MAT 10
10
बारा प्रेषितलु इंगा वारी फनुल
1दिन बाद येशुड बारा शिष्यलान वान देगार फिलच्या इंगा वाड वारकी अशुद्ध आत्मालनी#10:1 अशुद्ध आत्मालनी शब्दावली सुडना फारामतेद, इंगा आन्नी प्रकारी बिमारील इंगा आन्नी रोगलु बागा शेशेद अधिकार इच्या. 2तर आ बारा प्रेषित#10:2 प्रेषित प्रेषित शब्द मुळ भाषा (ग्रीक) अपोस्तोलोस शब्दता तिस्कुनीनेद उंडाद दिनदी अर्थ वाड यवाड आंपीनोड उंडाड लाय फेरलु इ उंड्या: शिमोन यवान पेत्र पण आंटार इंगा वान शिन्ना तम्मुड अंद्रिया, जब्दी कोडकु याकोब इंगा वान तम्मुड योहान 3फिलिप्प इंगा बर्थलमय, थोमा इंगा मत्तय जकातदार, अल्फिन कोडकु याकोब इंगा तद्दय 4शिमोन कनानी#10:4 कनानी इदी वगाट प्राचीन यहुदी गटदी हिस्सा उंड्या दानदी लक्ष्य वगाट विश्व यहुदी साम्राज्य स्थापन शेशेद उंड्या इंगा वार 70 इ.स. पुर्व नंताक रोमी साम्राज्य विरुद्ध उंडीर इंगा यहूदा इस्कर्योत यवाड वान फट्टीच्या.
शिष्यलान सेवा इचांग आंपेद
5येशुड इ बारा शिष्यलाक इदी आज्ञा इच्ची आंप्या की: यहुदी लेनोर मंदी तीकुड फोकुंडा इंगा शोमरोनी#10:5 शोमरोनी शोमरोनी मंदी यहुदी मंदी लेका यरुशलेमलोन भवनला परमेश्वरदी आराधना शेया कुंदुर. दिनिचांग यहुदी मंदी वारनी यहुदी लेनोर समजायदुर इंगा वारनी तुच्छ समजायदुर. मंदी यादुच नगरला प्रवेश शेयाकुंडा. 6पण इस्राएललोन फाम फोयने मेंढऱ्याल तीकुड फोंडा. 7मीर फोयार आप्पुड संदेश शपना इंगा इल्ला आंडा, “स्वर्गद राज्य देगार वच्चीनाद.” 8रोग्यालनी शिंगार शेयना, सच्चीनोरनी जिवंत शेयना, कुष्ठरोग्यालनी शुद्ध शेयना इंगा दैयाल फारामतना. मिक फुकट शिक्कीनाद आंका फुकट इंडा. 9मी तित्तीला बंगार, यंडी इंगा राग्या तिस्कुनाकुंडा. 10मी प्रवास इचांग मी जताक थैली तिस्कुनाकुंडा, इंगा फेटकुन्ने आंगी इडशी इंगोगोट तिस्कुनाकुंडा, शप्पुल इंगा कोला कट्ट्या तिस्कुनाकुंडा, येनटीक की फनी शेशेतोनकी वानदी आन्नाम शिक्काबेक. 11या नगरलोंग इंगा उळ्योंग मीर फोयतार आंदु यवाड योग्य व्यक्ती उंडाड इदी फुडकुना इंगा आंदुकेल यल्ली नंताक आ व्यक्ती इंटल्या निलना. 12आ इंटल्योंग फोयेताप्पुड इंदु शांती उंडाला, इल्ला आनना. 13जर आदी इल्लु खरेमे शिंगार उंटे तर मिद शांती आंदु निलची पण जर आदी इल्लु शिंगार लेद तर मिद शांती मी देगार वापस वच्ची. 14इंगा यवार पण मिद स्वीकार शेय्यार इंगा मी माटलु इनार आप्पुड वान इंटल्योन्केल इंगा नगर लोन्केल बैटीक फडेताप्पुड मीर मी काळाद मन्नु झटकास काडना. 15निन मिक खरेम शपतान. न्याय दिनमुनाड आ नगरकाना सदोम इंगा गमोराक शेंगेम सोपा फोई.
छळ आय्ये दिनमुल
16येशुड मुंदारकी आन्या, सुडना लांडगालला यल्ला मेंढऱ्यालनी आंपाला आल्ले निन मिमलान आंपतुनान, आंका मीर फाम लेका सावध इंगा कबुतर लेका गरीब उंडना. 17मंदी तीकेल सावध उंडना येनटीक की वार मिमलान न्यायालयला इच्यार इंगा वार यहुदी सभास्थानला मिक देब्बाल मत्यार. 18ना इचांग वार मिमलान राज्यपाल इंगा राजाल मुंदार यकोच्यार. मीर वार मुंदार इंगा यहुदी लेनोर मुंदार ना बद्दल साक्ष इच्यार. 19यप्पुड मिमलान तुरुंगला येशार आप्पुड येम माटलाडा बेक इंगा यल्ला माटलाडा बेक दिन बद्दल काळजी शेयाकुंडा. आप्पुड मीर येम माटलाडेद आदी मिक शप्पेदेंक वच्ची. 20येनटीक की माटलाडेतोर मीर लेर मी आब्बानदी पवित्र आत्मा मी नोरता माटलाडी. 21तम्मुळ्ळु मना तम्मुन विरुद्ध इंगा आब्बाड मना कोडकु विरुद्ध लेशी इंगा वान विश्वासघातता मतेशेदेंक सोपासकाडी. बिळ्ळु आम्मा-आब्बान मिंदा लेशीगास वारनी जेमफडा मतेशेदेंक इच्यार. 22ना फेर इचांग आंता मंदी मिद कोफाम शेशार. पण आखरी नंताक यवाड टीकाशी वानदे तारण आय्यी. 23वगा नगरला जर मिक त्रास इस्ते, तर इंगोगो नगरलोंग फारी फोंडा. निन मिक खरेम शपतान, मनशी कोडकु वच्ची नंताक इस्राएललोन आन्नी नगरलाला मिद तिरगेद संपायाक फोई.
