद पौल आंता यहुदी पुढारीलान वगातळा फिलच्या, यप्पुड आंता मंदी जमा आय्यीर आप्पुड पौल वारनी आन्या, “आक्का तम्मुळ्ळालाला, मना तम्मुळ्ळा विरुद्ध निन येमीच शेयालेद, तरी नन्नु यरुशलेम शहरला फट्टीगास रोमी मंदी शेतल्या कैदी आंका इच्चीर. 18इंगा यप्पुड वार नाद चौकशी शेशीर, आप्पुड वारदी नन्नु इडशेद इच्छा उंड्या, येनटीक की मरण दंड योग्य इल्ला यादुच अपराध निन शेया लेकुंटीन. 19पण यहुदी मंदी यप्पुड नन्नु इडशेदेंक लेद आनीर, आप्पुड कैसर तीकुड न्याय आडगेदेंक नाक विनंती शेयाबेक आय्या, दिनदी अर्थ इल्ला लेद की, यहुदी मंदी विरुद्ध नाक दोष आंचेद इच्छा उंडाद. 20दिनिचांग मिमलान भेटाशेद इंगा मी जताक माटलाडेद निन इच्छा सुपीस्तीन, येनटीक की इस्राएल मंदी आशा इचांग #28:20 आशा इचांग ख्रिस्त इस्राएल इचांग वच्चीनाड निन इ साखळीलाता कट्टीनोड उंडान.” 21यहुदी पुढारील पौलनी आनीर, “माक नि बद्दल यहुदीया केल यादुच पत्र दालेद, जर आंदुकेल वच्चेतोर तम्मुळ्ळा लोन्केल वगाड पण नी बद्दल वाईट शप्पालेड लेकाते माटलाडालेड.” 22पण नीद विचार येम उंडाद इदी इनी तिस्कुनेद माद इच्छा उंडाद, येनटीक की इ गट विरुद्धला #28:22 गट विरुद्ध ख्रिस्त मिंदा विश्वास फेटेतोर मंदी गट विरुद्ध आन्नी तीकुड माटलाडतुनार इदी माक यरका उंडाद.
23आप्पुड यहुदी मंदी वगाट दिनमु ठरायमतीर, यंदु पौल निलदु, आंदु वार शेंगेम मंदी जमा आय्यीर, आप्पुड पौल वारकी समजायमती शप्या इंगा परमेश्वर राज्य बद्दल स्वताद साक्ष इच्या, मोशेन नियमशास्त्रकेल इंगा संदेष्ट्यालक पुस्तकला लोन्केल येशुन बद्दल समजायमत्या, इदी वाड फद्दीननोट माप नंताक वर्णन शेस्केन उंड्या. 24वाड पुस्तकला लोन्केल शप्पीने माटला बद्दल काही मंदीक खात्री आय्या, तर काही मंदी वान माटला मिंदा विश्वास फेट्टाक फोईर. 25पौल मुंदारकी वगा माटा माटलाड्या, दान मिंदकेल वार दिंटल्या मतभेद आय्यी वार दिंटल्योन्केल काही मंदी लेशीर इंगा आंदुकेल फोयेदेंक आंटीर, पौल आन्या, “यशया संदेष्ट्यान तीकेल पवित्र आत्मा मी आब्बा तातागार जताक येम माटलाड्या, आदी खरेम उंडाद!.”
26इ मंदी तीकुड#28:26 इ मंदी तीकुड यहुदी मंदी तीकुड फोई शप की, मीर इन्यार तर खरेम पण मिक तेल्वाक फोई, मीर सुशार मिक कमशी पण मीर येम सुस्तुनार आदी मिक तेल्वाक फोई.
27येनटीक की इ मंदी अंतकरणलु भोरु आयनाय वार गुम्मालता वारकी इना दाद इंगा वार स्वताय कंडलु बंद शेस्कुंडार लेकाते वार स्वता कंडलाता सुस्तुनीर इंगा स्वता गुम्मालता इंटुनीर इंगा ना तीकुड तिरगुतुनीर इंगा निन वारनी शिंगार शेस्तुंटीन.#यशया 6:9-10. 28दिनिचांग परमेश्वर इदी तारण गैर यहुदी मंदी तीकुड आंप्या, इदी मी यहुदी मंदीक तेल्वाला, वार इन्यार. 29वाड इल्ला माटलाडीनेंका यहुदी मंदी वगामेगारला शेंगेम वाड विवाद शेस्का यल्ली फोईर.
समाप्ती
30पुर्ण रोंड यंडलु वाड वान भाडा इंटल्या निलच्या, यवार वान भेटाशेदेंक वद्दुर, वारदी वाड स्वागत शेयदु. 31वाड परमेश्वर राज्य बद्दल प्रचार शेशा, वाड प्रभु येशु ख्रिस्तन बद्दल शिक्षण इच्या, वाड इदी फनी शेंगेम हिम्मतता शेयदु इंगा यवारुच वान माटलाडेदेंक थांबायमती शकायाक फोईर.
Currently Selected:
ACT 28: WNT
Highlight
Share
Compare
Copy
Want to have your highlights saved across all your devices? Sign up or sign in
