MAT 18
18
नम्रता बद्दल शिक्षण
1आप्पुडे शिष्यल येशुन तीकुड वच्चीर इंगा आडगेदेंक आंटीर, “स्वर्ग राज्यला आंदार काना महान यवाड उंडाड?” 2आप्पुड वाड वगा शिन्ना बिडान वान देगार फिल्ची वार नडमा नीला फडामत्या, 3इंगा आन्या, “निन मिक खरेम शपतान, मिद मन बदलाशी बिडा लेका आय्यी नंताक स्वर्ग राज्यला मिद प्रवेश काके फोई. 4दिनिचांग यवाड पण स्वतान इ बिडा लेका नम्र शेस्ताड वाडे स्वर्ग राज्यला आंदार काना महान उंडाड. 5इंगा यवाड पण इल्लोन वगा शिन्ना बिडान ना फेरता स्वीकार शेस्ताड, वाड नन्नु स्वीकार शेस्ताड.”
इंगोगोरकी अडखळन आय्येतोरकी इशारा
6येशुड मुंदारकी आन्या, “पण यवाडाना ना मिंदा विश्वास फेटेतोन इ शिन्नावोरलोन वगान पाप शेशेदेंक आंचताड वान गोंतुला इसरायदी फेद्दा राय कट्टी वान समुद्रला लोत नेळाला मुंचेशेद इदी वान इचांग शिंगार उंडाद. 7अडखळन इचांग दुन्याम मिंदा धिक्कार! तरी इल्ला काही माटलु आय्यीच, पण या मंदी इ अडखळनकी कारण उंड्यार वारकी शेंगेम नुकसान आय्यी. 8जर मिद शेय लेकाते काल मिमलान पाप शेशेदेंक आंचते तर आदी कोशेशी फेकेस काडना. रोंड शेईल इंगा रोंड काळलु उंडी यप्पुडुच आराक फोई इल्लोन आग्गीला मिमलान येशे काना लुळ्योड इंगा लंगड्योड आय्यी सार्वकालिक जीवनला फोयेद इदी शेंगेम बागा आय्यी. 9जर मी कन्नु मिमलान पाप शेशेदेंक आंस्ते तर आदी तिशी फेकेस काडना येनटीक की वगा कन्नु उंडी जर मिक सार्वकालिक जीवन शिकते तर आदी शेंगेम बागा उंडाद. रोंडु कंडला जताक मीर नरकलोंग फोवा काना आदी शेंगेम बागा उंडाद.
भटकाशीने मेंढऱ्याद दृष्टांत
येशुड मुंदारकी आन्या, 10सावधान उंडना. इ शिन्ना बिळ्ळा लोन्केल यवारनी कमी समजायाकुंडा येनटीक की निन मिक शपतान की, इर दुतलु स्वर्गला नेहमी ना स्वर्गीय परमेश्वर आब्बान उपस्थितीला निलस्तार. 11इंगा, यवार फाम फोयनार वारनी ताराशेदेंक मनशी कोडकु वच्चीनाड.” 12जर वगा मनशी देगार नुर मेंढऱ्याल उंडाय इंगा दांटल्योंदी वगा मेंढऱ्या फाम फोया तर वाड नव्यान्नव मेंढऱ्यालनी कोंडा मिंदा इडस्काडी इंगा आ फाम फोयने वगा मेंढऱ्यान फुडकेदेंक फोई का लेद? 13इंगा जर आ मनशीक फाम फोयनेद मेंढऱ्या शिकते तर वान देगार उंडीने नव्यान्नव मेंढऱ्याल आनंद काना आ वगादान इचांग वानकी शेंगेम आनंद आय्यी. इल्ला निन मिक खरेम शपतान, 14आल्ले, मी आब्बाड यवार स्वर्गला उंडाड वानदी इल्ला इच्छा लेद की इ शिन्नावोरला वगारदी पण नाश कावाला.
पाप शेशेतोन जताक यल्ला वागायला
15 जर नी विश्वासी तम्मुड नी जताक बागा वागायाड, तर फो इंगा वानकी नी मिंदा येम अन्याय आयनाद आदी वक्कान्के फोई शप. जर वाड नीद इन्या तर वाड नीक तम्मुड आंका वापस शिक्कीनाड. 16पण जर वाड नीद इनाकुंटे तर वगान लेकाते इद्दारनी नी जताक तिस्को, येनटीक की मोशेन नियमशास्त्र लेका येम पण आयनाद दान बद्दल साक्ष इच्चेदेंक इद्दार लेकाते मुग्गुर मंदी आंदु उंड्यार,#अनुवाद 19:15. 17जर आ मनशी मंदीद पण इनाक फो तर मंडळीक इदी माटा शप. जर आ मनशी मंडळीद पण इनाक फो, तर वान जताक आल्ले व्यवहार शेयना यल्ला मीर यहुदी लेनोर इंगा जकातदारला जताक शेस्तार. 18निन मिक खरेम शपतान, येम पण मीर पृथ्वी मिंदा कट्ट्यार आदी स्वर्गला कट्टेदेंक वच्ची. इंगा येम पण पृथ्वी मिंदा इडशार आदी स्वर्गला इडशेदेंक वच्ची.#योहान 20:21-23.