शिष्य आय्येद अर्थ
येशुड मुंदारकी आन्या, 24शिष्य वान गुरुकाना फेद्दावोड लेड इंगा नोकर मालकुन काना फेद्दावोड लेड. 25शिष्य मना गुरु लेका इंगा नोकर मना मालकुन लेका आय्येदे शेंगेम उंडाद. जर इल्लु मालकुन वार बालजबुल आंटार तर इंटल्योन्टोर बाकी मंदीन यंता वाईट फेर फेट्यार! मंदीद लेद पण परमेश्वरदी येरपु फेटना.
यवारकी यरस्कुनेद
26येशुड मुंदारकी आन्या, दिनिचांग वारकी यरस्कुनाकुंडा, येनटीक की तेरशेदेंक दाक फोई इल्ला येमीच मुशीनेद लेद इंगा यरका काक फोई इल्ला येमीच दाशीनेद लेद. 27याद निन मिक मोब्बुला शपतान आदी मीर येलगुला माटलाडना इंगा गुम्माला शप्पीनेद जे मीर इंटार आदी मीर इंडला मिंदीक यक्की प्रचार शेयना. 28यवार शरीरनी मतेस्तार पण आत्मान मती शकायार वारकी यरस्कुनाकुंडा, तर दानपेक्षा आत्मान इंगा शरीरनी यवाड मती शकास्ताड इंगा नरकला येशी शकास्ताड आ परमेश्वरकी यरस्कोंडा. 29रोंड गुवाल वगा कलदारकी आम्मार येम? तरी पण मी स्वर्गीय आब्बान इच्छा शिवाय दांटल्योनदी वगाट पण भुमी मिंदा फडी सच्ची शकायाद. 30इंगा मी नत्ती मिंदुडी यंडकाल पण वाड कोल्चीनाड.#अनुवाद 32:10; स्तोत्रसंहिता 17:8-9; जखऱ्या 2:8. 31दिनिचांग यरस्कुनाकुंडा. आन्नी गुवाल काना मीर शेंगेम मौल्यवान उंडार.
येशुनदी स्वीकार इंगा नकार शेशेद
32येशुड मुंदारकी आन्या, जर यवाडाना मंदी मुंदार नाद स्वीकार शेशी तर निन पण वान ना स्वर्गीय परमेश्वर आब्बान मुंदार स्वीकार शेशान. 33पण यवाडाना जर मंदी मुंदार नाद नकार शेशी तर वानदी निन पण ना स्वर्गीय परमेश्वर आब्बान मुंदार नकार शेशान.
येशुनदी वच्चेद उद्देश
34येशुड मुंदारकी आन्या, इल्ला समजायाकुंडा की निन पृथ्वी मिंदा शांतता फेटदेंक वच्चीनान. निन शांतता फेटदेंक दालेद तर तलवार यकोचीनान. 35निन मी रिश्ताल तेम्पेदेंक वचीनान, आंटे
कोडकुन वान आब्बान विरुद्ध इंगा
कुतुरनी आम्मा विरुद्ध,
कोडालनी आता विरुद्ध नीला फडा मतेदेंक वचीनान. 36मनशी इंटल्योन्टोर मंदीने वान शत्रुल आय्यार. 37यवाड ना काना स्वता: आब्बान मिंदा इंगा आम्मा मिंदा जास्त प्रेम शेस्ताड, वाड नाक योग्य लेड. यवार ना काना पण मना कोडकु मिंदा, कुतुर मिंदा जास्त प्रेम शेस्ताड, वाड ना इचांग योग्य लेड. 38यवार मना क्रुस #10:38 मना क्रुस येशुन इचांग दुख सहन शेशेदेंक इंगा सच्चेदेंक तैयार उंडेद तिस्केन ना यंका वच्चेद नकार शेस्ताड, वाड नाक योग्य लेड. 39यवाड मना जेम वाचाय मतताड वाड आदी गमायमती पण यवाड ना इचांग स्वताद जेम गमायमती वानकी सार्वकालिक जीवन शिक्की.
परमेश्वर प्रतिफळ इच्ची
40येशुड मुंदारकी आन्या, यवाड मिद स्वीकार शेस्ताड वाड नाद स्वीकार शेस्ताड इंगा या परमेश्वर आब्बाड नन्नु आंपीनाड वान पण स्वीकार शेस्ताड. 41यवाड पण संदेष्ट्यानदी स्वीकार संदेष्टा आंका शेस्ताड, वानकी संदेष्ट्यानदी प्रतिफळ शिक्की इंगा नितीमाननी नितीमान आंका यवाड स्वीकार शेस्ताड वानकी नितीमानदी प्रतिफळ शिक्की. 42निन मिक खरेम शपतान की, इ शिन्नावोरला वगानकी शिष्य आंका यवाड शंबाड सल्लांग नेळ तापी वानकी वानदी प्रतिफळ शिक्कीच.
Currently Selected:
MAT 10: WNT
Highlight
Share
Compare
Copy
Want to have your highlights saved across all your devices? Sign up or sign in