वगातळा वच्ची शेशेद प्रार्थना
19येशुड मुंदारकी आन्या, इंगा निन मिक खरेम शपतान की, जर पृथ्वी मिंदा मी दिंटल्योन्टोर इद्दार यादु पण माटा इचांग वगातळा वच्ची दानीचांग एकजुट आय्यी विनंती शेशार तर आदी. ना स्वर्गलोन परमेश्वर आब्बान तीकेल वार इचांग शेशेदेंक वच्ची; 20येनटीक की यंदु इद्दार लेकाते मुग्गुर ना फेरता वगातळा उंड्यार आंदु वार नडमा निन उंटान.
बेईमान नोकरदी दृष्टांत
21यंकसार पेत्रड वच्ची येशुन आडग्या, “प्रभु, जर यवाडाना ना मिंदा अन्याय शेस्केन उंटे तर निन वान यन्नी तुकुल माफ शेयदुन? निन वान योड तुकुल माफ शेयदुन येम?” 22येशुड उत्तर इच्या, “निन नीक शपतान, फक्त योड तुकुले लेद तर वाड नी मिंदा योड गुणेला सत्तर तुकुल#18:22 योड गुणेला सत्तर तुकुल नेहमी अन्याय शेस्ते तरी नु वान माफ शेस्केन उंड.” 23दिनिचांग की स्वर्ग राज्यद बराबरी आ राजान जताक शेशेदेंक वच्ची. यवार मना नोकर तीकेल हिसाब बरोबर शेशेद विचार शेशीन्या. 24यप्पुड वाड दुडलु जमा शेशेदेंक सुरुवात शेशा, आप्पुड वगाड दुडलु इच्चेतोड यवान तीकुड दहा हजार बंगार कलदारलाद #18:24 दहा हजार बंगार कलदारलादआंटे 'तालंट'; वगा कलदार किंमत इदी 15 यंडलाद पगार उंटाद. कर्ज उंड्या वान राजान तीकुड यकोचीर. 25आ नोकर देगार राजानी दुडलु वापस इच्चेदेंक येमीच लेकुंड्या, आप्पुड राजाड आज्ञा इच्या की वान, वान वडतीन, वान बिळ्ळान इंगा येम पण वान देगार उंडाद आदी आंता आम्माला, इंगा याय दुडलु वच्ची आटलाता कर्जद परतफेड कावाला. 26पण आ नोकर काळलु मोक्की, गिडगिडाशी राजान आन्या, नाक रव्वा वेळ इ, नाक यन्नी दुडलु नीक इच्चेद उंडाद आन्नी निन निक वापस इस्तान. 27राजाक आ नोकर मिंदा दया वच्या, आंका वाड आ नोकरदी आंता कर्ज माफ शेशा इंगा वान इडस्काड्या. 28मंग आ नोकर वगानकी नुर यंडी कलदारलु #18:28 यंडी कलदारलु आंटे दीनार; वगा कलदार किंमत वगा नाडदी पगार उंडाद. इच्चीन्या आ इंगोगो नोकर पहिला नोकरनी भेटाशा. पहिला नोकर दुसरा नोकरदी गोंतु फट्या इंगा वाड वान आन्या, निन निक याय दुडलु इच्चीन्टीन आय आन्नी दुडलु नाक इप्पुडदे इप्पुड इ. 29पण इंगोगो नोकर मोकाळ टेकाशी गिडगिडाशी वान आन्या, नाक रव्वा वेळ इ, यन्नी पण दुडलु नाक निक इच्चेद उंडाद आय निन निक वापस इस्तान. 30पण पहिला नोकर इंगोगो नोकरनी समजाशी तिस्कुनाक फो. उलटा वाड फोया इंगा वाड वान तुरुंगला येशा. आंदु वानकी वानदी कर्ज फिटाशी नंताक निलवाबेक आयतुन्या. 31घडाशिनेद इदी आंता यप्पुड बाकीचे नोकरलु सुशीर आप्पुड वारकी शेंगेम वाईट वाटाशा, आप्पुड वार फोईर इंगा येम पण घडाशा आदी आंता राजानकी शप्पीर. 32आप्पुड पहिला नोकरनी राजाड फिलच्या इंगा वाड वान आन्या, “अरे दुष्टा, नु नाय येन्नीतरी दुडलु इच्चेतोड उंटी, पण निन निन्नु माफ शेयाला आंका नु नाय काळलु मोक्की गिडगिडास्ती आप्पुड निन नीद आंता कर्ज माफ शेस्तीन. 33दिनिचांग नु पण नी जताक उंडीने इंगोगो नोकर मिंदा आल्ले दया शेयाबेक उंटी यल्ला निन नी मिंदा शेशीन्टीन?” 34राजाक शेंगेम शिट्टु वच्या, दंड आंका राजाड पहिला नोकरनी तुरुंगला येशा इंगा वाड आंता कर्ज फेडाशी नंताक वान तुरुंग लोन्केल इडवालेद.
35 “यल्ला इ राजाड शेशा आल्ले ना स्वर्गलोन परमेश्वर आब्बाड मिद शेशी. मीर मी तम्मुळ्ळान पुर्ण मनता माफ शेयाक फोयतीर की मी स्वर्गलोन आब्बाड पण मिमलान माफ शेयाक फोई.”
Currently Selected:
MAT 18: WNT
Highlight
Share
Compare
Copy
Want to have your highlights saved across all your devices? Sign up or sign in
